دیوان اشعار مرحوم انور

https://t.me/+2tozhR4lwaU3MTY0 👍👍👍👍👍👍👍👍👍

#در_شهادت_امیرالمومنین_علی_ع دل دوشوب پیچ و خمه دلبره آخر گئجه دور یاندی جان رشته سی جان پروره آخر گئجه دور دل دوشوب پیچ و خمه دلبره آخر گئجه دور یاندی جان رشته سی جان پروره آخر گئجه دور آز قالور یاتسون عدالت علمی عالمده دوز قضاوت ائلیین داوره آخر گئجه دور لیله بیست و یکم دور سحری صبح عزا ییخلوب شیر خدا بستره آخر گئجه دور آز قالوب تاجینی باشدان گوتوره روح الامین عمری باشه یتیشوب حیدره آخرگئجه دور ضربت زاده ملجم ائلیوب مغزه اثر یوخ توانا او قوی پیکره آخر گئجه دور گوش مولایه اوزاقدان یتیشوب ناله سسی دوزمدی ناله حزن آوره آخر گئجه دور دیدی کیمدور گتورور قلبیمی درده دیدیلر اوغلون عباس آچوب منظره آخرگئجه دور گلدی عباس یسارینده علی وئردی مکان باخدی صراف او گوزل گوهره آخر گئجه دور الینی آلدی اله قویدی حسینون الینه دیدی اوغلوم بو گئجه حیدره آخر گئجه دور سنه من اوغلوم ابولفضلیمی نوکر وئیورم ثبت ائله نوکر آدین دفتره آخر گئجه دور دیدی عباسه ده طاهادن امانتدی حسین گورسون هر وقت بو بی یاوره آخر گئجه دور قوشونی گئتسه ده تک قالساداسن گئتمییسن اول گئجه زاده پیغمبره آخر گئجه دور #انور https://t.me/joinchat/AAAAAD_vx0uv7gab451uBg

#احوالات_حضرت_رباب_علیهما_سلام_گریز_به_وفات بَخشِ دوّم بیر اوُخ مَنیم عَوَض ایلدی سَرنُوشتِیمی عُمروم گر اوُلسا تا دَمِ مَحشَر مَن آغلارام قَبرَه یارالی گِئتدِی کَبُوتَر کِیمِین بالام گُورسَم اَگر یارالی کَبُوتَر  مَن آغلارام   دَشتِ بَلادَه بیر مَلَر آهُو اِیتِیرمِیشَم نِیلُوم غَزالیَمی اوُرَک اِیستَر مَن آغلارام   تَک اوُخ دَگُل، سُوداندا واریمدِی گلایَه چُوخ هَر سُو اِیچَندَه قَلبی مُکدّر مَن آغلارام   گُورسَم سُودان چِیخان بالِیق آغزِین آچیر یُومُور حَتماً بُو قَلبیمَه اَثر اِیلَر مَن آغلارام   صیّادِیلَر یارالاسا آهُو بُوغازِینی دِیلسِیز یارالی اوُغلوما بَنزَر مَن آغلارام   گهوارَه اوُلدی قَبرِی، تُراب اوُلدی بَستَری سالسا آنالار اوُغلُونا بَستَر مَن آغلارام   نِیلُوم اوُرَک اوُتُون گِینَه گُوزیاشی سُوندورُور کُور اوُلسادا بُو اَشگیلی گُوزلَر مَن آغلارام   صحنِ سَرادَه جان نَقدَر چِیخمِیُوب وارام نالَه سَسیمنَن اِینجمَه سُوز مَن یُورُولمارام   باشین آغاتدِی وِیردِی باشا قارَه گُونلَرین پَروانَه وار عشق اوُدِی یاندِیردِی شَهپَرِین   نَه اِستِراحَت اِیتدی نَه اِیچدِی سَرِین سُودان نَه شانَه گُوردی زُلفی نَه هُوردِی هُورُوکلَرِین   صُبحُون زَمانی زِینَب او گنجِینیهء وِقار دُوردِی نَمازَه عِشقیلَه تَرک اِیتدی بَستَرِین   صَحنِ سَرایَه قُویدی قدَم دَستماز آلا گُوردِی رُباب اوُخشامِیری دِیلسِیز اَصغرِین   خامُوش اوُلوب گِیدُوب یُوخیا گلمِیری سَسی یُوز قِبلَه دَه چَکیب یُوزونَه قارَه مَعجرِین   دِیسکیندی زِینَبِین اوُرگی سَسلَدی رُباب سَس گلمَیندَه بیر بیرینَه وِوردی اَللّرین   فوراً اوُزون یتُوردی اوُنُون باشی اوُستُونه قُویدی یُوزون سُولان یُوزونَه تَرپَدّی پِیکرِین   گُوردِی مَحالی دور اوُیانا گُوزلَرین آچا دَستِ مَمات پارچالِیب عُمر دَفترِین   دِینجَلمِین رُباب اِیلَه دِینجَلیب یاتِیب اَلدَن وِیرِیب خَزانهء غَم غَملی گُوهرِین   راحَت دِئدی نَه یاتمیسان اِی بانُوی حَیا؟ کِیم سیلدی جان وِیرندَه سنُون آلنُووِن تَرِین   کیم سَن کِیمی یُورولدِی مَلال و فِشارِیدَن یُومدی گُوزُون گلایئلَه روزگارِیدَن   نِسگیل لَرُون بو قَلبیدَه گلمَز شُمارِیَه دُوندِی گُوزُوندَه مَحبَسَه دنیای عارِیَه   پَر وِوردُون آتَشِ غَمَه یاندُون یُورولمادُون پَروانَه تَک هَوَس اِیلدُون سَن شَرارِیَه   چُوخ دور غَمون بُو دَردَه امّا چُوخ آغلارام سُوز دَرک اِیدَن کِفایَت اِیدَر بیر اِشارِیَه   گُون رَنگیوِی قَراتدی، گُورنلَر دِئدِی مَنه قُویما حَیاطی اِیلیَه مَسکن بُو جارِیَه   آچ گُوزلَرون نَه خوابِ عَمیقَه گِیدُوب گُوزون؟ سالما فَراق اوُدُون بُو دِلِ پارَه پارِیَه   اِقبالیوِون ستارَه سی سُوزمُوشدِی لاجِرم قان آغلادُون هَمیشَه باخاندا ستارِیَه   گَل نُطقه بیر چوخ اِیستدیگِین اَصغرَه گُورَه هر گُونکی تَک یتُور اَلیوی گاهواریَه   گر طاقَتُون یُوخوندِی سَنه اِیلیُوم کُمَک من تَرپَدِیم سَن اوُخشاما دِئ شیر خواریَه   سُوز چُوخدی بُو زَمینَه دَه امّا یازانمِیرام غُسل و کَفن اوُلوب او اوُرَک پارَه پارِیَه   زِین العباد قَبرَه قُویُوب دور آناسینی گُویا بُو دِللّریلَه دوتُوب دور عَزاسینی   اِی مَظهرِ مُحبّت و مِهر و وَفا آنا اِی مَعدنِ عُطوفَت و شَرم حَیا آنا  اِی عُمرینی فَنایَه وِیرَن صَحنِ خانه دَه وِی اَشگریزِ گُوشهء صَحن و سَرا آنا   اِی گُوز یاشین سُولان یُوزونَه زِینَت اِیلیَن باش غَم دِیزیندَه غَملَریلَه آشنا آنا   قارداشلاریندا گَلدِی قُویُوب گِتمِدُون بیزی خَلق اِیلیَن اوُزی سَنه وِیرسین جَزا آنا   غَملی مَزاریُوی اوُزوَه آشیانَه قِیل دِینجَل بیر آز بُو قَبریدَه اِی مِهربان آنا   یادّان چیخاتمارام سَنی هر قَدر زِندیَم هَر گُون نَمازِیدَه اِیدَرم مَن دُعا آنا   گِیت اَصغری بِهشتیدَه آل سینَن اوُستُونَه رُوح عالمِیندَه رُوحیوَه وِیرسُون صَفا آنا   سَندَن سُو اِیستَمَز نه صُودَه اِحتیاجی وار زَهرا آناسی حَلقِینَه قُویمُوش دَوا آنا   یانماز چِراغی حَرمَلنُون دَه سُونَر یَقِین چون اِنتقام وَعدَه سی وِیرمِیش خدا آنا   #انور حُضورِ شَه دَه قَبُول اوُلسا بُو سُوزُون خَلق آغلیاندا روزِ جَزا آغلاماز گُوزُون   #شادروان_انور_اردبیلی_رحمة_الله_علیه

#احوالات_حضرت_رباب_علیهما_سلام بَخشِ اوّل   یُوخ اِعتبار ذرّه بُو دنیای فانیَه بیهودَه دور کیم عشق اِیده دورِ زَمانِیَه   فرمایشِ حُسیندی بُو سُوز دِقّت اِیلیُون مُشتاق سُوز اَگر سُخنِ صادِقانیَه   اوُلسِیدی بو جَهاندا اَگر مِهر و عاطفَه یَحیا باشین قَباقَه قُویانمازدِی زانیَه   آختارمِیُون صَفا بُو پُر آشُوب دَهردَه دریای غُصّه دور یُولی یُوخدور کَرانیَه   اوُلسِیدی گر صَفا، دِیشی سِینمازدِی خاتَمُون قیلمازدِیلار جَفا او گُلِ جاوِدانِیَه   فُرصَت تاپُوب عَدالت اَلین باغلادی زَمان زَهرا دُوشوبدِی دایِرهء ظُلمِ ثانِیَه   باغلانماسِیدی ظُلملَه شیرِ خدا اَلی قُنفُذ نجَه آتاردِی اَلین تازِیانِیَه؟   کَرب و بَلایَه چَک سُوزی اِی طبعِ نُکتَه سَنج دُرَِّ سُخن گُزورسَن اَگر گِیت خَزانِیَه   بیر کَلمَه سُوز یازِیب اِیلَه بو دَهردَن سُوال نسگل اوُلا سُوزُون مِلَلِ هَفت گانِیَه   اَصغر کَیمَه اوُخ آتمیشیدی؟ ظُالمِ حَرمَلَه چِیخدی عَوَض بُوغازینی قُویدِی نِشانِیَه   عِلّت اوُ دور ئولَنَه کِیمین آغلادی رُباب نَفرَت گُوزیلَه قِیلدی نَظر زِندگانِیَه   کَسدِی هَمیشَه سایَه لی مَنزلدَن اُلفَتِین گُوزدَن سِرشگینی اَلَدِی صَحنِ خانِیَه   هِی یالوارادِیلار اِئوَه گَل چُولدَه آغلاما تُپراق قونُوبدِی زُلفیوَه حَسرتدِی شانِیَه   صَحنِ سَرادَه قالما یُورُولمُوش هُما کِیمین آخر هُما یُورُولسا گلَر آشیانِیَه   کَاشانِیَه گِتیر بالاوِین گاهوارَه سِین تَرپَدیقیجا اوُخشاما دِئ گَل تَرانِیَه   لای لای چال اَصغرَه سَسیوَه بیزدَه سَس قُوشاخ ماتَم تُوتاخ چُوخ اِیستدِیقِین نازدانِیَه   آرامِیُوی آلیبدِی گُونُوزلَر گُون اِیستیسی حَسرَتدی گُوزلَرین گِجَه شَمعِ شبانِیَه   وار خواهِشیم دِیردِیکی اوُز وِیرمِیُون مَنه دَردِیم اوُرکَدَه چُوخدی اَسیرَم زَمانِیَه   اوغُلی ئولَن، اِئوی یِخیلان، نِیلِیرَی اِئوی؟ من طالِبَم قُویام یُوزومی آستانِیَه   نَه بَستَرَه واریمدِی عَلاقَه نه مَسکَنَه گر قَصر اوُلا یِرِیم گِینَه فَرق اِیلمَز منَه   دِیلدَه اِیدُوب اوُغول آدِین ازبَر مَن آغلارام هر سُوز باشی دِیُوب علی اَصغر مَن آغلارام   نِفرِین اِیدَین او شَخصَه کِی اوُخ نَقشَه سین چَکِیب اِیلوب آنالاری قَرَه مَعجر مَن آغلارام   #شادروان_انور_اردبیلی_رحمة_الله_علیه

بسم الله الرحمن الرحیم با سلام و عرض ادب خدمت اساتید و شعرای گرامی و همراهان عزیز ان شاء الله روز پنجشنبه ساعت 23:00 الی 00 : 01 بداهه سرایی با اجرای استاد شبگیر و با قلم فرسایی شعرای محترم انجام خواهد شد. منتظر همراهی شما بزرگواران و بداهه های ناب و ارزشمندتون هستیم. لطفا در تایم بداهه سرایی از به اشتراک گذاشتن سایر مطالب و پیام ها خوداری فرمایید. سپاس از همکاری همه اساتید و دوستان و اعضای محترم. 🙏 لینک گروه مجمع شعرا و مادحین 🔽🔽🔽🔽 https://t.me/+2tozhR4lwaU3MTY0 لینک گروه شعرا و مادحین

#ترکیب_بند بَخشِ سوّم عَبّاسُون حقّ چُوخالتدی جَلالِ وِقارینی عِزّت وِیروب عَزیز اِیلدی روزگارینی هر کُوچه دَن دوشردی گُذاری مَدینه دَه مَردم چَکردی مَقدمینُون اِنتظارینی بَعضی دِیردی یُول وِیرون حِیدَر یِریش گلُور آرام اوُلون زیارت اِیدک گُل عُذارینی بَعضی دِیردی زِینب عَجب اوُلدی بَختَوَر یِدّی وَفالی قارداش آلوب دور کنارینی بَعضی دِیردی پَنجیه بازولَرَه باخون اَلدَن آلوبدی هر باخانون اِختیارینی بَعضی دِیردی عابدِ صالح دِیون بُونا تَقدیس اِیدَر خُضوعیلَه پروردگارینی بَعضی دِیردی کاش اِیویمَه بُو قوناق گلَه صُحبت اِیده گُوروم او لَب لَعل بارینی چرخ اوُلمادی بُوسُوزلَره اَفسوس مُشتری طوفان اِیدوبدی پُوزدی اِمامَت بَهارینی یِخدی اِیوین جَلای وَطن اِیتدی زِینبی کرب و بلایه چَکدی حُسینون قَطارینی روزِ نُهم غُروبه یاخین عالَم هُولناک وَحشت آلوب بَناتِ حُسینون قَرارینی شِمر اوُلدی خِیمه گاهَه سَرازیر تَلیدَن وِیردی مُحیطِ نُوریدَه ظُلمَت شُعارینی قیلدی بَیان مَنیم باجیم اوُغلانلاری هانی فَرمان گَتورمیشَم اوُلارون آخماسُون قانی شِمرون نِداسی مُنعکس اوُلدی خیامدَه تولیدِ وَحشت اِیتدی حَریمِ اِمامدَه عَبّاس اولُوب او پیرِ ضَلالتلَه روبرو عادِل دایاندی ظالمیلَه بر مَقامدَه تَسلیم اِیدوبدی نامه نی شِمر آچدی صُحبتی مَحبوب سَن دِیدی نَظرِ خاص و عامدَه عِلّت او دور اَمیر اِیدوب حَقوندَه اِلتفات وِیرمیش اَمان نویدی بُو حُکمِ گِرامدَه دور و چَتین دَگل یِته فَتح و ظَفر سیزَه مَغلوبسُوز سُوزی قوتاروم بیر کلامدَه اَل چَک حُسیندَن آخر حُسین دَه نَه گُورمُوسَن غیر از ئولوم نه حاصلی وار بُو قیامدَه وِیردی جَواب شِمرَه اَبُوالفضلِ نامدار غَفلَت واروندی زِندگی بی دوامدَه سَنلَه مَنیم نه رابطم اِی اَشقی الَاشقیا سَن آیری بیر رَوشدَه من آیری مَرامدَه شامُون سپاهینی گُوزومَه چَکمَه چوخ مَنیم دَعوانی اَرزیابی اِیدَه لّر ختامدَه بیز فاتحوک ئولندَه دَه هم ئولدورندَه دَه بیز حاکمُوک مَحاکمهء اِنتقامدَه وِیرانه قویدی یَثربی ظاهردَه گر یَزید یَثرب لیلَر عَلم وُیراجاق قَلبِ شامدَه طرد اِیلدی اوُظالمی قَهر و عَتابیلَه قارداشلارین حُضورَه چاقوردی شتابیلَه اوُز خِیمَه سندَه باشه یغوب اِیتدی اَنجمَن گلدی دِیله تأثرلَه باشلادی سُخن شِمرون بو گَلمَگی مَنی ناراحت اِیلیُوب روحیم مَلالیدَن سیخیلوب تیتریُور بدَن قُویمازدوم هِیچ خیامَه طرف تَلدَن اَنَه اَفسوس بیلمَدوم او جَفا پیشَه دور گَلَن گر اِیستَه سُوز خَجالَت و شَرمَندَه اوُلمیاق فِیضین بیزه عِنایَت اِیدَه حَیّ ذُاولمَنَن بیر شَرطی وار شَهامَتیلَه صُبح آچیل جاقین اوّل گرکدی بُوینومُوزا بیز سالاق کَفن قارداشلاریلا صُحبتَه مَشغُول او با وَفا زِینبدَه بیر چادردا حُسینیلَه هم سُخن وَقرِ تَمامیله آناسی فاطمه کیمی دِلدارلیق وِیروردی اِمامه او شیر زَن عَبّاسیمَه گُلوبدی اَمان نامَه غم یِمَه گِتسَه گِیدوبدی قَلبوه یُوز وِیرمَسُون مُحَن امُا اِینانمُورام بیزی بُو چُولدَه تَک قویا سَن سیز جَهاندا بیر گُون اِیدَه عشق جان و تَن اِیتسَه حُضوروه اِیکی میز بر دانیشدیراق گِتسه بیلَک عَلم گُوتورَن یُوخدی اِیندی دَن بو آز سپاهیدَه اِیلَه آزاد قالماسُون سَرلَشگرون گر اوُلماسا سَربازی نِیلوسَن شِبهِ رَسُولِ هاشمیَه اَمر اِیدوب اِمام عَبّاسه دئ حُضورَه سَنی اِیستیُور بابام #شادروان_انور_اردبیلی

خدمتله جلب ائدیم حسنینون رضایتین بیر مهربان کنیزی اولوم آل عصمتین دورد گل قویوب بتول بو منزل ده یادگار هر دوردونون یقین آپاروب قبره حسرتین اما حسینه چوخدی علاقم بو قلبیده اوز منطقی حکایت ائدر اوز لیاقتین بیر وعده ایلورم سنه ای حیِّ ذوالجلال افزون ایله بو جاریه نون قدر و قیمتین لطف ایله بیر اوغول من ، حسینه غلام ائدیم دوتسون گرامی مقدمینون خا‌کِ عزّتین ام البنین دعاسینی حق ائتدی مستجاب آرتوردی دودمانِ علی ده شرافتین چاتدی او گون مرامه دوغوب ارشد اوغلونی شیر خدایه مژده وئروبلر ولادتین مولود اطهری او شه آلدی قوجاقینه باخدی مُعاینه ایلدی قدّ و قامتین بی اختیار کوینگینون قوزادی قولون مدّ نظرده دوتدی نیستان مصیبتین نوفل قلینجینون یئرینی اوپدی آغلادی تحریک ائدوب آتا ، آنانین دل ده رقّتین عرض ایلدی آقا ندور ایرادی اوغلومون بو آغلاماقیوین منه کشف ایله علّتین فرمایش ائتدی باخما منیم اشک و آهیمه ایرادی یوخدی اوغلوون هیچ ائتمه واهمه ذاتِ یگانه گوهر اعلا وئروب منه باغِ ولاده نوگل زیبا وئروب منه گر موته غزوه سینده شهید اولدی قارداشیم جعفر شبیهی ضیغمِ هیجا وئروب منه بوش قویمادی جهاندا عموم حمزه نین یئرین حمزه کیمی دلیر و توانا وئروب منه عباس آدیله سیز بالامون سسلیون آدین بوالفضل ائدوب فضیلته دارا وئروب منه ممکن دگول بو صدق و صداقت ده بیر اوغول وئرسین جهاندا بیر کسه ، اما وئروب منه چوخداندی بو ولادته من انتظاریدیم مقصودیمی خدای توانا وئروب منه قویدی قدم جهانه حسینون کمکچیسی علت او دور کی قلبیده یارا وئروب منه احسن سنه مجاهد صالح دوغان آنا جان آفرین نه پنجه لی عنقا وئروب منه آل اوغلووی قوجاقیوه صود وئر ، سن آغلاما باخما منه کی اوز غمِ عظما وئروب منه نازیله بسله گوزله ایکی گوزلرون کیمی حیِّ قدیر گور نه مزایا وئروب منه اما مواظب اول اوجا یئردن ییخیلماسین چون حق بو طفلی سالمُ الاَعضا وئروب منه هر ساعتی که گلسه حسینیم سراغینه گر یاتمیش اولسا فوراً اویات وئر قوجاغینه ادامه دارد🔽🔽🔽

#ترکیب_بند بَخشِ اوّل وار نیّتیم وَقایعِ دورانیدَن یازوم بیر شِکوه نامَه عالَمِ اِمکانیدَن یازوم آلامِ رُویدادِ جَهان بی شُماری دور حِیرتدیَم نه مَطلب و عُنوانیدَن یازوم اِبراهیمُون عَریضَه وِیروم سَرگُذشتینی نَمرود ظُلمین آتَشِ سُوزانیدَن یازوم یا ثَبت اِیدوم سَرآمدِ یَحیانی دَفترَه یا اشگ ریزِ کُلبهء اَحزانیدَن یازوم یا شَرحِ حالِ یُوسفِ صِدیقَی نَظم اِیدوم چاهِ بَلا و مُحنتِ زِندانیدَن یازوم دَردِ کَلیمی یا که مَسیحا غَمین دِیوم یا که حَبیبِ حَضرتِ سَجانیدَن یازوم یا شَرح اِیدوم شَهادتِ جانُسوزِ مُحسنی دَرد و مَلال خیرة نِسوانیدَن یازوم یا عَرض اِیدوم غَم و مُحنِ بُوتُرابیدَن مِحرابِ طاعته تُوکُولَن قانیدَن یازوم یا مُجتبی مَصائبنی اِیلیوم عَیان زَهرِ مؤثریلَه چیخان جانیدَن یازوم یا اِینکه دَشتِ کَرب و بَلایه چَکُوم سُوزی دِلدادگانِ مَکتبِ عُرفانیدَن یازوم ای خامَه هُمّت اِیلَه قُوتاردی مُقدمَه عَبّاس تَک مُجاهدِ قرآنیدَن یازوم بُولفَضلی دور فَضیلت اَبُوالفَضل آدیندا دور وِردِ زَباندی لَذّت اَبُوالفَضل آدیندا دور اِثباتِ مَطلبَه گرک اَلدَه دَلیل اوُلا مُحکَم شُهودیلَه یازیلا سُوز ثَقیل اوُلا وار دور مَحلِ شُبهه مَگر بُو رَوایتَه بیر حالدا که رَوایتَه راوی عَقیل اوُلا بیر گُون دِیور بُویُوردی مَنه قارداشیم علی بیر عُورت اِیستُورم اِیویمَه تا کفیل اوُلا شَرطِ اوّل مُنزّه اوُلا خانوادَه سی خویش و تَبار و طایفه سی چوخ اَصیل اوُلا عُورت اوُزی مُحجَبَه پا بَندِ حُکمِ دین قَدی کشیدَه صاحِب خُلقِ جَمیل اوُلا فکریم بُو دور که حَقّ مَنیچون بیر اوُغُول وِیرَه یُومِ بَلادَه حامیِ آلِ خَلیل اوُلا اَربابِ حاجَتُون اِیلیَه حاجتین رَوا دَرمانده لَر گِیدوب قاپُوسندا دَخیل اوُلا پَرچَم گُتورسَه جَعفرِ طَیارَه اوُخشیا عِیناً شَباهتی مَنه از هر قَبیل اوُلا صَف سندیرا جَهاد اِیدَه سَرلَشگر ئولدورَه مَعنادَه آفرین دیَنی جَبرئیل اوُلا عشقِ حُسینه رُوحینی اوُرگشدیرَم اوُنُون آخر نَفس حسین دِیوب اوندان قَتیل اوُلا یِتسَه اَلی فَراتَه حُسین سیز سُو اِیچمیَه مُشتاقِ حُوضِ کُوثر و یا سَلسَبیل اوُلا آبِ رَوانِ نَهره باخوب شَرمسار اِیدَه تیپِ مُجاهِد همّتینَه اِفتخار اِیدَه آگاه اوُلوب عَقیل اِمامُون مَرامنَه جَهد اِیلدی یِتُورسُون او سُلطانی کامنَه بیربیر گَزوب قَبایِل مُلک مَدینَه نی بیر قیز تاپُوبدی لایق اِمامُون مَقامینَه بیر فُرقهء سَعادت و عِزّت نَتیجَه دَه خوشبَخت اِیدوبدی فاطمه نُون چِیخدی نامنَه قُویدی یُوزون گلندَه او پاک آستانیَه تَسلیم اوُلوب یانان قاپونُون اِحتشامنَه زوار اوُلوبدی مُحسنُون اؤپدی مَزارینی یُوز وِیردی اَشگِ غُصّه دولوب چِشم جامنَه باشلاندی عُمرینُون عَظمتلی زَمانَه سی عِزّت یِتیشدی گُوندوزینَه صُبح و شامنَه مَجذوب اُولوب علی قیزی صِدیقَه زِینبون سِیر وسُلوک و طَرز و سُجود و قیامنَه تَفسیر اِیدردی آیه خَواتینِ یَثربَه آگه قیلاردی خَلقی حَلال و حَرامنَه روحاً اوُلاردی اُمّ بَنین بَسکه شادمان حَمد و سپاس اِیدردی خدای گرامنَه یارَب دِیردی اِئتدون عَجَب بَختَوَر مَنی چَکدون کمینَه بَندَه وی عِزّت مَقامنَه خوش حالیمَه مَنیم کیمَه گُور اوُلمُوشام آنا بَختیم هُماسی شَهپَر آچوب عَرش بامنَه تُوفیق اوُلوب رَفیق یِتیشدُوم مُرادیمَه زَهرا اِیویندَه لطف اِیت اوُلوم یاخشی خادمَه ادامه دارد #شادروان_انور_اردبیلی

۲۱رجب سالروز وفات حضرت رباب(س) #احوالات_حضرت_رباب_(س) نسگیل لرون بو قلبیده گلمز شماریه دوندی گوزونده محبسه دنیای عاریه   پر ووردون آتش ِغمه یاندون یورولمادون پروانه تک هوس ایلدون سن شراریه   چوخدور غمون بو درده اما چوخ آغلارام سوز درک ایدن کفایت ایدر بیر اشاریه   گون رنگیوی قراتدی ، گورنلر دئدی منه قویما حیاطی ایلیه مسکن بو جاریه   آچ گوزلرون نه خوابِ عمیقه گیدوب گوزون؟ سالما فراق اودون بو دلِ پاره پاریه   اقبالیوون ستاره سی سوزموشدی لاجرم قان آغلادون همیشه باخاندا ستاریه   گَل نطقه بیر چوخ ایستدیگین اصغره گوره هر گونکی تک یتور الیوی گاهواریه   گر طاقتون یوخوندی سنه ایلیوم کمک من ترپدیم سن اوخشاما دئ شیرحواریه   سوز چوخدی بو زمینه ده امّا یازانمیرام غسل و کفن اولوب او اورک پاره پاریه   زین العباد قبره قویوبدور آناسینی گویا بو دللریله دوتوبدور عزاسینی   ای مظهرِ محبّت و مِهر و وفا آنا ای معدن ِعطوفت و شرم حیا آنا   ای عمرینی فنایه ویرن صحن ِخانه ده وی اشگریزِ گوشهء صحن و سرا آنا   ای گوز یاشین سولان یوزونه زینت ایلین باش غم دیزینده غملریله آشنا آنا   قارداشلاریندا گَلدی قویوب گتمدون بیزی خلق ایلین اوزی سنه ویرسین جزا آنا   غملی مزاریوی اوزوه آشیانه قیل دینجل بیر آز بو قبریده ای مهربان آنا   یادّان چیخاتمارام سنی هر قدر زِندیَم هر گون نمازیده ایدرم من دعا آنا   گیت اصغری بهشتیده آل سینن اوستونه روح عالمینده روحیوه ویرسون صفا آنا   سندن سو ایستمز نه صوده احتیاجی وار زهرا آناسی حلقینه قویموش دوا آنا   یانماز چراغی حرملنون ده سونر یقین چون انتقام وعده سی ویرمیش خدا آنا   #انور حضورِ شه ده قبول اولسا بو سوزون خلق آغلیاندا روزِ جزا آغلاماز گوزون