Kurdînûs

باشه بە هۆی بێڕێزیی منداڵێکی نەفامی ساویلکەوە، کۆمەڵێک کەس و لاپەڕە و پەیج و هەواڵنێر کە بە ساڵیش ناوی محەممەدی ماملێ ناهێنن، بۆ وەرگرتنی ڤیوو و لایک و بە تێگەیشتن لەوەی کۆمەڵێک کامێنتی جنێو و زمانشڕانە دەنووسرێ، وەبیریان هاتەوە کورد وەها بلیمەتێکیشی بووە. ئەوانەی کاتی دی بێدەنگن و تا ئێستا یەکیان نەیوتووە ئەرێ بۆ لە شاری خۆی، شەقامێک، گۆڕەپانێک، شوێنێک بە ناو ئەو هونەرمەندە ناوازەیە نییە. ئەوانەی کاتی دی بۆ بەرژوەندیی خۆیان هەر خێرا کامێنت دەبەستن، ئێستا بەئانقەست دەیکەنەوە هەتا هەرچی قسەی سووک و ناحەزە لە زاری هەندێ زمانشڕی دەم‌پیسەوە بێتە دەر کە لەجیات ڕەخنە و ڕێنوێنی، تاکە شتێکی دەیزانن جنێودانی جنسی بە خۆی و دایک و خوشک و کەس‌وکاری خەتاکارە. خۆ هەموومان لە تەنیایی خۆماندا یا ڕەنگە لەکن چەند کەسی زۆر نزیک قسەی ناشیرینیش بکەین، بەڵام سەیرە چۆن پیاوێک بە بیست سی یا چل ساڵ تەمەنەوە، بەبێ هیچ عەیب و شوورەیی و شەرمێک لە پێش چاوی هەزاران کەس جنێوی جنسی دەدا! محەممەدی ماملێ بە موزیک و بەرهەمەکانییەوە زیندوویە و نە بە ئاکاری گەمژانەی منداڵێکی نەفام ناوی دەزڕێ، نە پشتیوانی و لایەنگریی کۆمەڵێک زمان‌شڕ، جەماعەتێکی هەلخواز و بەرژوەندیپەرست و تینووی سەرنجی پێویستە. کەسێک کە لە شوێنێکی گشتی و لە بەر چاوی هەزاران کەس پەستترین و ناحەزترین وشەکان دەنووسێ، بۆ دەبێ خۆی لە منداڵێک پێ باشتر بێ کە خەتایەکی کردووە؟ ماملێ ماملێیە، ئەو گوڵەی مشهووری گشت عالەم بوو و یادی بەخێر @Kurdinus

کەسێک مەستی دوو چاوت بێ، ئیتر مەیخانه ناناسێ به لێـوت ئاشـنا بێ لێو، ئیتر پـەیمـانه نـانـاسـێ ➿ @Kurdinus «خاڵه قازی»

تۆ هەزار ئایەتی له کانیاوی پڕ له ئاو و خیزەکەم له  کاتی تینووایەتی به چەشنی بیری بەرزەفڕ بێسنوور و بێنەهایەتی تۆ قیامەتی دڵستێن و دڵڕفێن و خەوڕەوێنمی تۆ تەواونوێنی عەشقی پاک و خەمڕەوێنمی تۆ پەل و نەمام ڕاوەشێنی باخی بادەهێنمی تێکەڵاوی گۆشت و پێست و ئێسک و خوێنمی خوێنی خوێنەکەم... «هەڵۆ»

ئێرانی و کوردیش حەزێکی زۆریان لە پشیلەی دەستەمۆیە و لە شارە گەورەترەکانی ئێران ماڵ نییە یەک یا دوو پشیلەی دەستەمۆی نەبێ که بەقەد پشیلەکانی ئورووپا نازپەروەردەن. دیمەنێکی سەرسوڕهێنەر بوو که ئەو کوردە سەرسەختانەی جاروبار دەهاتنە سەردانی حاجی ڕەسووڵ، به سیمایەکی جیددییەوە فیشەکیان بۆ تل دەکردەوە تا شوێنی بکەوێ، یا به دەستێکی سووکتر و نەرمتر لەوەی تا ئەوکاتە به هەرچییەکی دیکەیاندا هێنابێ، پشتی پشیلکەیان دەلاواندەوە، لە کاتێکدا بەو زمانه ڕەقەیان دەیاندواند. @Kurdinus «بەرەو مێزۆپۆتامیا و کوردستان - ئێڵی بەنستێر سۆون»

گەر دەپرسی من لەبەر چی کەم دەخۆم من بە برسی قەت مەزانە، غەم دەخۆم @Kurdinus «نالی»

خۆزگە من ببمە درەختێک بۆ قوتابخانەی کچان ئەو کچانەی وا دەخوێنن، ببمه سێبەر بۆ ئەوان ➿ @Kurdinus «پیرەمێرد»

خۆشم ئەوێی وڵاتەکەم کانگای هیوا و ئاواتەکەم @Kurdinus

ئەمە یەک لە سەرنجڕاکێشترین لایەنەکانی ژیانی کوردە. لە نێو نەتەوە ئیسلامییەکانی دیکەدا که ژن به توندی گۆشەگیر و پەراوێز خراوە، زەماوەند تەنیا دەکرێ به پلان و پێک‌گەیاندنی کەسێکی سێهەمەوە سەر بگرێ، کەچی لە نێو کورددا که ژنان به کردەوە هەر هێندەی ژنی ئورووپایی ئازادن – جگه لەوە کە ناچنه بازاڕ – پێوەندیی ئازاد لە نێوان دوو ڕەگەزدا باوە و ئەنجامەکەی ڕێژەیەکی زۆری زەماوەندی ئەویندارییە و ئەمەش باشترین خوویە بۆ ڕەچەڵەکێکی وەها سادە لە ڕەوشت و ژیاندا. @Kurdinus «بەرەو مێزۆپۆتامیا و کوردستان - ئێڵی بەنستێر سۆون»

هێندە سووڕەت زۆر بووە، مەعنا لە بەینا ون بووە @Kurdinus «حاجی قادر کۆیی»

📚 کتێبی نوێ بەرەو مێزۆپۆتامیا و کوردستان یادداشتەکان و گێڕانەوەی سەفەری «ئێڵی بەنستێر سۆون»ی بەریتانیاییه که ساڵی 1909ی زایینی لە ئەستەمبوڵەوە، لە جل‌وبەرگی ناوچەکەدا و به ناوی ساختەی «میرزا غوڵام‌حوسێن شیرازی» ڕێ دەکەوێ و بەرەو بەیرووت و حەڵەب و پاشان به باکوور و باشووری کوردستاندا شار به شار منبج، حەس‌کێف، ئورفە، ئامەد، هەولێر، پردێ، کەرکووک و سلێمانی تێ‌دەپەڕێنی و دەچێتە هەڵەبجە و لە ماڵی عادیلە خانم و عوسمان پاشای جاف دەمێنێتەوە و لەگەڵ تاهیربەگ ئاشنا دەبێ و کۆمەڵێک ڕووداو لەو ماوەیەدا ڕوو دەدەن. کتێبەکە کۆمەڵێک زانیاری سەبارەت به کۆمەڵگەی ئەوکاتی شارە کوردستانییەکان، داب‌ونەریت، جلوبەرگ، مەسیحییەکانی کوردستان و هەروەها شێوەی دەسەڵاتداریی عوسمانی لە خۆ دەگرێ. سۆون هەمان کەسە که نزیک دە ساڵ دواتر  لە سەردەمی شۆڕشی شێخ مەحمووددا دەبێتە کارگێڕ و حاکمی سیاسیی بەریتانیا لە سلێمانی و لای کورد به «مێجەر سۆون» ناسراوە. ئەم کتێبە لە ئینگلیزییەوە وەرگێڕدراوە و دەکرێ بۆ کتێبخانەی کوردی وەک سەرچاوە و بەڵگەیەکی مێژوویی کەڵکی هەبێ. @Kurdinus

بەهەشت و دۆزەخ بۆ من تازە نین هاوکات و هاوجێ ئەویشم دیوە، ئەمیشم دیوە نیشتمانی من لەوەتی هەیە بەهەشتە و دۆزەخ دەوری تەنیوە ➿ @Kurdinus «پەشێو»

مەگری بۆ خەساری بێ‌گەڕانەوە @Kurdinus

ناسرەون هەست و خەیاڵ، ئەی خۆزگە من دێوانە بام خۆزگە دەست و پێم لە نێو زنجیری بایە و وا نەبام @Kurdinus «هێدی»

پێی دەڵێی «بۆ بە تەختەکلیلی کوردی نانووسی؟»، دەڵێ «وەڵڵا زەحمەتە بۆم، زیاتر کات دەگرێ تایپ‌کردن بە کوردی». کەسێک نەیناسێ و نەزانێ، دەڵێ لەوانەیە ئەمە لە ئیستەنفۆرد پرۆفیسۆر بێ، یا زانای پیتاندنی ئورانیۆم بێ، یا یەکی وەک ئیلان ماسک بێ چەند کۆمپانیا و شوێنە بە ملەوەیە. پشتت بشکێ، چەندین و چەند کاتژمێر کات لە ساڵۆنی ئارایشگا و نینۆک و کافە و قاوەخانە و سەیرکردنی ئیکسپلۆری ئینستاگرام و لاس‌لێدان لەگەڵ ئەم و ئەو و بڵاوکردنەوەی قۆڕیات لە تۆڕەکۆمەڵایەتییەکان و شتی لەم جۆرە تێ دەپەڕێنی (کە کێشەش نییە، ژینی خۆتە) بەڵام چون  کوردی تایپ‌کردن چەند چرکە کاتی زیاتر دەگرێ، دەکەوییەوە بیر کات؟ خۆ تۆی نەگبەت لە کۆچەر بیرکار گرینگتر نیی کە گەورەترین خەڵاتی بیرکاریی (ڕیازی) جیهانی بردووەتەوە و هێشتاش بە زمانی دایک دەنووسێ! بێگومان لەویش سەرقاڵتر نیی و کاتیشت لە کاتی ئەو بەنرختر نییە. ئیدی ئەم بیانوو بێتامانە چین؟! @Kurdinus

عادەتی ئەم چەرخە وایە، ئەهلی دڵ غەمگین ئەکا @Kurdinus «ئەحمەد موختار جاف»

سێزدەی گەلاوێژ هاوکاتە لەگەڵ ساڵوەگەڕی کۆچی‌دوایی شاعیری بەرزی کورد، شێرکۆ بێکەس. یاد و ناوی هەرمان @Kurdinus

لە ئامێزی من بترازێی، لە هەرکوێ بی پەناهەندەی... @Kurdinus

وەفاتی کرد وەفا، بۆیە حەیا تەرکی حەیاتی کرد