🎀روائع ايمانية🎀

💌سلسله يارب تموت(٢)💌 اتكلمنا الحلقه السابقه عن احساس و اسباب ان الشخص لما يدعى على حد انه يموت و نشوف مع بعض تفكيره بعد فقد اللى منغص عليه حياته حيكون ايه 🙈اما تفكير الزوج لما تموت الزوجه يرتاح من اللى طلباتها لا تنتهى و من الزن و قرف العيشه مع واحده نكديه اللى كل شويه بتقول رايح فين و جى منين و اللى مش بتهتم الا بالعيال و الاكل و الشرب اللى مش بتفهم ف حاجه الا الطبيخ و الشكوى حيتزوج الاجمل و اللى تريحه و تشوف طلباته و تكون حاجه كده ميكس من هيفا و نانسي ع شاكيرا لكن لو طلقها حيدفع نفقه و العيال يتشردوا و يمكن تاخد الشقه و تطلع عينه اكتر ما هى مطلعاها 🙈 اما تفكير الزوجه لما يموت زوجها حتعرف تدخل و تخرج من غير خنقه و يمكن تاخد فلوس من موته و المجتمع كله حيكون مساند لها لانها حتكون ارمله مسكينه مش مطلقه موصومه و يمكن تتجوز واحد يريحها و يسعدها و يفهمها اكتر من الراجل اللى معاها اللى معذبها فى حياتها تتزوج واحد يقول لها كلام حلو و يدلعها و يجيب لها هدايا و يهتم بيها يطبطب لما تبقي زعلانه يتحملها فى تعبها و يسمعها فى شكوتها يتبع باذن الله #ريهام_محمود 💕كلماتى كتبتها فضلا لا تمحى اسمى عند النقل 💕

💌سلسله يارب تموت(١)💌 كلمه يا رب تموت نسمعها فى كلام ناس كتير سواء صرحوا او كانت فى ملامحهم من شخص معين نسمعها من زوج لزوجته من زوجه لزوجها من ام لابنها من ابن لامه السبب فى قول الكلمه دى ان الشخص بيكون فاكر ان من يدعى عليه هذا هو العقبه فى طريق حريته انه بيمنعه من الاستمتاع بحياته و علشان مش يخسر كتير فهو يري ان موته هو الحل الأمثل علشان يحصل على حريته حريته اللى حابسها الطرف الاخر ده و اللى خانقه و اللى لو اختفى من الحياه حتكون الحياه احلى و زى العسل حريته اللى بعدها ممكن يختار ناس جديده و المرة دى حيكون اختياره صح و يعيش بقى يتبع *محبتكم #مستشاره_علاقات_زوجيه_وتربويه 💍💍ا / ريهام محمود 💍💍 💕كلماتى كتبتها فضلا لا تمحى اسمى عند النقل 💕 *💍خدمه جروبات ريهام محمود 💍*

ده حسابي الجديد ارجو الاضافه عندكم

❤❤❤كل عام وانتم بخير❤❤❤

تعالى نتكلم كلمتين مع بعض وهتفهم فى الآخر ... كل واحد منا يملك نعم كثيره ممكن يكون عالم بوجودها او لأ اعتاد عليها أو يتعامل على إنها شئ موجود و لن يضيع ، لا يدقق ما الذى عنده ...لكن يدقق ما الذى ليس عنده! الاشياء التى تبنى عليها حياتنا مثل البازل الذى يكون صورة ، قطع كتيرة نجمعها لكى نكون شكل لحياتنا : قطع من شخصيتنا و شخصيه من حولنا و قطع من ممتلكاتنا الماديه و المهارات ...اشياء كثيره لتتكون صورتنا ولكن؟... لكن هناك قطعه نراها يمتلكها شخص آخر ونريد أن نمتلكها نحن شخص عنده أولاد متفوقين ونحن لا شخص عنده ڤيلا جميله ونحن لا شخص عنده زوجه صالحه ونحن لا شخص و شخص و شخص... نركز فقط على المربع الناقص فى صورة حياتنا مع أننا نمتلك قطع كثيرة فى صورتنا لكننا نتمنى ما ليس فى أيدينا!! خلينى أقولك إن اللى إنت فاكر إنه ناقصك وهيكملك حياتك ... فى الحقيقة مش دا اللى ناقصك !!! اللى ناقصك هو " الرضا بما تملك " لو عندك الرضا فأنت ملكت الدنيا ؛ لأنك هتعيش فى سعادة وفرحة طول حياتك لا تعلم مصدرها ، ولكنها نعمة ربنا عليك لأنك رضيت ومبصتش لغيرك💕 ارضوا لكى تشعروا بالسعادة بقلمى ✍️ #ريهام_محمود #يرجى_عدم_ازالة_الاسم 💕كلماتى بكل الحب كتبتها فضلا لا تمحى اسمى عند النقل 💕 من#سلسله_بناء_عقيدة_الأطفال تابعونا على فيسبوك علشان السلسلة دى مهمة جداً ليكى ولطفلك ؛ علشان نطلع جيل فاهم عقيدته كويس جداً ومتربى صح ❤️... #أبنى_عقيده_إبنى #الداعية_ريهام_محمود #مستشاره_علاقات_زوجيه_وتربويه #ريهام_محمود تابعونى https://www.facebook.com/Remomo2020?mibextid=ZbWKwL

الفيتامين دا حالياً من أهم الفيتامينات لطفلك بس إحنا ناسيينه ..... فيتامين " لا " ❤️ وتعالوا نعرف ليه مهم ؟ هتكلم الأهل تقولهم مينفعش كدا مش كل حاجه توافق عليها يقولك 🍬🍩 أصل مش عايز احرمه 🥺.. لما تتكلم مع أم او أب : فى تقنين عدد ساعات اللعب فى تحديد اوقات للنت فى منع السكريات فى تقليل الحلويات يقول لك بآسى و مراره و حب ( مش عايز احرمه من حاجه، مش عايزه يشوف نفسه أقل من غيره ) اخى و اختى خلينى افهمكم نقطة مهمة⚠️ انت كدا مش بتحرمه ... انت بس بتحدد الصح من الغلط و بتحط قوانين لتربيته. المنع و التقليل لمصلحته المنع و التقليل مش هيحرمه لكن هيعرفه إن لكل شئ حدود و زعله أو بكائه لن يأتيه بما يريد و كل شئ له وقته 🤷 لكن اعلم... إن كنت تريح نفسك من بكاء طفلك و تقول حتى استريح منه بعض الوقت ، فتأكد انك ستحتاج وقت اطول لعلاج ما فعلت سواءً من سمنة طفلك من علاج مشاكله اللغويه من إدمانه للنت علشان كدا زى ما بتغذى ابنك بكل الفيتامينات والمعادن عليك أن تغذيه بفيتامين لا بعض الوقت👌🏻 بقلمى ✍️ #ريهام_محمود #يرجى_عدم_ازالة_الاسم 💕كلماتى بكل الحب كتبتها فضلا لا تمحى اسمى عند النقل 💕 من#سلسله_بناء_عقيدة_الأطفال تابعونا على فيسبوك علشان السلسلة دى مهمة جداً ليكى ولطفلك ؛ علشان نطلع جيل فاهم عقيدته كويس جداً ومتربى صح ❤️... #أبنى_عقيده_إبنى #الداعية_ريهام_محمود #مستشاره_علاقات_زوجيه_وتربويه تابع قناه ريهام محمود في واتساب: https://whatsapp.com/channel/0029Va96g7uHQbS9FcDNtD1o

لو إبنك سألك السؤال دا اوعى تقوله ايوا ⚠️! الصح إنك تشرحله ازاى علشان يقتنع اكتر وميفضلش السؤال دا معلق معاه ويدخله فى حوارات والعياذ بالله مش عايزينها..... وتعالى نقولك تشرحله ازاى 👇🏻: الابن : بابا هو ازاى بعد ما نموت ربنا يخلينا نعيش تانى! الأب: شوف يا بطل.. مش انت عندك لعبه المكعبات بتاعتك ؟ الابن : أيوه بحب اعملى بيها بيوت كمان الأب: تمام أى شئ أصعب؟ إنك تبنى البيت بالمكعبات و لا المصنع يعمل المكعبات ؟؟ الابن : الأصعب إن المصنع يعمل المكعبات طبعاً الأب: تماااام... هو كده بالظبط برضو إن كان رجوع الإنسان صعب من الموت فإن خلقه من الأول أصعب... لكن مافيش حاجه صعبه على ربنا كله سهل لأنه هو الخالق أصلاً الأبن: صح يا بابا مافيش حاجه صعبه على ربنا ❤️ الأب: عارف يا بطل أجمل حاجه إنك لما يكون عندك سؤال تسأله ؛ لأن ديننا أمرنا بإننا نتعلم و إللى مش عارفينه نسأل عليه. الابن : انا بحبك يا بابا 😍 الأب: و انا بحبك و بحب اسئلتك جداً، هات المكعبات بقا نعمل بيت كبير🏚 وفى النهاية " اللهم اجعل اولادنا قره أعين لنا " قولوا آمين ❣️... بقلمى ✍️ #ريهام_محمود #يرجى_عدم_ازالة_الاسم 💕كلماتى بكل الحب كتبتها فضلا لا تمحى اسمى عند النقل 💕 من#سلسله_بناء_عقيدة_الأطفال تابعونا على فيسبوك علشان السلسلة دى مهمة جداً ليكى ولطفلك ؛ علشان نطلع جيل فاهم عقيدته كويس جداً ومتربى صح ❤️... #أبنى_عقيده_إبنى #الداعية_ريهام_محمود #مستشاره_علاقات_زوجيه_وتربويه #ريهام_محمود تابعونى https://www.facebook.com/Remomo2020?mibextid=ZbWKwL

هو مين اللى مفروض يضرب التانى؟ تعالوا معايا هقولكم 👇 كتير من الناس أول ما تشوف البوست هتقول هو فيه إبن بيضرب أهله؟ إحنا نسمع عن زوج بيضرب زوجته ، أم بتضرب أبنها أو حتى طفل بيضرب صاحبه مبلوعة شوية 👀.. لكن مع الأسف كلامى النهارده بيوجع اكتر من كل ده! لأن فعلاً في أبناء بيضربوا أهلهم...متستغربوش! كم من الأمهات بتشتكى من ضرب اولادهم ليهم، أولادهم دول من أول ١٢ سنه و انت طالع ومش أى ضرب... ضرب يعمل عاهات ضرب يكسر ضلوع ضرب يفضى إلى موت 😶! و لما تسألها ليه، تقولك كان عايز عشره جنيه و قولت لأ، عايز ياكل و محضرتش أو عايز يحدد حرية والدته إنها متكلمش حد. ولو مقبلتش بكلامه يقوم يضربها يضرب امه! يضرب من حملته و ربته و حملت همه! والمشكله الأكبر فى شكوى الأمهات مش هنا ، المشكلة إنها خايفة إن اخواته يتعلموا منه أو إنه يزعل ويسيب البيت ( قلب الأم سبحان الله 🙃 ) طايب لو إنت أو إنتى دلوقتى عندكم أطفال ازاى تتجنبوا إنهم يعملوا كدا لما يكبروا ؟ حاولت اجمع أكتر الأسباب هنا اللى بتخلى أولادنا يعملوا كدا ونتجنبها ⚠️👇: ١- راجعوا نفسكم انتوا كنتوا بتعملوا ايه مع اهلكم و اهل أزواجكم لأنه هيقعد ليكم فعلاً لكن لا تنسي! الكلمه مش بتروح و ربنا يمهل ولا يهمل ٢- راجع نفسك بتاكلى ابنك حلال أم حرام، بتعينوا بعض ع الحلال و لا مش مهم بتاكلوا منين المهم انكم بتاكلوا وخلاص لكن لا تنسي! رسول الله "صلى الله عليه وسلم" قال ( من نبت من حرام فمصيره إلى النار ). ٣- راجع نفسك هل كان لما يضربك تضحكى و تقولى شطور و لا بتقولى عيب ماما عيب بابا لكن لا تنسي! من شب على شئ شاب عليه ٤- راجعى نفسك انتى اساسا كانت نيتك ايه و انتى بتربي ابنك، بتربي ابنك علشان ربنا و يكون خلف صالح و لا بتربي علشان تكونى زى باقى الناس عندك أولاد و خلاص لكن لا تنسى! على قدر نياتكم ترزقون كلامى ده علشان نلحق أولادنا و نفسنا ؛ علشان الجيل الجديد بإذن الله يكون جيل بار بأهله ❤️ وفى النهاية " اللهم اجعل اولادنا قره أعين لنا " قولوا آمين ❣️... بقلمى ✍️ #ريهام_محمود #يرجى_عدم_ازالة_الاسم 💕كلماتى بكل الحب كتبتها فضلا لا تمحى اسمى عند النقل 💕 من#سلسله_بناء_عقيدة_الأطفال تابعونا على فيسبوك علشان السلسلة دى مهمة جداً ليكى ولطفلك ؛ علشان نطلع جيل فاهم عقيدته كويس جداً ومتربى صح ❤️... #أبنى_عقيده_إبنى #الداعية_ريهام_محمود #مستشاره_علاقات_زوجيه_وتربويه