Քրիստոնեություն

երբ սիրտս հոգնում է, թույլ տուր հանգստանալ Քո մեջ։ Երբ վախենում եմ, հիշեցրու, որ մենակ չեմ։ Երբ չեմ տեսնում առաջ տանող ճանապարհը, տուր այնքան հավատ, որ կարողանամ անել հաջորդ քայլը

պահիր իմ սիրելիներին, որտեղ էլ նրանք լինեն

ներիր ինձ այն ամենի համար, ինչ արել եմ գիտակցաբար կամ անգիտակցաբար

մի օր թող հետ նայեմ ու հասկանամ, որ այն ամենը, ինչից վախենում էի, ինձ դեպի ավելի լավն էր տանում

եթե ինչ-որ բան իմը չէ, օգնիր ինձ բաց թողնել՝ առանց սիրտս կոտրելու

շնորհակալ եմ այն ամենի համար, ինչ ունեմ այսօր։ Շնորհակալ եմ նաև այն բաների համար, որոնք դեռ չունեմ, բայց հավատում եմ՝ եթե պետք է լինեն իմ կյանքում, իրենց ժամանակին կգան։ Սովորեցրու ինձ գնահատել ունեցածս և չմոռանալ, որ շատ բաներ, որոնց համար այսօր շնորհակալ եմ, մի ժամանակ պարզապես աղոթք էին

ես չգիտեմ՝ որքան դեռ պիտի սպասեմ, բայց խնդրում եմ՝ ուժ տուր, որ չհոգնեմ սպասելուց։ Երբեմն շատ եմ ուզում, որ ամեն ինչ հենց հիմա լինի, բայց գուցե Դու ավելի լավ գիտես՝ երբ է ճիշտ պահը։ Պարզապես պահիր իմ հավատը, մինչև գա այն, ինչի համար այսքան ժամանակ աղոթել եմ

շնորհակալ եմ, որ Դու կաս այնտեղ, որտեղ մարդիկ վերջանում են, և սկսվում է Քո անսահմանությունը

երբ օրհնվում է խաղողի բերքը, օրհնիր նաև մեր սրտերում աճող հավատը, սերը և հույսը։ Թող ոչ մի բարի աղոթք անպատասխան չմնա

պահպանիր իմ սիրտը չարությունից, լեզուս՝ դատապարտությունից, և միտքս՝ հույսից

թող իմ հավատը մեծ լինի իմ վախերից

շնորհակալ եմ այն ամենի համար, ինչ տվել ես, և այն ամենի համար, ինչից հեռու ես պահել ինձ

պահիր նրանց, ում անունները ամենաշատն եմ ասում իմ աղոթքներում

Դու միակն ես, ով տեսնում է այն արցունքները, որոնք ոչ ոք չի տեսել

պահիր իմ կողքին այն ընկերներին, ովքեր իմ կյանք մտել են ոչ թե պատահաբար, այլ Քո կամքով։ Պահիր նրանց ժպիտը, ճանապարհը և սիրտը։ Իսկ եթե երբևէ մեր ճանապարհները հեռանան իրարից, թող մեր հիշողություններում միշտ մնա այն ջերմությունը, որով մի ժամանակ միասին հաղթահարեցինք ամեն ինչ

թող իմ սերը լինի ոչ թե կապանք, այլ թևեր՝ նրա համար, ում սիրում եմ

շատ բան եմ փորձել ինքս անել, ու ամեն անգամ ընկել եմ: Հիմա ուղղակի ուզում եմ նստել Քո առաջ ու ասել՝ ես չեմ կարող առանց Քեզ: Տեր, ես մոլորվել էի՝ փնտրելով իմ ճանապարհը, բայց հիմա գիտեմ՝ ճանապարհը Դու ես...

ոչ թե իմ կամքը, այլ Քոնը թող լինի

տուր ինձ ուժ ընդունելու այն, ինչ չեմ կարող փոխել, և իմաստություն՝ փոխելու այն, ինչ կարող եմ

երբեմն չեմ հասկանում, թե ինչու են որոշ բաներ լինում, բայց օգնի՛ր վստահել Քեզ նաև այն ժամանակ, երբ չեմ հասկանում