Bac Journey 💜

https://youtu.be/EGlJmjNJuMc?si=EfiYM9T3VN7AQKcM بنات شوفوه💗

بناات أهم حاجة عدلوا توقيت تاع النوم تاعكم ارقدوا بكري ونوضوا بكري 🫶

📖 اللغة العربية | مصادر الدراسة

📚 مصادر تساعدك في دراسة العربية

عربية تحتاج فهم و حفظ و تدريب على منهجية سما حاولي تراجعي باستمرار وما تخليش كلش لآخر لحظة 🤍

«👩🏻‍🏫 أساتذة ومصادر مقترحة:»

• الأستاذ حماش خالد • الأستاذ حيقون • الأستاذ عطية • الأستاذ شيريفي • الأستاذ أبوبكر مبروك

«📖 كتب ومراجع:»

• 📕 كتاب حماش للشعب الأدبية • 📘 كتاب حماش للشعب العلمية • 📗 كتاب المراجعة النهائية للأستاذ حيقون #مصادر #العربية 📖

💗 القناة: https://t.me/bac_with_mikaa18

هذو pdf لي يستحقوهم و لي ميحبوش يشرو و لا ميزانية تعهم متكفيش هاهم كتب و سلاسل ان شاء الله يفيدكم

العلوم الفيزيائية 👨‍🔬:

⬅️ كتاب تأشيرة النجاح (كل الأجزاء❤️): https://drive.google.com/drive/folders/1dtCFAMOb55r-aR-Vvhnx4sT5BY-SYj9R ⬅️ كتاب المغني : https://drive.google.com/drive/folders/1zAeoai0W77DmNfLwTFGUWQSld2jXfVQ #pdf #الفزياء

💗القناة:https://t.me/bac_with_mikaa18

العلوم الطبيعية و الحياة🧬

⬅️ جميع سلاسل بالوريش (الباقة الكاملة) : https://drive.google.com/drive/folders/1eoG9s1XI89WkcQHIjni2tTGMbGth_kTx ⬅️ً كتاب الأستاذ أحمد أمين خليفة : https://drive.google.com/drive/folders/1tCBBkBr0RYbCq5YXVioWnn-pBMw5mEu8 ⬅️ كتاب السلسلة الفضية شعبة العلوم التجريبية : https://drive.google.com/drive/folders/1gy64uzgF6pil9fTi5dcMGj9Qmy0we43Y ⬅️ كتاب المراجعة النهائية في العلوم : https://drive.google.com/file/d/1go1DVRwPuSXOFBktGWBTpbUlfOiNua9v/view?usp=drivesdk ⬅️ كتاب السلسلة الفضية شعبة الرياضيات : https://drive.google.com/file/d/1v8mZBjI1tf6y3s5TGIft9QONIYQqXQvZ/view?usp=drivesdk ⬅️ كتاب الأستاذ رحمان طلحي : https://drive.google.com/file/d/1q4zADxj1AC_eEsAgSHDPzplY3N3M_EB-/view?usp=drivesdk ⬅️ مجلة الأستاذة فليتي خيرة : https://drive.google.com/file/d/1ec7nFMt7Wrn2mqKnjcWrEnuaYjZomo2p/view?usp=drivesdk j #pdf #العلوم

💗القناة:https://t.me/bac_with_mikaa18

🌷 نصيحة لأوت قبل ما تبداو العام

استغلو أوت في زوج حوايج مهمين بزاف: 📚 1. راجعو مكتسبات: ماشي لازم تقراو دروس جديدة ركزو على حوايج لي قريتوهم قبل وحاولو تغلقو ثغرات لي عندكم. 📖 2. حدّدو مراجعكم من الآن: اختارو لكتب لي راح تخدمو بيهم و اساتذة لي ترتاحو لشرحهم وقنوات يوتيوب لي راح تعتمدوا عليها ما تبدلوش مرجع كل مرة اختارو مصادر مليحة والتزمو بيها (في هذا شهر سيو بزاف اساتذة باش تعرفو واش تخيرو) أوت فرصة باش تدخلو للعام منظمين وعارفين واش راكم حابين تديرو ماشي تبداو عام ونتوما مازالكم تحوسو على مصادر. 🎀 #نصيحة

💗القناة:https://t.me/bac_with_mikaa18

🕌 كيفاش تقراي شريعة في الباك؟

شريعة من المواد لي تقدري تجيبي فيها مليح إذا قريتيها بطريقة صحيحة بصح ما تخليش الحفظ كامل لآخر لحظة 😭 أول حاجة كي تبداي درس افهمي الموضوع قبل ما تحفظي و اقراي الآيات والأحاديث وافهمي معناهم ومن بعد ركزي على الأفكار والأحكام والمصطلحات المهمة كي تفهمي الدرس لحفظ يولي أسهل بزاف و اصلا راهم يديرو مواضيع فهم أكثر من حفظ و زيد رح تفهمي دينك 📝 وديري ملخص صغير لكل درس فيه الأفكار الأساسية التعاريف و الأحكام والأدلة المهمة هكذا كي تجي تراجعي ما تعاوديش تقراي الدرس كامل من لأول وأهم حاجة في الإسلامية هي منهجية إجابة ما يكفيش تحفظي معلومة لازم تتعودي كيفاش تستخرجيها من سؤال وكيفاش تجاوبي بطريقة واضحة ومنظمة سما حلي مواضيع لباك سابقة وشوفي أسئلة لي تتعاود وافكار لي يركزو عليها 🔄 وآخر حاجة راجعي الإسلامية من وقت لوقت باش ما تحتاجيش تعاودي تحفظي كلش قبل الباك #كيفاش تقراي كل مادة #الاسلامية

💗القناة:https://t.me/bac_with_mikaa18

📖 كيفاش تقراي العربية في الباك؟

العربية ماشي مادة تحفظيها كامل وخلاص فيها بزاف حوايج لازم تفهميهم وتعرفي كيفاش تطبقيهم أول حاجة القواعد والإعراب كل قاعدة افهميها مع أمثلة ومن بعد طبقي عليها خاطر كي يجيك سؤال في الباك لازم تعرفي تطبقي القاعدة ماشي غير تعرفي اسمها 📚 في النصوص اقراي النص مليح وحاولي تفهمي الفكرة العامة والأفكار الأساسية ومن بعد تعلمي كيفاش تجاوبي على الأسئلة: النمط و الأسلوب و الصور البيانية و المحسنات و الإحالة و الاتساق... هاذو لازم تعرفي كيفاه تخرجيهم من النص وماشي تحفظي التعريف برك ✍🏻 وبالنسبة للإعراب خدمي عليه خاصة الحوايج لي يتعاودو كل مرة تغلطي في إعراب شوفي علاش وراجعي القاعدة المرتبطة بيه 📖 و عربية ما تخليهش كامل لآخر لحظة قسميها على فترات افهمي كل مدرسة واتجاه وأهم خصائصها وأسماء الكتاب والشعراء ومن بعد احفظي لمعلومات لمهمة بطريقة منظمة ومبعد أهم حاجة مواضيع الباك حلي مواضيع سابقة وشوفي كيفاش تجي الأسئلة ومع الوقت راح تولي تعرفي واش يطلب منك السؤال وكيفاش تجاوبي عليه و عربية مادة تقدري جيبي فيها مليح و طلعي معدلك سما متخليهاش لتالي #كيفاش تقراي كل مادة #العربية

💗القناة:https://t.me/bac_with_mikaa18

🌷 نصيحة :

ما تستناوش حتى تجيكم الرغبة باش تقراو 😭 كاين أيام تكوني فيها motivated وكاين أيام لا وهذا عادي لمهم ديري الحاجة لي عليك حتى كي ما تكونيش عندك قوة ولو غير شوية الاستمرارية أهم من الحماس. 🤍 ما تقوليش: "غدوة نبدأ " ابداي اليوم ولو بحاجة صغيرة. 🎯✨ #نصيحة

💗القناة:https://t.me/bac_with_mikaa18

🌷 بداية العام الدراسي | واش لازم تديري وواش تتجنبي؟ 📚

بداية العام هي أحسن فرصة باش تبداي صح وما تخليش التراكم يسيطر عليك من البداية 🤍

🎀 واش لازم تديري؟

1. 🗓️ احضري من أول نهار وخلي حضورك منتظم 2. 📝 اكتبي دروس وملاحظات 3. ⏰ نظمي وقتك وديري برنامج يناسبك 4. 📖 راجعي كل درس في نفس النهار باش ما يتراكمش عليك 5. 📚 وجدي ملخصاتك من البداية 6. 💬 كي ما تفهميش حاجة سقسي الأستاذ وما تخليش هذي النقطة 7. ✏️ حلي تمارين بانتظام خاصة في المواد اللي تحتاج تطبيق 8. 📱 حددي وقت للهاتف وخليه بعيد وقت القراية 9. 😴 اهتمي بنومك وراحتك ماشي لازم السهر باش تقراي مليح. 10. 🤲 حافظي على صلاتك واطلبي من ربي التوفيق

🚫 حاجات حاولي تتجنبيهم:

1. ⏳ ما تقوليش "مازال الوقت" الأيام تجري 2. 📚 ما تخليش الدروس يتراكمو عليك 3. 🧠 ما تحفظيش حاجة ما فهمتيهاش 4. 👥 ما تقارنيش مستواك بالناس 5. 📱 ما تخليش الهاتف والسوشيال ميديا ياكلولك نهارك 6. 📝 ما تأجليش لقراية حتى لآخر لحظة 7. 🌙 ما تديريش سهر عادة 8. 📚 ما تهمليش مادة على حساب مادة أخرى 9. 😣 كي يجيك درس صعيب ما تستسلميش من أول محاولة 10. 🍽️ ما تهمليش الماكلة والراحة خاطر القراية تحتاج طاقة وتركيز 💗 ما تحتاجيش تكوني مثالية من أول نهار، غير كوني منتظمة

💗القناة:https://t.me/bac_with_mikaa18

اللهم آمين 😔🩵

🇬🇧 كيفاش تقراي الإنجليزية في الباك؟

الإنجليزية ما تحتاجش تقعدي ساعات تحفظي فيها بصح تحتاج استمرارية يعني ما تقرايهاش مرة في سمانة وتنسيها أول حاجة القواعد (Grammar) كي تقراي قاعدة ما تحفظيش شكلها برك افهمي وقتاش نستعملوها وشوفي عليها أمثلة ومن بعد ديري تمارين مباشرة لأنك كي تطبقي القاعدة راح تثبت أكثر 📝 ديري كراس صغير للكلمات و لمصطلحات جديدة كل مرة تلقاي كلمة ما تعرفيهاش اكتبيها ومعناها وحاولي تستعمليها في جملة وما تحاوليش تحفظي بزاف كلمات في نهار واحد و كل ما تحفظي مصطلحات راجعيهم من وقت لوقت 📖 بالنسبة لفهم النص، كي تقراي نص ما تترجميش كل كلمة وحدها وتحبسي اقراي النص كامل وحاولي تفهمي الفكرة العامة ومن بعد شوفي الأسئلة وارجعي للنص باش تستخرجي الإجابة ومع الوقت راح تولي أسرع في فهم النصوص ✍🏻 الكتابة ثاني مهمة خاصة المواضيع لي تتعاود أفكارها تعلمي كيفاش ترتبي أفكارك وتستعملي الكلمات والقواعد لي قريتيهم وما تبقايش غير في التمارينووأهم حاجة في الإنجليزية هي المراجعة المتكررة القاعدة لي قريتيها هذا الأسبوع رجعيلها من بعد والكلمات لي حفظتيهم عاودي شوفيهم هكذا اللغة تبقى معاك وما تنسايهاش ومبعد كي تكوني مليحة في القواعد والفهم ابداي بمواضيع الباك السابقة حلي وحدك و صححي وشوفي واش هي اخطاء لي تتعاودلك وركزي عليها 💡 ولي ما يفهمش النصوص مليح: ركزوا على حفظ المصطلحات والكلمات لي تتعاود بزاف وكاين الأستاذ منصوري يعطي les astuces لي تقدرو تستعملوهم باش تعاونكم في الإجابة #الانجليزية #كيفاش تقراي كل مادة

💗القناة:https://t.me/bac_with_mikaa18

🧬 كيفاش تقراي العلوم في الباك؟

اليوم نروحو للعلوم🧬، وهاذ المادة بزاف يغلطو فيها كي يحاولو يحفظو الدرس كامل كلمة بكلمة و صح هو تفهمي قبل ما تحفظي كي تبداي درس اقرايه كامل مرة باش تدي فكرة عليه ومن بعد قسميه لأفكار كل فكرة حاولي تفهميها مليح واش راه يصرا؟ علاش راه يصرا؟ وكيفاش وصلنا للنتيجة؟ كي تفهمي العلاقة بين الأفكار الحفظ يولي ساهل بزاف ✍🏻 المخططات مهمين بزاف في العلوم خاصة كي يكون عندك مراحل ولا علاقة بين عدة عناصر ديري مخطط بسيط بكلامك و بدارجة باش تفهميه وماشي لازم يكون تحفة 🙂 المهم كي تشوفيه تتفكري الدرس كامل ومن بعد جربي تغلقي الكراس و تتفكري الدرس وحدك قولي واش فهمتي اكتبي الأفكار الرئيسية ولا حاولي ترسمي المخطط من راسك و كي تحبسي في نقطة هنا تعرفي بلي لازم تراجعيها وبعد فهم ولحفظ ما تروحيش مباشرة لدرس جديد حلي أسئلة وتمارين على الدرس خاطر في الباك ما يكفيش تعرفي معلومة لازم تعرفي كيفاش تستخرجيها وتستعمليها في تحليل الوثائق والإجابة وحاجة مهمة كي تصححي تمرين ما تشوفيش غير النقطة شوفي علاش نقصت ما فهمتيش الوثيقة؟ ما عرفتيش تربطي بين المعطيات؟ ولا كانت الإجابة ناقصة؟ هاذ الأخطاء هما لي لازم تركزي عليهم. 🔄 وراجعي الدرس أكثر من مرة، ماشي تقرايه اليوم وتخليه حتى جوان 😭 و أهم حاجة منهجية ركزي عليها مليح و كل ما تحلي تمرين حلي بلمنهجية و فلمنهجية ننصحكم بايوب بزاف فور فلمنهجية #العلوم #كيفاش تقراي كل مادة

💗القناة:https://t.me/bac_with_mikaa18

🌷 نصيحة :

ما تجمعوش المصادر بزاف! 😭 ماشي كل ما لقيتي ملخص ولا فيديو ولا أستاذ ولا كتاب لازم تستعمليه اختاري مصدر واحد مليح وافهمي منو ومن بعد روحي مباشرة للتمارين والتطبيق لانو كثرة المصادر مرات غير تضييع لوقت وتخليك تحسي بلي راكي تقراي بصح في الحقيقة ما راكيش تتقدمي. الباك ما يحتاجش ألف مصدر 🤍🎯 #نصيحة

💗القناة:https://t.me/bac_with_mikaa18

تنظيم الوقت: ✅الطريقة الأولى: جدول الدراسة، مثلا يوم الأحد ساعة رياضيات وساعة ونصف علوم، المهم من الأفضل لوكان تكتبي ثاني واش رايحة ديري في كل مادة، مثلا تحلي تمرين دوال وهكذا، هذي طريقة حسب كثير من الطلبة مهيش عملية لأنه إذا كان عندك واجبات ولا اي حاجة رح يتعطلك الجدول. ✅الطريقة الثانية: تعتمدي على to do list لكل يوم، ولازم تكتبيه نهار قبل ولا في الليل، وتطبقيه غدا، وتراعي الواجبات تاعك، المشاريع ولا الوظائف، شخصيا كنت نعتمدها، والتطبيق هذا بزاف رايح يعاونكم: MultiNotes

⚛️ وضك نروحو للفيزياء لي ثاني تخوف بزاف تلاميذ 😭😂 في الفيزياء ما تحفظيش القوانين وخلاص لازم تفهمي الظاهرة والقانون ووقتاش نستعملوه كي تقراي درس افهمي واش راه يصرا ومن بعد شوفي القوانين المرتبطة بيه واكتبي القوانين ومع كل قانون معنى الرموز والوحدات تاعهم ومن بعد طبقي بتمارين بسيطة كي تولي فاهمة زيدي الصعوبة شوية بشوية و هنا يعاونوكم سلاسل ميزان في كل وحدة للأستاذ عبد الله لانو فان متدرجين فصعوبة تمارين وكي يجيك تمرين وما عرفتيش منين تبداي ما تروحيش ديراكت للحل خرجي المعطيات و شوفي واش راه يطلب وحاولي تعرفي القانون لي تحتاجيه وإذا شفتي الحل غلقيه وعاودي حلي التمرين وحدك و ننصحكم في كل تمرين خرجو معطيات في ورقة مسودة باش متنساو حتى حاجة و متغلطوش ومع الوقت حلي تمارين متنوعة ومواضيع الباك وراح تلاحظي بلي نفس الأفكار تتعاود بأشكال مختلفة #الفزياء #كيفاش تقراي كل مادة

💗القناة:https://t.me/bac_with_mikaa18

📚 نبدأو اليوم بالرياضيات والفيزياء 🧮⚛️ أول مادتين اخترتهم هما الرياضيات والفيزياء خاطر هاذو بالذات كاين بزاف تلاميذ يخافو منهم ويشوفوهم صعاب 😭😂 بصح صدقوني المشكل غالبًا ماشي في المادة نفسها المشكل في كيفاه نقراوها وكيفاه نتعاملو معاها. 🧮 نبدأو بالرياضيات لي تخوف بزاف تلاميذ 😂 الرياضيات ماشي مادة تحفظي فيها الحلول لازم تفهمي الفكرة والقانون ووقتاش تستعمليه كي تكملي درس شوفي أمثلة محلولة باش تفهمي الطريقة ومن بعد غلقي الحل وحاولي تحلي وحدك و ما تبدايش مباشرة بالتمارين الصعاب ابداي بالساهل حتى تثبتي الفكرة ومن بعد طلعي المستوى شوية بشوية و سلاسل ميزان تع استاذ نوردين يعاونوكم لانو متدرجين في صعوبة تمارين وحاولي ما تحليش نفس النوع برك نوّعي التمارين باش تتعلمي تميزي بين الأفكار وتعرفي منين تبداي كي يجيك تمرين جديد وإذا غلطتي ما تهمليش الغلطة شوفي علاش غلطتي وعاودي حلي التمرين وحدك ومع الوقت كي تولي متمكنة ابداي بالمواضيع السابقة وحاولي تحلي بالوقت #كيفاش تقراي كل مادة #الرياضيات

💗القناة:https://t.me/bac_with_mikaa18

📢 سلسلة جديدة 📚

السلام عليكم بنات 🌸 حبيت نبدأ معاكم سلسلة قبل ما ندخلو للقراية نشرحلكم فيها كيفاش تقراي كل مادة في الباك كل يوم إن شاء الله نحطلكم مادتين ولا أكثر ونهدرلكم عليهم بطريقة بسيطة: كيفاش تبداي واش تركزي عليه، وواش تديري باش تستفادي من وقتك. باش كي ندخلو للعام تكوني عارفة كل مادة كيفاه تقرايها وما تبدايش محتارة من وين تبداي 💗 إن شاء الله تعجبكم السلسلة وتفيدكم 🤍 #كيفاش تقراي كل مادة

💗القناة:https://t.me/bac_with_mikaa18

📚 أخطاء لازم تحذري منها في عام البكالوريا 🚨

السلام عليكم البنات 🌸 عام الباك ما يحتاجش غير القراية بزاف، يحتاج تعرفي كيفاه تقراي صح و كاين أخطاء صغيرة يديروهم بزاف تلاميذ ويضيعولهم الوقت والجهد حاولي تتفاديهم من البداية 👇🏻 1. 📱 القراية والهاتف قدامك: كل مرة تقراي وتفتحي تيليفون "غير دقيقة" راح يتشتت تركيزك حطيه بعيد وقت لقراية وخليه غير في وقت راحة. 2. 📖 تعاودي تقراي نفس الدرس بلا تطبيق: الفهم وحده ما يكفيش بعد ما تفهمي الدرس لازم تطبقي عليه بتمارين وأسئلة باش تعرفي اذا فهمتي 3.تخلي كلش لآخر لحظة: ما تستنايش حتى يقربو الاختبارات ولا الباك باش تبداي لقراية قسمي دروسك على الأيام وراجعي دايما. 4. ✍🏻 تحلي التمارين وتشوفي الحل مباشرة: إذا حصلتي حاولي وحدك قبل ما تشوفي الحل حتى لوكان غلطتي الغلطة راح تعلمك أكثر من تقراي الحل . 5. ❌ تتجاهلي الأخطاء ما تقوليش "غلطت وخلاص": حاولي تعرفي علاش غلطتي: ما فهمتيش الفكرة؟ نسيتي قانون؟ ولا تسرعتي؟ وسجلي الأخطاء 6. 🧠 تحفظي بلا ما تفهمي خصوصًا في المواد العلمية: حاولي تفهمي العلاقة بين الأفكار والقوانين قبل الحفظ باش تقدري تطبقي المعلومة في تمارين اخرى 7. 📚 تستعملي مصادر كثيرة بزاف: ما تحتاجيش 10 أساتذة و20 ملخص خيري مصادر قليلة ومليحة والتزمي بيهم باش ما تتشتتيش 8. 😴 تضحّي بالنوم باش تقراي أكثر: النوم جزء من القراية خاطر الراحة تساعدك على التركيز وتثبيت المعلومات ماشي كل ما نقصتي النوم زادت إنتاجيتك. 9. 📊 تقارني تقدمك بالآخرين: كل وحدة عندها طريقتها ركزي على مستواك أنتِ: واش كنتي تعرفي البارح وواش وليتي تعرفي اليوم. 10. 📝 متحليش مواضيع الباك في ظروف حقيقية: من وقت لوقت حاولي تحلي موضوع كامل بالوقت المحدد بلا تيليفون وبلا كتاب وبعدها صححي روحك وشوفي نقاط قوتك و ضعفك.

🌷 الخلاصة:

ماشي المهم تقراي ساعات طويلة فقط لمهم تعرفي كيفاه تستغلي وقتك وتصححي أخطاءك وتستمري الاستمرارية الصغيرة كل يوم خير من الحماس الكبير لي يدوم يومين. 💗

💗 القناة: https://t.me/bac_with_mikaa18