📚 Ibratli Hikoyalar 📚
Хаётий ва Ибратли ҳикоялар... Хикматлар хазинаси... Инсон такдирини аччик синовлари... Hamkorlik va reklama uchun 👇👇 https://t.me/ibratli_reklama . . . . . . . . .
نمایش بیشتر35 809
مشترکین
-16124 ساعت
+1 1987 روز
+83030 روز
- مشترکین
- پوشش پست
- ER - نسبت تعامل
در حال بارگیری داده...
معدل نمو المشتركين
در حال بارگیری داده...
Намозни чала ўқийдиган, унинг рукуъ ва саждаларини тўлиқ қилмайдиган кимсанинг уқубати
«Бас, намозларини «унутиб қўядиган» «намозхонларга вайл бўлсин» оятининг тафсирида шундай дейилган: «У намозни чала ўқийдиган, рукуъ ва саждаларини тўлиқ қилмайдиган кимсадир».
Абу Ҳурайра розийаллоҳу анҳудан ривоят қилинади: «Бир киши масжидга кириб келди. Расулуллоҳ соллаллоҳу алайҳи васаллам масжиднинг чеккасида ўтирган эдилар. У киши намоз ўқиди-да, келиб у зотга салом берди. Расулуллоҳ соллаллоҳу алайҳи васаллам унга: «Сенга ҳам салом бўлсин, қайтиб бориб, намоз ўқи, сен намоз ўқиганинг йўқ», дедилар. У яна намоз ўқиди-да, келиб салом берди. «Сенга ҳам салом бўлсин, қайтиб бориб бошқатдан ўқи, сен намоз ўқиганинг йўқ», дедилар. У намоз ўқиди-да, келиб салом берди. Набий: «Сенга ҳам салом бўлсин, қайтиб бориб бошқатдан ўқи, сен намоз ўқиганинг йўқ», дедилар. Ҳалиги киши кейинги маротаба айтилганида: «Ё Расулуллоҳ, менга ўргатиб қўйинг», деди. «Агар намозга турсанг, таҳоратни мукаммал ол. Қиблага юзлангач, такбир айт ва ўзинг билган Қуръон сура-оятларни ўқи. Кейин то қаноат ҳосил қилгунингча рукуъда тур. Сўнгра тўла тик бўлгунингча қаддингни ростла. Сўнг қаноат ҳосил этгунингча сажда қил. Сўнгра тўла ўтиргунингча қаддингни ростла. Кейин қаноат ҳосил этгунингча сажда қил. Сўнгра тўла тик бўлгунингча қаддингни ростла. Хуллас, бутун намозингда шундай қил», дедилар» (Бухорий ва Муслим ривояти).
Абу Масъуд Бадрийдан ривоят қилинади: «Расулуллоҳ соллаллоҳу алайҳи васаллам айтдилар: «Рукуъ ва саждадан умуртқасини тик қилиб кўтармаган кишининг намози намоз ҳисобланмайди» (Аҳмад, Абу Довуд ва Термизий ривояти).
Бошқа бир ривоятда: «Рукуъ ва саждалардан белини ростламагунча...» дейилган.
Бу ҳадис намоз ўқиганда рукуъ ва саждалардан кейин белини ростламаган кишининг намози ботил эканига ҳужжат. Чунки ҳар бир аъзо ўрнида қарор топиши намоздаги фарзлардандир.
(Изоҳ: Ҳанафий мазҳабида бу иш вожиб саналади. – Муҳаррир.)
Пайғамбар соллаллоҳу алайҳи васаллам: «Одамлар орасидаги энг ёмон ўғри намозидан ўғирлайдиган кимса», дедилар. «Ё Расулуллоҳ, қандай қилиб киши намозидан ўғирлайди?» деб сўрашганда, «Рукуъ ва саждаларини тўлиқ қилмасдан», дея жавоб бердилар» (Ибн Хузайма, Ҳоким ривояти).
Абу Ҳурайра розийаллоҳу анҳудан ривоят қилинади: «Расулуллоҳ соллаллоҳу алайҳи васаллам айтдилар: «Рукуъ ва саждалари орасида умуртқасини ростламайдиган бандага Аллоҳ қарамайди» (Имом Аҳмад ривояти).
Пайғамбар соллаллоҳу алайҳи васаллам айтдилар: «Мунофиқнинг намози бундай: у қуёшни кузатиб ўтиради, ўтиради-да, у шайтоннинг икки шоҳи орасига келгач, туриб (қуш донни чўқигандек) тўрт марта ётиб туради ва унда Аллоҳни камдан-кам эслайди» (Муслим ривояти).
Расулуллоҳ соллаллоҳу алайҳи васаллам рукуъ ва саждаларни тўлиқ қилмасдан намоз ўқиётган кишини кўрдилар ва: «Агар бу кимса мана шу ҳолатда ўлиб кетса, Муҳаммад соллаллоҳу алайҳи васаллам миллатидан бошқасида ўлган бўлади», дедилар (Табароний ва Ибн Ҳузайма ривояти).
Ибн Аббос розийаллоҳу анҳудан ривоят қилинади: «Расулуллоҳ соллаллоҳу алайҳи васаллам: «Еттита аъзо билан сажда қилишга буюрилдим: Пешона (қўллари билан бурунларига ҳам ишора қилдилар), икки қўл, икки тизза ва икки оёқ билан», дедилар» (Муттафақун алайҳ).
Бошқа бир ривоятда: «Еттита (аъзо) билан сажда қилишга, соч ва кийимни йиғиб олмасликка буюрилдим: пешона ва бурун, икки қўл, икки тизза ҳамда икки оёқ», дейилган (Муслим, Насоий ривояти).
Киши намоз ўқиётганда, қайси аъзосининг намоздаги ҳақини адо этмаса, то намоз ўқиб бўлгунича ўша аъзо унга лаънат айтиб туради.
Ривоят қилинадики, ҳар бир намозхоннинг ўнг томонида бир фаришта, чап томонида бир фаришта бўлади. Агар у намозни тўлиқ ўқиса, намозни олиб чиқиб кетадилар. Агар тўлиқ ўқимаса, намоз билан унинг юзига урадилар.
Салмон Форсий розийаллоҳу анҳу айтганлар: «Намоз ўлчовдир. Ким вафо қилса, вафо кўради. Ким уриб қолса, Аллоҳ уриб қолувчилар ҳақида нима деганини яхши биласизлар. Аллоҳ таоло:
«(Ўлчов ва тарозидан) уриб қолувчи кимсаларга вайл бўлсин», деган».
👍 13😢 2❤ 1
ИСЛОМ ТАЪЛИМОТИ РАҲБАРЛАРНИ ҚАНДАЙ ТАРБИЯЛАГАН?
1. Кунларнинг бирида бир насроний аёл Салоҳиддин Айюбнинг ҳузурига келиб, айтади:
"Менинг эрим сенинг зиндонингда. Демак менинг рўзғорим сенинг зиммангда бўлади".
Салоҳиддин унинг эрини зиндондан озод қилди ва уларнинг иккисига уйига етиб олиш учун етарли ҳаражатни қоплаб беради.
2. Салоҳиддин ва унинг қўшини томонидан Қуддус қайтариб олингач, ҳалок бўлган душманларнинг оиласига, бевалари ва етим болаларига ёрдам пули ажратилган.
3. Умар ибн Хаттоб розияллоҳу анҳунинг раҳбарлик даврларида Мадинадаги бир қози лавозимида ишлашдан бош тортган.
У буни "Ҳозирда муаммолар йўқ, демак менинг ғазнадан маош олиб ишлашимга ҳожат ҳам йўқ" деб изоҳлаган.
4. Ҳайит байрамида барча болалар янги либосларини кийиб байрам қилишар эди. Фақатгина бир қиз янги либос олиб беришни илтимос қилиб, отасига йиғлаган эди. Аммо отаси унга жавобан, "Қизим, мени сенга либос олиб бериш учун пулим йўқ" деб жавоб қайтарган. Бу отани тарих халифа Умар ибн Абдулазиз деб танийди.
5. Умар ибн Абдулазиз халифалиги даврида одамлар кўчаларда "Кимгадир пул керакми? Кимнидир қарзи борми? Кимдир хаж сафарига боришни истайдими?" деб, муҳтож инсонларни излаб юришарди.
#eslatdim
👍 12❤🔥 2🥰 1
Бола онасини тўйгунича эмади. Онада кальций камаяди, тишлари оғрийди, фарзанди улғайгунча, ҳатто улғайганидан кейин ҳам хавотирда бўлади.
Фарзанд улғайгач, оёғини устма-уст қилиб қаҳвахона ва ресторанларда: "аёлларнинг ақли ноқис, яримта ақл соҳибалари-да", деб гапириб ўтиради.
Эй ақли "комил"! Сен ҳеч ўзингдан ақлинг қандай комил бўлганини сўраб кўрганмисан?! Ахир, ақлинг ўша "яримта ақл" соҳибасидан озуқа олиб комил бўлмаганмиди?!
► Yaqinlaringizga ulashing.
👍 24😢 10🥰 3🔥 2
#Озиш #Тезкор
Қориннинг қаппайиб туриши жонингизга тегдими?
🇹🇷 Туркиянинг оздирувчи майкалари орқали қоматингиз ихчам ва кўркам кўринишга эга бўлади!
Йиртилмайди, чўзилмайди. Кийимлар остида сезилмайди.
Аёлларники: 129.000 сўм
Эркакларники: 74.000 сўм
БУЮРТМА БЕРИШ👇🏼👇🏼👇🏼
👩🏻 Аёллар учун:👇🏼
👉🏼 https://alijahon.uz/oqim/58850
👉🏼 https://alijahon.uz/oqim/58850
Еркаклар учун👇🏼
https://alijahon.uz/oqim/58851
https://alijahon.uz/oqim/58851
Исталган махсулотни топиб етказиб берамиз 👇🏼
@mahsulot_zakaz_qilish
🚛 EТКАЗИБ БЕРИШ хизмати бор, Тўловни маҳсулотни қабул қилиб олганда қиласиз✅
👍 6
Малак турган жойида музлади. Йиғидан ўзини зўрға тийди. Борган сари қайнонаси кундоши ҳақида очиқ гапирар, бу ҳам етмагандек Малакни эрининг кўнглини ололмаганликда айблаб, койирди.
— Нега тумтайиб қолдингиз? Ўша хотин сизнинг ҳомиладорлигингизни эшитса, рашкдан ёнади. Шарифга баттар ёпишиб, уйга юбормай қўяди. Эрсиз қолмоқчимисиз? Айтиб қўяй, кундошингизнинг энди йўли очиқ. Овоза қилиб Шарифга тегиб олса ҳам одамлар айб қилмайди. Чунки энди Шариф иккисини ҳеч ким номуносиб дея олмайди. У ҳам бир эрга теккан, бу ҳам уйланган. Шундай экан, оғзингиздаги ошингизни олдирманг! — деганди Зумрад шанғиллаб.
Бу гаплар Малакка фарзанди ҳақидаги хушхабар берган ёқимли ҳисни ҳам бўғгандек бўлди. Индамай Бувсара кампир ёнига ўтирди. Бошини кекса аммасининг елкасига қўяркан ҳўнграб юборди:
— Амма... мени уйга қўйиб келингизлар...
— Нима-а? — онасидан аввал энса қотириб деди Зумрад. — Шунақа десам қайнонам индамайди, деяпсизми? Мен гапирсам, сизга яхши бўлсин, деб гапираман. Ёнингизни олаётганимизга шукр қилмайсизми? Бизга ён босиш ўрнига “кетаман” дейсиз! Ҳомиладор аёлга узоқ йўл босиш уч ойгача хавфли. Боламни эсон-омон қўлимга олай десангиз, сабр қилинг.
Ота уйи, она қишлоғидан ўзга жойни кўрмаган, турмушни муҳаббат ва бахтдан иборат деб ўйлайдиган, ҳали ўн саккизга ҳам кирмаган Малак учун бу жуда оғир синов эди.
Эрининг бепарволигига, қайнонасининг нописандлигига, алданганига индамай келаётган у эмасми? Ахир унинг айби нима? Нима гуноҳ қилган эдики, муҳаббатидан жудо бўлди, бу ҳам етмагандек умр йўлдоши ҳам бефарқ. Тағин кундоши борлигини ҳам ундан яшириб ўтиришмайди.
Шуларни ўйлаб, Малакнинг кўзлари ёшга тўлди. Беҳол ўрнидан тураркан, елкаси билан дарахтга суянди. Атроф кўзига ғариб ва ёқимсиз кўринди.
Бошида барча кўнгилсизликлардан соғинч устун келарди. Ота-онаси, бувиси, сингил ва укаларини кўриш иштиёқи қайғуларининг бўй чўзишига йўл бермасди. Энди камида яна уч ой Жиззахга бора олмаслигини билгач, дунё кўзига қоронғи кўрина бошлади. Айниқса, ҳозирги аҳволида бир оғиз ширин сўзга маҳтал. Биргина аммаси айланиб-ўргилади. Лекин у ҳам қизи ва неварасига ён босади:
— Ҳали ҳаммаси яхши бўлади. Шариф атрофингда парвона бўладиган, Зумрад хурсандлигидан сени суядиган кунлар ҳам келади. Пича сабр қил. Ўзим айланай, бўйларингдан...
Шундай пайтларда Малакнинг дод солгиси келади. Агар йўлни билганида, қўлида пули бўлганидами, алам устида “ҳайё-ҳайт” деб кетворган бўлармиди?
Негадир уйдагилари ҳам хабар олай демайди. Удумга кўра келинни биринчи қайнонаси ота уйига меҳмонга олиб бориши керак. Балки шуни кутиб ўтиришгандир? Ахир уларнинг ҳеч нарсадан хабари йўқ. Эҳтимол Малакни дунёдаги энг бахтли келинчак деб билишар?
👍 37😢 3🔥 1
Муаллиф: Наргиза Усанбоева
22-қисм
Ҳовли этагидан жой олган бедазор Малакларникига туташиб кетган. Кўкка бўй чўзган беданинг уч-учларида энди юз очаётган оч сиёҳ рангли гуллари майин тебранади. Анис эгилиб уларнинг бошини силагандек, бармоқларини теккизди. Яна озгина юрса, Малакларнинг бедазори бошланади. Сўнг ариқ ёқалаб, ўттиз қадамча юрса, тераклар.
Йигит дарахт ёнига кела солиб, ўз исми ёзилган жойдан сал тепароққа тикилди. Кейин пичоқнинг учи билан қоғоздагиларни кўчирди.
Ишини тугатгач, ўзини қушдек енгил ҳис қилди. Гўё шу сўзларни Малакнинг ўзига айтгандек, юраги бўшади. Лекин сониялар ичида фикри ўзгарди:
“Дарахтга озор бериб шуни ёзганимдан нима наф? Малак кўрармиди? Кўрса, нима бўлади? Оиласини бузиб, унга қайтадими? Бундан менга фойда борми? Бекор ёздим. Аҳмоқман! Шу пайтгача ичимга ютган туйғуларимни энди нега ошкор қилгим келиб қолди?”
Унинг сўнгсиз дардларига энди пушаймонлик қўшила бошлади. Ёзганларининг устини пичоқ билан чизиб ташламоқчи ҳам бўлди. Бироқ уни қандайдир куч қайтарди ва уйи томон кетди.
Бир ҳафта ўтиб, Анис ортиқ бу ерда қололмаслигини англади.
* * *
Малак қайнонаси билан иккинчи қаватга кўтарилди. Ўнг ва сўл томонга чўзилган коридорнинг ўртасида туриб қолишгани учун Зумрад икки томонга ҳам алангларди. Охири рўпарадаги эшикдан чиққан оқ халатли қиздан сўради:
— Синглим, УЗИ деганлари қайси хонада экан?
— Бу томонга юринг, 27-хона, — ўнг томонга ишора қилди ҳамшира.
Малак қайнонасига эргашди. Коридор бўйлаб қўйилган ўриндиқлар одамлар билан банд, айримлар тик туриб эшикларга термуларди. Баъзи хоналар ёнида турганлар шовқин солади:
— Нега киритасиз? Навбатга қарамайдими? Без бўлиб кириб кетганини қаранг!
Зумрад эшикларга қарай-қарай “27” рақами ёзилганининг қаршисида тўхтади. Бу ерда бошқа хоналарга қараганда навбат кутаётганлар кўпроқдек.
— Ким охири экан? — сўради Зумрад.
Бир кампир “мен” деди.
— Сиздан кейин биз, — деди-ю, Зумрад Малакка қаради: — Яхшимисиз?
Малак муздек деворга пешанасини тираркан, “ҳа” дегандек бош ирғади. Аммо аҳволи яхшимасди. Яна кўнгли айниб, бутун ички аъзоси қўпорилиб, оғзига келаётгандек беҳузур бўлди. Лабларини қимтиб, тишини тишига босди. Беихтиёр кафтлари билан оғзини ёпди.
— Боринг, ташқарига чиқинг. Навбатимиз келса, чақираман ўзим. Тоза ҳавода бўлинг, — деди Зумрад келинига. Малак шу гапни кутиб тургандек, келган томонларига югургилади. Ортидан қайнонасининг мақтангани эшитилди: — Келиним бўлади. Токсикоз. Оғир бошланди. Кўп қусганиданми, оғриқ бўлаётган экан. Шифокори УЗИга туш дебди...
Малак оғзини ёпганча, зиналардан ҳатлай бошлади. Ташқарига чиққанида ҳам аҳволи яхшиланмади. Оғзини тўлдириб келаётган тупук баттар кўнглини оздирди. Кўзларини юмганча ҳовлидаги катта дарахт тагига беҳол чўкди. Мижжаларидан сизиб чиққан бир томчи ёшни сидираркан, хўрлиги келди. Соғинч, алам, ҳижрон юраги тагидаги митти “қувонч”дан ҳам зўр келмоқда.
“Аям, дадам майли... Каттаонамнинг ҳам эсидан чиқиб кетдимми? Бирортаси йўқлай демайди...”
Келин бўлганига, Тошкентга келганига икки ойдан ошди. “Чилласи чиққанида ўзимиз олиб келамиз”, деган қайнонаси бошқоронғилигини рўкач қилиб остона ҳатлатмайди.
Ҳар бир келинчакни ота уйига тантана билан чорлайдиган “Чақирди” маросимини ҳам тўй куни йўққа чиқаришганди.
— Йўл узоқ. Бермоқчи бўлган совғаларингни бугун бериб қўяверинглар. Шу билан “Чақирди” ўтди, ҳисоб бўлади. Малак отасининг чақиришини кутмай, истаган пайтида келиб-кетаверади, — деди кимдир.
Бу ҳаммага маъқул тушди. Мана энди “Истаган пайтида келиб-кетаверади”ган Малак соғинчдан ўлай деяпти. Чилласи қандай чиққанини ғурбат ва жанжаллар билан сезмай ҳам қолганди. Энди уйга бораман, юрагим ёзилади, дея учиб-қўниб юрган кунлари бўйида борлиги маълум бўлди.
— Вой, ўзим айланай сендан, — севинчдан кўзлари ёшланди Бувсара кампирнинг.
— Ҳозирча Шариф билмай турсин. Анув мегажини эшитса, уйга келишдан ҳам тоймайди, — хафалиги ҳам, хурсандлигини ҳам билиб бўлмади Зумраднинг.
👍 39❤ 1🔥 1😢 1
📝 Бу воқеага бир неча йиллар бўлиб кетган...
Бир неча йил аввал тоғамни аёллари - келинойим қизларига кийим – бош қилиш учун Қўқон бозорига олиб тушганлар. Уйга қайтгач қизининг бир пой сирғасини йўқлигини билганлар, жияним анчагина ёш, тушиб қолганини ҳам сезмаган.
Тоғам қизининг туғилган кунларига олиб келган эдилар-а, жудаям чиройли, бежирим, кўзлари бриллиант эди, наилож... Йўқолган нарсани топиб бўлармиди...
Бу воқияга бир неча йил бўлди.... Балки 6, балки 8 йил бўлди, аниғи эсимда йўқ... Йўқолган сирға деярли ҳамманинг эсидан чиқиб кетди. Бу йиллар орасида неча сирға, неча узуклар олинди. Бу йиллар ичида неча бор келинойим бозорга тушиб, нималар харид қилмади дейсиз...
Яқинда келинойим ўша сирғасини йўқотган қизларига кийим олиш учун, яна бозорга боришган... “Роса бозор айландим, ҳеч бир кўйлак ёқмайди. Бир айланган, бир кўрган қаторларни икки марта кўриб чиқдимми, уч марта кўриб чиқдимми билмайман, юравериб, айланавериб чарчадим... Ва ниҳоят, расталар оралаб юриб кетаётиб, чиройли бир кўйлакка харидор бўлдим. Савдогар йигит билан кўйлак нархини тортишган сарим, йигит менга бошқачароқ қараганини сеза бошладим.”
Ҳар бир инсонни ўзига хос сўзлашуви, ўзига хос шеваси бўлади. Келинойимда ҳам шундай, тез-тез гапирадилар, гаплари самимий, табассумлари ҳар қандай одамда илиқ таассурот қолдиради.
“Ҳа, ука, жудаям пастга уриб юбордимми? – дедим савдогар йигитга. Йигит “Йўғее, узр келинойи. (Қўқон бозорларида, умуман олганда Қўқонда бегона аёлни келинойи деб мурожаат қилиш одатий ҳол) келинойи мабодоо бир неча йил аввал, бозорга келганда сирға йўқотмаганмисизлар?” Ҳам ҳайратим ошиб, ҳам хайрон бўлиб, ҳам жудаям шошиб сотувчи йигитга “Ҳада, ҳа йўқотганмизда, қизимнинг бриллиант кўзли, чиройли сирғасини йўқотганмиз” деб юборибман. Йигит “Келинойи, хайриятее, топилдингиз” деди табассум билан. “Эсласангиз, қизингизга биздан бир кўйлакка харидор бўлиб, кийдириб кўргансиз, кейин кўйлак сизларга маъқул келмаган эди. Ўшанда куйлакка сирға илиниб қолган экан, сирғангиз уйда турибди.”
Сизларга бу бўлган воқияни қанчалик етказа олдим, билмайман, лекин келинойим бизга айтиб берар экан, йўқолган сирғани топилганидан эмас, орамизда шундай диёнатли инсонлар борлигидан юрагимда бошқача бир ҳиссиёт пайдо бўлган, кўзларимга ёш келган эди. Ҳали ҳамон ўша воқия эсимга тушса, кўнглим хузурга тўлади.
Балки ўша сотувчи йигит друзяларим орасида бордир, балки ўша йигит ҳам бу ҳикояни ўқир.... Умид қиламан.... Дўстларим орасидан сиз борсиз...
Диёнатингиз учун, инсоф ва кучли иймонингиз учун, бировни ҳаққидан қўрқиб, Аллоҳдан қўрқиб бегона, умуман нотаниш инсонларни буюмини омонат билганингиз учун Сиздан Аллоҳ рози бўлсин...
©️ Малика
👍 27👏 3
👩🎓 Talaba uchun eng zarur top 5 ta jihat
1️⃣ Vaqtini Boshqarish: samarali o'qish uchun rejalashtirish va muhimlilikni aniqlash.
2️⃣ Mustaqil o'rganish qobiliyati: Bilimni mustaqil ravishda o'zlashtirish va tadqiq qilish.
3️⃣ Muloqot ko'nikmalari: jamoa ishi va samarali muloqot mahorati.
4️⃣ Motivatsiyani yo'qotmaslik: Qiyinchiliklarni yengish uchun motivatsiya va maqsad qo'yish.
5️⃣ Salomatlik: Jismoniy va ruhiy salomatlikni saqlash orqali yaxshi natijalarga erishish.
@ibratli_sozlar
👍 1
😰Наҳотки хотини унга хиёнат қилаётган бўлса?! Зафар куни билан ишда бўлади. Аммо, бугун у ишга бордию, бир хужжатни уйда қолдиргани сабабли қайтишга мажбур бўлди. Қайганида эса уйига бегона эркак келганини оёқ кийимларидан сезди. Ичкарида эса хотини шодон куларди. Ҳа, хотиним менга хиёнат қиляпти, қони қизиб кетди Зафарни. Иккисини ҳам ўлдираман бу Худо бехабарларни. У ошхонадан пичоқни олдида ичкарига босатириб кирдию бегона эркакни орқасидан пичоқ урмоқчи бўлдиямки, ҳалиги эркак ўгрилиб: - Ия 😳😱
👍 5
😳ДАВОМИНИ У́КИШ😢
Агар Шарифнинг севган қизи бўлса, нега келин қилишмади? Балки аммаси қарши чиққандир? Акам билан қариндошчилигимиз узилмасин, деб неварасининг муҳаббатини қурбон этгандир?
Буларни ўйлагани сари Малакнинг юрагини рашкми, аламми, хўрликми, ишқилиб, ўзи тушунмаган аллақандай ҳис қамраб ола бошлади.
— Спорт билан шуғулланяпман, дегандинг. Ҳали бирор марта ё югурганингни, ё турникка осилганингни кўрмадим. Фақат ётасан. Ўқишинг тинчмиди? — нонушта пайтида Анисни саволга тутди отаси.
— Ҳа, тинч, — деди Анис ўйчан чой хўпларкан.
— Имтиҳонларингнинг ҳаммасини топшириб келганмисан?
— Ҳа.
— Ишинг-чи? Уйга келиб, телевидениедаги кўрсатувинг қолиб кетганидан хафамисан, ё?
— Йўқ, дада. Атай уни тошкентлик курсдошимга топшириб келдим. Борсам, яна ишлайвераман. Мен штатда эмасман-ку, шартнома асосида ишлайман.
— Бўлмаса, нега уйдан чиқмайсан? Ётганинг-ётган.
Анис жавоб бермади. Нима ҳам десин?
— Ўқишда чарчаган. Индама, дамини олсин, — деди Қўйсин момо неварасига ён босиб.
— Мен бирор юмуш қилсин, демаяпман. Сал чиқсин ташқарига. Айлансин. Одам хавотир олади-да, бирор ташвиши, дарди бормикан, деб, — тўнғиллади отаси.
“Ташвишим адоқсиз, дардим давосиз, дада. Малакнинг кўйида куйиб ўлиб қолмасам эди. Наҳот, менинг кўнглим борлигини билмасди? Наҳот, индамай тегиб кетди? Қаёқдан ҳам билсин? Бирор марта дилимни ёрмаган бўлсам...”
Ошиқларнинг кўксини захга босиб ётиши бор гап экан. Бунга Анис бора-бора амин бўляпти. Ўзи ҳам ҳозир шу аҳволда, ахир. Хонасига киради-ю, муздек полга кўкрагимни бериб ётсам дейди. Куйиб кетаётган юрагининг ҳовурини бошқа йўл билан босолмайди.
Отасининг гапидан кейин уйда ётаверишга ҳам уялиб қолди. Худди сири фош бўладигандек. Шундан қўрқиб, ўзини мажбурлаб, уй юмушларини қилишга уринди. Эрталаблари югурган киши бўлди. Югуриб кета туриб, бир пайтлар Малак иккиси исмларини ёзган терак ёнида тўхтади.
Ажабо, исмлар шу даражада аниқ ва бўртиб кўриниб турардики, мусаввир-табиатнинг ишига ҳайратланмасликнинг иложи йўқ.
“Бир пайтлар бу ёзувлар билан сени ҳайратга солмоқчи эдим, Малак. Тақдирни қараки, бугун ўзим унга анқайганча, куйганча қараб турибман. Сени шунчалар соғиндимки...”
Анис атрофга аланглаб нимадир қидира бошлади. Истаган нарсасини топа олмагач, уйлари томон югура кетди. Ошхонадан пичоқни оларкан, бир хўрсиниб қўйди.
Кўзларини юмиб, деворга суянди. Сўнг пичоқнинг учини силаркан, ўйга толди. Оғир “уҳ” тортди. Ичини куйдираётган оловнинг тафти чиқиб кетгандек, бироз енгиллашди. Чаққон ҳаракатлар билан ўз хонаси томон кетаркан, кўзларида қувонч мавжлангандек бўлди. Аввал ҳаммасини қоғозга тушириб олгани маъқул. Уни албатта, Малак иккиси биладиган рақамли ёзувда ёзади.
Анис шошиб сумкасидан кичик ёндафтар ва ручка олди-ю, ерга узала тушди. Қоғозга катта-катта, равон, чиройли ҳуснихатда ёза бошлади:
“Мен сени соғиниб ўламан, бир кун...”
Мисрага бир муддат тикилиб тургач, тагидан худди шу ёзувни рақамга ўгириб, ёзишга киришди:
“60471102 817110221 8161...”
Ўйланиб қолди. Ёзилишида “ғ” ҳарфи иштирок этган сонни топа олмай ҳуноб бўлаётганди.
— Бир, икки, уч... — ўнгача санади. Излагани чиқмади. — Ўн, йигирма, ўттиз, қирқ, эллик...
Ўнлик сонларнинг ёзилишида ҳам “ғ” ҳарфи йўқ.
“Балки, менинг миям ишламай қолгандир? Наҳот ақлим хира тортди? Оддий нарсани топа олмаяпман...”
Анис ортиқ ўйланиб ўтирмади. У ҳарфнинг ўзидан фойдаланишга қарор қилиб, бошқатдан ёзишга киришди:
“60471102 817110221 8161ғ211022111 101628260482102 112113 8331102...”
Ёзувни кўздан кечираркан, негадир жилмайди. Бир пайтлар бу ҳақда — айрим ҳарфлар сонларнинг ёзувдаги ифодасида йўқлигини Малакка айтмагани ёдига тушди. Ўшанда у буни сезмаган бўлса ҳам керак. Чунки бу рақамли ёзув ҳақда кейин гаплашишмади ҳам.
У ёзувли қоғозни ёндафтардан йиртиб олди-да, ўрнидан қўзғалди. Пичоқни ҳам унутмади.
👍 35❤ 5🔥 4