زلیمخان دونیاسی

. گئجه بیرین یاریسی‌دیر، نه دونن‌دی ، نه صاباح ! ایکی گونون آراسیندا ، جانیم سیخیلیر آلله ! اولدوزلاردان یوخاریسان، قورخورام کی ییخیلاسان، سن ده بیراز یوخولوسان، من ده یوخولو آلله ! دوشوب ، اِئو_اِئو ، کوچه _ کوچه دونیانی گزیر عجل ، بوتون اوُلن‌لر بو گئجه _ سندن چیخیلیر آلله ! دوغولان سنه وورولور ، سن وئرن دینه وورولور ، بیر اولان مینه وورولور _ بنده‌ن چوخالیر آلله ! نه قده‌ر کی گوُی اوزو وار ، گوُیده هامینین گوُزو وار ، سن ده باخ، بلکه نه‌سه وار ؟! سندن یوخاری آلله ... ! #رامیز_روشن 💫🍥🎁 @ZElKH 🎁🍥💫

رامیز روُوشن 💫🍥🎁 @ZElKH 🎁🍥💫

آشیق ووقار مازان‌اوف دده عدالتین شاگیردی اولاراق ائله گرک ده بئله گوزل چالیب اوخویا قاراچی هاواسین موُحتشم بیر قاراچی هاواسی اوستاد دده عدالتین حضوروندا 💫🍥🎁 @ZElKH 🎁🍥💫

. مرد‌لرین ایچین‌دن سِئچین نامردی، ایلقارسیزدی، گئدیب ائله قاریشار ! کوُکوندن چیخاردین قارا تیکانی _ حاییف‌دی عطیرلی گوله قاریشار ! آلچاق آدام قاریشدیرار آرانی ، بایقوش دا عادت‌دیر سئور ویرانی اودون سایما قاراغانی ، تورانی _ یاندیرسان کوُز اولماز ، کوله قاریشار ! آغاج بللی اولار یاخشی باریندان ، ایگیدلر سئچیلر دوز ایلقاریندان ، "عبدالله" اِئو تیکمه قیشین قاریندان ، یازدا گون اَریدَر سئله قاریشار ! 💫🍥🎁 @ZElKH 🎁🍥💫

. کوُهنه داخمامیزین کونجو_بوجاغی ننه‌مین اَته‌یی، ایستی قوجاغی، اوچولوب داغیلمیش آتا اوجاغی _ یئنه یادا دوشدو بو آخشام_آخشام! توستویه تامارزی قالان باجام دا ، "ننه‌ن قوربان" دئیه‌ن یازیق قوجام دا بوینوما ساریلان کوُرپه باجیم دا _ یئنه یادا دوشدو بو آخشام _ آخشام ! بو دونیانین دردی چوخدو سینم‌ده خوش گونلریم او واخت قالدی ، او دم‌ده آلله هله باجیم قیزی صنم ده _ یئنه یادا دوشدو بو آخشام _ آخشام ! آرخامجا آغلایان لئیسان یاغیشلار، باش آلیب گئتدیییم یول‌لار _ یوخوش‌لار چپردن بویلانیب باخان باخیش‌لار _ یئنه یادا دوشدو بو آخشام _ آخشام ! "زاهید" بیلمم ندن کوسوم، اینجیییم، چوخدان یوخدو بو دونیادا دینجیلیییم کندیمیزده ایتیب قالان گنج‌لیییم، یئنه یادا دوشدو بو آخشام _ آخشام! 💫🍥🎁 @ZElKH 🎁🍥💫

. منی سوروشسالار آدیمی دئمه، ائله‌جه اورک‌دن "اوره‌ییم" دئه سن! سیزین آینه‌بندلی ائیوانا دوغرو _ اوره‌ییم آتلانار، اوره‌ییم دئسن ! جان دئدیم سن اولان هر آخشاما ، جان ! هئچ یوخو یاتارمی گوُر آخشام آجان ؟! کئفده‌سن سحردن دوز آخشاماجان _ یاخشی یئر تاپمیسان ، اوره‌ییمده‌، سن ! "ایمانام" هارایسیز ظولوم اونده‌یم، داغین کوُکسوم اوسته، ظولومون ده‌یَم من سنین دردینین ظولومونده‌یم _ سن منیم جانیمدا _ اوره‌ییمده‌سن !!! #قیلمان_ایمان 💫🍥🎁 @ZElKH 🎁🍥💫

آشیق عدالت نصیب‌اوف روحانی هاواسی سوُزلر: نوُورس ایمان آماندی گوُزلیم گل گوُروشک بیر قلبیمین آیناسی پارالانمامیش! بو هیجران خسته‌سی بیرده تزه‌دن آیریلیق اودوننان یارالانمامیش! 💫🍥🎁 @ZElKH 🎁🍥💫

💫🍥🎁 @ZElKH 🎁🍥💫

. ای نیگاریم جان گئدیب، زولفون‌له بیجان اولموشام! گوُرمه‌ییب زولفونده بیر آغ گون پریشان اولموشام! آیریلیق ذوُوقون، ووصال ذوُوقون‌نن اوستون بیلمیشم دوست اولوب دوشمانیما، دوستوم‌لا دوشمان اولموشام! یاد ائدیب لیلالاری، سینم‌ده مجنون‌لار گزر ، باغری گوُز یاشیله دویموش بیر بیابان اولموشام! ای حرامی هاردا گوُرسن قاچ جانین قورتار کی من، غم دیاریندان گلن کاروانا سربان اولموشام! جان دا یوخ، جانان دا یوخ، وصلت ده یوخ، هیجران دا یوخ، من یوخ اولماقدان قاچیب، یوخلوق‌چون عونوان اولموشام! گوُرمه‌دیم کیم گلدی ، کیم گئتدی توتوب قان گوُزلریم ، بیر گئدر گلمز گولون هجرینده گیریان اولموشام! من ده دونیا گوُرموشم، آزدیرما ای دونیا منی، چوخ مصیبت‌لر چکن‌نن سونرا اینسان اولموشام! ذوُوق آلیر نالم‌دن عالم ای فلک چرخین سینا، من گوناهکار، اوُزگه‌لر قلبینده ایمان اولموشام! دوشموشم گئن جننتیم‌نن عفو قیل یا رب منی، دهره آدم گلدیییم‌چون من پشیمان اولموشام! ای بلاکش‌لر سیزه همدرد اولان "عاریف" منم، حققی اعلام ائیلمک‌چون، من غزلخان اولموشام! #عاریف_بوزوونالی 💫🍥🎁 @ZElKH 🎁🍥💫

. اوُلوب او یئرلرده قالام دئییردیم، کاش اوندا اوُله‌یدیم آی ممد آصلان! آغ دابان کندینده کئچن عوُمرومو _ "شمشیر"له بوُله‌یدیم آی ممد آصلان! سیرداشی اولایدیم دومانین _ چَنین ، یارپاغین، تورپاغین، سونبولون ، دَنین، کوُوره‌لیب دولاندا گوللو ننه‌مین _ گوُز یاشین سیله‌یدیم آی ممد آصلان ! مینیب تاختادوزون کوُهلن آتینا ، اوچایدیم گوُی‌لرین یئددی قاتینا ، بال قاتیب قمبرین ظارافاتینا _ دانیشیب _ گوله‌یدیم آی ممد آصلان ! قوشا دیلله‌نه‌یدی قلم سازیم‌لا ، باش_باشا وئره‌یدی عالم سازیم‌لا، فرهاد کولونگوم‌له، کرم سازیم‌لا _ داغلاری دَله‌یدیم آی ممد آصلان ! بو دردی دوشونَن باش ، قالمایاجاق، قورویان گوُزلرده یاش قالمایاجاق، نه بیلیم داش اوسته داش قالمایاحاق ، من هاردان بیله‌یدیم آی ممد آصلان ! بیلیرم کوسکونسن سن ده دونیایا ، گوُر نه ظولوم وئریر بنده دونیایا ، کلبجر قاییدا ، من ده دونیایا _ یئنی‌دن گله‌یدیم آی ممد آصلان! #زلیمخان_یعقوب 💫🍥🎁 @ZElKH 🎁🍥💫

. من آلدانیب شیرین دیله گلمیشدیم، بو دونیانین اوزون گوُردوم، گئدیرم! دوغرو گزدیم تاپانمادیم بیریسین_ یالان‌لارین یوزون گوُردوم گئدیرم ! اوجاق‌لاردا کوله دوُنن کوُزلرده، آزادلیغین تامین دادان گوُزلرده، تبسسومه حسرت قالان اوزلرده، باخیشلارین بوزون گوُردوم گئدیرم! آرتیست کیمی گونده بیر جور رول‌لاردا ، جننت آرار شامان‌لاردا، فال‌لاردا ، عدالتین گله‌جه‌یی یول‌لاردا _ عدالت‌سیز ایزین گوُردوم گئدیرم ! "ایدریس"! سنه تله قوران آدامین، گوناهسیزا شیلله ووران آدامین ، ثروتین‌نن قالا قوران آدامین _ بوکولدویو بئزین گوُردوم گئدیرم ! #ایدریس_بابایئو 💫🍥🎁 @ZElKH 🎁🍥💫

. دئمه‌دیممی سنه آلدانما اونا؟! اولفتی داشلارا چالدی، گوُردونمو؟! بو دونیا وئردیگی او گوُزللیگی _ قایتاریب الیندن آلدی، گوُردونمو؟! میرواری دیشلرین بیر_بیر لاخلادی، آی اوزون، اوُزوندن لکه ساخلادی، غوُنجه دوداقلارین قایساق باغلادی _ لاله یاناقلارین سولدو گوُردونمو؟! هانی او قد؟ هانی او قامت هانی؟! قوی قوپسون باشیما قیامت هانی هانی من گوُردویوم او آفت هانی بهمنم گوُزلریم دولدو گوُردونمو...؟! #بهمن_وطن_اوغلو 💫🍥🎁 @ZElKH 🎁🍥💫

. دلی کؤنول ! نه دیوانه گزیرسن؟! بی وفا دیلبردن سنه یار اولماز! دوز چیخماز ایلقاری ، عهد و پیمانی، هرجاییدا ناموس ، غیرت ، عار اولماز! اوز وئرمه نادانا ، سیرر وئرمه پیسه ، آخیر ، قلبین یا اینجییه ، یا کوسه اوت بیتَر کوک اوسته ، اصلی نه ایسه یووشان بَسله‌مک‌له ، چمنزار اولماز ! وفالییا اَمَک چَکسن ایتیرمز ، بد اصیل ، نصیحت - اؤیود گؤتورمز، قاباق تاغی ، تر شاماما بیتیرمز ، گؤی سؤیود ده حئیوا  اولماز ، نار اولماز! تکلیف اولونمامیش بیر یئره وارما ، نر  اولماز مئیداندا  هر بیغی بورما ، سئیراقوب آداما سن یاخین دورما خائین چیخار ، اوندا دوز ایلقار اولماز! "خسته قاسیم" گونو کئچمیش قوجادی، گلن بزیرگاندی ، گئدن خوجادی سرو آغاجی هر آغاجدان اوجادی اصلی قیتدی ، بوداغیندا بار اولماز ! #خسته_قاسیم 💫🍥🎁 @ZElKH 🎁🍥💫

آشیق محمد فرزانگان اینجه‌گولو هاواسی گوُروم سینسین آیریلیغین بوز الی، کئچن گون‌لر مزه‌لیدی مزه‌لی... 💫🍥🎁 @ZElKH 🎁🍥💫

. بئش _ آلتی گونلویه یاز ایدی باختی، بیر دار چوخور ایدی سارایی ، تاختی، کول‌لارین دیبین‌دن اوزومه باخدی _ من او بنوُوشه‌نی نییه اوزمه‌دیم ؟! سایه‌سین اوستومه سالمیشدی طالع گول اولوب کوُنلومو آلمیشدی طالع، بیرجه یول اوزومه گولموشدی طالع، من او بنوُوشه‌نی نییه اوزمه‌دیم؟! دیندیرسن سینه‌سی دولو آه ایدی، یانیندا یولداشی خئیلاق چوخ ایدی، منه اوندان باشقا باخان یوخ ایدی، من او بنوُوشه‌نی نییه اوزمه‌دیم؟! خیالیم توخونور دونه‌نه گلیر ، اوُتن‌لر نه هایا نه اونه گلیر گونده گوُزلریمین اوُنونه گلیر _ من او بنوُوشه‌نی نییه اوزمه‌دیم؟! دوروشو حیالی، باخیشی اینجه، بیر اوزو گول ایدی، بیر اوزی غونچه، یاندیریب یاخاجاق منی اوُلونجه _ من او بنوُوشه‌نی نییه اوزمه‌دیم؟! #صابیر_ساروان 💫🍥🎁 @ZElKH 🎁🍥💫

آشیقلار علم‌الددین ممدلی و شهریار قاراخانلی علی قوربان اوف و بهمن وطن اوغلونون بیربیرلرینه یازدیقلاری شعیرلر اینجه‌گولو هاواسی 💫🍥🎁 @ZElKH 🎁🍥💫

آشیقلار علم‌الددین ممدلی و شهریار قاراخانلی علی قوربان اوف و بهمن وطن اوغلونون بیربیرلرینه یازدیقلاری شعیرلر حوسئینی هاواسی 💫🍥🎁 @ZElKH 🎁🍥💫

. من گئدیرم، دای یانیندا قالمارام سن یانیندا قالان‌لاری سئوَرسن ! دئییرسن کی : "اوره‌یینجه دئییلم" ! اوره‌یینجه اولان‌لاری سئوَرسن ! سئوگی‌بازلار دریاسیندا گَمین کم ، قوی اولماسین همدمین کم ، دَمین کم ، دوغرو سنه آجی گلدی؟! غمین کم ، دیلی بال‌لی یالان‌لاری سئوَرسن ! یان_یوُورن‌ده گزن چوخدو، بیلیرم ، اوزده گویا گوُزون توخدو ، بیلیرم ، آشکار ایش‌له آران یوخدو، بیلیرم _ گیزلین‌لری، دالان‌لاری سئوَرسن ! سو چوخورو ، چوخور سویون تاپاجاق، آرمود گوُردو آیی اویون تاپاجاق ، موختصری ! تایلی تایین تاپاجاق ! فیلان...فیلان....فیلان‌لاری سئوَرسن!! #صابیر_ساروان 💫🍥🎁 @ZElKH 🎁🍥💫

. الیم چکیلسه‌ده جاوانلیغیمدان، یئنه من قوجانی تر سینه چکیر ! بیزدن طبیعت‌ده نیشانه گَزَن _ کوُمور منه بنزه‌ر قار سنه چکیر ! آچیق نیشانگاه‌دی، قورونماز سینم ، قور وئرر اوُزگه‌دن قور اومماز سینم، منی کول ائیله‌دی اووونماز سینم _ چکمیر او آهی کی هر سینه چکیر ! یازی گول _ چیچه‌یه ، قیشی قارا وئر ، حاقسان‌سا حاق دئییب باشی دارا وئر ، توُر _ توُکونتو دردی ناشی‌لارا وئر _ چکیلمز دردلری نر سینه چکیر ! ایچی قان چاناغی، اوُزو ناغیل‌سا ، توکوم‌ ده تَرپَنمه‌ز دونیا داغیلسا ، ترک ائدیب گئدردیم آغلیما قالسا _ دئ گل کی اوره‌ییم ترسینه چکیر...!!! #صابیر_ساروان 💫🍥🎁 @ZElKH 🎁🍥💫

آشیق ملک ممد‌اوو ایروان چوخورو هاواسی 💫🍥🎁 @ZElKH 🎁🍥💫