همس القصيد

‏للبيع قلب عيبه أبيض وطيّب ‏وانه كتوم ولا يبيّن بلاويه ‏الي يبيه … يسوم وأنا قريّب ‏لكن بشرط … القلب كلّه بما فيه ‏مما جرا له من همومٍ مشيّب ‏به نص عمر إذا لقا من يداويه ‏⁧

الرفقه اللي من زمان وقديمه ‏اشوفها في تالي الوقت خفت ‏يمكن سببها من هروج النميمه ‏ولا عقول الطيبين استخفت ‏حنا نوايانا نظاف وسليمه ‏لا شك بعض اصحابنا اليوم لفت ‏قامت تدور للخطاء والظليمه ‏وتشك في كل الكلام وتلفت ‏اليا ضعف راي الرجل والعزيمه ‏عنه المراجل والمناعير قفت