𝑩𝒂𝒄 𝑬𝒍𝒊𝒕𝒆 | 𝑴𝒂𝒓𝒚𝒂𝒎

📂 مجلد خباش إذا كنت طموح، تحب التحديات، وهدفك التفوق، فـ مجلد خباش هو المكان المناسب ليك! 📚💡 🔹 مجموعة من القنوات الموجهة للنخبة فقط! 🔹 محتوى نوعي، تحديات، وطرق ذكية للدراسة 📈 🔹 مجتمع متعاون، يحفزك باش توصل لأفضل نسخة منك 🚀 💡 ماشي أي واحد يدخل، فقط لي قادر يثبت جدارته! 💪 ⏳ جاهز للانضمام؟ ادخل من هنا: 📌https://t.me/addlist/VBBuvxnb1fA0MTE0 المستقبل للذين يسعون إليه

عموما اهم حاجة الي لازم تعرفوها انو القناة درتها لفئتين الاولى الي فوتت الباك و نجحت مي ماوصلتش وين حابة او رسبت وكلاهما راح تعاود وتتحدى نفسهم والظروف وماتفشلش من اول خيبة وتسعى لحلمها كيفي الثانية الي راح تفوت الباك اول عام وتتعلم من اخطاء تاعنا وتوصل للحلم الي تسعى ليه من اول مرة بإذن الرحمان حاليا ماراح ننشر والو على القراية ونتمنى من المشرفين ذلك أيضا كي نبدا انا راح ننشر ونبدو مع بعض ونوصلو مع بعض راني نتعلم من تجربتي وحماس البدايات هاذا نحيه وطريقة الدراسة راح نغيرها والناس الي بدات ولا حابة تبدا ضرك وتحتاج كتاب او أي نصيحة تقولي في التعليقات او تبعثلي هنا @Maryamyabot وانا نعاونكم بالشي الي نقدر عليه عسى الله يوفقكم وينجحكم وتبلغوا أعلى المراتب دنيا وٱخرة ❤️

السبب الثاني كان التأجيل السبب الثالث ادمان مواقع التواصل السبب الرابع ماعرفتش نظم الوقت تاعي السبب الخامس والصراحة يستاهل يكون الاول هو كرهي للشعبة والمادة الاساسية والتأثير السلبي للاساتذة الله يغفرلهم اعيد وأكرر هاذا راو تبرير للفشل الي يحب يقرا يقرا والي يحب يوصل يوصل انا برك ماحبيتش نقرا وصماطتلي (ساعات نقول فاها خير ليا والله وربي مخبيلي ماخير ان شاء الله واصل كي شفت صاحباتي و ياسر ناس تعبو تعبو وفي الاخير مالقوش نتيجة قلت خير ليا + هوما اجرهم على الله وباين مايروحش تعبهم في باطل ) 🚨اسمحولي راني تعبانة وحابة نرقد كنت مسافرة 7 ساعات على بيها حكيت بشكل سطحي مرة أخرى نفصل في الاسباب أكثر ودائما تفاؤلوا خيرا «وعسى أن تكرهوا شيئا وهو خير لكم وعسى أن تحبوا شيئا وهو شر لكن والله يعلم وانتم لا تعلمون»

🔴 حكايتي مع باك 2026🫥 كملو للأخييير #⃣:ملاحظة مهمة 🥲💔 انا الطالبة مريم تحصلت على باك 2026 شعبة علوم تجريبية بصح بمعدل بتقدير مقبول لله الحمد على كل حال (ماقريتش كامل وكنت دايرة في بالي راح نخسر سوو كي نجحت بمعدل 11.73 مانكذبش عليكم فرحت وشكرت ربي) طبعا ماقريتش لأسباب منهم واولهم حماس البدايااات ياخاوتي شلقمني الحماس كنت في الصيف نتخيل في تبون يكرم فيا 🕺😂 نشفى شريت الادوات في 22 جوان من الحماس 😭 عموما مايهمش والي فات مات المهم الصيف قريت شوي مكتسبات فيزياء تاع وحدة الاكسدة والارجاع والرياضيات قريت 5 ساعات من فيديو نورالدين تاع 10 ساعات والعلوم قريت شوي تاع شاوش #⃣(انا مادة العلوم نكرهها نكذب عليكم مالقري المادة الاساسية في الشعبة تاعي مي نكرههاااااا 😒) أيا كي قريت عند شاوش عجبتني وحسبت بلي صاي راح نولي نحبها ونتفوق وقلت نجيب فاها 20 وكتبتها في الكراس كتحدي لكن هيهات هيهات 🌟 المهم بدا العام الدراسي وللأسف ولسوء الحظ قراتني في العلوم الاستاذة الي أصلا كرهتني فاها كي طاحت هي الي حاتقرينا انا صاي هاذاك الحب الي لميتو للمادة في الصيف راح 💔 ولسوء الحظ ايضا في الفيزياء قرانا اسوء استاذ (منار ادمن هنا وتعرفو احكيلهم عليه هو وتاع العلوم ) حسبي الله فيهم😥 اما الرياضيات يارب لك الحمد قراني أفضل استاذ الله يجازيه 😎 #⃣(مانيش نبرر الفشل تاعي بسوء الاساتذة الي يحب يقرا يقرا بالسيف واصل كاين اليوتيوب والزوم وليكوغ انا أصل لقيتهم سبة بيسك من ثانية ثانوي نكره الشعبة وكانت ديما هدرتي نعاود الباك بالشعبة الي حابتها وكيما يقلك اقداركم تأخذ من افواهكم وصح راح نعاود) ✅ المهم قريت من اليوتيوب يوم نقرا وعشرة لالا وهكذا العلوم ماحبيت ولا تمارين ولا سوجي ولا نعرف نفرق بين انواع التمارينات تالمو نكرهها سجلت مام في دورة النهائية لشاوش وبعثولي الكتاب ومع ذلك مافتحتوش وما حضرت حتى حصة 🤔 المهم ديت 9 حرت نورمالمو ندي 5 خليت نصها فارغ ونكتب وصاي الرياضيات قريت مليح و نعرفها و نحبها ونفهمها اما العلامة صدموني حسبي الله 😢 الفيزياااء صراحة قريتها شوي بصح قبل الباك بأيامات راجعت ثلاث وحدات مليح ولله طاحو هوما في سوجي واحد المهم غلطت غلطة صغيرة وكي خرجت من القاعة الي عرفت بلي نسيت وحد الحاجة وراحو كامل النتائج المهم ديت 11 صراحة توقعت أقل الحمد لله 🍽️ المواد الأدبية الاسلامية الفصل الاول حفظتهم في وقتهم الفصل الثاني حفظت نص والي بقا مع الفصل الثالث حفظت فهمتو وصاي ديت 17 العربية لخصت القواعد وكل شعر بالتعريف والاسباب..الخ اكم علابالكم ديت 14.5 الفرنسية ثلاث projets كل واحد لخصته بالcompte rendu تاعه وحفظتها ديت 11.5 الانجليزية قريت كامل القواعد ودرت فقرات ستوندار قبل الباك بيوم لكل وحدة ديت 16 تاريخ وجغرافيا فهمت واش فهمت ورحت معملة على الله ودعاوي ناس الخير ديت فاها 12

نشوف بلي حاجة ملاحة ياسر كي تفوت الاستاذ تاع الليسي المهم تكوني قريتيها مليح وفاهمتها bien 🤍

ڨايز راني مزال مافهمتكم أصلا كيفاه راح يكون برنامج القناة وكيفاه راح نقرو مع بعض پإذن الله غدوة نفهمكم 🌺

ياا لزادمن قنوات عندي هدرة معاكم @wld_allali

هنا نغلق فقرة الأسئلة

اعطيني الطريقة مثلا كي تكوني تتفرجي في درس في اليوتيوب اهم المهام لي نديروهم ؟ أكيد لازم يكون عندك ورقة وستيلو وتديري ملخص واش فهمتي

ايضا هل من أسئلة أخرى ؟

راح تتطبق التعديلات مع بداية السنة 2026/2027 أكيد منشور وزاري رسمي في صفحة الوزارة

هل سيتغير البرنامج ومتى سيقولون؟ لم أفهم سؤالك

ندير فقرة للأسئلة تسألوني ونجاوبكم ؟

..

+كتاب المغني في الرياضيات سلسلة المعاصر (حسب طلب احدى الجميلات🙂) https://drive.google.com/file/d/1HH39BrocQMr03dWKBrhB109RAMG1hU3F/view?usp=drivesdk

خلولي طلباتكم 😎 👇