ملتقى البيولوجيا | Biology Hub
رفتن به کانال در Telegram
🧬 ملتقى البيولوجيا | Biology Hub كل ما يخص علم الأحياء في مكان واحد. Biology • Science • Knowledge
نمایش بیشترکشور مشخص نشده استدسته بندی مشخص نشده است
2 490
مشترکین
+2824 ساعت
+317 روز
+3130 روز
آرشیو پست ها
بجانب السلسلة اللي درتهالكم فقناة ملتقى البيولوجيا الخاصة بالتفوق والتوفيق بين الجامعة والباك💌 جبتلكم ايضا قناة ماشاء الله خاصة بالطلبة لي باغيين يعاودو الباك وايضا لي باغيين يوفقو بينوا وبين الجامعة حيديرولكم غدا لايف راح تحققو اكبر استفادة منو باذن الله🌷
اغتنمو الفرصة 💞وحنا دايما بجانبكم ندعموكم باش تحققو مبتغاكم وتوصلو لوين راكم حابين❣️
مساء الخير عائلة ملتقى البيولوجيا 🌷نكمل في مايخص سلسلة
English & Biology Terms 🧬📚فيما سبق حطيتلكم 13مصطلح اللي يعتبر الاساس نتع البيولوجيا ودرتلكم عليه كويز الان جبتلكم 9مصطلحات تعبر على مختلف العمليات الحيوية اللي يديرها الكائن الحي كالعادة افهموهم مليح غدا فليل نديرلكم عليهم كويز 💘
اللي عندو اقتراح ولا يقدر يقولي مذابيا تكون الافادة كبيرة 💌#سلسلة_الانجليزية_والمصطلحات_البيولوجية
💫وهذو اغلب لوازم الاقامة الجامعية اللي تحتاجوها❣️ واللي يحب يسقسي اكثر ولا يلقا زميل معاه فالاقامة بالنسبة للبنات فقط جبتلكم قناة مختصة في هذا الامر انضمو ليها حتوجهكم اكثر باذن الله https://t.me/CampusGirlsDZ #سلسلة_التفوق_والتوفيق_بين_الباك_والجامعة
🌺اختيار الرفقة والتعامل مع شريك الغرفة هما الاساس اللي يبني تجاربك في الإقامة الجامعية؛ شريك الغرفة يا إما يرجعلك عامك جحيم ولا يخليه أحلى أيام حياتك.
أهمية اختيار الرفقة الصالحة💞
* العدوى الإيجابية:القراية والطاقة ؛ صحابك إذا كانوا يطمحوا للنجاح ويسهروا على قرايتهم رايحين يسحبوك معاهم للمستوى العالي، وإذا كانوا تاع تمسخير ومضيعة وقت رايح ينزل مستواك بلا ما تحس.
* السند والنصيحة:الصحاب هما عايلتك الثانية في الغربة؛ هما اللي يوقفوا معاك وقت المرض، ينصحوك وقت الغلط، ويتقاسموا معاك الهموم والأفراح.
* العلاقات والفرص:معارف الجامعة يبقوا طول العمر، والرفيق الطيب يقدر يفتحلك أبواب مستقبلياً في حياتك المهنية والمهارات.
قواعد التعامل الناجح مع شريك الغرفة💌
الحدود والخصوصية :ما تمسش صوالح صاحبك بلا استئذان (ماكلة، حوايج، مراجع)، واستأذن قبل ما تعزم صحابك للغرفة.
تقسيم المسؤوليات :اتفقوا من النهار الأول على نوبة التنظيف، قضيان الصوالح، وتوزيع المصاريف المشتركة باه ما تصرى حتى اي حساسيات. احترام وقت النوم والقراية : اتفقوا على ساعة إطفاء الضوء، والهدوء وقت الإمتحانات، واستعمال السماعات (Casque) للفيديوهات والموسيقى.
الحوار المباشر والعقلاني:إذا تقلقك حاجة احكي معاه بهدوء وفي وجهه بدلاً من تخزين الزعاف ولا الحكايات من ورا ظهره. 🌷التعايش في مكان ضيق يحتاج لشوية تنازلات وتغاضي عن الأخطاء الصغيرة، لأن الصبر والتفهم هما مفتاح العيشة الهانية في الريزيدونس. #سلسلة_التفوق_والتوفيق_بين_الباك_والجامعة
السلام عليكم ورحمة الله وبركاته🌷في حلقتتا لليوم راح نهدرو على :
العيشة "فالريزيدونس" (الإقامة الجامعية) 🍃تجربة ما تتنساش، وفيها بزاف صوالح شابين وهايلين، هادوا هما أهم الإيجابيات تاعها:
* تتعلم تعتمد على روحك:تبدأ تسير ميزانيتك، تقضي صوالحك وحدك، وتولي "ماناجر" تاع حياتك. تجربة تخرج منك راجل ولا امرأة ونص.
* صحاب العمر والعشرة:تحكم معريفة مع ولاد وبنات من كامل ولايات الوطن (من الشمال للصحراء). هاد اللمة هي اللي تصنع أحلى ذكريات الدراسة والضحك تاع الليل.
* القرب من الفاك وتوفير المصاريف:النقل الجامعي (الكوس) يديك ويجيبك، والإطعام بفرنكين رمزية. تكفيك باه تخبي مصروفك ولا تصرفوا في صوالح قرايتك بدلاً من الاكل في المطاعم برا.
* الجو تاع المراجعة الجماعية:وقت الإمتحانات تلقى صحابك معاك؛ تسهروا تحلوا لي سوجي، تفهموا بعضاكم، وتقاسموا المراجع والملاحظات بلا ما تحس بالوحدة.
* الاستقلالية والحرية:تعيش في عالمك الخاص، ترتب وقتك كما تحب، وتتعلم كيفاه تبارطاجي العيشة والمساحة مع ناس وحدين أخرين وتكتسب روح التسامح والصبر. 🌷على قد ما فيها تعب، على قد ما العيشة في الإقامة تتبنى فيها شخصيتك وتخرج منها بذكرايات تبقى معاك طول حياتك. #سلسلة_التفوق_والتوفيق_بين_الباك_والجامعة
السلام عليكم عائلة ملتقى البيولوجيا 🌷اكملنا الكويز الخاص بالمصطلحات البيولوجية اللي درناهم بالامس وقلتلكم ريفيزيوهم جيدا نتمنى تكونو استفدتو ولو بالقليل 💌
شاركونا فالتعليقات قداه جبتو من 20وفي واش راحتلكم وكاش حاجة مفهمتوهاش 💞#سلسلة_الانجليزية_والمصطلحات_البيولوجية
1️⃣3️⃣ Which term refers to “A group of organisms that can naturally reproduce and produce fertile offspring”?
1️⃣1️⃣ Which term describes “An organism whose cells lack a membrane-bound nucleus”?
9️⃣ Which term refers to “An organism made up of a single cell”?
