Sof.uz | Соф хабарлар

Йил охиригача озиқ-овқат маҳсулотлари бўйича импорт божларидан имтиёз берилади Президент раислигида озиқ-овқат маҳсулотларини кўпайтириш, баҳорги экин мавсумини самарали ташкил этиш бўйича асосий вазифалар муҳокамаси юзасидан видеоселектор йиғилиши бўлиб ўтмоқда. Батафсил: https://sof.uz/sac Энг сўнгги хабарларга обуна бўлинг: 👉 @sofuzb

Саудия Арабистони ва БАА Маскнинг SpaceX компаниясига сармоя киритиш режаларини эълон қилди Саудия Арабистони ва Бирлашган Араб Амирликлари (БАА) америкалик тадбиркор Илон Маскнинг SpaceX хусусий космик компаниясига сармоя киритиш режаларини маълум қилди, деб ёзади The Information манбаларга таяниб. Нашрнинг ёзишича, Саудия Арабистони инвестиция жамғармасининг шўба корхонаси ва Абу-Даби сармоя компанияси SpaceXга сармоя киритмоқчи. Гап Саудия суверен жамғармаси Public Investment Fund (PIF)га тегишли бўлган Badael, шунингдек, Амирликнинг Alpha Dhabi фирмаси ҳақида кетмоқда. Аввалроқ Украинанинг Starlink IT компанияси Илон Маскни ушбу номдан фойдаланиш ҳуқуқи учун судга берган эди. Starlink алоқа сунъий йўлдош юлдуз туркумига эга бўлган SpaceX корпорацияси Украина товар белгисини муддатидан олдин тугатишни талаб қилди. Энг сўнгги хабарларга обуна бўлинг: 👉 @sofuzb

Февраль ойида 112 та “Onix” автомобили ишлаб чиқарилган Статистика агентлиги маълумотларига кўра, автомобил ишлаб чиқариш саноатида 2023 йилнинг февраль ойида ишлаб чиқарилган енгил автомобиллар сони: — “Cobalt” - 7 673 дона — “Damas” - 6 149 дона — “Lacetti-Gentra” - 5 174 дона — "Tracker" - 1 087 дона — “Nexia T-250” - 467 дона — “Onix” - 112 дона — Махсус енгил автомобиллар - 2 057 дона Энг сўнгги хабарларга обуна бўлинг: 👉 @sofuzb

G7 давлатлари Россия олмослари импортига қарши кураша бошлайди Катта еттилик мамлакатлари заргарлик компанияларини олмосларнинг келиб чиқиши ҳақида ҳисобот беришга ва улар Россияда қазиб олинмаганлигини исботлашга мажбур қилиши мумкин. Рапапорт саноат агентлиги АҚШнинг заргарлар ҳушёрлиги қўмитасига таяниб, Россия қимматбаҳо тошлари импортига қарши кураш бошлангани ҳақида хабар берди. G7 давлатларининг навбатдаги саммитида Россия олмослари савдосига чекловлар киритилиши мумкин. Компаниялар қимматбаҳо тошларнинг келиб чиқишини эълон қилишлари керак бўлади, деди АҚШ Санкцияларни мувофиқлаштириш бошқармаси раҳбари Жеймс Ў'Браен. Бундай чора-тадбирлар дунёдаги энг йирик олмос қазиб олувчи Россиянинг Алроса компаниясининг даромадларини чеклашга қаратилган. Катта еттилик давлатлари олаётган маблағлар махсус операцияни молиялаштириш учун ишлатилиши мумкинлигидан хавфсирамоқда. Энг сўнгги хабарларга обуна бўлинг: 👉 @sofuzb

Молдова Россия газига чегирма талаб қилди Кишинёвга етказиб берилаётган Россия газининг нархи мамлакат Европада ёқилғи сотиб оладиган нархга деярли тенг, деди Молдова Энергетика вазирлиги раҳбари Виктор Парликов. Шу боис Молдова ҳукумати “Газпром”дан етказиб бериш шартларини ўзгартирмоқчи, деб ёзади “ТАСС”. "Биз Днестрнинг ўнг қирғоғи учун "Газпром" дан газ сотиб олиш имкониятини рад этмаймиз, аммо бунинг учун Россия газ холдингидан янада оқилона нархлар талаб қилинади. Айни пайтда нарх "Энергокома" (Европадан газ сотиб олувчи давлат компанияси) таклифларидан унчалик фарқ қилмайди, деди Парликов. Вазирнинг қўшимча қилишича, Молдова ҳукумати “Молдовагаз” миллий компаниясининг "Энергокома"ёқилғи сотиб олишидан манфаатдор ва “Газпром” томонидан етказиб бериладиган энергия Днестрянı ҳудудига йўналтирилган. Энг сўнгги хабарларга обуна бўлинг: 👉 @sofuzb

Ўзбекистон февраль ойида Швейцариядан 1 та самолёт сотиб олган Ўзбекистон Республикаси Президенти ҳузуридаги Статистика агентлиги маълумотларига кўра, Ўзбекистон 2023 йилнинг январь-февраль ойларида хориждан қиймати 719,6 млн AҚШ долларига тенг бўлган 14 та самолёт импорт қилган. 2023 йилнинг январь-февраль ойларида Ўзбекистон самолёт импорт қилган давлатлар: — Германия – 6 та (421,7 млн) — Литва – 4 та (66,7 млн) — Швейцария – 1 та (86,5 млн) — Франция – 1 та (64,3 млн) — Сингапур – 1 та (61,6 млн) — Буюк Британия – 1 та (18,8 млн АҚШ доллари) Энг сўнгги хабарларга обуна бўлинг: 👉 @sofuzb

Европа Комиссияси: Red Bull Европа Иттифоқининг монополияга қарши қонунчилигини бузди Еврокомиссия (ЕК) Австриянинг энергетик ичимликлар ишлаб чиқарувчи Red Bull компаниясини Европанинг монополияга қарши қонунчилигини бузганликда ва ноқонуний тил бириктирганликда гумон қилмоқда, корпорация офисида тинтув ўтказилди, дея хабар беради ТАSS. Австрия матбуот агентлиги хабарига кўра, душанба куни компания офисида Европа субъектлари вакиллари Австрия рақобат федерал агентлиги ходимлари иштирокида тинтув ўтказган. Сешанба куни Еврокомиссия Red Bull компаниясига нисбатан расмий текширув бошлади. Корпорациянинг ўзи тинтув фактини тасдиқлади ва қўшимча изоҳ беришдан бош тортди. Red Bull турли спорт турлари бўйича мусобақаларнинг ҳомийси ва ташкилотчиси сифатида танилган. Унинг штаб-квартираси Австриянинг Фушль-на-Зе шаҳрида (Зальцбург Федерал штати) жойлашган. Энг сўнгги хабарларга обуна бўлинг: 👉 @sofuzb

Ўзбекистон ташқи савдо айланмасидаги ТОП: 10 давлатлар Статистика агентлигининг дастлабки маълумотларига кўра, 2023 йилнинг январь-февраль ойларида Ўзбекистон Республикаси ташқи савдо айланмасида юқори улушга эга бўлган ҳамкор давлатлар (АҚШ долларида): — Россия – 1,4 млрд — Хитой – 1,3 млрд — Қозоғистон – 699 млн — Германия – 573 млн — Туркия – 548 млн — Корея – 308 млн — Қирғиз Р. – 167 млн — Литва – 161 млн — Франция – 152 млн — Швейцария – 131 млн Энг сўнгги хабарларга обуна бўлинг: 👉 @sofuzb

Халқаро валюта жамғармаси Украина билан 15,6 миллиард долларлик кредит дастури бўйича келишувга эришди Халқаро валюта жамғармаси (ХВЖ) Украина билан тўрт йилга мўлжалланган 15,6 миллиард долларлик кредит дастури бўйича келишувга эришди. "Риа Новости" хабарига кўра, ХВЖ ва Украина ходимлар даражасида "15,6 миллиард долларга эга бўлган тўрт йиллик қўллаб-қувватлаш дастури" бўйича келишиб олди. Қайд этилишича, қарор фонд кенгаши томонидан тасдиқланиши керак. У яқин ҳафталарда ўз позициясини эълон қилади. Энг сўнгги хабарларга обуна бўлинг: 👉 @sofuzb

Энг кўп “Damas” автомобили ишлаб чиқарилган Статистика агентлиги маълумотларига кўра, автомобил ишлаб чиқариш саноатида 2023 йилнинг январь-февраль ойларида ишлаб чиқарилган енгил автомобиллар сони: — “Cobalt” - 7 673 дона — “Lacetti-Gentra” - 5 174 дона — “Damas” - 9 436 дона — “Nexia T-250” - 467 дона — "Tracker" - 1 087 дона — “Onix” - 112 дона — Махсус енгил автомобиллар - 3 755 дона Энг сўнгги хабарларга обуна бўлинг: 👉 @sofuzb

Путин халқаро савдода Хитой юанидан фойдаланмоқчи Россия халқаро савдода Хитой юанидан фойдаланиш ғоясини қўллаб-қувватлайди. Бу ҳақда президент Владимир Путин Хитой раҳбари Си Цзиньпин билан учрашувда маълум қилди, деб ёзади “ТАСС”. Энди Россия ва Хитой ўртасидаги савдонинг учдан икки қисми рубл ва юанда амалга оширилади. Бу амалиётни янада рағбатлантириш ва дўст мамлакатлар бозорларида молия ва банк тузилмаларининг ўзаро иштирокини кенгайтириш зарур, деди Путин. Бошқа давлатлар билан савдода миллий валюталардан фойдаланиш янада ривожланади. Юан Россиядан Осиё, Африка ва Лотин Америкаси мамлакатларига етказиб беришдаги тўлов учун ишлатилиши мумкин, дея қўшимча қилди президент. Энг сўнгги хабарларга обуна бўлинг: 👉 @sofuzb

АҚШ ва Буюк Британия рекорд даражадаги савдо камомадига эришди Америка Қўшма Штатлари ва Буюк Британия ўтган йили мос равишда 1,18 триллион ва 290,4 миллиард долларлик рекорд даражадаги савдо камомадини қайд этиб, йирик иқтисодий натижалар орасида бу кўрсаткич бўйича етакчи бўлишди. Бу ҳақда “РИА Новости” миллий статистика хизматлари маълумотларига таяниб хабар бермоқда. Қайд этилишича, 2022 йил якуни бўйича рекорд кўрсаткичлар ҳам Ҳиндистонда бўлган. Ўтган йил давомида мамлакат ўзининг савдо балансидаги дефицитни икки баробарга – 268,3 миллиард долларгача оширди. Тўртинчи ўринни Франция эгаллади, унинг йил давомида савдо баланси 171,7 миллиард долларга кўтарилди. Кейинги ўринда савдо баланси деярли ўн баравар ошиб, 150,5 миллиард долларга етган Япония турибди. РИА Новости маълумотларига кўра, савдо дефицитининг ўсиши бўйича мутлақ етакчи Полша бўлиб, бу кўрсаткич 52,5 бараварга ошиб, 21 миллиард долларга етди. Энг сўнгги хабарларга обуна бўлинг: 👉 @sofuzb

Қайси ҳудудларда фаолият юритаётган кичик тадбиркорлик субъектлари сони кўпроқ? Статистика агентлиги маълумотларига кўра, Ўзбекистонда 2023 йилнинг 1 март ҳолатига фаолият кўрсатаётган тадбиркорлик субъектлари сони (фермер ва деҳқон хўжаликларисиз) 432 607 тани ташкил этган. Фаолият кўрсатаётган кичик тадбиркорлик субъектлари сони энг кўп ҳудудлар: • Тошкент шаҳрида – 83 104 та • Самарқанд вилоятида – 39 312 та • Тошкент вилоятида – 38 146 та • Фарғона вилоятида – 35 312 та • Қашқадарё вилоятида – 32 896 та • Андижон вилоятида – 31 104 та Иқтисодий фаолият турлари бўйича кичик тадбиркорлик субъектлари сони: • савдо соҳасида – 155 305 та • саноат соҳасида – 77 068 та • қишлоқ, ўрмон ва балиқчилик хўжалиги соҳасида – 41 185 та • қурилиш соҳасида – 36 929 та • яшаш ва овқатланиш бўйича хизматлар соҳасида – 29 039 та Энг сўнгги хабарларга обуна бўлинг: 👉 @sofuzb

Россия Хитойга нефть етказиб беришда Саудия Арабистонини ортда қолдирди 2023 йил бошидан бери Россия Хитойга нефть етказиб бериш бўйича Саудия Арабистонини ортда қолдирди. Бу ҳақда Reuters агентлиги Хитой бош божхона бошқармасига таяниб хабар берди. Ўтган йилнинг шу даврига нисбатан Россия мамлакатга ёқилғи экспортини 23,8 фоизга оширди. Икки ой ичида етказиб бериш 15,68 миллион тоннага ёки кунига 1,94 миллион баррелгача кўтарилди. Шу вақт ичида Саудия Арабистонидан юк ташиш ҳажми кунига 1,81 миллион баррелдан 1,72 миллион баррелгача камайди. Хитойнинг Россия хом ашёсини кўпроқ сотиб олишни бошлаганининг сабаби, Москвани нефтни чуқур чегирмаларда сотишга мажбур қилган энергия манбаларига нисбатан санкциялардир. Натижада Шандун провинциясидаги Хитойнинг хусусий нефтни қайта ишлаш заводлари Россиянинг ESPO маркали нефтини январ ойида Брент маркасига нисбатан 8 долларга чегирма билан сотиб олди. Энг сўнгги хабарларга обуна бўлинг: 👉 @sofuzb

2 ойда нечта турист келган? Статистика агентлиги маълумотларига кўра, 2023 йилнинг январь-февраль ойларида 871 минг нафар чет эл фуқаролари Ўзбекистонга ташриф буюрган. Бу ўтган йилнинг мос даври билан солиштирилганда 544,4 минг нафарга ёки 2,7 бараварга ошган. 2 ойда энг кўп қайси давлат фуқаролари туристик мақсадда ташриф буюрган? — Тожикистон – 289,2 минг нафар — Қозоғистон – 241,4 минг нафар — Қирғиз Р. – 211,2 минг нафар — Россия – 81 минг нафар — Туркия – 13,4 минг нафар — Туркманистон – 4,8 минг нафар — Корея – 4,4 минг нафар — Ҳиндистон – 2,4 минг нафар — Украина – 1,7 минг нафар — Озарбайжон– 1,7 минг нафар — Беларусь Р. – 1,6 минг нафар — Хитой – 1,6 минг нафар — АҚШ – 1,4 минг нафар — Германия – 1,3 минг нафар — Буюк Британия – 0,9 минг нафар — Франция – 0,8 минг нафар — Италия – 0,7 минг нафар — Япония – 0,7 минг нафар — Исроил – 0,6 минг нафар — Грузия – 0,6 минг нафар Энг сўнгги хабарларга обуна бўлинг: 👉 @sofuzb

Европа автомобиль бозори кескин ўсди Европанинг янги енгил автомобиллари бозори кетма-кет еттинчи ойда ўтган йилга нисбатан юқори ишлашда давом этди ва 2023 йил февраль ойида 11,5 фоизни ташкил этди. Бу ҳақда Европа автомобиль ишлаб чиқарувчилари уюшмаси (АCEА) ўз ҳисоботида маълум қилди. Янги автомобиллар савдоси Руминияда (44,5 фоизга) ва Португалияда (38,4 фоизга) энг кўп ўсди, минтақанинг энг йирик автомобил бозорлари қаторида Испания ва Италияда эса мос равишда 19,2 ва 17,4 фоизга сезиларли ўсиш кузатилди. Бироқ, АCEА таъкидлашича, бундай сезиларли сакраш, бошқа нарсалар қатори, таққослашнинг паст базаси билан боғлиқ. 2022 йил бошида саноатда чиплар танқислиги юзага келди, бу эса савдога таъсир қилди. Февраль ойида Европа Иттифоқи бозорида жами 802 763 дона, жорий йилнинг биринчи икки ойида жами 1,6 миллион дона янги автомобиль рўйхатга олинган. Энг сўнгги хабарларга обуна бўлинг: 👉 @sofuzb

Февралда Ўзбекистоннинг ташқи савдо айланмаси қарийб 4 млрд АҚШ долларига етган Статистика агентлигининг дастлабки маълумотларига кўра, 2023 йилнинг январь-февраль ойларида Ўзбекистоннинг ташқи савдо айланмаси 8,9 млрд АҚШ долларини ташкил этиб, 2022 йилнинг мос даврига нисбатан 176,4 млн АҚШ долларига ёки 2 фоизга ошган. 2 ойда Ўзбекистоннинг ташқи савдо айланмаси ҳажмида экспорт 3,2 млрд АҚШ доллари ва импорт 5,7 млрд. АҚШ долларини ташкил этган. Ўзбекистон 2023 йилнинг январь-февраль ойларида жаҳоннинг 155 та мамлакати билан савдо алоқаларини амалга оширган. Энг сўнгги хабарларга обуна бўлинг: 👉 @sofuzb

Молдова Миллий банки базавий ставкани йиллик 17 фоиздан 14 фоизга туширди Молдова Миллий банки(NVB) базавий ставкани 3 фоиз пунктга пасайтирди - йиллик 17 фоиздан 14 фоизгача, деб хабар қилди марказий банк матбуот хизмати. Регулятор ўз қарорини талабни рағбатлантириш зарурати, шунингдек, инфляциянинг секинлашиши билан изоҳлади. Маълумот ўрнида, Молдова Миллий банки 2022 йил декабрь ойида икки йил ичида биринчи марта базавий ставкани 21,5 фоиздан 20 фоизга туширди. 2020 йил ноябрь ойидан бошлаб базавий ставка 10 баравар ошди ва 2,65 фоиздан 21,5 фоизга ошди (2022 йил август ҳолатига кўра). 2021 йилнинг иккинчи ярмида Молдовада инфляциянинг тез ўсиши бошланди. 2022 йилда мамлакат истеъмол нархларининг 30 фоизга ўсиши 20 йил ичида рекорд даражада бўлди. Энг сўнгги хабарларга обуна бўлинг: 👉 @sofuzb

Швейцариянинг энг йирик банки акциялари Credit Suisse'ни сотиб олганидан кейин пастлаб кетди Швейцария биржаси маълумотларига кўра, 20 март, душанба кунги савдолар очилишида Швейцариянинг энг йирик банки UBS акциялари 16 фоизга арзонлашган. Бу пасайиш 2008 йил сентябридан бери энг юқори кўрсаткич бўлди. Пастки нуқтада, UBS қимматли қоғозларининг нархи ҳар бири 14,38 Швейцария франкига (15,51 доллар) тушди, аммо биржа очилишидан ярим соат ўтгач, котировкалар кўтарилди. Ёзиш вақтида акциялар ўзининг энг паст даражасидан кўтарилиб, 16,48 франкни (17,77 доллар) ташкил этди. Котировкаларнинг пасайиши ўтган ҳафтада қулаш арафасида турган Credit Suisse кредит ташкилотининг сотиб олиниши эълон қилинган пайтда юз берди. Битим шартларига кўра, Credit Suisse акциядорлари ўзларига тегишли бўлган ҳар 22,48 Credit Suisse акциялари учун битта UBS улушини оладилар, бу ҳар бир акция учун 0,76 Швейцария франкига тенг. Энг сўнгги хабарларга обуна бўлинг: 👉 @sofuzb

Ҳиндистон ҳукумати Россия бензинидан пул ишлашга қарор қилди Ҳиндистон ҳукумати ўтган йилнинг июл ойида жорий қилинган нефть маҳсулотлари экспортига солиқни узайтириш тўғрисида қарор қабул қилди, шу билан бирга нефть компаниялари учун ички бозорда ўз экспортининг 50 фоиз бензин ва 30 фоиз дизел ёқилғиси эквивалентини сотиш мажбуриятини қўшди. Бу ҳақда Reuters агентлиги ўз манбаларига таяниб хабар берди. Бундай қарорнинг сабаби хусусий нефтни қайта ишлаш заводлари операторлари томонидан арзон рус ёқилғисини фаол сотиб олишлари ва кейинчалик уни Европага анча юқори нархда қайта сотиш эди. Шу сабабли компаниялар ўз даромадларини сезиларли даражада ошириб, ички бозорга етарли миқдорда ёқилғи етказиб беришни тўхтатдилар. Натижада, давлат ишлаб чиқарувчилари даромадларини йўқота бошладилар, улар камомадни қоплашга мажбур бўлдилар. Янги қарор кучга киргандан сўнг хусусий компанияларнинг даромадлари бироз пасаяди, давлат корхоналари эса, аксинча, фойдани оширади. Энг сўнгги хабарларга обуна бўлинг: 👉 @sofuzb