هجيّر .

‏يالله تغفر لي ولا تبلاني ‏تجعلني ابيض قلب صافي نيّه ‏وتعينني فالماقف الانساني ‏وتصلح لنا فالمال والذريّه .

مرحبابكم ومسهلا

ارحبوا ياللي طبيتوا تراحيب المطر

🧾 تم استلام أمر حذف. 🛡️ الرسائل المستثناة: 0 🔐 للمشرف: اضغط للتأكيد.

حذف

🔒 هذه همسة سرية لاول شخص يقوم بروئيتها

‏أنا أذكرك كلّ ساعه وأفقدك كلّ ليل ‏ولي نفسٍ ما الله وهبها عنك سلوانها ‏كمّ لي وأنا أكافح أشواقي بصبرٍ جميل ‏والبعد سلّال نفسي … وأكبر أحزانها

بدا يعيش الخوف في قلب الشجاع .

صمته حارقٍ جوفه .

لاجاتك الحكمه من رأس شايب ‏خذها وسكر بالحشا دونها الباب ‏مرت به الدنيا وشاف العجايب ‏وجمع بقلبه من تجاربها كتاب

لو تعتذر ودموع عينك من محاجرها تسيل بستان حبّك ياقديمي صارت وردة سُمر وشلون تبكي فوق نعشي وانت مرديني قتيل وتقرى على سبع المثاني وانت دامرني دمر والله لو ابدع لك من اشعار الغزل شعرً جزيل واقطف لك النجمه واغلف من كواكبها قمر مانيب مستغرب لو انك رحت م اوفيت الجميل من يزرع الصبار غير الشوك مايجني ثمر

‏ ‌‏لجتي لجة حمامٍ على الغصن الوريق ‏فوق عنقودٍ من الراك داخله النجاح ‏وعوي قلبي عوي شاص يضايق بالطريق ‏تحت من خلاه يبرح مع الأرض البراح ‏ولجتي لجة خلوج على الجهمه تويق ‏شدوا هل البّل وخلوا ولدها فالمراح ‏منهو اللي مايهوجس وصدره مايضيق ‏أعتقد مافيّه حي على الدنيا استراح

أنت لو إنك تبي تسج عني أو تتوب ما عاد فـ الثنتين حيلة .. ما يمدي تهتدي لا أستمالت يم قلبك ذعاديع الهبوب بـ تتذكر حسن وجهي على وردٍ ندي ثم عاد الله يعينك على قطع الدروب لا أشتحن صدرك من الشوق يا وين تغدي .

ياخوفي ابقى على وهم الاحلام وابقى اطارد في سراب الاماني ما غير اكتب في حشا صدري كلام واستقبل الذمات من طالح وداني انا السجين اللي حكم على نفسه اعدام بسيوف صمتٍ قطعت لي لساني اشيل حمل تعجز تشيله اقوام وابني من جروحي لحزني مباني ياخوفي ابقى على وهم واحلام واندم على ما فات من عمري وزماني .

ويش الفايده ياعين حكم القدر غصاب حياه ابن ادم كذيا شمس وظلالي خلاص انتهى ما فات وامر الله الغلاب وكلٍ معرض للضماء وأشهب اللالي صواديف بقعا غيبها مثل سم الداب وما دام راسي حي بمشي على فالي انا اشوف راسي من زمان العجايب شاب ولولا رجا الله كان وشلون باحتالي

ويش الومك عليه وخاطري دون الملامه طاب ياوجهٍ يوم اشوفه كنت اشوفه وجهي الثاني كذيا استكثرت الراحه على قلبي بدون اسباب كذيا ترضى لي عصف الشتات بعز خذلاني ؟ مثل ما كنت اشوفك حقيقه فـ زمن مرتاب لقيتك زيفٍ يشكك عدوي كل ما جاني ذخرتك طلقةٍ ترمي بصدر الصاحب الكذاب لعل سلاحي موجه على صدري وشرياني .

كذيا ترضى لي عصف الشتات بعز خذلاني .

وقفت وقفةٍ صلبه ، بعد ما صفوا الاغراب وجابوا لك حطب صدري وولعت موقد احزاني وانا ورب الفلق والناس والاحقاف والاحزاب ما كنت احسب حساب لساعةٍ يربط فيها لساني اعاتب من والدنيا بخطاها ماعليها عتاب مثل ما جابني درب الزعل ، لهناك ودّاني هناك لوين مدري غير اعرف ان الطريق غياب غيابٍ كل ما طال الطريق ، تخف نيراني كسرت الباب ابو مزلاج حزن ولا بقى لي باب ودانيت الجفا حتى لو اني كنت ما اداني فمان الله واللي بيننا بيبقى لـ يوم الحساب اهاب اسامحك يوم الحساب وانجرح ثاني

‏الليل حالك والمساري موحشة والدرب خوف ‏والذكريات أشياء يستعصي علي إتلافها ‏أثر الأماني وارفات ظلال دانية القطوف ‏والأمنيات أكثر ما يخشى الحالمين إسرافها ‏على رصيف الصبر ملّ المنتظر طول الوقوف ‏وين الحياة اللي تخيلتها ولمحت أوصافها ‏رحماك يا غفار يا ملجأ عبادك يا رؤوف ‏يا مجري الأقدار هبنا من لدنك ألطافها ‏حسبي على من دمر آمالي وأنا عيوني تشوف ‏کم بسمةٍ كانت طمأنينة وصرت أخافها ‏أنا رواية حلم منسية على غبار الرفوف ‏أنا قضية تطلب من أهل العقول إنصافها ‏أنا قصيدة عشق ما مرت على قلب العيوف ‏أنا أراضي جرد ما غاث السحاب أطرافها ‏لي روح تبحث عن سكينتها من إرهاق الشفوف ‏يا مثقلين اللوم روحي فاقده ميلافها ‏ياللي تزعلك المواعيد وتراضيك الصدوف ‏وش يرضي اللي جاته الحاجة بعد ما عافها ‏لا تبتئس لا خانك الواقع وعادتك الظروف ‏الناس من عاشر رماديها ظلم شفافها ‏كم زلةٍ من صاحبٍ طافت لو إنها ما تطوف ‏وكم هقوةٍ كبّرتها راحت مراح أسلافها ‏شفت الحقيقة يوم حطيت النقط فوق الحروف ‏بعض الحقايق ودك إن المنصدم؟ ما شافها ‏لحد يعاتبني ويا معاتبني إن عاتبت ..روف ‏مشاعر الجافين ما أحب أكسب أستعطافها

ويش يقول الشاعر