Shwan Kurd - شوانکورد

هاوسۆزی زانایانی خاکی پیرۆز بۆ شاری هەولێر! "دەستەی زانایانی خاکی پیرۆز" بە خەم و پەژارەیەکی زۆرەوە، بەدواداچوونی کرد بۆ ئەو لافاوە وێرانکەرەی کە شاری هەولێر و دەوروبەری گرتەوە؛ کە بووە هۆی گیانلەدەستدانی ژمارەیەک لە خەڵکەکەمان و، سەدان ماڵ و دوکان و بازاڕی ژێرئاو خست، هەروەها زیانی گەورەی بە مزگەوت، قوتابخانە، ناوەندە فێرکاری و بانگەوازییەکان گەیاند. دەستەکەمان وێڕای دەربڕینی سەرەخۆشی و هاوخەمیی قووڵی خۆی بۆ خەڵکی هەولێر، لە خوای گەورە داواکارە کە کۆچکردووان بە بەزەیی و ڕەحمەتی فراوانی خۆی شاد بکات و بە شـ.ـەهـ.ـید قبووڵیان بکات، چونکە پێغەمبەر (ﷺ) فەرموویەتی: "ئەو کەسەی لە ئاودا بخنکێت، شـ.ـەهـ.ـیدە" هەروەها داوای ئارامی و دڵنەوایی بۆ کەسوکاریان دەکەین و، داواکارین پەروەرندە قەرەبووی زیانلێکەوتووان بکاتەوە بە باشترین شێوە. هەروەها دەستەکەمان بە تایبەت هاوخەمیی خۆی بۆ ئەو ناوەندە زانستی و پەروەردەییانە دەردەبڕێت کە کتێبخانە و سەرچاوە شەرعییەکانیان لەدەست داوە، کە بەرهەمی ساڵانێکی زۆر لە کۆشش و هەوڵدان بووە لە پێناو خزمەتکردنی زانست و کتێبەکەی خودا. لە خودا داواکارین باشتر لەوەی لەدەستیان داوە، بۆیان قەرەبوو بکاتەوە. ئێمە وەک ڕۆڵەکانی خاکی پیرۆز، کە تاڵاوی لەدەستدان و ڕووخانی ماڵ و مزگەوت و قوتابخانەمان چەشتووە، بە تەواوی هەست بەو ئازارە دەکەین کە براکانمان تێیدان. بڕوامان وایە کە ئیمانداران وەک یەک جەستەن، ئەگەر ئەندامێکیان بناڵێنێت، هەموو ئەندامەکانی تری جەستە بە بێخەوی و تا -وەک هاوسۆزی و چاکبوونەوەی- پێیەوە دەناڵێنن. هەڵوێستی برایانی هەولێر بەرامبەر بە پرسە گشتییەکانی ئوممەت و، بە تایبەت دۆزی خاکی پیرۆز، وای کردووە کە ئەمڕۆ وەستان لە پاڵیاندا ئەرکێکی ئایینی و نیشانەی وەفاداری بێت. دەستەکەمان داوا لە خێرخوازان و دامەزراوە فریاگوزاری و زانستی و بانگەوازییەکان دەکات کە پەلە بکەن لە یارمەتیدانی زیانلێکەوتووان و، بەشدار بن لە ئاوەدانکردنەوەی ئەو وێرانکارییەی لافاوەکە دروستی کردووە، هەروەها نۆژەنکردنەوەی مزگەوت و ناوەندە فێرکارییەکان بۆ گەڕانەوە بۆ سەر ئەرکی خۆیان. لە خوای گەورە داواکارین هەولێر و هەموو وڵاتانی موسڵمانان لە هەر خراپە و ناخۆشییەک بپارێزێت و، ئەم بەڵایە بکاتە هۆی بەرزبوونەوەی پلە و سڕینەوەی گوناهییان، هەروەها ترسییان بگۆڕێت بۆ ئارامی و خەمەکەشیان بۆ ڕزگاریی و دەرووکرانەوە. (إِنَّا لِلَّهِ وَإِنَّا إِلَيْهِ راجِعُونَ) دەستەی زانایانی خاکی پیرۆز ١ جومادی کۆتایی ١٤٤٨ی کۆچی، بەرامبەر بە ١١ی تشرینی دووەمی ٢٠٢٦ی زایینی. #پڕۆژەی_هۆشیاریی_ئوممەت #ShwanKurd