သိင်္ခ

ICC မှ နုတ်ထွက်ရန် ကြေညာသည့်နိုင်ငံ ၅ နိုင်ငံအထိ ရှိလာ စက်တင်ဘာ ၁၂ နိုင်ငံတကာပြစ်မှုဆိုင်ရာတရားရုံး (ICC) မှ နုတ်ထွက်ရန် ကြေညာထားသည့် နိုင်ငံအရေအတွက်မှာ မကြာသေးမီက ဗင်နီဇွဲလားနှင့် ချဒ်နိုင်ငံတို့ ထပ်မံကြေညာလာပြီးနောက် စုစုပေါင်း ၅ နိုင်ငံအထိ ရှိလာကြောင်း သိရသည်။ နုတ်ထွက်ရန် ကြေညာထားသည့် နိုင်ငံများ ဘာကီနာဖာဆို၊ မာလီ၊ နိုင်ဂျာ၊ ဗင်နီဇွဲလားနှင့် ချဒ်နိုင်ငံတို့ ဖြစ်သည်။ ဗင်နီဇွဲလား၏ နုတ်ထွက်မှု ဗင်နီဇွဲလားနိုင်ငံက ၂၀၂၆ ခုနှစ် ဇူလိုင်လအတွင်း ICC မှ နုတ်ထွက်ရန် တရားဝင်လုပ်ငန်းစဉ် စတင်ခဲ့ကြောင်း သိရသည်။ ချဒ်နိုင်ငံ၏ နုတ်ထွက်မှု ချဒ်နိုင်ငံကလည်း မကြာသေးမီက ICC မှ နုတ်ထွက်ရန် ကြေညာခဲ့ပြီး ယင်းကြောင့် နုတ်ထွက်ရန် ကြေညာထားသည့် နိုင်ငံအရေအတွက် ၅ နိုင်ငံအထိ တိုးလာခြင်းဖြစ်သည်။ နုတ်ထွက်မှု အကျိုးသက်ရောက်မည့်အချိန် အဆိုပါနိုင်ငံများ၏ ရောမဥပဒေ (Rome Statute) မှ နုတ်ထွက်မှုသည် သက်ဆိုင်ရာနိုင်ငံများက ကုလသမဂ္ဂသို့ တရားဝင်အကြောင်းကြားပြီးနောက် တစ်နှစ်အကြာတွင် အကျိုးသက်ရောက်မည်ဖြစ်သည်။

အကြမ်းဖက် NUG ဝန်ကြီးချုပ်ရုံး အတွင်းဝန်ဆိုသူ ဦးမင်းမင်း ဘက်ပြောင်းခိုလှုံလာ .. ပြည်တွင်းထဲမှာတင်မကတော့ဘူး ပြည်ပကလူတွေပါ အလင်းဝင်ကုန်ပြီ.. ဘာပဲပြောပြောတိုင်းပြည်အတွက် အလုပ်လုပ်မယ်ဆိုရင်တော့ ကြိုဆိုရမှာပဲ... ကိုယ်တွေကတစ်ဖက်ပိတ်နေသူတွေ မဟုတ်ဘူး... တိုင်းပြည်ကောင်းရာကောင်းကျိုးအတွက်ဆိုရင် စေတနာမှန်ရင်တော့ အမြဲလက်ကမ်းလျက်ပါပဲ..

ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ  ဦးမင်းအောင်လှိုင် ဦးဆောင်သည့် မြန်မာအဆင့်မြင့်ကိုယ်စားလှယ်အဖွဲ့ ကမ္ဘောဒီးယားနိုင်ငံမှ မြန်မာနိုင်ငံသို့ပြန်လည်ရောက်ရှိ နေပြည်တော်၊ စက်တင်ဘာ - ၁၂ ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင် ဦးဆောင်သည့် မြန်မာအဆင့်မြင့်ကိုယ်စားလှယ်အဖွဲ့သည် ကမ္ဘောဒီးယားနိုင်ငံ ဘုရင် မင်းမြတ် ပရယ်ဘတ် ဆမ်ဒက် ပရယ် ဘိုရိုနစ် နိုရိုဒွန် သီဟာမိုနီ၏ ဖိတ်ကြားချက်အရ ကမ္ဘောဒီးယားနိုင်ငံသို့ နိုင်ငံတော်အဆင့် ချစ်ကြည်ရေးခရီးစဉ် (State Visit) သွား ရောက်ခဲ့ပြီး ယနေ့ညနေပိုင်းတွင် ဆီရမ်ရိမြို့၊ Siem Reap Angkor အပြည်ပြည် ဆိုင်ရာလေဆိပ်မှ ပြန်လည်ထွက်ခွာသည်။

အိန္ဒိယ-မြန်မာ လေတပ်နှစ်ရပ်အကြား အရာရှိကြီးများအဆင့် အလုပ်သဘောခရီးစဉ်များ အပြန်အလှန်စေလွှတ်ရေး (Functional Level Visit) ခရီးစဉ်လာရောက် နေပြည်တော်၊ စက်တင်ဘာ ၁၂ အိန္ဒိယ-မြန်မာလေတပ်နှစ်ရပ်အကြား အရာရှိကြီးများအဆင့် အလုပ်သဘောခရီးစဉ်များ အပြန်အလှန်စေလွှတ်ရေး (Functional Level Visit) လာရောက်သည့် အိန္ဒိယလေတပ်မှ အရှေ့ပိုင်းလေတပ်ဌာနချုပ်မှူး Air Marshal Inderpal Sing Walia ဦးဆောင်သော ကိုယ်စားလှယ်အဖွဲ့သည် စက်တင်ဘာ ၇ ရက်တွင် ရန်ကုန်အပြည်ပြည်ဆိုင်ရာလေဆိပ်သို့ ရောက်ရှိကြရာ တပ်မတော် (လေ) မှ အရာရှိကြီးများ၊ မြန်မာနိုင်ငံဆိုင်ရာ အိန္ဒိယစစ်သံမှူးနှင့် တာဝန်ရှိသူများက ကြိုဆိုခဲ့ကြသည်။

အိန္ဒိယ-ရုရှား မဟာဗျူဟာမြောက် မိတ်ဖက်ဆက်ဆံရေး ပိုမိုခိုင်မာစေရန် မိုဒီနှင့် ပူတင် သဘောတူ အိန္ဒိယဝန်ကြီးချုပ် နာရင်ဒြာမိုဒီနှင့် ရုရှားသမ္မတ ဗလာဒီမာပူတင်တို့သည် စွမ်းအင်နှင့် ကာကွယ်ရေးကဏ္ဍများအပါအဝင် နယ်ပယ်အသီးသီးတွင် ပူးပေါင်းဆောင်ရွက်ရေး ဆွေးနွေးခဲ့ပြီးနောက် နှစ်နိုင်ငံအကြား အထူးနှင့် ဦးစားပေး မဟာဗျူဟာမြောက် မိတ်ဖက်ဆက်ဆံရေးကို ပိုမိုခိုင်မာစေရန် သဘောတူခဲ့ကြကြောင်း အိန္ဒိယနိုင်ငံခြားရေးဝန်ကြီးဌာနက သောကြာနေ့တွင် ထုတ်ပြန်သည်။

နာဂျစ်၏ လွတ်ငြိမ်းချမ်းသာခွင့်လျှောက်ထားမှု ဆုံးဖြတ်ချက် မလေးရှားဘုရင် ရွှေ့ဆိုင်း မလေးရှားဝန်ကြီးချုပ်ဟောင်း နာဂျစ် ရာဇတ်၏ ပြစ်ဒ-ဏ်လွတ်ငြိမ်းချမ်းသာခွင့် လျှောက်ထားချက်အသစ်အပေါ် ဆုံးဖြတ်မည့်အစီအစဉ်ကို မလေးရှားဘုရင် ဆူလ်တန် အီဘရာဟင်မ်က သောကြာနေ့တွင် ရွှေ့ဆိုင်းလိုက်ကြောင်း သိရသည်။ သောကြာနေ့က ကျင်းပသည့် လွတ်ငြိမ်းချမ်းသာခွင့်ဆိုင်ရာ ဘုတ်အဖွဲ့အစည်းအဝေးကို ဦးဆောင်ခဲ့သည့် ဘုရင် ဆူလ်တန် အီဘရာဟင်မ်က အကျဉ်းသား ၆၅ ဦးကို လွတ်ငြိမ်းချမ်းသာခွင့်ပေးခဲ့သော်လည်း နာဂျစ်၏ လျှောက်ထားမှုကို နောက်တစ်ကြိမ် အစည်းအဝေးအထိ ရွှေ့ဆိုင်းဆွေးနွေးရန် ညွှန်ကြားခဲ့ကြောင်း ဝန်ကြီးချုပ်ရုံး၏ ဥပဒေရေးရာဌာနခွဲက ထုတ်ပြန်သည်။

နိုင်ငံတော်သမ္မတ ဦးမင်းအောင်လှိုင် စီရမ်ရိပြည်နယ်ရှိ ဘာယွန်ဘုရားကျောင်းသို့ သွားရောက်ကြည့်ရှုလေ့လာ စီရမ်ရိ၊ စက်တင်ဘာ ၁၂ ကမ္ဘောဒီးယားနိုင်ငံသို့ နိုင်ငံတော်အဆင့် ချစ်ကြည်ရေးခရီးစဉ် ရောက်ရှိနေသည့် ပြည်ထောင်စုသမ္မတ မြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင်သည် စီရမ်ရိပြည်နယ်ရှိ ကမ္ဘာ့အမွေအနှစ် အန်ကောဒေသအတွင်းရှိ ဘာယွန်ဘုရားကျောင်း (Bayon Temple) သို့ သွားရောက်ကြည့်ရှုလေ့လာခဲ့သည်။

ပြည်ထောင်စုသမ္မတမြန်မာနိုင်ငံတော်၊ နိုင်ငံတော်သမ္မတ ဦးမင်းအောင်လှိုင် ထံ  ဆီရမ်ရိပြည်နယ် အုပ်ချုပ် ရေးမှူး  က ဂါရဝပြုတွေ့ဆုံ                                                             နေပြည်တော်၊ စက်တင်ဘာ - ၁၂ ကမ္ဘောဒီးယားနိုင်ငံ၊ ဆီရမ်ရိမြိုတွင် ချစ်ကြည်ရေးခရီးစဉ် ရောက်ရှိနေသည့် ပြည်ထောင်စုသမ္မတ မြန်မာနိုင်ငံတော်၊ နိုင်ငံတော်သမ္မတ ဦးမင်းအောင်လှိုင် ထံ ဆီရမ်ရိပြည်နယ်အုပ်ချုပ်ရေးမှူး H.E. Mr. Park Sophoan က ခေတ္တတည်းခိုရာ ဟိုတယ်၌ လာရောက်ဂါရဝပြုတွေ့ဆုံသည်။

ပြည်ထောင်စုသမ္မတမြန်မာနိုင်ငံတော်၊  နိုင်ငံတော်သမ္မတ ဦးမင်းအောင်လှိုင် ဦးဆောင်သည့် မြန်မာ့အဆင့်မြင့်ကိုယ်စားလှယ်အဖွဲ့  Techo အပြည်ပြည်ဆိုင်ရာလေဆိပ်မှ ဆီရမ်ရိမြို့သို့ ဆက်လက်ထွက်ခွာ

ပြည်ည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင် ကမ္ဘောဒီးယားနိုင်ငံ ဆိုင်ရာ မြန်မာသံရုံး၊ စစ်သံရုံး မိသားစုများ၊ ပညာတော်သင် သင်တန်းသားများအား တွေ့ဆုံအမှာစကား ပြောကြား နေပြည်တော်၊ စက်တင်ဘာ - ၁၂ ကမ္ဘောဒီးယားနိုင်ငံသို့ နိုင်ငံတော်အဆင့် ချစ်ကြည်ရေးခရီးစဉ် ရောက်ရှိနေသည့် ပြည်ထောင်စု သမ္မတမြန်မာနိုင်ငံတော်နိုင်ငံတော်သမ္မတဦးမင်းအောင်လှိုင်သည်အဖွဲ့ဝင်များလိုက်ပါ၍ ယနေ့ နံနက်ပိုင်းတွင် ဖနောင်ပင်မြို့ရှိ၊ ကမ္ဘောဒီးယားနိုင်ငံဆိုင်ရာ သံရုံး၊ စစ်သံရုံး မိသားစုများ၊ ပညာတော်သင် သင်တန်းသားများအား ကမ္ဘောဒီးယားနိုင်ငံဆိုင်ရာ မြန်မာသံရုံး၌ တွေ့ဆုံအမှာစကား ပြောကြားသည်။

ပြည်ထောင်စုသမ္မတ မြန်မာနိုင်ငံတော်၊ နိုင်ငံတော်သမ္မတ ဦးမင်းအောင်လှိုင်  ဖနောင်ပင်မြို့ရှိ၊ Preah Sihamonirajaဗုဒ္ဓတက္ကသိုလ်သို့သွားရောက်၍ကျောင်းထိုင်ဆရာတော်အားဖူးမြော်ကြည်ညို                                    နေပြည်တော်၊ စက်တင်ဘာ - ၁၂ ကမ္ဘောဒီးယားနိုင်ငံ၊ ဖနောင်ပင်မြို့တွင် ချစ်ကြည်ရေးခရီးစဉ် ရောက်ရှိနေသည့် ပြည်ထောင်စုသမ္မတ မြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင် ဦးဆောင် သည့်မြန်မာအဆင့်မြင့် ကိုယ်စားလှယ် အဖွဲ့သည် ယနေ့ ဒေသစံတော်ချိန် နံနက် ၈ နာရီ ၁၅ မိနစ်တွင် Preah Sihamoniraja ဗုဒ္ဓ တက္ကသိုလ်သို့ သွားရောက်၍ ကျောင်း ထိုင်ဆရာတော် Samdech Preah Abhisiri Sugandha Mohasangharajah Dhipiti BOUR KRY အားသွားရောက်ဖူးမြော်ကြည်ညိုသည်။