جارچي/ دونيايا آچيلان بير پنجره

سوریه‌ تۆرکمن مجلسی: حلبده تۆرکمن محلّه‌لری تامامیله‎ ییخیلدی تبریز- جارچی- 9 دی ‌سوریه‌ تۆرکمن مجلسیندن، بشار اسد رئژیمی و نیظامی متفق‌لری حلبین شرقینده‌ ان چوْخ تۆرکمن محلّه‌لری هدف آلدیغینی، تامامیله‎ ییخیلان 6 محلّه‌یه ده تئرور سازمانی پ کا کانین ‌سوریه‌ داوامی پ ی د ین سیزدیغینی بیلدیردی. ‌جارچی‌نین آنادولو خبر آژانسیندان آلدیغی خبره گؤره، سوریه‌ تۆرکمن مجلسیندن ائدیلن یازیلی شرحده، حلبده 15 نوْوامبردان بۇ یانا "دونیا تاریخینین ان آغیر بوْمباردمانی و وطن‌داش قیرغینلاریندان بیرینین" یاشاندیغینا دقّت چکیلدی. بشار اسد رئژیمی و مۆتفیقلرینین، هاوا هوجوملارینا، 25 نوْوامبر جۆمه گۆنۆندن اعتیباراً ده قۇرۇ حرکاتییلا یوْلداشلیق ائتدیی افاده‎ ائدیلن شرحده، "رئژیم و مۆتفیقلرینین حلبه یؤن (جهت)لی اینسانلیق خارجی حرکاتیندا ان چوْخ هدف آلینان بؤلگه‌لر یئنه‌ تۆرکمن بؤلگه‌لری اوْلدۇ. قدیم تۆرک یۇردۇ حلبده‌کی تۆرکمن محلّه‌لری بۇستان باشا، هۆللۆک، هایداریئ، شیخ فاریس، شیخ حیدیر و بایدین تامامیله‎ یئرله بیر اوْلدۇ. مینلرله وطن‌داش تۆرکمن دوْغرۇدان هدف آلیندی." ‌ایفاده‌لرینه یئر وئریلدی. شرحده آیریجا، بؤلگه‌دکی تۆرکمن بیرلیکلری مۇنتاسیر بیللاه‌ و سلطان محمد فاتئح دسته لارینین قرارگاهلارینین دا وۇرۇلدۇغۇ زامان چوْخ سایدا شهید وئریلدیی افاده‎ ائدیلدی. کردلر تۆرکمن یئرلرینه گیریرلر رئژیمین اله کئچردیی تۆرکمن محلّه‌لرینه تئرور سازمانی پ ی د و ی پ گ عنصرلرینین سیزدیغی وۇرغۇلانان شرحده بۇ افاده‎لر ایستیفاده ائدیلدی: "داها دهشتلیسی، رئژیم عملیاتینی فۆرصت بیلن، حلبین شیخ ماکسۇت محلّه‌سینده کوْنۇشلانمیش اوْلان ی پ گ/پ ی د عنصرلری رئژیمین اله کئچردیی حلبین تۆرکمن محلّه‌لرینه سیزماغا باشلادی. وطن‌داشلاریمیزین بیر بؤلومی بوْمباردمان بؤلگه‌لرینده سیخیشیب قالدی. بیر بؤلومی ده مۇنتاسیر بیللاه‌ دسته سینین جانلی قالخان اوْلماسییلا مخالفلرین ایداره‎سیندکی مشهد، سۆککئری، صالحین، فیردئوس و شار محلّه‌لرینه کئچدی. آیریجا موحاصیره‌ و بوْمباردمان سببیله آن اِعتبارییلا حلبده قیدا آنبارلاری تامامیله‎ تۆکندی، درمان و طِبی تخصیصه داخل اوْلما موراجیعت امکانی قالمادی." شرحده، بین‌الملل جامعه‌نین حلبدکی قیرغینا "لاقئید" قالماسی سرت بیر شکیلده تنقید اولوناراق، بۇ افاده‎لره یئر وئریلدی: "سوریه‌ تۆرکمن مجلسی اوْلاراق بۇ غیری‌نسانی جنایت قارشیسیندا، داها اول بین‌الملل ایجتیماعیته دفعه‌لرله‌ ائتدییمیز چاغیریشی آرتیق تکرارلامیریق. چۆنکی بیلیریک کی گؤزلر چوْخدان باغلانمیش، قۇلاقلار تیخانمیش، وجدانلار داشلاشمیش. بۇ گۆن یالنیز آغریمیزی قیشقیریر، گناهسیزلارین آهینی دیللندیریریک. اوْ وجدانی یوْخلایار بیلسینلر کی توْرپاغا دۆشن هر مظلومۇن آهی محشره قدر آرخالارینی بۇراخمایاجاق. بیز تۆرکمنلر اوْلاراق بۇ دونیانین عدالتلی اوْلمادیغینی چوْخ بؤیۆک آغریلارلا تجروبه‌ ائتدیک آنجاق هر شئیه باخمایاراق اوجا الله‌ین سوْنسۇز عدالتینه و مرحمتینه سیغینیر و عدالتی آختارماقدان اصلا امتناع ائتمه‌یجییمیزی بۆتۆن دونیایا اِعلان ائدیریک. الله‌ شاهیدیمیز اوْلسۇن کی سوْن نفَسیمیزه، سوْن نفَسیمیزه قدر موقاویمت گؤسترجییک. آند اوْلسۇن کی بۇ گۆن سۆرتۆلدۆیۆمۆز توْرپاقلاریمیزا تئز یا دا کئچ گئری دؤنجییک؛ غۆرۇرۇمۇز و آزادلیغیمیز اۆچۆن مبارزه‎ ائتمه‌کدن اصلا امتناع ائتمه‌یجییک." حلب وطن‌داش دفاع ائتمه‌ بیرلیی، دۆنن ائتدیی شرحده 15 نوْوامبردان بۇ یانا حلبین شرقینه 2 مین هاوا هوجومۇ، 7 مین توْپ آتیشی ائدیلدیینی و 600دن چوْخ وطن‌داشین حیاتینی ایتیردی‌یینی، 2 مین وطن‌داشین دا یارالاندیغینی ائشیتدیرمیشدی. یۆز مینلرین اینسانی بحرانی ‌سوریه‌نین شیمالیندا، تورکیه‌یه مرز حلب، پایتخت شامدان سونرا اؤلکه‌نین ایکینجی بؤیۆک شهری مؤقعیینده وار. شهر مرکزینین تورکیه‌ مرزینه اۇزاقلیغی دا 40 کیلوْمئتر. مرکزین غربینی رئژیم، شرقینی مخالفلر نظارت ائدیر. رئژیم اَحاطه‌ ائتمه‌سینده تخمیناً 300 مین وطن‌داشین شرق حلبده ائل ساغلاملیق مۆدیرلیینین بیلگی‌لرینه گؤره، خالْق 96 گۆندۆر تمل اینسانی ایحتیاجلارینی آرادان قالدیرا بیلمیر. سوْن ایکی هفته‌ ایچینده شهرین شرقینده‌کی بۆتۆن خسته‌خانالار و ساغلاملیق مرکزلری رئژیم هوجوملارییلا ایشدن دوشوب. شهرده خدمت ائدن یالنیز 3 سوْبا وار. بؤلگه‌ده اوخول‌لارین (مدرسه‌لرین) بۆتۆنۆ باغلی. 14 گۆندۆر اؤلن وطن‌داش سایی 650-ه چیخارکن، تخمیناً 300 مین وطن‌داش، 30 مربع کیلوْمئترلیک بؤلگه‌ده سیخیشدی. جارچی آذربایجانین تورکجه سسی https://telegram.me/carchii

دنیز درگیسی‌نین یاییمی اورمو بیلیم‌يوردونون درگی‌لره باخان کومیته‌سی‌نین قراری ایله یاساقلاندی. بو دئنه‌دیم قورولو، ۹۵/۰۹/۲۸ تاریخینده کئچیردیگی اوتورومدا دنیز درگیسی‌نی قاپاتمایا قرار وئردی. دنیز درگیسی'نه گؤندریلن رسمی مکتوبدا، بو درگی «اؤنجه‌کی اویاری‌لارا آلدیرماماق و ائتنیک آیریملارینی کؤروکله‌مک، میللی بیرلیگی زده‌له‌مک و لاتین الیفباسینی قوللانماق کیمی سوچلارینی یئنه‌لمک» ایله سوچلانمیشدیر. درگینین سوروملو یؤنه‌دیجیسی یاسر رنجبری، درگی‌نین قاپادیلماسینی بیلیم‌یوردودیشی و ایلگیسیز قوروم‌لارین اورمو بیلیم‌یوردونون درگی‌لره باخان کومیته‌سینی آشیری بیر بیچیمده ائتکیله‌ییب یؤنتمه‌سی دولاییسییلا بو قورولون باغیمسیز اولماماسینا باغلامیش و درگی‌نین قاپادیلماسی سورَجینده اویغولانان قانونسوزلوق‌لاری آچیقلایاجاغینی بیلدیرمیش‌دیر. آیریجا، بو درگی‌نین سون ساییسی، گونئی آذربایجان تورک‌لری‌نین فارس سویچولوغونا قارشی ۱۸ چایان(آبان) آیاقلانماسی‌نین بیرینجی ایل‌دؤنومونه سونولموشدور. بو ایسه، بیلیم‌یوردون درگی‌لره باخان قورولونو داها دا راحاتسیز ائتمیشدیر. آرتیرمالیییق، دنیز درگیسی قاباقجادان ۱۳۹۴ ایلینین قیشیندان باشلایاراق ۶ آی بویونجا یاییم یاساغینا محکوم اولونموشدو. اورمو بیلیم‌یوردونون اؤیرنچیلیک تورکجه- فارسجا دنیز درگیسی‌نین یاییملانما مجوزی ۱۳۸۹/۰۸/۲۳' ده آلینمیشدیر. دنیز درگیسی بونجا ایل توپلوم، اویغار، یازین، بیلیم و ایدمان آلان‌لاریندا اون‌دؤرود(۱۴) سایی یاییملایاراق آذربایجان اؤیرنچی توپلومونون تانینمیش درگی‌لریندن بیرینه دؤنوشموشدور. @carchii

دنیز درگیسی قاپادیلدی @carchii

آذربایجانین مشهور میللی رقصلریندن بیری ده «نلبکی» رقصی‌دیر. بو رقص ۲ فرقلی موسیقی آلتین‌دا ایفا ائدیلیر. بیری بایاتی-شیراز لادی اوزرین‌ده اولان قدیم آذربایجان اویون هاواسی «نلبکی»دیر. بیریسی ایسه قیلمان صالاحووون بسته‌سی‌دیر. @carchii

نلبکیلرله اوینانیلان میللی رقص @carchii

ناخچیوان-مشهد قاتاری ایشه باشلاییر @carchii

تۆرک تاریخینی '60دقیقه‌یه' سیغدیراجاقلار تۆرکلرین کیچیک اوْبالاردان دونیا ایمپراطورلارینا اۇزانان تاریخی، مستند فلیم اوْلۇر. @carchii

حلب جنایتلرین دونیایا یایایان بانا تورکیه یه گلیر. تورکییه خاریجی ایشلر وزیری: حلب'دکی قتل عامی دونیایا ایجتماعی شبکه‌ اۆزریندن چاتدیران 7 یاشینداکی بانا خانواده‌سیله بیرلیکده تورکیه‌'یئه گتیریلجک

آمریکا-دا 1973-جۆ ایلین ایلک اینتئرنئتینین نقشه سی تاپیلیب آمریکا-این کارنئقی مئللوْن بیلیم یۇردۇنۇن کامپیوتر اوخولوندا(مدرسه‌سینده) 1973-جۆ ایلین ایلک اینتئرنئتینین نقشه سی تاپیلیب. @carchii