HOP Ministry

መዝሙር 119 (አዲሱ መ.ት) ¯¯¯¯¯¯¯¯¯¯ ³³ እግዚአብሔር ሆይ፤ የሥርዐትህን መንገድ አስተምረኝ፤ እኔም እስከ መጨረሻው እጠብቀዋለሁ። ³⁴ ሕግህን እንድጠብቅ፣ በፍጹም ልቤም እንድታዘዘው፣ ማስተዋልን ስጠኝ። ³⁵ በእርሷ ደስ ይለኛልና፣ በትእዛዝህ መንገድ ምራኝ። ³⁶ ከራስ ጥቅም ይልቅ፣ ልቤን ወደ ምስክርነትህ አዘንብል። ³⁷ ከንቱ ነገር ከማየት ዐይኖቼን መልስ፤ በራስህ መንገድ እንደ ገና ሕያው አድርገኝ። ³⁸ ትፈራ ዘንድ፣ ለአገልጋይህ የገባኸውን ቃል ፈጽም። ³⁹ የምፈራውን መዋረድ ከእኔ አርቅ፤ ደንብህ መልካም ነውና። ⁴⁰ እነሆ፤ ድንጋጌህን ናፈቅሁ፤ በጽድቅህ ሕያው አድርገኝ።

መዝሙር 119 (አዲሱ መ.ት) ¯¯¯¯¯¯¯¯¯¯ ²⁵ ነፍሴ ከዐፈር ተጣበቀች፤ እንደ ቃልህ መልሰህ ሕያው አድርገኝ። ²⁶ ስለ መንገዴ ገልጬ ነገርሁህ፤ አንተም መለስህልኝ፤ ሥርዐትህን አስተምረኝ። ²⁷ የድንጋጌህን መንገድ እንዳስተውል አድርገኝ፤ እኔም ድንቅ ሥራህን አሰላስላለሁ። ²⁸ ነፍሴ በሐዘን ተዝለፈለፈች፤ እንደ ቃልህ አበርታኝ። ²⁹ የሽንገላን መንገድ ከእኔ አርቅ፤ ሕግህን በጸጋህ ስጠኝ። ³⁰ የእውነትን መንገድ መርጫለሁ፤ ሕግህንም ፊት ለፊቴ አድርጌአለሁ። ³¹ እግዚአብሔር ሆይ፤ ከምስክርነትህ ጋር ተጣብቄአለሁ፤ አሳልፈህ ለውርደት አትስጠኝ። ³² ልቤን አስፍተህልኛልና፣ በትእዛዛትህ መንገድ እሮጣለሁ።

#Testimony #ከሕይወቴ_የተቀዳ_ምስክርነቴና_ጸሎቴ! #ለእግዚአብሔር_ስለመኖር፣ #ስለ_አገልግሎት_ሳሰላስል_ከነበረው_ነገር_ጥቂት_ነገር_ላካፍላችሁ፤ #ጸሎቴንም_አብረን_እንጸልይ🙏 የእግዚአብሔርን ዕቃ የሚሸከም ሰው #ሊለይ ይገባዋል፣ እልፍ ሊል ይገባዋል፣ ከፊት ከፊቱ የሚሄደውን እግዚአብሔርን ብቻ እያየ ሊሄድ ይገባዋል። የሰው ንብረት ተሸክሞ የእኔ ነው እያለ የሚኩራራ፣ ራሱንም የሚያሳይ ሰው እጅጉን የተሞኘ፣ ተላላ ነው። የእግዚአብሔርን ዕቃ ለመሸከም ማን በብርታቱ የሚበቃ አለ? በራሳችን ቢሆን ሁላችንም ከክብሩ የጎደልን ነን። ብቁ የሆነው እግዚአብሔር ግን በልጁ በክርስቶስ ኢየሱስ በኩል ብቁዎች አደረገን። የከበረን መዝገብ በሸክላ ዕቃ ውስጥ ሊያኖር ወደደ። የማንበቃው እኛ እርሱ በብርታቱ ብቁዎች አድርጎን የከበረውን የእርሱን ዕቃ ለመሸከም በቃን። የእግዚአብሔርን ዕቃ የምሸከም መሆኔን ረስቼ፣ ችላ ብዬ፣ አቃልዬ፤ የማይረባኝ፣ የሚገድለኝ፣ ከእግዚአብሔር ሰፈር ከሚያጎድለኝ ሰፈር ጋር ተቆራኘው። የዛን ጊዜ #ሰው ብቻ (እንደማንኛውም ሰው) የምገባ የምወጣ፣ የምበላ የምጠጣ፣ የምለብስ የማጌጥ፣ የምተኛ የምነሳ.....በሰው መስፈርት አስፈላጊ የተባለ ነገር ሁሉ ያልጎደለብኝ፣ በእግዚአብሔር አይን ግን የከሰርኩ፣ ሞገስ የሌለኝ፣ የራሴን ፈቃድ አድራጊ፣ ባካኝ ሆኜ ተገኘው። በተለያየ ጊዜ የተለያየ አይነት ፈተና፣ በሰው አይን ስኬት የሚባል የተለያየ ነገር ገጥሞኝ ከእግዚአብሔር ፊት እያራቀኝ ነው፣ እያባከነኝ ነው.... ብዬ ያዙኝ ልቀቁኝ ያልኩበት ብዙ ጊዜ አለ። እንደዚህኛው #ጠላቴ ግን ክፉ ሆኖብኝ አያውቅም። ይሄኛው ጠላቴ ስላችሁ ግን ከውጪ የሚመጣ ሌላ ጀብደኛ ሰው፣ ፈርጣማ ጦረኛ፣ አጋንንት....አትጠብቁ። #ጠላቴ እኔው፣ እኔነቴ ነው። በፊት በፊት ካለመጸይ ይልቅ መጸለይ፣ የእግዚአብሔርን ቃል ካለማጥናት ይልቅ ከቃሉ ጋር መቆየት ለእኔ እጅግ ቀላሉ ነገር ነበር። አንዳንዴማ "ሰው እንዴት ሳይጸልይ ይኖራል?!  የእግዚአብሔርን ቃል ሳያነቡ መዋል ይቻላል?!" ብዬ ስጠይቅ እንደ እኔ የሚታበይ ሌላ ሰው ያለ አይመስለኝም። በዚህ ሁኔታ ስኖር ሕይወት ዘርፈ ብዙ ጓዝ፣ አቅጣጫም አላትና የስራ ጫና፣ የቤተሰብ ጉዳይ፣ ከሰዎች ጋር ያሉ ግንኙነቶች፣ አገልግሎት፣ የጤና ችግር፣ አድካሚ ውሎ፣ ማህበራዊ ሚዲያ.....ምክንያት ይሁን ከተባለ ሌላም  የሚዘረዘር እልፍ ነገር አለና ይህ ሁሉ #ከእኔነቴ፣ ጎኑን ከሚጠብቀውና ምቾቱን በምንም ማስነካት ከማይፈልገው ማንነቴ፣ ሥጋዬ ጋር ተባብሮ በአፍ ሳይሆን በተግባር እግዚአብሔርን ጠል፣ ሰነፍ፣ ዳተኛ፣ ስንፍና የተጠናወተው ሌላ ሰው ወለደ። እግዚአብሔርን ከሚወደው፣ በፊቱ መቆየት ከሚናፍቀው፣ ቃሉን ከሚራበው መንፈሴ ይልቅ በተግባሬ አልጎስም ያልኩት ሥጋዬ ሲያሸንፍ፣ አለመጸለይ፣ እግዚአብሔርን አለመፈለግ፣ ቃሉን አለማንበብ ስራዬ ሲሆን፤ ለብታ ሲውጠኝ በደንብ ይታወቀኛል። ይሄ ሁሉ ሲሆን #መንፈስ_ቅዱስ የት ሄዶ ነው?! እንደምትሉኝ እርግጠኛ ነኝ። ስለ መንፈስ ቅዱስ የገባኝ አንድ ቁልፍ ነገር ቢኖር ግን፦ እርሱ የሥርዓት፣ የመርህ አምላክ መሆኑን እና ማንንም ያለ ፈቃዱ ጎትቶ እንደማይገዛ፣ ፈቃዳቸውን ለእርሱ ለሰጡና በራሳቸው እንደማይችሉ አምነው እጆቻቸውን ወደ እርሱ ላነሱ ሰዎች ግን ደራሽ፣ አጋዥ፣ ለእግዚአብሔር የመኖሪያ አቅም መሆኑን ነው። #በራሴ_አልቻልኩም፣ #በቃኝ_አቅቶኛል ብዬ ራሴን ለእርሱ ስሰጥ ግን ካለሁበት ነጥቆ ሊያወጣኝ ብርቱ እና የታመነ መሆኑን ነው። በዚህ ሂደት ውስጥ ሌላው ቁልፍ ነገር መርህ (#Discipline)፣ ራስን ማስለመድ፣ ማስገዛት ነው። ዓላማችን ልክ ያልሆነውን መንገድ ትቶ ወደ እግዚአብሔር መመለስ፤ ለእርሱ መገኘት፣ መገዛት ከሆነ በዚህ መጽናት እጅግ አስፈላጊ ነው። ምክንያቱም ለድካምም ሆነ ለብርታት፣ ለመጸለይም ሆነ ላለመጸለይ.... #ድግግሞሹ  ወሳኝ ነገር ነው፤ ተደማምሮ ልማድ (#Habit) ይሆናል። በተሰበረ መንፈስ፣ በተሰበረ ልብ ወደ እግዚአብሔር ፊት ስቀርብ፤ የሆንኹትን ሆኜ፣ አንዳች ሳልደብቀው፣ "ተመልከተኝ፤ እኔ እንደዚህ ነኝ፤ አልቻልኩም፤ አቅቶኛል፤ ጸጋህና ምህረትህ ያስፈልገኛል" ስለው ከወደቅኹበት እፍስፍስ አድርጎ ሲያነሳኝ፣ ስብራቴን ሲጠግን፣ ጸጋውን ሲያበዛልኝ፣ እንደገና አድሶ ሲያቆመኝ እልፍ ጊዜ አይቼዋለሁ። ይሄ ሁሉ የእኔ ውጣ ውረድ ነው። የኔ ህመም ህመሙ የሆነ፣ በፈተናዬ የተፈተነ፣ በመንገዴ ያለፈ ብዙ ሰው እንደሚኖር ስለማምን ከብርታቴ ብቻ ሳይሆን ከድካሜም ይማራል ስል ይሄን ጻፍኹ። ይሄ ደግሞ ጸሎቴ ነው። የሚሰማ፣ ሰምቶም የሚመልስ አምላክ እንዳለ በማመን ይሄን እላለሁ፦ ጌታ ሆይ ዛሬ በድካም፣ በስንፍና፣ በኃጢአት፣ በለብታ ለዛለች ነፍሴ የምነግራት አንተ የነገርኸኝ አንድ ነገር ቢኖር "የእግዚአብሔርን ዕቃ የምትሸከሚ ነሽ፣ የእግዚአብሔርን ዕቃ የምሸከም ነኝ።" የሚል ብቻ ነው። ይሄን እውነት በውል፣ በቅጡ ስረዳ ሁሉ ነገር፣ አዋዋሌ፣ አመለካከቴ፣ ምግባሬ፣ ረሃቤ፣ ዝግጅቴ ይቀየራል። ማገልገል የእግዚአብሔርን ዕቃ መሸከም ነውና ያንተን ዕቃ ለመሸከም እንደተጠራ፣ እንደተሸከመ ሰው ለአንተ እንድለይ፣ በመንፈስ ቅዱስ ራሴን እንድጠብቅ፤ ከአንተ የሚያርቅ፣ ከአንተ በልጦ ጣዖት ሊሆን የሚወድ፣ በእኔ ላይ ሊነግስ የሚወድ ነገር ሁሉ ርኩስ ነውና ርኩስ ነገር እንዳልነካ፣ ፊት ፊቴ የሚሄደውን እግዚአብሔርን ብቻ እያየሁ እንድከተል፣ እንድከታተል ጸጋ ይብዛልኝ!! መንፈስህ ይርዳኝ!! አሜን!!

መዝሙር 119 (አዲሱ መ.ት) ¯¯¯¯¯¯¯¯¯¯ ¹⁷ ሕያው እንድሆን፣ ቃልህንም እንድጠብቅ፣ ለአገልጋይህ መልካም አድርግ። ¹⁸ ከሕግህ ድንቅ ነገርን እንዳይ፣ ዐይኖቼን ክፈት። ¹⁹ እኔ በምድር ላይ መጻተኛ ነኝ፤ ትእዛዛትህን ከእኔ አትሰውር። ²⁰ ዘወትር ደንብህን በመናፈቅ፣ ነፍሴ እጅግ ዛለች። ²¹ ከትእዛዛትህ የሳቱትን፣ እብሪተኞችንና ርጉሞችን ትገሥጻለህ። ²² ምስክርነትህን ጠብቄአለሁና፣ ስድብንና ንቀትን ከእኔ አርቅ። ²³ ገዦች ተቀምጠው ቢዶልቱብኝ እንኳ፣ አገልጋይህ ሥርዐትህን ያሰላስላል። ²⁴ ምስክርነትህ ለእኔ ደስታዬ ነው፤ መካሪዬም ነው።

መዝሙር 119 (አዲሱ መ.ት) ¯¯¯¯¯¯¯¯¯¯ ⁹ ጒልማሳ መንገዱን እንዴት ያነጻል? በቃልህ መሠረት በመኖር ነው። ¹⁰ በሙሉ ልቤ ፈለግሁህ፤ ከትእዛዛትህ ፈቀቅ እንዳልል አድርገኝ። ¹¹ አንተን እንዳልበድል፣ ቃልህን በልቤ ሰወርሁ። ¹² እግዚአብሔር ሆይ፤ አንተ ቡሩክ ነህ፤ ሥርዐትህን አስተምረኝ። ¹³ ከአንደበትህ የሚወጣውን ደንብ ሁሉ፣ በከንፈሬ እናገራለሁ። ¹⁴ ሰው በሀብቱ ብዛት ደስ እንደሚለው፣ ምስክርነትህን በመከተል ደስ ይለኛል። ¹⁵ ድንጋጌህን አሰላስላለሁ፤ ልቤን በመንገድህ ላይ ጥያለሁ። ¹⁶ በሥርዐትህ ደስ ይለኛል፤ ቃልህንም አልዘነጋም።

“ምስክርነቱን የሚጠብቁ፣ በፍጹምም ልብ የሚሹት የተባረኩ ናቸው፤”   — መዝሙር 119፥2 (አዲሱ መ.ት) ✨ SELAH ✨ A Week of Reading, Meditation, Prayer & Obedience Through God’s Word Join us and invite others to grow together in God’s Word. 📍 Facebook Page: https://www.facebook.com/hopministry10 📍 Telegram Channel: https://t.me/hopministry10

መዝሙር 119 (አዲሱ መ.ት) ¯¯¯¯¯¯¯¯¯¯ ¹ መንገዳቸው ነቀፋ የሌለበት፣ በእግዚአብሔርም ሕግ የሚሄዱ የተባረኩ ናቸው። ² ምስክርነቱን የሚጠብቁ፣ በፍጹምም ልብ የሚሹት የተባረኩ ናቸው፤ ³ ዐመፅን አያደርጉም፤ ነገር ግን በመንገዱ ይሄዳሉ። ⁴ ጠንቅቀን እንጠብቃት ዘንድ፣ አንተ ሥርዐትን አዘሃል። ⁵ ሥርዐትህን እጠብቅ ዘንድ፣ ምነው መንገዴ ጽኑ በሆነልኝ ኖሮ! ⁶ ወደ ትእዛዛትህ ስመለከት፣ በዚያን ጊዜ አላፍርም። ⁷ የጽድቅ ፍርድህን ስማር፣ በቅን ልብ ምስጋና አቀርብልሃለሁ። ⁸ ሥርዐትህን እጠብቃለሁ፤ ፈጽመህ አትተወኝ።

ውድ ቤተሰቦቻችን ጌታ ፈቅዶ ብንኖር ነገ ማለዳ ለምንጀምረው የመዝሙረ ዳዊት (119) ጥናት መግቢያ እንዲሆነን በማሰብ ከታች ያለውን አጭር ዳሰሳ አቅርበናል። 📖 የመዝሙረ ዳዊት ዳሰሳ ☑️ ጸሐፊው፦ ዳዊትና ሌሎች ናቸው። የ 100 መዝሙሮች ጸሐፊ በየመዝሙሩ መጀመሪያ ላይ ተመልክቷል። • ዳዊት-73 • አሳፍ-12 • ቆሬያውያን-11 • ሰሎሞን-2 • ሙሴ-1 • ኢታን-1 መዝሙሮች ሲጽፉ የተቀሩት 50 መዝሙሮች በማን እንደተጻፉ አልተገለጸም። ሆኖም ለምሳሌ በሐዋ 4:25 እና ዕብ 4:7 መሠረት መዝ 2 እና 95 በዳዊት እንደተጻፉ ስለተገለጸ ቀሪዎቹም በዳዊት የተጻፉ ሊሆኑ ይችላሉ። ☑️ የተጻፈበት ጊዜ፦ ከ1400-500 ዓ.ዓ። መዝሙሮቹ በተለያዩ ጸሐፊዎች የተጻፉ ስለሆኑ ጊዜው ይለያያል። ከሁሉም የሚቀድመው በሙሴ የተጻፈው መዝ 90 ከ1400 ዓ.ዓ. እንደሚሆን ሲገመት የዳዊት መዝሙሮች ደግሞ ከ1020-975 ዓ.ዓ ባለው ጊዜ እንደሆነ ይታሰባል። እንዲሁም ከምርኮ ስለመመለስ የሚናገሩት መዝ 126 እና 137 ከ500 ዓ.ዓ. በፊት እንደተጻፈ ይገመታል። ☑️ የመጽሐፉ ስያሜ: መጽሐፉ በእስራኤል ዘንድ መልካም ባለቅኔ በሆነው በእሴይ ልጅ ዳዊት (2ሳሙ 23:1) የተሰየመ ነው። በዕብራይስጥ #ተሂሊም ወይም ውዳሴ ይባላል። የመዝሙረ ዳዊት አጻጻፍ #ፓራራሊዝም የተሰኘ የአጻጻፍ ስልት ይጠቀማል። ፓራራሊዝም ማለት አቻ ዘይቤ ወይም እኩያ አባባል እንደ ማለት ነው። ☑️ ዋና ሰዎች፡ ዳዊት፤ የእግዚአብሔር ሕዝብ። ☑️ ዋና ሀሳብ፦ ምስጋና የሚገባውን እግዚአብሔርን ማመስገንና ማወደስ ነው። መዝሙረ ዳዊት ብዙ ጸሎቶችን በመዝሙር ስለሚገልጽ የመዝሙር-ጸሎት ሊባልም ይችላል። የእግዚአብሔር ስም በሁሉም መዝሙሮችና በአጠቃላይ 1200 ጊዜ ተጠቅሶአል። ይህም በሀዘንም ጊዜ ቢሆን (መዝ 74) ወይም በሃሌ ሉያ (150) የዝማሬ ትኩረቱ እግዚአብሔር መሆኑን ያመለክታል። እግዚአብሔር ካልተመሰገነ መንፈሳዊ መዝሙር የለምና። ☑️ መዝሙረ ዳዊት ከመጽሐፍ ቅዱስ ሰፊው መጽሐፍ ሲሆን ረጅሙ ምዕራፍ ምዕ 119 ነው። ሰው ላለበት የተለያየ ሁኔታ ሁሉ ለውስጥ ልቡ የሚናገር መጽሐፍ ስለሆነ ሰዎች በብዛት የሚያነቡት መጽሐፍ ነው። መዝሙረ ዳዊት በአዲስ ኪዳን 81 ጊዜ ተጠቅሷል። ☑️ የመጽሐፉ አከፋፈል፦ ብዙዎች 150 መዝሙሮች የያዘውን መጽሐፍ በ5 የመጽሐፍ ክፍሎች ይከፍሉታል። እያንዳንዱ የመጽሐፍ ክፍል የሚጨርሰው በምስጋናና ውዳሴ ነው። መጽሐፉን ከፔንታቱክ መጻሕፍት ጋርም በማዛመድ የሚከፍሉት አሉ። 1️⃣ መጽሐፍ 1: ስለ ሰውና ተፈጥሮ (1-41) ዘፍጥረት 2️⃣ መጽሐፍ 2: ስለ እስራኤልና ነጻ ስለ መውጣት (42-72) ዘጸአት 3️⃣ መጽሐፍ 3: ስለ አምልኮና ቤተ መቅደስ (73-89) ዘሌዋውያን 4️⃣ መጽሐፍ 4: በምድር ላይ ጉዞ (90-106)- ዘኁልቁ 5️⃣ መጽሐፍ 5: የእግዚአብሔር ቃልና ውዳሴ (107-150) ዘዳግም ✍️ ዶ/ር መልሳቸው መስፍን (የቀደመው ክብር: የብሉይ ኪዳን ዳሰሳ) ከተሰኘው መጽሐፍ የተወሰደ። ከዚህ በተጨማሪ በግል ጊዜ ወስደን ሌሎች ተጨማሪ የመጽሐፍ ቅዱስ ማብራሪያዎችን በማንበብ ክፍሉን በጥልቀት ማጥናትና መረዳት እንችላለን። ጌታ ቢፈቅድ እና ብንኖር ቀደም ሲል ባጋራነው የንባብ ሰሌዳ መሰረት ነገ ማለዳ ጥናታችንን እንጀምራለን። ሁላችሁም ከእኛ ጋር ቃሉን እንድታጠኑ፣ እንድታሰላስሉ፣ እንድትጸልዩ፣ በሕይወታችሁ እንድትተገብሩት እንጋብዛለን። ከታች የተሰጡትን ሊንኮች በመጠቀም ሌሎች ሰዎችም ጥናቱን እንዲቀላቀሉ እንጋብዝ🙏 👇 https://t.me/hopministry10 https://www.facebook.com/hopministry10

🌿 HOP Ministry — Hear. Obey. Practice. A Week of Reading, Meditation, Prayer & Obedience Through God’s Word 📜 Reading-Schedule: #Psalm_119 📖 1️⃣ Monday: ኤሌፍ፣ ቤት፣ ጋሜል 🌞 ጠዋት፡ 1-8 ☀️ቀን፡ 9-16 🌙 ማታ፡17-24 2️⃣ Tuesday፡ ዳሌጥ፣ ሄ፣ ዋው 🌞 ጠዋት፡25-32 ☀️ ቀን፡ 33-40 🌙 ማታ፡ 41-48 3️⃣ Wednesday: ዛይ፣ ሔት፣ ጤት 🌞ጠዋት፡ 49-56 ☀️ ቀን፡ 57-64 🌙 ማታ፡ 65-72 4️⃣ Thursday: ዮድ፣ ካፍ፣ ላሜድ 🌞 ጠዋት፡ 73-80 ☀️ ቀን፡ 81-88 🌙 ማታ፡ 89-96 5️⃣ Friday: ሜም፣ ኖን፣ ሳምኬት 🌞 ጠዋት፡ 97-104 ☀️ ቀን፡ 105-112 🌙 ማታ፡113-120 6️⃣ Saturday: ዔ፣ ፌ፣ ጻዴ 🌞 ጠዋት፡ 121-128 ☀️ ቀን፡ 129-136 🌙 ማታ፡137-144 7️⃣ Sunday: ቆፍ፣ ሬስ፣ ሳን፣ ታው 🌞 ጠዋት፡ 145-152 ☀️ ቀን፡ 153-160 🌙 ማታ፡161-176 Join us and invite others to grow together in God’s Word. 📍 Facebook Page: https://www.facebook.com/hopministry10 📍 Telegram Channel: https://t.me/hopministry10

✨ #ሴላ ✨ #የመጽሐፍ_ቅዱስ_ጥናት_ሳምንት! መዝሙር 119 (አዲሱ መ.ት) ¯¯¯¯¯¯¯¯¯¯ ¹⁵ ድንጋጌህን አሰላስላለሁ፤ ልቤን በመንገድህ ላይ ጥያለሁ። ¹⁶ በሥርዐትህ ደስ ይለኛል፤ ቃልህንም አልዘነጋም። ውድ የቻናላችን ቤተሰቦች ከፊታችን ሰኞ- እሁድ (ከግንቦት 10-16) ይሄንን ቻናል በመጠቀም #ሴላ (Selah) በተሰኘ ርዕስ ከመጽሐፍ ቅዱስ ክፍል መዝሙረ ዳዊት በቅንፍ #119 እናጠናለን፣ እናሰላስላለን፣ እንጸልያለን፣ የተማርነውን በሕይወታችን እንተገብራለን። በዚህ ሂደት ውስጥ እግዚአብሔር ለቃሉ ያለንን ረሃብ ይመልሳል፣ ልባችንን ያድሳል፣ ከቃሉ ተአምራትን እናይ ዘንድ አይኖቻችንን ይከፍታል፣ በቃሉ ይናገረናል፣ ያስተምረናል፣ በመንፈስ ቅዱስ የእግዚአብሔር ፍቅር፣ የቃሉ ረሃብ እንደገና በልባችን ይፈሳል። ኑ! አብረን የእግዚአብሔርን ቃል፦ ☑️ እናጥና፣ ☑️እናሰላስል፣ ☑️እንደ ቃሉ እንጸልይ፣ ☑️እንታደስ፣ ☑️ እንለወጠ፣ ☑️እንደ ቃሉ እንኑር!! 📖 የሳምንቱ የጥናት ክፍል፦ መዝሙረ ዳዊት (119) https://t.me/hopministry10 https://www.facebook.com/hopministry10

✨ SELAH ✨ A Week of Reading, Meditation, Prayer & Obedience Through God’s Word “ I will meditate on your precepts and fix my eyes on your ways. I will delight in your statutes; I will not forget your word.” — Psalm 119:15–16 (ESV) HOP Ministry — Hear. Obey. Practice. invites you to join us for a special Bible Reading & Meditation Week titled: 📖 SELAH 🗓 May 18 – May 24, 2026 Throughout the week, we will journey together through Psalm 119 — the chapter centered on loving, meditating on, obeying, and living by the Word of God. During this week we will: • Read the Word • Meditate on the Word • Pray over the Word • Be restored and transformed by the Word • Practice and obey the Word in daily life SELAH is a call to pause, reflect, hear God deeply, and walk in obedience. “Blessed rather are those who hear the word of God and keep it!” — Luke 11:28 Join us and invite others to grow together in God’s Word. 📍 Facebook Page: https://www.facebook.com/hopministry10 📍 Telegram Channel: https://t.me/hopministry10

#ቃሉ_ላይ_መቆየት! በጎች ምግባቸው የሆነውን ሳር (ግጦሽ) እንዳገኙት ወዲያው ይግጡታል (ወደ ውስጣቸው ያስገቡታል)። የአመጋገብ ስርዓታቸው ግን እዛ ላይ አያበቃም። ይልቁንም ጠቃሚውን ንጥረነገር እንዲያገኙበት #ይቆዩበታል፤ ማለትም #ያመነዥጉታል፣ መልሰው መላልሰው ያደቁታል። ይህም ለእድገታቸው፣ ለጤንነታቸው የሚያስፈልጋቸውን ግብአት እንዲያገኙ ይረዳቸዋል። የበሉት ምግብ ላይ በቆዩ ቁጥር ጠቃሚውን ነገር እያገኙ ይሄዳሉ። መጽሐፍ ቅዱስ በተደጋጋሚ፣ በተለያየ ስፍራ ቃሉን እንድናሰላስል ይመክረናል፣ ያስተምረናል፣ ያዘናል። ቃሉን አንድ ጊዜ አንብበን፣ አጥንተን፣ ሰምተን፣ ተምረን ዘወር ከማለት በዘለለ ትኩረት ሰጥተን እንድናሰላስለው እንድንቆይበት፣ ትዝታችን እንዲሆን፣ በልባችን እንዲሞላ ያዘናል። እያሰላሰልነው፣ እያሰብነው (እያመነዥግነው) በቆየን መጠን ከቃሉ የሚፈሰው ሕይወት እያረሰረሰን፣ ለሁለንተናዊ ደህንነታችን የሚያስፈልገውን ንጥረነገር እያገኘን እንሄዳለን። ሕይወታችንም ቃሉ ላይ ባለን ቆይታ ልክ እየታደሰ፣ እየተሰራ፣ እየተለወጠ፣ ፍሬ እያፈራ ይሄዳል። ጌታ ሆይ ቃልህ ላይ የቆየ  ሰው ሕይወት ያገኛል፤ ቃልህ ትዝታው የሆነለት ሰው ከዓለም ተረታ ተረት ይጠበቃል፤ በአእምሮው መታደስም ይለወጣል። ቃልህን ያሰላሰለው ሰው ብዙ ያተርፍበታል፤ ይለመልማልና ቃልህን ያለማቋረጥ እንድናሰላስለው እርዳን!! መዝሙር 1 (አዲሱ መ.ት) ¯¯¯¯¯¯¯¯¯¯ ¹ በክፉዎች ምክር የማይሄድ፣ በኀጢአተኞች መንገድ የማይቆም፣ በፌዘኞችም ወንበር የማይቀመጥ፣ ሰው ብፁዕ ነው። ² ነገር ግን ደስ የሚሰኘው በእግዚአብሔር ሕግ ነው፤ ሕጉንም በቀንና በሌሊት ያሰላስለዋል። ³ እርሱም በወራጅ ውሃ ዳር እንደ ተተከለች፣ ፍሬዋን በየወቅቱ እንደምትሰጥ፣ ቅጠሏም እንደማይጠወልግ ዛፍ ነው፤ የሚሠራውም ሁሉ ይከናወንለታል።

📖 “Let us know; let us press on to know the LORD; his going out is sure as the dawn; he will come to us as the showers, as the spring rains that water the earth.”          — Hosea 6:3 (ESV) 🌿 Let us press on to know the Lord. HOP Ministry — Hear. Obey. Practice. https://t.me/hopministry10

#Corrie_ten_boom_the_Woman_Who_Hid_Hope Cornelia Arnolda Johanna ten boom እንደ ኤ.አ በሚያዝያ 15 1892 ለአምስተርዳም ቅርብ በሆነችው ሀርለም ኔዘርላንድ የተወለደች ሲሆን በአብዛኛው ሰው ዘንድ እውቅ የሆነው መጠሪያ ስሟ ኮሪ ይባላል፤ ይህ መጠሪያዋ ከወላጅ እናትዋ የወረሰችው ነው፡፡ ለቤተሰቧ የመጀመሪያ ልጅ ስትሆን ቤቲና ኖሊ የተባሉ ሁለት እህቶችና ዊሊየም የተባለ አንድ ወንድም አላት፡፡ በኖረችባቸው ዓመታት ከመደበኛ የኑሮ ዘይቤዋ ውጭ በታሪክ ውስጥ አስቀምጣ ያለፈችው ትልቅ አሻራ ያላት ሴት ነች፡፡ ወላጅ አባትዋ ካስፐር ጌጣጌጥና ሰዓት በመስራት ይተዳደር ነበር፡፡ ኔዘርላንዳዊቷ ኮሪ የእጅ ሰዓት በመጠገን፣ በኋላም ክርስቲያናዊ ጽሁፎችን በመጻፍና አነቃቂ ንግግሮችን በመናገር ትታወቃለች፡፡ ይህ ቤተሰብ የመኖሪያ ጎጆውን የቀለሰው ከአባትዋ የጌጣጌጥና የሰዓት መሸጫ ሱቅ በላይ ነው፡፡ “ቤጂ” የተባለው የዚህ ቤተሰብ መኖሪያ ቤት ከውጪ ለሚያየው ሰው እንደማንኛውም መኖርያ ቤት የተለመደ ቅርጽ እና ገጽታ ያለው ይመስላል፡፡ ነገር ግን በብሎኬት ከተሰራው ግድግዳና ከአነስተኛው የመጋዘኑ የጎን ክፍል ጀርባ ያልተለመደ ነገር ነበረው፡፡ ሁለተኛው የዓለም ጦርነት እየተፋፋመ በሄደበት ወቅት የቴን ቡም ቤተሰብ መኖሪያ ቤት የድብቁ የትግልና የመከላከል እንቅስቃሴ አካል በመሆን የአይሁዳዊያን መጠለያና ከናዚዎች የመሸሸጊያ ስፍራ ሆነ፡፡ ይህ ቤተሰብ በህንጻው ሶስተኛ ወለል ላይ ባለው የኮሪ መኝታ ቤት ጀርባ በሚገኘው ድብቅ ክፍል ወይም (The Hiding Place)ተብሎ በሚጠራው ክፍል ወደ ሰባት የሚጠጉ የትግሉ አካል የሆኑ አይሁዳዊያንን ይሸሽግ ነበር፡፡ አንዳንዶቹን ረዘም ላለ ጊዜ ሲሆን ሌሎቹን ደግሞ የተሻለና ምቹ መኖሪያ አግኝተው እስከ ሚዘዋወሩ ድረስ ላሉት ለአንድ ወይንም ለሁለት ቀናት ነው፡፡ ከረዥም ጊዜ በፊት ወላጅ እናትዋን በሞት ያጣችው ኮሪ የመጀመሪያውን የህይወትዋን ክፍል ያሳለፈችው የቤት ውስጥ ስራ በመስራት ነበር፡፡ ከጊዜ በኋላ ግን እህቷ ቤቲ በህመም ምክንያት ለረጅም ጊዜ አልጋ ላይ በመቅረቷ የእህቷን ቦታ በመተካት የአባትዋ የሰዓት መሸጫ ሱቅ ውስጥ መስራት ጀመረች፡፡ ብዙም ሳትቆይ ከስራው ሁኔታ ጋር በመላመዷና የንግዱን ዓለም ስለወደደችው አዳዲስ ፈጠራዎችን በማምጣት ንግዳቸውን ማሳደግ ችላለች፡፡ እህቷ ቤቲ ከህመሟ ካገገመች በኋላም እንኳን ኮሪ የንግዱን ስራ በተገቢ ሁኔታ በማስቀጠል ላይ ስለነበረች እህቷ በእርሷ ምትክ የቤት ውስጥ ስራዎችን መስራትና ቤተሰቡን ማስተዳደር ጀመረች፡፡ ኮሪ በሰዓት ስራ ላይ ስልጠና ከወሰደች በኋላ እ.ኤ.አ በ1922 ዓ.ም በኔዘርላንድ ታሪክ ህጋዊ እውቅና እና ፈቃድ ያላት የመጀመሪያዋ ሴት ሰዓት ሰሪ ለመሆን በቅታለች፡፡ በቀጣዮቹ ዓስርት ዓመታት በአባትዋ ሱቅ ከምትስራቸው ስራዎች በተጨማሪ የወጣትና ታዳጊ ሴቶች ክለብ በማቋቋም መንፈሳዊ ነገሮችን እንዲሁም የተለያዩ የኪነጥበብና የእጅ ስራዎችን ታስተምራቸው ነበር፡፡ ኮሪ እና ቤተሰቦቿ በ Dutch Reformed church ውስጥ እግዚአብሔርን ያመልኩና ያገለግሉ የነበሩ Calvinist ክርስቲያኖች ናቸው፤ ከዚህ በተጨማሪ የተለያዩ የበጎ አድራጎት ስራዎችን በመስራት፣ የተቸገሩ ሰዎችን በመርዳትና ማህበረሰባቸውን በማገልገል ይታወቃሉ፡፡ እነዚህ ቤተሰቦች ከነበራቸው ዋና ዋና የእምነት መመሪያዎች መካከል፦ አይሁዳዊያን በእግዚአብሔር የተመረጡ ውድ ህዝቦች ናቸው፣ እና ሁሉም ሰው በእኩልነት ተፈጥሯል የሚሉት ይጠቀሳሉ፡፡ ይህ እምነታቸው በቁርጠኝነት ለገቡበት ራስን አሳልፎ እስከ መስጠት ለሚያደርሰው ሌሎችን የማዳን በጎ ምግባራቸው ጽኑ መሰረት ሆንዋል፡፡ ኮሪ ለአምላኩ ልዩ ፍቅርና መሰጠት ባለው ቤተሰብ ውስጥ ነው ያደገችው፡፡ ይህ ቤተሰብ በሁለተኛው የዓለም ጦርነት ወቅት በመቶዎች የሚቆጠሩ አይሁዳዊያውያንን ከናዚ ባለስልጣናት እስራት ታድጓል፡፡ ይህን ተከትሎ በመሰል ወንድሞቻቸው በመከዳት ለናዚ ወታደሮች ተላልፈው በመሰጠት ለእስር ተዳርገዋል፡፡ በእስር ቤቱ ስቃይ ወቅት ቤተሰቦችዋን በሞት ያጣችው ኮሪ ከመከራው አገግማ በመውጣት ዓለም አቀፍ አገልግሎት ጀምራለች፡፡ በመቀጠልም “The Hiding place” ተብሎ በሚጠራው ታዋቂ መጽሐፏ ግለ ታሪኳን በማስፈር ለአንባቢያን ተደራሽ ማድረግ ችላለች፡፡ እ.ኤ.አ በግንቦት 1940 ዓ.ም የጀርመኑ ብሊከዝሪግ ኔዘርላንድንና ሌሎች ዝቅተኛ ሀገሮችን ለመቆጣጠር ሩጫ በመጀመር በጥቂት ወራት ውስጥ “Nazification” በተሰኘው ሌሎች ናዚዝምን እንዲቀበሉና እንዲከተሉ በሚያደርግ እንቅስቃሴያቸው በርካታ ኔዘርላንዳውያንን መቆጣጠሩን ተያያዙት፡፡ በዚህን ወቅት ነበር ሰላም የሰፈነበት የቴን ቡም ቤተሰብ ላንዴና ለመጨረሻ ጊዜ የተናጋው፡፡ በጦርነቱ ወቅት ቤጂ የተሰኘው የቴን ቡም መኖሪያ ቤት ለአይሁዳዊያን ምሁራንና ተማሪዎች መሸሸጊያ ሆነ፡፡ ኮሪ ቴን ቡም በቤጂ የተጀመረው የዚህ እንቅስቃሴ ዋና መሪ በመሆንና በመላ ሀገሪቱ ውስጥም ሌሎች ተመሳሳይ ስፍራዎች መኖራቸውን በመከታተል ግንባር ቀደም ነበረች፡፡ በዚህ ሂደት ውስጥ ወደ ስምንት መቶ የሚጠጉ አይሁዳዊያንን መታደግ ችለዋል፡፡ እ.ኤ.አ በየካቲት 1944 ዓ.ም አንድ ኔዘርላንዳዊ የናዚዎች ቃል አቀባይ ስለ አጠቃላይ የቴን ቡም ቤተሰብ እንቅስቃሴ በሰጠው ጥቆማ መሰረት የቴን ቡም መኖሪያ ቤት በወታደሮች ተከበበ፡፡ በቤቱ ላይ ጥብቅ ፍተሻና ክትትል እያደረጉ ከቆዩ በኋላ በቀኑ መገባደጃ ላይ የቴን ቡምን ቤተሰብ ጨምሮ በአጠቃላይ ሰላሳ አምስት ሰዎች በናዚ ቁጥጥር ስር ዋሉ፡፡ ምንም እንኳን የጀርመን ወታደሮች ቤቱን በደንብ ቢፈትሹም ከነበሩበት ምሽግ አስተማማኝነት የተነሳ ከግማሽ ደርዘን በላይ የሚሆኑ አይሁዳዊያንን ሊያገኝዋቸው አልቻሉም፡፡ #ይቀጥላል....