رساله إلى القلب...🫀🤍

•° قلبي متعلق بها فاللهم ارزقني طوافها..🥹💗🌷🤲🏻🕋)"

عارف انگ سامع الأذان ومش محتاج حد يقولك قوم صلي عشان انــــت خلاص بتجاهد نفسك وبدات تنتظم في الصلاة وربنا راضي عنك ودعواتك بتستجاب انـت الشخص ده صح...💚 صلاتك أولا ثم أطلب من الله ما تشاء مـريم مصطفىٰ..♡

إن شاء الله مأجورين على الحزن والزعل إن شاء الله مأجورين على الصداع المستمر إن شاء الله مأجورين على الأرق وقلة النوم إن شاء الله مأجورين على كل مرة مش بنبقى قادرين نكمل فيها إن شاء الله مأجورين على كل حاجة كان نفسي فيها ومحصلتش إن شاء الله مأجورين

وانت بتحط احتمالات، حط في أولهم: "يُؤْتِيكُمْ خَيْرًا مِّمَّا أُخِذَ مِنكُمْ"

اللهم لاتدّع لنا ذنباً إلا غفرته ولا مريضاً إلا شفيته ولا ميتا إلا رحمته ولا دعاءً إلا استجبتهُ ولا تائباً إلا قبلته ولا طالب علم الا وفقته.

ليس اللطف أن يُرفع البلاء لكن اللطف أن تنزل السكينة𖹭

عارف انك مخنوق والله والدنيا بايظه معاك بس متروحش للاغاني والموسيقي عشان بدل متكون مخنوق 50٪ هتتخنق 99٪ اعمل زي النبيﷺ ينزل به هم يروح للسجود ينزل بيه كرب يفزع الا الصلاة وانت كمان هتقوم تصلي دلوقتي ومش هتروح لل يغضب ربنا لان ربنا عالم ايه ال عندك وهمك ايه هو مستنيكي بس تيجي علي `بابه وتدعيه ويستحيل ان يرد الله دعائك خائبا العشاء يـٰ راغبين الجنة..🕊💚

«اللَّهُمَّ صَلِّ وَسَلِّمْ عَلَى نَبِيِّنَا مُحَمَّدٍ» .

"بصوا يا جماعة… إحنا مش ضد الحب خالص، بالعكس، الحب ده من أجمل الحاجات اللي ربنا حطّها في قلوبنا ❤️ بس الفكرة كلها: إمتى؟ وإزاي؟ يعني إيه حب حلال؟ يعني حب فيه راحة، فيه احترام، فيه نية واضحة… مش لعب بمشاعر ولا تعلق يوجّع القلب في الآخر. إنما الحب الحرام غالبًا بيبدأ حلو جدًا… شوية كلام، شوية اهتمام… وبعدها تعب، تفكير زيادة، ووجع قلب من غير ضمان لأي حاجة. بصراحة كده، أغلب العلاقات اللي من النوع ده بتاخد مننا طاقة ومشاعر على الفاضي… لا هي بتقرّبنا من ربنا، ولا بتخلّينا مرتاحين. طب نعمل إيه؟ نحافظ على نفسنا شوية… نقلل اختلاط مالوش لازمة، نقفل الأبواب اللي ممكن تجرّنا لحاجة غلط، ونستنى الحاجة الصح تيجي في وقتها الصح. والأجمل بقى؟ إن الحب الحلال لما بييجي… بيبقى فيه طمأنينة كده، مفيش خوف، مفيش قلق، كله واضح ونضيف ❤️ فمش كل حاجة نفسنا فيها نمشي وراها… في حاجات بنسيبها عشان ربنا، وربنا بيعوضنا بحاجة أحلى بكتير. حافظوا على قلوبكم… عشان القلوب دي غالية ❤️"

‏"اللهُم لا ترد لي دعوة تمناَها قّلبي"♡

أبشر.. حابب أقول لكل الناس اللي بتقرأ قرآن وبتحس بصعوبة في نطق الآيات ونطق الحروف.. هنيئاً لكم بالأجرين: - أجر القراءة - وأجر المشقة والتعتعة يقول النبي ﷺِ "وَالَّذِي يقرَأُ القُرْآنَ ويَتَتَعْتَعُ فِيهِ وَهُو عليهِ شَاقٌّ لَهُ أَجْران"

قُل للذي نامَ والاحزان تـخنقهُ وهمهُ في ظلام الليل يشقيهُ ، هَون ؏ قَلبك المَحزون إن لهُ رباً سَيملائهُ نورًا ويرويه 🤍✨.

اعتذار رسمي لـ حمزة اخويا لاننا استعرنا اسمه في القصة وبوظنا سمعته خاالص.. 👈🏻👉🏻🙂❤️

_كان "حمزة" ماشي في الشارع… لابس الايربودز في ودنه…🚶🏻‍♂️ وبنطلون وايد ليج.. وتشرت مقاس 10x.. ووشم ظاهر في دراعه ورقبته.. وحلق زي اللعيب المفضل له كريستانو رونالدو…⚽ وفجأة….!!!!!! النور ظهر 👽 👽: إنت كده مرتاح؟🤨 🚶🏻‍♂️: و انت مين وعايز إيه؟! 👽: بسأل… إنت مرتاح؟ 🚶🏻‍♂️: أيوه مرتاح… سيبني في حالي وخليك في حالك..!!! 👽: طب ليه بتدور على نظرة إعجاب من الناس؟ 🚶🏻‍♂️: (حمزة اتعصب) وأنا مالي بالناس؟! أنا بعمل اللي أنا عايزه!.. فكك مني يسطاا وحل عن نفوخي.. 👽: فعلًا؟🤨 ولا بتلبس زيهم عشان تبقى شبههم؟ 🚶🏻‍♂️: (حمزة زعق) عادي! دي حرية شخصية! 👽: الحرية مش إنك تمشي ورا أي حاجة… الحرية إنك تبقى ماشي صح حتى لو لوحدك... 🙂 🚶🏻‍♂️: (حمزة بسخرية) آه صح وأكيد بقى هتقوللي صلي.. 😏 👽: أيوه… لأن ربنا قال: "وأقيموا الصلاة" 🚶🏻‍♂️: ما أنا بصلي بس بقطع! 👽: ده ليه؟ 🚶🏻‍♂️: لما أبقى فاضي! 👽: ربنا ما قالش "لما تبقى فاضي"… قال: "إن الصلاة كانت على المؤمنين كتابًا موقوتًا" 🚶🏻‍♂️: طب ما ربنا غفور رحيم! 👽: أكيد… بس قال كمان: "فويل للمصلين الذين هم عن صلاتهم ساهون" 🚶🏻‍♂️: (سكت لحظة… وبعدين انفجر) يعني أنا داخل النار يعني؟! 👽: أنا مش بحكم عليك… أنا بقولك الحقيقة اللي إنت هربان منها... 😕 🚶🏻‍♂️: (حمزة غضب) أنا مش بعمل حاجة حرام! ده لبسي وشكلي! متعقدهاش وتعملي فيها شيخ..!! 👽: طب اسمع: النبي ﷺ قال: "من تشبه بقوم فهو منهم" 🚶🏻‍♂️: (حمزة سخر) يعني اللبس بقى حرام؟! 👽: مش أي لبس… بس لما تبقى بتقلد حاجة ضد دينك وقيمك… ساعتها اسأل نفسك: أنا ماشي ورا مين؟ 🚶🏻‍♂️: (حمزة بعناد) وأنا حر! 👽: طب الوشم؟ 🚶🏻‍♂️: (حمزة بتحدي) ماله ده كمان؟! 👽: النبي ﷺ قال: "لعن الله الواشمة والمستوشمة" "لعن الله المتشبهين من الرجال بالنساء" _يعني انت عملت ذنبين تشبهت بالنساء ووشمت.. اصل زمان كان عيب الراجل يوشم 🙄 🚶🏻‍♂️: (حمزة اتوتر) دي حرية شخصية! 👽: حتى لو ربنا غضبان؟ 🚶🏻‍♂️: (حمزة اتعصب جدًا) أنا زهقت من كلمة "حرام حرام"! هو الدين كله كده؟! 👽: الدين مش بيضيقك… الدين بيحميك.. 🚶🏻‍♂️: من إيه؟! 👽: من نفسك… ومن إنك تضيع. 🚶🏻‍♂️: (حمزة سكت… بس لسه معاند) 👽: طب سيب كل ده… خلينا في حاجة بسيطة. 🚶🏻‍♂️: إيه؟ 👽: أمك… 🚶🏻‍♂️: (اتوتر) مالها؟ 👽: آخر مرة قعدت معاها إمتى؟ 🚶🏻‍♂️: (سكت) 👽: آخر مرة قبلت يدها ورضيتها امتى 🚶🏻‍♂️: (حمزة بص الأرض) 👽: ربنا قال: "فلا تقل لهما أف ولا تنهرهما وقل لهما قولًا كريمًا" 🚶🏻‍♂️: (حمزة بصوت مكسور) أنا بزعلهم كتير…😔 👽: والنبي ﷺ قال لما سُئل: من أحق الناس بحسن صحابتي؟ قال: "أمك… ثم أمك… ثم أمك… ثم أبوك" 🚶🏻‍♂️: (حمزة دموعه بدأت تنزل) أنا… أنا مقصر…😓 👽: بس مركز جدًا على شكلك قدام الناس…🙄 🚶🏻‍♂️: (حمزة بغضب على نفسه) انت صح وأنا اللي كنت فاكر نفسي صح! 👽: كلنا بنغلط… بس المشكلة إنك كنت بتدافع عن الغلط... 💔 🚶🏻‍♂️: (حمزة بصوت مهزوز) أنا كنت بعاند… 👽: لأنك مش عايز تواجه الحقيقة... عجبك الصورة الخارجية وبتعاند الصوت اللى جواك.. ضميرك❤️‍🩹 🚶🏻‍♂️: (حمزة بدموع) أنا تعبت… 👽: يبقى وقت التغيير جه.. 🚶🏻‍♂️: (حمزة ببطء) أبدأ منين؟ 👽: من حاجتين: - صلاتك في وقتها - ورضا أهلك 🚶🏻‍♂️: (حمزة مسك الحلق… وشاله) أنا… عايز أرجع... ❤️‍🩹 👽: وربنا قال: "قل يا عبادي الذين أسرفوا على أنفسهم لا تقنطوا من رحمة الله" 🚶🏻‍♂️: (حمزة بأمل) يعني ممكن يسامحني؟❤️‍🩹 👽: طول ما إنت راجع… الباب مفتوح. 🚶🏻‍♂️: (بابتسامة باكية) أنا هرجع… بجد.🥹❤️‍🩹 (النور بدأ يختفي…) 👽: افتكر… العناد مش قوة… القوة إنك تعترف وتصلح.. وانك تغير شخصيتك للصح ده مش عيب🩷🩷🫂 🚶🏻‍♂️: (حمزة بثقة هادية) وأنا اخترت أكون قوي في الصح.. 🩷 (اختفى…) وساب "حمزة"… بس المرة دي… مش بيتخانق… بيبدأ من جديد.

من هو الصحابي الذي استحيا النبي أن ينظر إليه بعد موته؟ عبدٌ قصير، أسود، أفطس، فقير، رثُّ الثياب، يشرب بكفَّيه من المياه الجارية أو يغترف من الآبار، يأكل كسرات خبزٍ إن وجد، فإن لم يجد طوى جائعًا صائمًا، ينام وفراشه الأرض ولحافه السماء، وليس له من مخدّةٍ إلا نعليه، في فناء مسجد النبي ﷺ. مرَّ يومًا والنبي ﷺ جالسٌ بين أصحابه، ينظر إلى هذا الرجل بهذه الحال، فقال: «أتعرفون من هذا؟» وإذ بأغلب الصحابة لا يعرفون اسمه؛ إن حضر لم يُعرف، وإن دُعي لم يُدعَ، وإن غاب لم يُفتقد… ومن الذي يحفظ اسم رجلٍ كهذا؟ قال النبي ﷺ: «إنه جليبيب». ثم نادى به: «يا جليبيب، ألا تتزوّج؟» فنظر إلى النبي ﷺ، ولم يتفجّع ولم يتأوّه، ولم يقل: يا رسول الله ما عندي دنيا ولا مال… إنما قال: «يا رسول الله، ومن يُزوّج جليبيبًا ولا مال ولا جاه؟» يعرف أن الناس ما زالوا يحكمون بهذه المقاييس، وكأنه ينتظر زواج الآخرة. فتركه النبي ﷺ، وفي اليوم الثاني ناداه: «يا جليبيب، ألا تتزوّج؟» قال: «يا رسول الله، ومن يُزوّج جليبيبًا ولا مال ولا جاه؟» وفي اليوم الثالث قال النبي ﷺ: «يا جليبيب، اذهب إلى بيت فلانٍ الأنصاري واخطب ابنته، وقل: أرسلني رسول الله ﷺ ويقول لكم: زوِّجوني ابنتكم». وكانت الفتاة من أجمل فتيات الأنصار. فذهب جليبيب وطرق الباب، وقال: «أرسلني رسول الله ﷺ، ويقول: زوِّجوني ابنتكم». فقال الأب: «يا جليبيب، لا مال ولا جاه، فكيف نزوّجك؟» وقالت الأم: «أيُزوَّج جليبيب وهو على هذه الحال، وابنتنا في مكانتها؟» فسمعت الفتاة المؤمنة، فتاة العقيدة والتوحيد، فتاة القرآن وقيام الليل، فقالت من الداخل: «كيف هذا؟! أتردّان أمر رسول الله ﷺ؟! والله إني قد رضيت به زوجًا». قالوا: «يا ابنتاه، انظري إليه، انظري شكله وهندامه، لا مال ولا جاه». فقالت: «والله لا أردّ خاطبًا أرسله رسول الله ﷺ». وتمّ الزواج… وفي ليلة العرس، وبينما المراسيم تُعقد على بساطتها، إذ بمنادي الجهاد ينادي: «يا خيلَ الله اركبي!» فإذا بجليبيب رضي الله عنه يترك عروسه في زينتها، في أجمل لحظة وصال، وكأن عقربًا لدغته، فانطلق كالسهم، يلتحق بصفوف المجاهدين. وقاتل مع المسلمين قتال الأبطال… ثم انتهت المعركة. وأقبل النبي ﷺ يتفقد الشهداء، فعدَّ الصحابة أسماءهم، ولم يذكر أحدٌ جليبيبًا. فقال النبي ﷺ: «لكنني أفقد جليبيبًا… اطلبوه». فوجدوه شهيدًا، قد قتل سبعةً من الكفار ثم قُتل. فجلس عنده النبي ﷺ، ونفض التراب عن وجهه، ووضع رأسه على فخذه الشريف، وقال: «جليبيب… جليبيب… قتلتَ سبعةً ثم قتلوك، أنت مني وأنا منك، أنت مني وأنا منك». فأيُّ رفعةٍ أعظم من أن يقول رسول الله ﷺ عن رجلٍ لم يكن يُعرف بين الناس: «أنت مني وأنا منك». العبرة ليست في الشكل ولا المال ولا الجاه… وإنما في الصدق مع الله، فمن صدق رفعه الله ولو كان مجهولًا في الأرض. إذا أتممت القراءة. فضلا وليس امرا صلِّ على النبي ﷺ وشارك الخير لغيرك . _____

`لـڪل مختـمࢪة🎀💗. *"يا بنتي... إنتي لابسة تاج الطاعة مش قماشة على راسك! إنتي حرة، حرة من نظرة البشر، من ضغط المجتمع، من تقليد المشاهير... إنتي بنت القرآن، مش تريند اليومين دول🎀💗."* *"اللي اختارت الحجاب في زمن العُري، دي بنت مجاهدة... دي بطلة في زمن القابض فيه على دينه كالقابض على الجمر.🎀💗"* *"مش مهم الناس شايفينك إزاي، المهم ربنا شايفك إزاي... الحجاب مش شكل، الحجاب عبادة، رسالة، بيقول للي حواليكي: أنا عايشة لربنا🎀💗."* *"بتقولي خايفة أقلع الحجاب... طيب فكرتي لما تقفي بين إيدين ربنا؟ هتقولي له إيه؟ إنك كنتِ خايفة من كلام الناس أكتر من خوفك منه🎀💗؟!"* *"يا مختمرة... حافظي عليه، ده أغلى من الدهب، ده ستر ربنا ليكي، متسيبيش تاج العزة علشان كلام ناس مش هينفعوكي في القبر.🎀💗"*

في ليلة هادية، كانت "مريم" قاعدة لوحدها بتفكر هتعمل اي في امتحان بكرا …🫠 (او بمعنى اصح بتفكر في كل حاجة الا امتحان بكرا.....) 👈🏻👉🏻 حاسّة إن الدنيا بقت غريبة، وإن الصح بقى تقيل…😐 فجأة…!!!! نور نزل من السما وظهر كائن غريب قدامها «فضااائي»👽 👩🏻: باسم الله… إنت ميييين؟! 👽: متخافيش… أنا كائن من كوكب تاني.. وبراقب البشر… وجيت أسألكم عن حاجة. 👩🏻: تسألنا إحنا ليه؟ هو مفيش كوكب غيرنا مانت عندك المجموعه الشمسية كلها..؟!!! 👽: عشان أنتم عندكم كتاب كريم رزق من ربكم ليكم… اسمه القرآن… صح؟ 👩🏻: (مستغربة) آه… 👽: قرأت فيه آية بتقول: "ولا يغتب بعضكم بعضًا" بس لقيت الناس بتغتاب عادي…وبيضحكوا ويهزروا.. 👩🏻: (سكتت) 👽: وآية تانية "إن الله يأمر بالعدل والإحسان" بس شفت ظلم كتير…في كل مكان.. 👩🏻: (بصوت واطي) ده حقيقي… 👽: وحديث بيقول: "من كان يؤمن بالله واليوم الآخر فليقل خيرًا أو ليصمت" بس الناس اللي بتقول كلام يوجع او بتقول أي حاجة كتير..! 👩🏻: (بدأت تحس بالحرج) إحنا عارفين ده… بس بنضعف... احيانًا وربنا غفور رحيم.. 👽: طيب ليه لما حد يطبق الكلام ده… الناس تقول عليه متشدد؟! 👩🏻: عشان بقينا متعودين على الغلط… فالصح بقى غريب... بيبقا فضائي 👀 👽: جزاكِ الله خيرًا يا ست.. 😒 في كوكبنا، الغريب هو اللي يكذب… لكن عندكم، الصادق بيتقال عليه ساذج وغبي! 👩🏻: (دموعها نزلت) أصل الدنيا بتسحبنا… 👽: بس دينكم بيقول: "فلا تغرنكم الحياة الدنيا" إنتوا عندكم التحذير… ليه بتنسوه؟ 👩🏻: (بتفكر) يمكن عشان بنسمع… ومش بنطبق. 👽: أنا شوفت بنت كانت هتحط ميكب وهي نازله… وقالت: "استغفر الله" ومحتطش. وولد كان هيتفرج على حاجه مش كويسه... بس قفلها بسرعه وقال: "استغفر الله ".. وتاب 👩🏻: دول أقوياء جدًا… تقريبًا فضائين زيك.. 👽: دول عند ربنا عظماء في الزمن ده لانهم بيحاربوا هواهم وشهواتهم… مش زي ما الناس شايفة. 👩🏻: (ابتسمت) إحنا محتاجين نرجع نتعلم من الاول صح… 👽: أنتم مش محتاجين دين جديد… .. أنتم محتاجين تطبقوا اللي عندكم. 👩🏻: طب نبدأ إزاي؟ 👽: بسيطة… كل موقف… *اسألي نفسك:" "ده يرضي ربنا؟" 👩🏻: ولو الناس استغربتني ؟ 👽: النبي ﷺ قال: "بدأ الإسلام غريبًا وسيعود غريبًا فطوبى للغرباء" يعني اللي هيتمسك بالصح… هيبقى غريب… بس هو الصح. 👩🏻: (بثقة) يبقى أنا عايزة أبقى من الغرباء. 👽: (ابتسم) ساعتها… مش هتبقي غريبة عند ربناﷻ🤍. (وفجأة… النور اختفى) وساب مريم لوحدها… بس المرة دي… > قلبها كان ثابت. عرفت إن الصح… حتى لو بقى غريب بين الناس… فهو عند ربنا أعظم حاجة.🩷 ويمكن… الغريب الحقيقي مش اللي بيعمل الصح… الغريب هو اللي شايف الغلط عادي… وساكت.