کانال رسمی استاد محبوب خلیلی

‍ چاپیپ اؤز آتینی آغ آتلی گئتدی آتلاری شیمشکدن قانادلی گئتدی اوشاق یادداشیمی قاناتدی گئتدی داها ناغیللارا اینانمیرام مَن... ننه‌مین اینامی دردی ناغیللار نامَرده آلداتدی مَردی ناغیللار بیزی یوخولارا وئردی ناغیللار داها ناغیللارا اینانمیرام مَن... اوشاق اووتماغا بیر نوغول‌ایدی سؤزلرده یاشایان بیر عاغیل‌ایدی یاخشی آداملاردا، بیر ناغیل‌ایدی داها ناغیللارا اینانمیرام مَن... سیم- سیمی سؤزله یوخ، زورلا آچدیلار تیلسیمی مین جوره یوللا آچدیلار هیم- جیمی مؤهورلو قوللا آچدیلار داها ناغیللارا اینانمیرام مَن... فاطمالار آیاغی کَندیرده قالمیر خَمیریمیز کوت گئدیر، تَندیرده قالمیر ایندی قارغالارا پئندیر ده قالمیر داها ناغیللارا اینانمیرام مَن... آجی حقیقتلر بال دادیر ایندی آریسی اولمایان بال ساتیر ایندی کئچَلی ساچلیلار آلدادیر ایندی داها ناغیللارا اینانمیرام مَن... ائله یوخولاردا آتلار کیشنه‌‌دی دئولری قازانا سالدیم پیشمه‌دی گؤزله‌دیم گؤیلردن آلما دوشمه‌دی داها ناغیللارا اینانمیرام مَن... #نوصرت_کسمنلی https://t.me/Asigmahbub20

عؤمرون بویو سئوینجک اول، گولک اول دویان اورکلرین احتیاجی اول بیر جننت باغیندا سرو آغاجی اول بورونسون همیشه یاشیلا عؤمرون او مهر چراغین کؤنلونده یانسین اونون کئشیگینده کؤنول دایانسین باهاری گونلرین ائله اوزانسین گئدیب چاتمایاسان قیشینا عؤمرون چاغلار بولاغینی اونوتمایاسان یانار اوجاغینی سویوتمایاسان سنی اونوتمازی اونوتمایاسان قوی دؤنسون محببت یاشینا عؤمرون اللی ایل نه‌دی کی؟! شیرین بیر خیال بیرازی سئوگی‌دیر، بیراز دا کامال همیشه گؤردویوم طراوتده قال دیمه‌سین هئچ نامرد داشینا عؤمرون موسی_یعقوب https://t.me/Asigmahbub20

شاعیر : زلیمخان یعقوب سن الله قیراغا چیخماسین بو سؤز، بوسیرری بیر سن بیل، بیر ده من بیلیم. کیمینسه ائوینی ییخماسین بو سؤز، بو سیرری بیر سن بیل، بیر ده من بیلیم. اؤلرمی دیلیندن، سؤزوندن اوپن، کیمین باخیشیدی گؤزوندن اوپن؟ کیمین دوداقیدی اوزوندن اوپن، بو سیرری بیر سن بیل، بیر ده من بیلیم. سئوگی عؤمورلوکدو بیرجه آن دئییل، سنسیز بیر جانسیزام، جانیم جان دئییل، آللاهین اؤزو ده سیرر آچان دئییل، بو سیرری بیر سن بیل، بیر ده من بیلیم. دیلیم نه دانیشدی، الیم نه دئدی، ایچیم نه قایناتدی ، چؤلوم نه دئدی، حیات نه سویله دی، اؤلوم نه دئدی، بو سیرری بیر سن بیل، بیر ده من بیلیم. سن یانار اولدوزسان، من دوغان آیام، سن آخان چئشمه سن، من دلی چایام، کیملره سووقاتام ، کیملره پایام، بو سیرری بیر سن بیل، بیر ده من بیلیم. سن شادلیق ایسته دین، فرمانین اولدو، سن علاج ایسته دین، درمانین اولدو. زلیم خان نئچه دفعه قوربانین اولدو، بو سیرری بیر سن بیل، بیر ده من بیلیم https://t.me/Asigmahbub20

قاییدیب اؤزومه پیر اولاجاقمیش اولمازدیم آنامدان بیلسیدیم اگر ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌اینسانلار قوجالیب پیر اولاجاقمیش عئیبه‌‌‌‌‌‌‌‌‌‌‌‌‌‌‌‌‌‌‌جر دونیانین کدری-غمی باغریمی داغیدان تیر اولاجاقمیش حیات باشدان-باشا یاریش مئیدانی کیملر اولاجاقمیش کیمین قوربانی چوخلارین اللرده دیدیلیب جانی اؤلومله-قالیمی بیر اولاجاقمیش یئرسیز اؤته‌‌‌‌‌‌‌‌‌‌‌‌‌‌‌‌جکمیش واختدا، زاماندا حققی ییخاجاقمیش ناحق جهاندا یاشدا یاناجاقمیش قورو یاناندا هر یاندا وور-سیندیر، قیر اولاجاقمیش یالان کئچه‌‌‌‌‌‌‌‌‌‌‌‌‌‌‌‌‌‌‌جکمیش دوزون یئرینه اه‌یری دؤنه‌‌‌‌‌‌‌‌‌‌‌‌‌‌‌‌‌‌‌جکمیش دؤولت پیرینه مظلوم اینسانلارین یوزده بیرینه بیر قاریش دورماغا یئر اولاجاقمیش نه توتارلی آهلار یانان نفسده نه دیل اولاجاقمیش دانیشان کسده صنعت داردا، صنعتکارلار قفسده هونرسیز مئیداندا شیر اولاجاقمیش ستارام نه بیلیم جانلی مئییت‌‌‌‌‌‌‌‌‌‌‌‌‌‌‌‌‌‌‌لر منه وئره‌‌‌‌‌‌‌‌‌‌‌‌‌‌‌‌‌‌‌جکمیش یئرسیز اؤیودلر الیمله سالدیغیم بارسیز سؤیودلر قاییدیب اؤزومه پیر اولاجاقمیش . #ستار_گول_محمدی https://t.me/Asigmahbub20

دؤنه‌جه‌یم ائل سازیندا تئله من هله قیش‌دیر، یاد اللرده دن کیمی سپیلیرم قاریش-قاریش چؤله من گون گله‌جک خالقیمیزین باغیندا دؤنه‌جه‌یم چیچه‌یه من، گوله من گله‌جه‌یین تاریخی‌دیر یازیمیز بیزه دوغرو یول اوسته‌دیر یازیمیز بیر گون چوخا گوج گله‌جک آزیمیز ازل گوندن اینانمیشام ائله من سیلینه‌جک سینه‌میزدن قان یئری ساغالاجاق پارچالانمیش جان یئری الیمیزله سؤکوله‌جک دان یئری سؤیکنمیشم قودرت آدلی ائله من ائل بوغدوقجا آزقینلارین هایینی ائل کسدیکجه ساتقینلارین پایینی ائل ییغدیقجا قاپی-قاپی خائینی وئره‌جه‌یم یازدا داشقین سئله من من ستارام بیر اوره‌یین پاراسی باخ گؤر قالیب صاف جانیمین هاراسی! ساغالدیقجا اوره‌ییمین یاراسی دؤنه‌جه‌یم ائل سازیندا تئله من. #ستار_گول_محمدی https://t.me/Asigmahbub20

قالیبدی باخدیم بو ائللرین عؤمور یولونا ‌‌‌‌‌اریییب تپه‌سی، دوزو قالیبدی زامانلا چارپیشان جیغیرلاریندا هر گلیب‌-گئده‌نین ایزی قالیبدی طالئعی یاتیبدی، بختی چؤنوبدو شانلی گونلرینین اوزو دؤنوبدو حیات آدلی اود‌-اوجاغی سؤنوبدو یانان اورکلرین کؤزو قالیبدی زامان‌-زامان هؤرمه‌له‌نیب هؤرونوب یاد اللرده دیزین‌-دیزین سورونوب گوله باتیب بنووشه‌یه بورونوب هر کولون دیبینده گؤزو قالیبدی داغیلیب اورمانلار، گؤی بیچه‌نک‌لر دولاشمیر چؤللری بوز کپنک‌لر اسیر یاللاریندا آجی کولک‌لر داغیلمیش یوردلارین اوزو قالیبدی یولچوسوز یوللارین باخیشی مبهوت تک‌لیک‌دن دره‌لر چکیر غملی سوت داغلارین ساچینی داراییر سوکوت اوزونده حسرتین توزو قالیبدی نه یازی یاز کئچیب، نه پاییزی شن نه داغدا قار قالیب، نه زیروه‌ده چن او کؤهلن آتلارین کیشنه‌مه‌سیندن ناغیل تک دیللرده سؤزو قالیبدی کسیلمیش آغاجی بَهَرین‌-بارین قاچیب برکتی دؤولتین‌-وارین خاتین آنالارین، خان بابالارین نه حالال چؤره‌یی، دوزو قالیبدی عشقی غم دیزینه دائم دؤیوب باش یئرسیز قوربان گئدیب هر قورویا یاش هر یاندان اوستونه تؤکولسه‌ده داش ستارین سؤزونون دوزو قالیبدی. ستار گول محمدی https://t.me/Asigmahbub20

ساز سلا ایفاچی سی رحمتلیک اوستاد گولابی آشیق خندی ممد اوغلو ایفا عثمانلی دیوانی سی

آهو کیمی گوزلرین شیرین شیرین سوزلرین ربابه مراداوا❤️🌼❤️🌼❤️🌼 https://t.me/Asigmahbub20

اللریم ساچینا چاتا بیلمه دی اومودسوز داراغیم کۆسولو گئتدی بیر شیرین اؤپوشله باشلار سئوگی لر آجییان دوداغیم  کۆسولو گئتدی توتدون اللریمدن دنیا دایاندی من سنی سئویرم دیلده یاراندی بیلمه‌دیم  نه اولدو! نه‌دن اوساندی باغیشلا قوجاغیم کۆسولو گئتدی باخیشلار قاباقجا اوتاغا گلدی قیزاردی بوْزاردی یاناغا گلدی سئومک سؤزجوک‌لری قاباغا گلدی قیزاران یاناغیم کۆسولو گئتدی بیر سویوق گئجه‌ده قار اۆستونده قار گلمه‌میش گئدیردین، گئتمه نه اولار؟ لامپالار دالینجا گؤز ووروردولار بیر یاغسیز چیراغیم کۆسولو گئتدی باریشماق ایسته‌دی منده  قوشمالار سن ایله یازیلا, سنده قوشمالار بیردن دومان دۆشدو! چن ده قوشمالار... نئیله‌ییم واراغیم کوسولو گئتدی رامیز روشن https://t.me/Asigmahbub20

سئوگیلیم! آناما قوجاسان دئمه، گل اونون عشقینه ، گل ایشینه باخ! کؤوره لن قلبیندن سوزولوب گلن ، شیرین نغمه لرین گلیشینه باخ ! اوزانسین داهادا عؤمرونون یولو دئمه کی اینجه لیب، اوزولمه سی وار سن خاللی_خالچالی بیر اوتاقداسان ، اونون هر ناخیشدا یوز ایلمه سی وار ! گولسه دوخسان ایلین دوداغی قاچار آغلاسا دونیانین چاتیلار قاشی هاوالی گزسن ده ، هاواسینا یات یانیندان کئچنده بیر آز یاواشی ! سنه او قده ر  ده  آسان گلمه سین رنگینین ساچینین دوم آغ  اولماسی بورولا_بورولا ایپه دؤنه نین _ بوکوله _ بوکوله یوماق اولماسی. او بوتون گول لردن عزیزدیر منه عطری مین چمنین عطرینه  ده یر قارا تئللرینله چوخدا اؤیونمه _ آغاران تئللرین خطرینه ده یر !... زلیمخان_یعقوب💥💐💥💐 https://t.me/Asigmahbub20

سلام گون گوزه ل انسانلار 😘😘😘😘🥰🥰🥰🥰❤🧡💛💚💙💜🤎

https://t.me/Asigmahbub20 آشیق اولدوز

بو اوغلانین آدی رضا جهانی‌دی. قاراداغین مرکزی اولان اهر شهرینده دونیایا گؤز آچیب، اما یوخ،،، او گؤز نعمتیندن محروم اولاراق دونیایا آیاق باسیب. تورک میتولوژی‌سی و آزربایجان شفاهی اینانجلاریندا گؤز ائشیک دونیایا آچیلان پنجره‌دیر. بو پنجره‌سی باغلی آداملار، بلکه ده اصلینده ایچ دونیایا باخان و هر نه‌یین ذاتینی دویوب، دوشونه بیلن آداملاردی‌لار... رضا جهانی تهران‌دان آنکارایا قدر، دفعه‌لر سمپوزیوم‌لار و تلویزیالار قوناغی اولوب، ایفالار ائدیب، باشیمیزی اوجالدیب و بیز اونا باش‌اوجا حایات آرزولاییریق. ابراهیم ساوالان https://t.me/Asigmahbub20

‏فیلم از طرف mahboob khalili

#داریخیر باخیشلاریندا روباب، تار سینیب کامان داریخیر یاناقلاریندا، شافاق گوزگوسونده قان داریخیر. حزین سسینله سنین کؤرپه لر گئدیر یوخویا گونش داریخمالارین آی دوغور آذان داریخیر. دوداقلاریندا پاییز نغمه لی یاشیل بایاتی، سطیر_سطیر سوزولور سنده بیر رومان داریخیر. بیاض چیچکله دولان ساچلاریندا غملی قوپوز، سیزیلدایاندا، اسیر سام یئلی؛ خزان داریخیر. دیلین یاساقلی قورآن آیه سی آچیلمیشدا دویون دوشور داشا ایلمکلرین؛ قوران داریخیر. سن آغلایاندا دنیز گؤزلرینده بالتالانیر قیسیر قاسیرغالارین قولتوغوندا جان داریخیر. چوخ آغلاما! قوتارار گؤزلرینده سئوگی یاشی بو سئوگیلیکده هله بیر اؤلوم زامان داریخیر. قوجالدی گؤزلری یوللاردا سونسوز آرزیلارین گرایلی_قوشمالارین داغلارا دومان داریخیر. بیچیم_بیچیم بیچیلیر سنده آرزیلار دیله یی الینده گول قانینا بیر سوسوز تیکان داریخیر. دوغوم گونوندن اجل سنده "آل قان"ا بویامیش زهر بیر اوخ آتیلیب؛ اوخ سوزور، کامان داریخیر...  #حسن_قبادزاده_آلقان https://t.me/Asigmahbub20

عؤمرون بویو سئوینجک اول، گولک اول دویان اورکلرین احتیاجی اول بیر جننت باغیندا سرو آغاجی اول بورونسون همیشه یاشیلا عؤمرون او مهر چراغین کؤنلونده یانسین اونون کئشیگینده کؤنول دایانسین باهاری گونلرین ائله اوزانسین گئدیب چاتمایاسان قیشینا عؤمرون چاغلار بولاغینی اونوتمایاسان یانار اوجاغینی سویوتمایاسان سنی اونوتمازی اونوتمایاسان قوی دؤنسون محببت یاشینا عؤمرون اللی ایل نه‌دی کی؟! شیرین بیر خیال بیرازی سئوگی‌دیر، بیراز دا کامال همیشه گؤردویوم طراوتده قال دیمه‌سین هئچ نامرد داشینا عؤمرون موسی_یعقوب https://t.me/Asigmahbub20

‏فیلم از طرف شوق پرواز سلام صبح تون عالی حال دلتون خوب و پر از شادی لب تون خندان فکرتان آزاد https://t.me/Asigmahbub20