كوتش منى الهاشمي🎯

‏جرب ١٤يوم فقط مع اخذ كامل ادويتك ومكملاتك وبعد ١٤يوم تعال قول لي تجربتك مع نظام السعادة والصحة واللياقة والروحانية والحب والنشاط والوزن اللي كله عضل وجسم مشدوووود😍 المسموح: ‏١-الدقيق الكامل مع النخلة بدون ذرة دقيق ابيض ‏٢-الرز بكل انواعه ‏٣-العصيرات المعلبة فقط والفواكه كلها ماعدى المنجا والحبحب والشمام ‏٤-من الخضار البطاطس بكل الطرق حتى المقلي والبطاطا الحلوة والقرع والدبا ولكن اللي يعور بطنك لاتاكله ‏٥-الاجبان اللي تذوب مع الحرارة كلها مسموحة يعني شيدر /شرايح/سايلة /كرافت/مازوزيلا ‏٦-القشطة الحقيقة مو شبية القشطة ‏٧-الطحينة السايلة وحلاوى الطحينية والافضل الغامقة ‏٨-الكتشب والمايونيز باعتدال اذا ماتعور بطنك اي شي يعور بطنك ممنوع ‏٩-القهوه بالسكر او بدون بدون حليب الشاهي الاخضر والنعناع والحبق ولكن اللي يوجع بطنك ممنوع ‏(الشاهي الاسود ممنوع تماما ويخرجك من النظام) ‏ ‌‌‏ ١٠-الشوكلاته مسموحه بكل انواعها ونقلل اللي فيها بسكوت او مكسرات ‏١١-المكسرات مسموحه الا السوداني واللوز اطحن المكسرات كثير قبل ماتبلعها ‏١٢-الشبس الحقيقي مسموح بكل انواعه ‏١٣-الشطه الفلفل الاسود الزنجبيل واي شي يحرق المعدة واللسان ممنوع (قلل على الاقل) ‏ -المربى بكل انواعه مسموحه ‏١٥-السميد وجوز الهند مسموحة ‏١٦-الذره مسموحة بكل الطرق ‏١٧-الفشار مسموح حتى اللي بالكراميل ‏١٨-البليلة اذا ماتعور بطنك اوك ‏١٩-الطعمية اذا ماتعور بطنك مرة في كل شهر مثلا ‏٢٠-البقوليات ممنوووووه ‏٢١-الحليب ومنتجاته ممنوووووعه والجبن البيضا والجريش❌ ‏ -الزيوت المفضله للطبخ السمن والزبدة وزيت الزيتون ‏وكل الزيوت مسموحه بس هذي الافضل ‏٢٢-الغازيات والصودا ممنوعه ‏٢٣-الفواكه كلها مسموحه ماعدا الحبحب والشمام والمنجا ‏واللي عليها وبر ‏واذا بتاكل تفاح او كمثرى قشرها ‏٢٤-الخضار الني ممنوع تماما ‏ ‏ -اشرب مويا قد ماتحب لكن اذا انت عطشان ‏٢٦-كل قد ماتبغى من المسموحات لكن اذا انت جوعان ووقف اكل اذا شبعت ‏٢٧-كل انواع الخبز الكامل بالنخاله مسموح لكن مايكون فيه ذرة دقيق ابيض ٢٨-الايسكريم كله مسموح ٢٩-الحلاوى طحينية الغامقه افضل والسايلة والسمسم والزعتر كلها تمام ‏ ‏توست✅ ‏صامولي✅ ‏رغيف وتميس✅ ‏شابورة✅ ‏لكن تكون مليون في الميه بر ولازم فيه نخاله ‏احبكم❤️

‏⁧ #نظام_الطيبات⁩ ‏دخل المستشفى لانه صار ياكل لحم ‏وسمك 😅 ‏دخل المستشفى لانه صار ماياكل الا ‏دقيق كامل مع النخاله ووقف السم ‏الدقيق الابيض😅 ‏دخل المستشفى لانه بطل يشرب ‏عصير فواكه وصار ياكل الفواكه اكل ‏فقط😅 ‏دخل المستشفى لانه وقف شرب ‏الصودا والغازيات وبدلها بعصير ‏معلب😅 ‏دخل المستشفى علشانه صار ياكل ‏لما يكون جوعان فقط ويوقف اذا شبع😅 ‏دخل العناية لانه يشرب اذا عظش ‏ويوقف اذا ارتواء!! ‏دخل العناية لانه وقف سكر ستيفيا الصناعي وبدله بالاصلي والعسل؟؟ ‏ايش هذا التخلف ؟ ‏انا احتاج اكون متخلف علشان اصدقكم🤝 ‏قل نسبة المرضى٧٥٪✅ ‏قل استهلاك المسكنات٧٥٪✅ ‏قلت نسبة شراء الهرمونات وانضرب سوقها✅ ‏قلت نسبة شراء اي شيء ينفخ القولون وانضرب سوقها✅ ‏زادت لحظات السعادة والمسليات في البيوت ‏للاصحاء ‏الشوكلاته😍 ‏الشبس والعصير😍 ‏البطاطس المقلي والبليلة والذرة ‏والفشار بعد المغرب😍 ‏كل الاجبان والمربيات وحلاوى الطحينه والزبدة هذا فطورنا😍 ‏هذا اسمه نظام السعادة ‏نظام الحياة ‏نظام الروحانية ‏نظام الفلة والوناسة والعائلة والفعاليات والمشاركة ‏(صرت اسمع انا بساعدك ياماما من الاولاد كمان😍) ‏موتو بغيضكم ودبروا كذبات جديدة ‏ومابالتفت لها يا اتباع المسيخ الدجال ‏الحمدلله والشكر احنا اتباع والا انتو ‏هذا ماوجدنا عليه ابائنا يارب البسهم لباس العافيه وخليهم يعيشون جنة الدنيا قبل مايموتون اقلها يجربون الجنة حق الدنيا يارب 🙏🏼

‏تذكرين هذيك المرأه اللي كان يعجبك ستايلها وانتي صغيرة؟ ‏تذكرين طريقة ترتيب شعر الثانية اللي كان يلفتك ؟ ‏تذكرين اسلوب هذيك اللي كان يعجبك مرة؟ ‏وهذيك اللي كانت تقهرك مرة واسلوبها زفت؟ ‏ركزي بقول معلومة خطيرة😍 ‏هذا كله هو افضل ستايل ومظهر واسلوب لك سوا في اللي يعجبك تسوين مثله على قد ما تقدرين ‏واللي يضايقك في الاسلوب حقها تبعدين عنه وماتسوينه مع اي شخص ‏واسلوب الحياة اللي كان يلفتك وانتي صغيرة هذا افضل شيء تسوينن في بيتك ‏وحتى شكل جسم فلانه اللي كان عاجبك هذا هو افضل جسم توصلين له ‏ميك اب فلانه اللي كان يعجبك وانتي صغيره هذا هو اللي يفترض يكون الميك اب حقك الدائم حتى الاشياء اللي كانا تصير قي بيت اهلك وتعجبك مثل نوع فطور الجمعه او ان عندهم تقليد معين دايم تذكرينه وياثر فيك سويييييه في حياتك الحالية 😍😍😍😍😍 ‏المطلوب : ‏(تذكر/تذكري) ‏اللي كان يعجبك في كل شيء وانت صغيرة ‏ستايل ‏ميك لب ‏تسريحة شعر ‏طريقة لبس ‏اسلوب تعامل ‏اسلوب حياة ‏نبرة صوت وطريقة كلام ‏نمط عائلة ‏هذا هو اللي تسوينه وهذا هو افضل ‏حال توصلين له قي كل امورك ‏حتى الدينيه 😳 ‏ف اقعدي الان ومعك 📝 ‏وتذكري كل تفاصيل الاشخاص اللي يعجبونك داخل وخارج ‏واعرفي انه في الباقي من حياتك ‏هذا هو افضل مايمكن انك توصلين له ‏وكمان بيخليك راضيه عنك ‏جربي /جرب وادعي لي ‏احبكم ‏⁧ #منى_الهاشمي⁩🌹 قروبات مونا مور ليدي المجانية للاشتراك تواصلي بالواتس اب مع ‏https://iwtsp.com/966508184078

https://youtube.com/playlist?list=PLxNa2t7IhmlDDfEMjtziiJ1dW_5uEPPH4&si=lSVOxAA_7dOz9DZJ ٦٧مقطع كلها عن حياتك الزوجية مجاناً ❤️ ربي يخليكم لبعض❤️

‏وقت الذكر بعد الصلاة ‏تقدر تخليه مع التركيز على التنفس ‏تاخذ نفس 👃🏼 ‏وبعدها تبدا الذكر ‏لين تزفر كل الهواء 🗣️ ‏وتامل انت ايش تقول وخلي الكلام ‏يطلع من قلبك 🫀و🧠 ‏لاتصير ببغاء ‏سبحا سبحا سبحن سحان سسب سسسس🤦🏽‍♀️ ‏سبحان الله كلمة عظيمة قولها ‏صح 🤝 ‏⁧ #جنة_الدنيا⁩ ‏🕊️🪶💰

‏نصيحة قلب جرب الحياة ‏قلل اكل 🤝 ‏كل المفيد 🤝 ‏جسمك النظيف بيعرف ايش اللي دخلته وعورك وجاب العيد فيك🤝 ‏طيب ماعرفت؟ ‏صوم وقف اكل وجسمك بيشافي نفسه🤝 ‏اصلاً ديننا وضح لنا انه الصوم له اجر كبير مرة ‏وحمسنا اننا نصوم باحاديث كثير ‏قال انه اذا صمت ١٣/١٤/١٥ ‏كانك صمت الدهر كامل ‏طيب خلينا نحسبها بالورقة والقلم📝 ‏في ديننا كل حسنة بعشره امثالها ‏فانت اذا صمت ٣ايام من كل شهر ‏يعني صمت ٣٠يوم ‏واذا صمت ٣٠يوم لمدة ١٢شهر يعني انت لك اجر صيام السنة كاملة ‏فهمت🤔 ‏فانت عندك في الاصل ‏صوم رمضان كامل فرض عليك ‏٣٠*١٠=٣٠٠يوم ‏والله وعد الصائمين بدخول الجنة من باب الريان ‏من الري فيروى لانه عطش نفسه ‏وتحمل العطش في الدنيا ‏بعده ‏صيام ٦ايام من شوال ‏صيام الدهر كامل ‏ايش يعني ‏٦*١٠=٦٠ ‏و٣٠٠من رمضان =٣٦٠يوم =عام كامل ‏صيام يوم عرفه يكفر ذنوب عام ماضي وعام مقبل ‏تخيل🤔😍 ‏طيب فاتك عرفه ؟ ‏عاشورا يكفر العام الماضي😍 ‏(كان الله يبغى ويحب انه يمسح ذنوبنا حب لنا ورحمة منه لانه يعرف اننا مذنبين) ‏بعدها ‏الاثنين والخميس ‏تعرض الاعمال فيها على الله فيستحب تكون صايم لان الصيام من اكمل الاعمال😍 ‏ ‏والاكثار من الصيام في الاشهر الحرم محبب ‏وشهر شعبان الاكثار فيه من الصوم ‏محبب وكان ربي حبيبي يبغى يعودك ‏على القدرة على صيام شهر كامل ‏بعدها😍 ‏ومعروف ان افضل الصبام صيام داود عليه السلام ‏يوم صوم ويوم فطر ‏طيب قد سالت نفسك ليه كل هذا ‏الترغيب في الصوم🤔 ‏لان الصوم شفاء لكل داء ‏والصيام عافيه ‏وكمان وانت صايم نفسك وطباعك الجشعه تهداء ‏وانت صايم تكون روحاني متصل ‏بالله وباعمال الخير ‏وانت صايم تقدر تتفكر تتامل تتدبر ‏وانت صايم تجيك الافكار الجميلة ‏تقدر تنجز وتسوي اشياء ماقد سويتها ‏(اذا كان جسمك نظيف من المدخلات الخطاء) ‏ ‏ايش المدخلات الخطاء ‏١-الدقيق الابيض ‏٢-الصودا(المشروبات الغازية والبيرة) ‏٣-السكر الصناعي (ستيفيا وسكر الفواكه) ‏٤-منتجات الالبان المضروبه ‏٥-الخضار الني ‏٥-الدجاج والبيض ‏طيب ايش اكل ؟ ‏(سؤال منطقي) ‏١-الدقيق الكامل مع النخاله والرز ‏٢-العصيرات (لكن الفواكه كلها كثمار مو عصير) ‏٣-السكر الابيض العادي ‏٤-الخضار المطبوخ الا اللي تعور بطنك معناه مش مناسبه جسمك ‏٥-الزيوت /زيت الزيتون /السمنه/الزبدة ‏٦-البطاطس/البطاطا الحلوة/القرع ‏٧-اللحم بكل انواعه وقلل البقري ‏والسمك بكل انواعه الا سمك المزارع ‏٩-الفوكه كلها مسموحه ماعدى المنجا وفيه اسباب منطقيه و ‏امنع الحبحب والشمام والفواكه اللي قشرتها مثل القماش ‏واذا اكلت تفاح او كمثرى قشرها ‏ونفس الكلام اذا فيه نوع من الفواكه عور بطنك لاتاكله🤝 ‏وكل انواع المربى مسموحه ‏٧-العسل والتمر مرررررره كويسين ‏٨-الاجبان اللي تذوب بالحرارة مسموحه كلها (جبنه سايل/مثلثات/شيدر/شرايح) ‏فياعيوني ‏صوم قد ماتقدر اشفي جسمك بالصوم ‏واذا فطرت افطر بالطيبات ‏وابعد عن اللي يوجع بطنك ‏ونسيت اذكر ‏البقوليات كلها ممنوعه تبغى تعرف ليه؟؟ ‏شوف بطنك وقولونك بعد ماتاكلها ‏انتفاخه والتكريع اللي يجي بعده والغازات ‏هذا هو الجواب 🤝 ‏⬇️⬇️⬇️ ‏اي اكل يخليك تمشي وتكرع وريحة جسمك مو حلوة ‏ونشاطك اقل وودك تناااام بعده ‏هذا اكل خطاء ‏فمن حبك لجسمك ولحياتك وصحتك ‏وقفه تماما ‏وصومو تصحو ‏ديننا دين جمال وماحثنا الا على كل جميل ‏وهني لنا باب الريان ‏وغفران كل الذنوب بصيام كل الايام الجميلة ‏اللي ربي حطها لنا علشان يغفر لنا واخيراً وهذا المهم⬇️ احسب معاي ٣٠يوم رمضان اثنين وخميس يعني ١٠٤يوم في العام البيض٣٦يوم في العام عاشور وقبله او بعده ٢يوم عرفه١ يوم والعشر من ذي الحجه يعني انت بتصوم ١٨٨يوم ويبقى لك ١٧٧يوم يعني ايام صومك اكثر من ايام فطرك وهذي هي الصحة وهني لك باب الريان واخلاق الانبياء وروقان البال وانجازات اعلى بكثير من الماضي وحياة فيها جنة ماقد عشتها🤝 #منى_الهاشمي🌹 🕊️🪶💰 ‌‏

https://youtu.be/eMlZSMJymlY?si=rljB0JOMc4D52dnK قصتي مع غيبة شخص مسلم وكيف الغيبة خربت علي شيء حلو في الدنيا قبل الاخرة الغيبة خطاء في حق نفسك قبل حق الاخر اسمع القصة وربي ينفعنا وينفع بنا احبكم❤️ #منى_الهاشمي🌹

‏رزقك لو تجري منه يجري وراك ‏والله ‏حتى لو ترفض وتقول ماابغى شكرا مااحتاج ‏عندي وترفض وهو مكتوب لك بيجيك🤝 ‏ولو تجري ورى اي نعمة او هدف وهو ماهو ‏مكتوب على جبينك ولا في قدرك لو تموت نفسك ‏علشانه ماراح يصير 🤝 ‏ليه تتعب والدنيا انت مخلوق تلعب فيها ؟ ‏(لعب ولهو وزينة) ‏⁧ #حقيقة⁩ ‏🕊️🪶💰

اكتب في الملاحظات او في ورقة📝 الحمدلله والصلاة والسلام على محمد واله وبعدها اكتب كل شي تبغاه من امور الدين والدنيا واختم بقول يارب كل شيء دعيت فيه لنفسي اكتبه لكل العالمين من ادم الى يوم الدين ❤️ واضبط منبهك ⏰يدق بعد كل ساعة وكل مادق المنبه اقرا كل الادعية انت بكذا باذن الله 💯٪بتصادف ساعة اجابة في هذا اليوم العظيم #يوم_عرفة 🕊️🪶💰

مقولة (اذا صلح الرأس صلح الجسد) مقولة صحيحة جداً وتعني اذا صلح راس القوم (القائد)صلح القوم وقيس عليه اذا صلح راس البيت (الام والاب )صلح العيال واذا صلح مدير المدرسة/الشركة/المؤسسة صلح الموظفين والله انه اذا صلح الراس حتى وهو ماتكلم ولا نصح ولاقال ولسى ماسوى اي شيء علشان يغيرهم هو فقط تغير وصلح هم يبدئون في التغيير هم يصيرون افضل هم يقتدون فيه حتى لو ماتكلم هو فقط اشتغل على نفسه وبدا التغيير وتغير فعلاً يعني تعدى مرحلة الجهاد مع النفس وثبت على هذا التغيير من ١٤الى ٢١يوم والله يبدأ التغيير في الجسد (العيال/الموظفين) فبدل ما نثرثر ونتكلم كثير وننصح ونطفش العالم !! المطلوب مننا نتغير فعلاً ونصير افضل نسخة مننا وهنا يبدأ التغيير فيهم كون التغيير اللي تتمنى تشوفه في عالمك كون نور ينور اللي معك كون خير يظهر الخير فيهم كون جمال يصيرون اجمل كون مع الله يصيرون مثلك بدون ولا كلمة ولكن ضروري قبل ماتحاول تغيرهم وتحاول تخليهم يقتدون فيك ضروري تخليهم يحبونك اول !! انسى يقتدي فيك شخص مايحبك اذا انت يا (رأس) مطلوب منك تخلي الجسد يحبك وبعدها كل شيء بيصير بدون تعب! منى كيف اخلي احد يحبني ؟ الحب يجي بالهدايا🎁 الحب يجيء بالاحتفال بايامهم المميزة🎈🎏🎊 الحب يجي بمدحهم والتركيز على جمالهم🔦🔍👀 الحب يجي بالتغافل عن الاخطاء اللي تقدر تمشيها وماتسبب اذى كبير🤦🏽‍♀️🤦🏽 الحب يجي بالكلام الحلو والاحضان (للعائلة)🫂 الحب يجي بمشاركة الاهتمامات والسعادة والضحك واللعب معاهم 🤼‍♀️🎨🎳 الحب يجي بانك تعطيهم اموال لاسعادهم💴💰 مو بس تعطيهم الضروريات😳 وتذكر انت عليك حاجتين: 1️⃣خليهم يحبوووووووونك 2️⃣غير نفسك تماماً (صير مسلم مؤمن محسن ) واثبت على كل هذا وهم بيصيرون مثلك تماماً احبكم❤️ #منى_الهاشمي🌹 🕊️🪶💰

‏يوم عرفه حاول تصحى قبل الفجر للقيام ‏اذا تقدر ماتنام بعدها الا في الظهر او قبل الظهر ‏شويتين وتصحى ‏وخلي يومك كله ذكر ‏حاول تسوي اكثر اعمال خير تقدر عليها ‏صلي كل السنن ‏وتصدق ‏وقول يارب كل الاعمال اللي سويتها واللي بسويها ‏اكتب اجرها يارب لي ولوالديني ولجميع المسلمين ‏من ادم الى يوم الدين ‏واكتب ورقة فيها كل الاشياء اللي تبغاها ‏وخلي المنبه يدق كل ساعه ‏وكل ساعه اقرا دعواتك ‏كذا انت مليون بالميه بتصادف ساعة اجابه ‏استغلو بكره والليلة ‏تراها عظيمة مررررررة ‏❤️ ‏⁧ #منى_الهاشمي🌹 ‏

كلام يحفز الجيل الصغير بسهولة يناسبهم مرة مختصر وقوي وباسلوبهم

‏كلام جميل ‏والله يصلحنا بس ..غريب انه الله اعطانا ‏ذكر يحفظنا في كل حال ‏في الخروج وفي الدخول ‏وعند اللبس ‏وخلع الملابس ‏وقبل الاكل وبعده ‏وقبل النوم وبعده ‏وقبل كل شيء وبعده فيه ذكر يحمييييييك ‏وكلها كلمات صغيرة تحميك حمايه طاقية كبيرة ‏لكن 🤐نسكت ونصير كاننا ابو الهول ‏طول الوقت ‏هذا خطاء ‏طيب خليني اعطي مثال: ‏لو انت عندك حساب في البنك ملياااااان اموال ‏وجيت في يوم من الايام تبغى تشتري شيء تحبه ‏او تحتاجه و ماسحبت ولا استخدمت هذا المال والخير ‏وحبيت تسافر تنبسط و ماسافرت لانك ماسحبت ‏من حسابك ‏هذا ايش سوى لك؟؟؟ ‏اللي صار خلاك كانك فقير زهقان زعلان لانك ‏ماسويت اللي تحبه بسبب انك (غبي) ‏عندك اموااااال وكلها متاحه وكلها حقك ‏لكنك مااخذتها😳 ‏حقك ليه ماتستخدمه؟؟؟ ‏افهم يافهيم انت تقدر تعيش حياة مافيها ‏الم ولاعين ولا حسد ولا استكثار ‏وتقدر تعيش حياة مافيها ضيق ولا قلة اموال ‏ولا خوف ولا قلق ‏للمال الحبيب اعطانا سورة الواقعة والاستغفار ‏للاهداف الحبيب اعطانا سورة يس والاستغفار ‏للحماية قبل النوم اعطانا سورة تبارك والمعوذات ‏وامن الرسول واية الكرسي واذكار النوم ‏ولصباح جميل اعطانا اذكار الصباح ‏ولتحقيق كل اللي فات اعطاك الصلاة على الحبيب ‏وقال لك اذا خليت ذكرك كله صلاة عليه ‏(كفاه الله ما أهمه من أمر دنياه وآخرته) ‏يعني لكل اللي قلناه ‏وكل شيء في حياتك من لحظة ماتقوم لين تنام ‏اذكار تحفظك وتخليك راضي وسعيد وتزيد اموالك ‏وصحتك وعيالك وقبولك عند الناس وكلك بخير ‏بس عليك تقولها ‏لا تتوضا ولا تقوم ولا بتقعد ولا شيء بس حرك ‏لسانك واستخدم الامان اللي الله خلقه لك ‏متى بتصير مسلم،مؤمن،مْحسن؟؟؟ ‏العن الشيطان وقول كل أذكارك ‏واشعر بالحفظ الالهي واستخدم حسابك اللي ‏مليان اموال تكفيك لين اخر لحظة ‏(مالك يامؤمن هو هذي الاذكار اللي ربي عطاك اياها تعدل حياتك) ‏⁧ #منى_الهاشمي🌹

‏في الحياة حكنمة لذييييذة ‏بعد تبنيها ‏صارت حياتي الذ واسهل ‏تقول الحكمة (اعتزل مايؤذيك) ‏مكان اذاك اطلع ‏شخص ياذيك اتركه ‏حياة بيئة تاذيك اطلع منها ‏كلام ياذيك اتركه ‏موضوع او افكار تاذيك لاتفكر فيها ‏سلوك اذا سويته تتاذى نفسياً اتركه ‏لاتاذي نفسك بالقرب مما يؤذيك! ‏صعبه؟؟؟؟ ‏وصدقني كل مساحة تفرغها في حياتك من ‏(موضوع مؤذي/شخص مؤذي/فكرة مؤذيه/طبع او تصرف مؤذي /كلام مؤذي) ‏كل ماتفرغ مساحة في حياتك من هذول⬆️ ‏بيظهر في حياتك هذول⬇️ ‏(مواضيع حلوة/اشخاص حلوين/افكار حلوة/طبايع وتصرفات حلوة/كلام حلو) ‏⁧ #منى_الهاشمي