Sof.uz | Соф хабарлар

Сўнгги йилларда қанча янги корхоналар ташкил этилган? Статистика агентлигининг дастлабки маълумотларига кўра, республикамизда 2023 йилнинг январь-август ойларида 62 523 та янги корхона ва ташкилотлар (фермер ва деҳқон хўжаликларисиз) ташкил этилган. Сўнгги йилларда янги ташкил этилган корхона ва ташкилотлар сони (январь-август ҳолатига): 2019 йилда – 68 654 та 2020 йилда – 62 745 та 2021 йилда – 69 805 та 2022 йилда – 63 542 та 2023 йилда – 62 523 та Энг сўнгги хабарларга обуна бўлинг:👉@sofuzb

Сўнгги олти йилда йўлларни қуриш ва таъмирлашга ажратилаётган маблағлар 3 карра ошди Президент ҳузурида йўл хўжалиги соҳасини ислоҳ қилиш бўйича долзарб масалалар юзасидан йиғилиш бўлиб ўтмоқда. Сўнгги олти йилда йўлларни қуриш ва таъмирлашга ажратилаётган маблағлар 3 карра ошди. Ўтган даврда Автомобиль йўллари қўмитаси таркибидаги корхоналарга 2 мингдан зиёд янги махсус техникалар харид қилинди. Бунинг ҳисобига 65 минг километр йўллар қурилди ва таъмирланди. Ўтган йилдан “Менинг йўлим” лойиҳаси ишга тушди ва илк бор аҳоли таклифлари асосида ички йўлларни қуриш ва таъмирлаш тизими жорий қилинди. Шу йилнинг ўзида 470 та маҳаллада ички йўлларни қуриш ва таъмирлаш ишларига 410 миллиард сўм йўналтирилди. 3 мингга яқин маҳалла йўлларига илк бор асфальт ётқизилди, яна 2 мингта маҳалладаги тупроқ йўллар шағал қопламага ўтказилди. Йўллар яхшиланиши ҳисобига маҳаллаларда минглаб янги тадбиркорлар иш бошлади, кўплаб корхоналар ишга тушди, ўн минглаб янги иш ўринлари яратилди. Энг сўнгги хабарларга обуна бўлинг:👉@sofuzb

АҚШ долларининг расмий курси яна кўтарилди Марказий банк хорижий валюталарнинг янгиланган расмий курслари тўғрисида маълумот берди. Унга кўра, АҚШ доллари, Россия рубли ва евронинг сўмга нисбатан қиймати яна ошган. — 1 АҚШ доллари — 12 180.00 (+16.47) сўм; — 1 Россия рубли — 128.67 (+2.40) сўм; — 1 Евро — 13 060.61 (+5.49) сўм. Энг сўнгги хабарларга обуна бўлинг:👉@sofuzb

Тадбиркорлик соҳасида жавобгарлик янада либераллаштирилади 2024 йил 1 январдан бошлаб: ➖биринчи марта жиноят содир этган шахсни, агар у суд маслаҳатхонага киргунига қадар солиқлар ва йиғимлар, шу жумладан, пенялар ва бошқа молиявий санкциялар тарзида давлатга етказилган зарарнинг ўрнини тўлиқ қопласа, жавобгарликдан озод қилиш; ➖тадбиркорлик субъектларига нисбатан қўзғатилган ҳар бир жиноят иши бўйича тергов ҳамда суд жараёнида тегишли мансабдор шахс жиноят иши материалларини иш юритувига қабул қилган вақтдан бошлаб тадбиркорни ҳимоя қилишга Бизнес-омбудсман, Савдо-саноат палатаси, шунингдек, тадбиркорлик субъекти аъзо ҳисобланган бошқа ташкилотни жамоат ҳимоячиси сифатида жалб этиши (хабар қилиш) тартиби жорий этилади. Энг сўнгги хабарларга обуна бўлинг: 👉 @sofuzb

Қайси ҳудудда аҳолининг уй-жой билан таъминланганлик даражаси юқори? Статистика агентлиги маълумотларига кўра, 2023 йил 1 январь ҳолатига республикамизда аҳолининг уй-жой билан таъминланганлик кўрсаткичи ҳар бир аҳолига умумий яшаш майдонидан ўртача 18,5 квадрат метрни ташкил этган. Бу кўрсаткич 2022 йилнинг мос даврига нисбатан 0,3 квадрат метрга ошган. Ҳудудлар кесимида аҳолининг уй-жой билан таъминланганлик даражаси: Қорақалпоғистон Р. – 17,1 кв. м. Андижон вилояти – 15,7 кв. м. Бухоро вилояти – 17,4 кв. м. Жиззах вилояти – 17,0 кв. м. Қашқадарё вилояти – 16,6 кв. м. Навоий вилояти – 24,0 кв. м. Наманган вилояти – 17,0 кв. м. Самарқанд вилояти – 19,4 кв. м. Сурхондарё вилояти – 13,7 кв. м. Сирдарё вилояти – 18,8 кв. м. Тошкент вилояти – 17,6 кв. м. Фарғона вилояти – 20,8 кв. м. Хоразм вилояти – 24,1 кв. м. Тошкент шаҳри – 22,8 кв. м. Энг сўнгги хабарларга обуна бўлинг: 👉 @sofuzb

Тадбиркорлик соҳасида жавобгарлик янада либераллаштирилади 2024 йил 1 январдан бошлаб: ➖биринчи марта жиноят содир этган шахсни, агар у суд маслаҳатхонага киргунига қадар солиқлар ва йиғимлар, шу жумладан, пенялар ва бошқа молиявий санкциялар тарзида давлатга етказилган зарарнинг ўрнини тўлиқ қопласа, жавобгарликдан озод қилиш; ➖тадбиркорлик субъектларига нисбатан қўзғатилган ҳар бир жиноят иши бўйича тергов ҳамда суд жараёнида тегишли мансабдор шахс жиноят иши материалларини иш юритувига қабул қилган вақтдан бошлаб тадбиркорни ҳимоя қилишга Бизнес-омбудсман, Савдо-саноат палатаси, шунингдек, тадбиркорлик субъекти аъзо ҳисобланган бошқа ташкилотни жамоат ҳимоячиси сифатида жалб этиши (хабар қилиш) тартиби жорий этилади. Энг сўнгги хабарларга обуна бўлинг:👉@sofuzb

ҚҚСни тўлиқ қайтариб бериш тизими кенгайтирилади 2024 йил 1 январдан бошлаб жисмоний ва юридик шахсларга қўшилган қиймат солиғини тўлиқ қайтариб бериш тизими кенгайтирилади; ➖хорижий туристларга – Ўзбекистон халқаро аэропортларида Ўзбекистон ҳудудида сотиб олинган ва “Tax free” тизими бўйича расмийлаштирилган маҳсулотлар учун; ➖тур-операторларга – хорижий контрагентлар билан шартномалар доирасида кўрсатилган экспорт хизматлари учун қўшилган қиймат солиғини тўлиқ қайтариб бериш йўлга қўйилади. Энг сўнгги хабарларга обуна бўлинг:👉@sofuzb

Сувни тежайдиган технологиялар учун 10 фоизли кредитлар ажратилади 2024 йил 1 январдан бошлаб республиканинг узоқ муддатли сув баланси прогнозини юритиш, жумладан, уни ҳар йили янгилаш ва сув ресурсларини тежаш дастурларини қабул қилиш амалиёти йўлга қўйилади. Қорақалпоғистон Республикаси ва Хоразм вилоятининг, кейинчалик эса, босқичма-босқич республиканинг барча ҳудудларининг қишлоқ хўжалиги маҳсулотлари етиштирувчиларига сувни тежайдиган технологияларни жорий қилиш учун кредитлар 10 фоиз ставкада (фоиз ставкаларини субсидиялаш ҳисобига) ажратилади. Энг сўнгги хабарларга обуна бўлинг:👉@sofuzb

Кўчмас мулк бозорида шартномалар сони кўпайди, ижара нархи эса ўсди Август ойида кўчмас мулк савдоси 12,8 фоизга ўсди, рўйхатга олинган олди-сотди битимлари сони 28 мингтани ташкил этди. Бу бир ой олдинги кўрсаткичга нисбатан деярли 3 мингтага кўп. Сўнгги икки ой ичида пойтахт уй-жой бозорида фаоллик нисбатан паст бўлсада ўсаётганини кўриш мумкин. Шундай қилиб, август ойида савдо ҳажми 10%га ошди ва 7,5 минг хонадонни ташкил этди. Пойтахтда квартирани ижарага олиш Учтепа (7,1 долл.), Сергели (6,7 долл) ва Бектемир (5,6 долл) туманларида энг мақбул нарх бўлиб қолмоқда. Иккиламчи кўчмас мулк бозорида биринчи марта йил бошида квартиралар нархининг пасайиши кузатилди. Август ойида уй-жойларнинг квадрат метри учун ўртача нарх 0,7 фоизга пасайган бўлса, ўтган йилга нисбатан иккиламчи уй-жойлар нархи 22 фоизга ошди. Ўтган йилнинг август ойига нисбатан Тошкент шаҳрида иккиламчи уй-жойларнинг ўртача нархи 31,6 фоизга ошган. Энг сўнгги хабарларга обуна бўлинг: 👉 @sofuzb

7 ойда 18,5 минг тонна совун ишлаб чиқарилган Статистика агентлигининг дастлабки маълумотларига кўра, Ўзбекистонда 2023 йилнинг январь-июль ойларида йирик корхоналар томонидан 18,5 минг тонна совун ишлаб чиқарилган. Совун ишлаб чиқариш ҳажми 2022 йилнинг мос даври билан солиштирилганда 2,7 мартага ошган. 2023 йилнинг июль ойида йирик корхоналар томонидан 124,5 тонна совун ишлаб чиқарилган. Энг сўнгги хабарларга обуна бўлинг: 👉 @sofuzb

Ўзбекистонда 8 ойда 627 196 нафар туғилиш қайд этилган Статистика агентлигининг дастлабки маълумотларига кўра, 2023 йилнинг январь-август ойларида ФҲДЁ органлари томонидан Ўзбекистон Республикасида 627 196 нафар тирик туғилиш ҳолатлари қайд этилган. Бу кўрсаткич ўтган йилнинг мос даврига нисбатан 37 696 нафар (6,4 %)га кўп. 2023 йилнинг 8 ойида туғилганларнинг 325 323 нафари ўғил болалар 301 873 нафари қиз болалар Энг сўнгги хабарларга обуна бўлинг: 👉 @sofuzb

Доллар, евро ҳамда рубл курслари кўтарилди Марказий банк хорижий валюталарнинг янгиланган расмий курслари тўғрисида маълумот берди. — 1 АҚШ доллари — 12 163.53 (+16.28) сўм; — 1 евро — 13 055.12 (+52.70) сўм; — 1 Россия рубли — 126.27 (+1.94) сўм. Энг сўнгги хабарларга обуна бўлинг: 👉 @sofuzb

Аҳоли учун электр нархи ҳам ошадими? Бу саволга энергетика вазири Жўрабек Мирзамаҳмудов жавоб берди. “Ҳозир эълон қилинган лойиҳада фақат юридик шахслар учун янги тарифлар белгиланиши назарда тутилган, лекин аҳоли учун нархлар ўзгартирилмаяпти. Аҳоли учун табақалаштирилган тарифларни белгилашдан олдин биз энг аввало узлуксиз электр энергияси етказиб беришни таъминлашимиз керак. Яъни нарх ошсаю, лекин яна электрда узилиш бўлаверса, аҳолининг ҳақли эътирозларига сабаб бўлади. Шу сабабли биз ҳозирда генерацияларни ошириш, тармоқларни модернизация қилиш ишларини жадаллаштиряпмиз. Агар узлуксиз электр етказиб беришни таъминлай олсакгина, аҳоли учун электр энергиясида табақалаштирилган тарифларни 2024 йилнинг 1 майидан жорий қилиш бўйича лойиҳани Ҳукуматга киритишни режалаштиряпмиз. Лекин бу айнан шу кундан нарх ошади, дегани эмас, ҳозирча барчаси лойиҳа холос. Табақалаштирилган тариф деганда белгиланган “ижтимоий норма”дан кўп электр истеъмол қилаётган, айтайлик уйида бассейни, саунаси, кўплаб маиший техникалари бор хонадонлар, яъни нисбий олганда бой ва ўзига тўқ хонадонлар учун нарх ошади, дегани. Ҳозир 85 фоиз аҳоли бир ойда 300 kW•соатгача электр истеъмол қиляпти. Лекин қолган 15 фоиз аҳоли ишлатаётган электр энергияси ҳажми мана шу 85 фоиз аҳолиникидан кўпроқ”, — деди энергетика вазири. Энг сўнгги хабарларга обуна бўлинг:👉@sofuzb

Ташиш ва сақлаш соҳасида нечта янги корхоналар очилган? Статистика агентлигининг дастлабки маълумотларига кўра, 2023 йилнинг январь-июль ойларида республикамизда ташиш ва сақлаш соҳасида 2 578 та корхоналар янги ташкил этилган. Ҳудудлар кесимида ташиш ва сақлаш соҳасида янги ташкил этилган корхоналар сони: Бухоро вилояти – 522 та Тошкент шаҳри – 486 та Хоразм вилояти – 235 та Фарғона вилояти – 224 та Қашқадарё вилояти – 183 та Самарқанд вилояти – 150 та Тошкент вилояти – 150 та Андижон вилояти – 128 та Наманган вилояти – 125 та Қорақалпоғистон Р. – 122 та Навоий вилояти – 108 та Сурхондарё вилояти – 68 та Жиззах вилояти – 44 та Сирдарё вилояти – 33 та Энг сўнгги хабарларга обуна бўлинг:👉@sofuzb

Халқаро фан олимпиадалари совриндорларига жами 2 млрд 686 млн сўм миқдорида пул мукофоти берилди Мактабгача ва мактаб таълими вазирлигининг хабар беришича, Мирзо Улуғбек номидаги ихтисослаштирилган мактабда 2022-2023 ўқув йили давомида нуфузли ва минтақавий халқаро фан олимпиадаларида ғолибликни қўлга киритган ўқувчилар ва уларнинг устозларини тақдирлаш маросими ўтказилган. Вазирликнинг эслатишича, жорий ўқув йилида Япония, Бирлашган Араб Амирликлари, Швецария, Венгрия давлатларида бўлиб ўтган нуфузли халқаро олимпиадаларда 2 та олтин, 1 та кумуш ва 10 та бронза, жами 13 та медаль қўлга киритилган. Бундан ташқари, ўқувчилар йил давомида турли минтақавий халқаро олимпиадаларда, жумладан, Халқаро Жаутиков олимпиадаси, Кавказ математика олимпиадаси, Осиё-Тинч океани минтақаси информатика олимпиадаси, Менделеев олимпиадаси ҳамда жорий йилда Хива шаҳрида бўлиб ўтган Абу Райҳон Беруний номидаги халқаро кимё олимпиадасида ҳам қатнашиб, 6 та олтин, 23 та кумуш ва 23 та бронза, жами 52 та медални қўлга киритган. Вазирлик, шунингдек, нуфузли халқаро олимпиадалар ғолибларига жами 1 млрд 89 млн сўм, ўқитувчиларига эса 875 млн сўм, бундан ташқари, минтақавий халқаро олимпиадалар ғолибларига 130 млн сўм, ўқитувчиларига эса 593 млн сўм, яъни барча совриндорлар ва уларнинг ўқитувчиларига 2 млрд 686 млн сўм миқдорида пул мукофотлари топширилганини қўшимча қилган. Маълумот учун, президентнинг 2019 йил 3 майдаги “Иқтидорли ёшларни аниқлаш ва юқори малакали кадрлар тайёрлашнинг узлуксиз тизимини ташкил этиш чора-тадбирлари тўғрисида”ги Қарорига мувофиқ Халқаро олимпиада ғолиблари ОТМларга имтиёз билан грант асосида ўқишга қабул қилиниб, кейинчалик таълим муассасаларида ўқитувчи бўлиб фаолият юритадиган тақдирда лавозим маошига 150 фоиз ҳар ойлик устама олади. Энг сўнгги хабарларга обуна бўлинг:👉@sofuzb

Газ нархини ошириш таклиф этилмоқда 2023 йилнинг 1 октябридан юридик шахслар учун электр энергияси ва табиий газ тарифларини ошириш таклиф этилмоқда Ўзбекистон  Республикаси Вазирлар Маҳкамасининг “Ёқилғи-энергетика соҳасида бозор механизмларини жорий этишнинг қўшимча чора-тадбирлари тўғрисида”ги қарори лойиҳаси муҳокамага қўйилди. Ҳужжат лойиҳасига кўра, 2023 йил 1 октябрдан бошлаб юридик шахслар учун электр энергияси ва табиий газ тарифларини ошириш таклиф этилмоқда. Хусусан, 1- ва 2-гуруҳдаги электр энергияси истеъмолчилари (ОКМК, НКМК, “Ўзметкомбинат” ва бюджет ташкилотлари)га ўзгаришсиз – 1 кВт⋅соат учун 1 000 сўмгача, қолган юридик шахслар учун 900 сўмгача (ҳозирги вақтда 450 сўм) деб белгиланиши мумкин. Табиий газ тарифлари эса ОКМК, НКМК, “Ўзметкомбинат” ва бюджет ташкилотларига ўзгаришсиз – 1 куб метр учун 1 800 сўмгача, бошқа ташкилотларга 1 500 сўмгача (ҳозирги вақтда 660 сўм) миқдорида белгилаш таклиф этилмоқда. Лойиҳада аҳоли учун ҳам электр энергияси, табиий ва суюлтирилган газ тарифлари ўзгаришсиз, амалдаги нархларда қолиши кўзда тутилган. Эслатиб ўтамиз, электр энергияси ва табиий газ учун тариф нархлари охирги маротаба 2019 йилнинг августида оширилган эди. Энг сўнгги хабарларга обуна бўлинг:👉@sofuzb

Президент раислигидаги видеоселектор йиғилиши бошланди Президент раислигида саноат корхоналари барқарор ишлаши учун тармоқ ва ҳудудларда амалга оширилаётган ишлар муҳокамасига бағишланган видеоселектор йиғилиши бошланди. Глобал ишлаб чиқариш ва транспорт-логистикадаги узилишлар, ҳамкор давлатлардаги инфляция саноат ишлаб чиқариш ва экспорт бўйича режаларни хавф остида қолдираётгани таъкидланди. Бундай шароитда ҳар бир ҳоким ва тармоқ раҳбари маҳсулотлар ҳажмини ошириш ва экспортга янги бозорларни топиш учун ҳар куни бош қотириб, қаттиқ ишлаши зарурлиги кўрсатиб ўтилди. Қайси вилоят, туман ҳокими ўзи корхоналар билан ишлаб, муаммосига ёрдам бериб, ҳаракат қилаётган бўлса, ўзгариш бўлаётгани қайд этилди. Президент йиғилишда ўтган етти ойда юртимизда саноат маҳсулотлари ҳажми 5,7 фоизга ўсиб, 345 триллион сўмга етганини таъкидлади. Бу кўрсаткич электротехника саноатида 46 фоизни, енгил автомобиллар ишлаб чиқаришда 16 фоиз, қурилиш материалларида 12 фоиз, тайёр кийим-кечак ишлаб чиқаришда 11 фоизни ташкил қилиб, юқори суръатларда ўсди. Мисол учун, мисни қайта ишлаш 30 фоизга ва юқори қўшилган қийматли маиший техникалар ҳажми 36 фоизга ошиши ҳисобига жами 12,5 триллион сўмлик электротехника маҳсулотлари ишлаб чиқарилди. Уларнинг экспорти 25 фоизга кўпайиб, 550 миллион доллардан ошди. Энг сўнгги хабарларга обуна бўлинг:👉@sofuzb

Самарқанд форумида 1,88 миллиард долларлик ҳужжатлар имзоланган Самарқанд шаҳридаги Буюк Ипак йўли туризм марказида бўлиб ўтаётган БМТ Озиқ-овқат хавфсизлигига бағишланган халқаро конференция доирасида 1,88 миллиард долларлик ҳужжатлар имзоланган. Энг сўнгги хабарларга обуна бўлинг:👉@sofuzb

АҚШ долларининг расмий курси яна кўтарилди Марказий банк хорижий валюталарнинг янгиланган расмий курслари тўғрисида маълумот берди. Унга кўра, АҚШ доллари ва Россия рублининг сўмга нисбатан қиймати ошган, еврода эса аксинча ҳолат қайд этилган. — 1 АҚШ доллари — 12 147.25 (+10.09) сўм; — 1 Россия рубли — 124.33 (+1.09) сўм; — 1 евро — 13 002.42 (-1.33) сўм. Энг сўнгги хабарларга обуна бўлинг:👉@sofuzb

Бироздан сўнг президент Шавкат Мирзиёев раислигида тармоқ ва ҳудудларда саноат маҳсулотлари ишлаб чиқаришни ошириш бўйича мавжуд имкониятлар ва янги захираларни сафарбар этишга қаратилган устувор вазифалар юзасидан видеоселектор йиғилиши бошланади. Энг сўнгги хабарларга обуна бўлинг:👉@sofuzb