كوكب تانية ثانوي 🌏⚡️

حد يرد تيب آخر يوم في امتحانات العام يوم اي

؟

أبطال العام هيخلصو امتحانات امتى بإذن الله

🚨 تحدي "شحن الطاقة" الجماعي قبل العيد! 🔥✨💃 يا جماعة، الإجازة فرصة ذهبية 🥳 عشان نفصل تماماً عن زحمة الموبايل والسوشيال ميديا 📵 ونرجع نشحن طاقتنا من جديد 💪. والتحدي المرة دي مش كل واحد مع نفسه.. التحدي ده بيننا كلنا كفريق واحد! 🥰 عايزين روح تشجيع وحماس يخلينا نتشارك الأيام دي مع بعض ومحدش يكسل 🏃‍♀️🔥.

💡 ملحوظة مهمة جداً: الكلام ده طبعاً للناس الأبطال اللي خلصوا امتحاناتهم وبدأوا الإجازة 🎉. أما إخواتنا اللي لسه بيمتحنو.. فربنا يوفقكم ويكون معاكم يا رب 🤲، ركزوا في مذكرتكم ودعواتنا معاكم 📑❤️ ومستنيينكم تخلصوا وتحصلونا على خير إن شاء الله! 🎓✨

التحدي ده بمثابة "معسكر تجهيزي" نعود فيه نفسنا على الانضباط بعيداً عن الشاشات 🚫📱 عشان بعد العيد بإذن الله هنبدأ شغل الكورسات الجد مع الكل 💻🚀. 📌 جدول التحديات اليومية المشتركة: 📖 ورد القرآن: هنحدد ورد يومي للقراءة، وجزء صغير للحفظ والمراجعة عشان نغذي روحنا 🕌✨. 🕌 رحلة في السيرة: قراءة في السيرة النبوية أو قصص الأنبياء من كتاب مبسط عشان نعيش مع قصص ملهمة 🤍📖. 📚 تحدي الـ 20 صفحة: حد أدنى 20 صفحة يومياً من أي كتاب ورقي بتحبوه بعيداً عن الشاشات ☕️📕. كبسولة إنجليزي: هانزلكم هنا كتاب للكلمات نحفظ منه على قد ما نقدر، والأفضل نخلي هدفنا من 20 لـ 30 كلمة في اليوم 📝🧠. 🎧 بودكاست عقلية: كل يوم هانزلكم هنا حلقة بودكاست مميزة تفتح مداركنا وتغير طريقة تفكيرنا للأفضل 🗣💡. 💪 الحركة بركة: نص ساعة رياضة يومياً في البيت أو برة عشان نجدد نشاط جسمنا 🧘‍♀️🏃‍♂️. 🧹 لمسة إبداع (Creative Organizing): كل يوم هنختار مكان صغير (درج، رف، مكتب) ونعلق ترتيبه بطريقة مبتكرة ومريحة للعين 🧺🌸. ✨ تجربة جديدة كل يوم: يوم نطبخ وصفة جديدة ومختلفة 🍳، يوم ننزل نتمشى في مكان جديد مجربناهوش قبل كده 🌳.. المهم نكسر الروتين! 💬 نظام المشاركة معانا في القناة: الموضوع مرن جداً وبدون أي إلزام! 🎈 في أي وقت في اليوم تخلصوا فيه أي حاجة، أو تعملوا تجربة جديدة.. تعالوا جري على التعليقات وعرفونا وشاركونا! 🎉🥳 اللي جرب طبخة جديدة يقولنا طلعت معاه إزاي 🍕، اللي قرأ يشاركنا بفكرة أو معلومة عجبتها 💡، واللي رتب مكان يحكي لنا عن إحساس الإنجاز 🤩.. هنشجع بعض ونلهم بعض بيومياتنا في الإجازة! 🤝❤️ جاهزين نتشارك الرحلة دي ونستغل الإجازة صح؟ 🔥 سيبوا كومنت بـ "جاهز" وعرفوني مستعدين تبدأوا بإيه! 👇💃

وطبعًا متنسوش برّ الوالدين مهما عملتوا من طاعات فبرّ أهلكم من أعظم الحاجات اللي تقرّبكم من ربنا كلمة حلوة ومساعدة بسيطة وقعدة معاهم ودعوة منهم ليك من قلبهم الحاجات دي عند ربنا كبيرة جدًا خلي بالك من أمك وأبوك طول ما هما موجودين لأن والله في ناس نفسها ترجع لحظة واحدة بس معاهم ومش قادرة ارضَهم على قد ما تقدر واكسب رضا ربنا في رضاهم

كل يوم في العشر دي ادعي بحاجة نفسك فيها بصدق خلي عندك دعوة معينة تشتغل عليها كل يوم وتفضل تطلبها من ربنا بإلحاح ويقين

وسادس حاجة قيام الليل والدعاء العشر دي مش هيعدّي فيها يوم من غير ما نقف بين إيدين ربنا حتى لو بركعتين بس قوم بالليل وادعي من قلبك احكي لربنا كل اللي جواك كل خوفك وكل أمنياتك وكل اللي نفسك فيه قيام الليل والدعاء من أكتر الحاجات اللي تغيّر القلب فعلًا وتقربك من ربنا بشكل غريب حتى لو تعبان حتى لو نعسان حاول تقوم ولو دقائق بسيطة يمكن دعوة في وقت السحر تغيّر حياتك كلها العشر دي فرصة كبيرة جدًا فمتضيعش ليلة فيها

وخامس حاجة الذكر اعمل لنفسك ورد ذكر يومي في العشر دي سبّح استغفر صلّي على النبي ﷺ وكبّر كتير "الله أكبر الله أكبر الله أكبر لا إله إلا الله، الله أكبر الله أكبر ولله الحمد" خلي لسانك دايمًا رطب بذكر ربنا وإنت ماشي وإنت قاعد وإنت بتعمل أي حاجة الدقايق اللي بتضيع مننا كل يوم ممكن تتحول لحسنات كبيرة جدًا بالذكر ومتستهونش بالتكبير في الأيام دي لأن دي من أعظم السنن فيها العشر دي فرصة تتغيّر فيها بجد فمتضيعهاش

ورابع حاجة القرآن حاول تخلي لك ورد ثابت كل يوم حتى لو 3 أجزاء علشان تختم القرآن في العشر وتعيش الأيام دي مع كلام ربنا متخليش يوم يعدي من غير قرآن لأن والله القرآن بيرتب القلب ويهديه ويطمنه حتى لو مش متعود ابدأ على قد ما تقدر المهم تستمر العشر دي فرصة نرجع فيها لربنا بجد خلي لسانك قرآن وذكر واستغفار وعيش الأيام دي كأنها فرصة عمرك