Sokin Dunyo

Ba'zan yo'qotgan narsang uchun afsuslanasan. Oradan vaqt o'tgach esa aynan o'sha yo'qotish seni eng to'g'ri yo'lga boshlaganini tushunasan. Har bir hodisaning o'z hikmati bor.

Odamlar seni har xil baholashi mumkin. Kimdir yaxshi ko'radi, kimdir yoqtirmaydi. Ammo eng muhimi — sen o'zingni hurmat qila olishing va vijdoning oldida pok bo'lishingdir.

Har bir yiqilish seni kuchsiz qilmaydi. Aksincha, seni sabrli, tajribali va kuchli insonga aylantiradi. Muhimi, har safar yana o'rningdan tura olishdir.

Hayotdagi eng katta boylik — xotirjam qalb. Pul topish mumkin, yo'qotilgan narsani qaytarish ham mumkin. Ammo yo'qotilgan ishonch va qalbdagi xotirjamlikni qayta topish juda qiyin.

Jim turish ba'zan mingta gapdan kuchliroq bo'ladi. Har bir bahsga javob qaytarish shart emas. Vaqt ko'p narsani isbotlaydi, sen esa o'z yo'lingdan to'xtama.

Bilasizmi? Insonlarning qiyofadoshi bo‘lishi ehtimoldan xoli emas. Ammo bu dunyoda bir-biriga mutlaqo o‘xshaydigan ko‘zlarga ega ikki inson yo‘q. Chunki har bir nigoh — betakror, har bir qarash esa o‘ziga xos hikoyadir.

Ba'zi insonlar seni faqat foydasi tegayotgan paytda eslaydi. Ammo chin insonlar sening eng og'ir kuningda ham yoningda bo'ladi. Ana shunday insonlarning qadriga yet.

Hayot hech qachon bir xil davom etmaydi. Bugungi qiyinchilik ertangi quvonchning sababi bo'lishi mumkin. Faqat sabr qilishni va harakatdan to'xtamaslikni bilgan inson oxir-oqibat o'z mevasini oladi.

Har doim ham hamma seni tushunmaydi. Ba'zilar seni qilgan yaxshiliging bilan emas, o'z qarashi bilan baholaydi. Shuning uchun odamlarning fikri bilan emas, vijdoning va maqsading bilan yashashni o'rgan.

Ba'zan hayot biz kutmagan sinovlarni beradi. Kimdir yonimizda qoladi, kimdir esa indamay uzoqlashadi. Shunda tushunasan: eng qimmat narsa vaqt ham emas, pul ham emas — senga chin dildan qadr beradigan insonlar ekan. Qolgan hamma narsa vaqt o'tishi bilan o'z o'rnini topadi.