Bac2027 with alaa

السلام عليكم يادرا راكم مسلكينها شوية فالرياضيات ؟ جماعة المكتسبات دينا فيهم بزاف وقت مدابيكم تزيرو روحكم شوية باش نبداو فالقراية تاع الباك صح و نقدرو نبداو قبل الدخول🫣

هاذا فيما يتعلق بتنظيم الوقت و نتمنى من كل قلبي تسمعوا حتى للفوكال الاخير 🤌🏻💞 و سمحولي طولت 🙂🫣

مكانش كيفاه نغير صوتي هنا ساو درت لكم تسجيل على الفويسات لي رسلتهم فالانستغرام

جماعة مين جبتو هاذي تاع راح نقريكم فالزووم و بالدراهم ؟؟! مشي واحد و مشي زوج اليوم يسقسي على الزووم !!! قلتها الف مرة كلشي في سبيل الله و في فالكانال تاع الانستا و التيليجرام بصح هاذي تاع زووم مين جبتوها ؟؟!!!

جماعة لي مزال ما بداو و راهن يقولولي سبقتونا فالرياضيات و كذا راه عندكم من اليوم حتى الثلاثاء تقدروا تلحقو بينا و لي بداو معانا راها فرصة ليكم باش تتحكموا ملييح مليييح فالمكتسبات 🤌🏻 ساو بلا قلق جماعة مشي من بسم الله تبداوها بالخوف و الجري

السلام عليكم 💗 صباح الخير 💞 المهم الحمد لله كملنا مكتسبات الرياضيات حطيت لكم ما يجب الاطلاع عليه من فيديوهات و المخلص الشامل بالإضافة إلى التمارين و ممكن إذا لقيت تمارين ممتازة راني نزيد نحطها و الان قولولي وينتا نبداو الفيزياء لان لازم نعطيكم وقت باش تداركو الرياضيات و تحلو تمارينها و من فضلكم يجاوبوني غير لي حابين يقراو تاع صح مشي جماعة تمسخير

راني حطيت لكم خمسة مواضيع مع الحل حاولو تحلوهم قبل ما تشوفو الحل كالعادة + جماعة باينة مشي غدوة غادي نبداو الفيزياء 😭🤌🏻 يمكن نزيد لكم يومين او ثلاثة و يمكن حتى الاحد مع الرياضيات و نزيد نحوس إذا لقيت تمارين مليحة لان كيما قلت لكم هي اكثر مادة فيها المكتسبات الباقي عادي ساو لي دخلو جدد متخافوش و متحسوش روحكم روطار تمام ؟ إذا حبيتو متشوفوش الفيديوهات تاع الاستاذ عبد الباسط متشوفوهمش شوفو فقط الملخص لي راني حاطاته راه شااامل ما شاء الله و النقطة لي تحصلو فيها شوفو عليها فيديو باش تفهموها و خلاص

الاول خاص باش تعرفو كيفية الرسم و تضبطو هاذاك الجدول لي رسلته لكم لكن معنديش الحل مع الأسف لي حصل في كاش عفسة يرسل لي أنا الثاني خاص بالنهايات و راه فيه الإجابات لكن مختصرة حاولو فيهم و يبقى فقط المسائل

جماعة حابيني نهبل عليكم ولا واش ؟😭😂 كيفاه هاذي الاستاذ عبد الباسط مراهش داير الأفكار لي راها فالتمارين لي رسلتهم لكم علابالكم لوكان تروحو تشوفو الحل غادي تبقو تقولو اااه هاذا مكان !! من كثرة لي الاجابة تاعهم اكثر من بسيطة راني فاهمتكم و قلت لكم انا ثاني فالبدية خلعوني بصح غي بسياس و تقدروا تحلوهم راها تبان لي نزيد نزكر فيكم و نجيب لكم اليوم تمارين كيما تاع البارح 😭😂🤌🏻 نضحك برك دك مع الخمسة و لا كيما البارح نحط لكم الباقي بصح حبسوا خوف شوية ابنعمي

غدا باذن الله نزيد لكم التمارين المتبقية و نشوف شعال نزيد لكم مدة باش تكملوا مع الرياضيات باش نبداو مباشرة فالفيزياء 🤌🏻🌚

شوفو لي بديتو تحلو ما تخافو ما والو يعني مراهمش بهذيك الصعوبة ركزوا و غير بسياس عليكم كلش تعرفوه و كلش قريتوه غادي كي تشوفو الحل غادي يولو يبانو لكم تافهين روحو جيبو ورقة و ستيلو متبقوش تحلو فالسما و حاولو غي بسياس عليكم😭🤌🏻

هاذو العام الماضي كانت حطتهم وحد الصفحة و انا حليتهم صراحةً الوثيقة 1 كان فيها المتتاليات لهاذا محطيتهاش لان لا داعي تخلطو راسكم بيهم من ضرك