︎︎

Kimligimni anglashga shoshilmang. Zero, har bir narsaning oshkor bo'lishi shart emas. Ba'zi sahifalar ortida qanday inson turganini bilmasdan turib ham, undan manfaat olish mumkin. Bu yerda shaxsiyat, ism, yosh yoki boshqa tafsilotlardan ko'ra, ulashilayotgan oyatlar, hadislar, ilm va eslatmalar muhimroq. Zero, niyatimiz tanilish emas, balki biror qalbga yaxshilikni eslatish, biror insonga manfaat yetkazish bo'lsa, bundan ortiq nima kerak? Har kimning o'ziga tegishli dunyosi, oshkor etishni istamaydigan jihatlari bor. Ularni bilishga urinishdan ko'ra, aytilgan so'zlarning mag'zini anglash afzalroqdir. Shunday ekan, bu sahifada kim turganini emas, bu sahifadan qalbingizga nima kirib borayotganini kuzating. Balki insonni tanimasdan ham, undan olingan birgina foydali eslatma butun bir kuningizni o'zgarishiga sababchi bo'lar. Alloh bilguvchidir. Kanalimizning maqsadi va manfaati haqida... Ushbu sahifa shunchaki yozuvlar jamlanmasi emas, balki ilm, tafakkur, eslatma va o'zaro manfaat ulashish niyatida ochilgan bir maskandir. Bu yerda Qur'on oyatlari, hadislar, solih insonlarning hikmatlari, qalb tarbiyasi, taqvo, sabr, tavba va ilm yo'lidagi eslatmalar bilan bo'lishib boriladi. Maqsadimiz ko'pchilikka tanilish yoki shunchaki kuzatuvchilar sonini oshirish emas. Balki har bir ulashilgan so'z kimningdir qalbiga yetib borishi, kimnidir yaxshilikka undashi, kimningdir ilmga bo'lgan rag'batini oshirishidir. Agar bu sahifada o'qigan biror jumlangiz sizga o'zingizni isloh qilishni eslatsa, biror oyat qalbingizga taskin bersa yoki biror hadis amalingizga ta'sir qilsa, demak, bu sahifa o'z maqsadidan bir qadam bo'lsa-da, manfaat topgan bo'ladi. Shu bilan birga, ushbu sahifa siz kutgan manfaatni bermayotgan bo'lsa, unda qolishga o'zingizni majbur his qilmang. Har bir inson o'ziga foyda beradigan, qalbiga yaqin bo'lgan narsalarni tanlashga haqli. Bu yerdagi yozuvlar, eslatmalar yoki ulashilayotgan mavzular sizga mos kelmasa, hech qanday xafagarchiliksiz tark etishingiz mumkin. Biz uchun kuzatuvchilar sonidan ko'ra, bu yerda qolayotgan insonlarning chin dildan manfaat topishi muhimroq. Zero, sahifada shunchaki son bo'lib turishdan ko'ra, biror yaxshilikni o'rganib, uni hayotiga tatbiq etish afzal. Alloh ushbu kichik maskanni barchamiz uchun manfaatli ilm, xolis niyat va davomli ajr sababchisi qilsin. O'qiganlarimizga amal qilishni, bilganlarimizni go'zal tarzda ulashishni nasib etsin. Amiyn.

Ruhdan

bu sahifani yoqtirib qolishingiz aniq)

Vay maa shaa Alloh. Rahmat Alloh rozi bo'lsin))) sizlarni ham Robbim suyuntirsin)

Stars maylimi). O'zi menga umuman muhim emas) shunchaki postlar ranjimasin👀

ulanib oldingizmi? birozdan soʻng topolmaysiz..

3kishi kirsa o'chiraman)