Bac with Fidaa

كيفاش نعرفو الاستعارة المكنية؟ 👀 إذا لقيتي شيئًا غير عاقل يتصرّف كإنسان، غالبًا راهي استعارة مكنية. مثال: «ابتسمَ الصباحُ» ☀️ الصباح ما يقدرش يبتسم، لكن الشاعر شبّهه بإنسان وحذف المشبّه به، وخلّى صفة من صفاته وهي الابتسام. 🔑 السر: شُبّه الصباح بإنسان، وحُذف الإنسان، ورُمز إليه بشيء من لوازمه: الابتسام.

أثناء عملية النسخ، يقرأ إنزيم ARN بوليميراز السلسلة المستنسخة من ADN من النهاية 3′ إلى النهاية 5′، وفي نفس الوقت يركّب ARNm من النهاية 5′ إلى النهاية 3′. يعني باختصار: السلسلة المستنسخة تُقرأ من 3′ إلى 5′، أما ARNm فيُركّب من 5′ إلى 3′.

كل أسبوع راح يكون عندنا تحدي، والفكرة ماشي نزيدولكم برنامج جديد ولا نرمو عليكم مهام فوق واش راكم تديرو. كل وحدة تختار حاجة راهي حابسة فيها أو عاطلتها، وتحاول خلال الأسبوع تنحي منها أكبر قدر ممكن. ممكن تكون مكتسبات، وحدة مازال ما كملتيهاش، تمارين، دروس، منهجية، حفظ... كل وحدة حسب واش ناقصها. والتحدي يبقى مفتوح للجميع، وكل وحدة تتحدى روحها بالهدف اللي يناسبها. 🤍

بالإضافة لتحدي الأسبوع، من وقت لوقت راح نحطولكم تحديات صغيرة وسهلة حسب واش نحتاجو نخدمو. مثلاً: 20 كلمة إنجليزية، 15 مصطلح فرنسي، 5 تمارين دوال، مجموعة مصطلحات تاريخ وجغرافيا، تواريخ مهمة... وغيرها. ماشي الهدف نزيدولكم الضغط، بالعكس، نحب نستغلو الحاجات اللي أصلًا لازم نحفظوها ونخدموها ونحوّلوها لتحديات بسيطة. 👀

راح نكملو مع بعض المصطلحات الإنجليزية والفرنسية، ونزيدولهم مصطلحات التاريخ والجغرافيا، بالإضافة للتواريخ المهمة.

يعني الحاجة اللي ننشروها خلال الأسبوع، حاولوا تستغلوها وتحفظوها،

كل جمعة راح يكون عندنا كويزات على واش خدمنا ونشرنا خلال الأسبوع. كلمات، مصطلحات، تواريخ، معلومات... حسب محتوى الأسبوع. يعني ماشي غير نحفظو ونروحو، راح نجربو رواحنا ونشوفو واش ثبت وواش مازال يحتاج مراجعة. 🤓🫵🏻

القناة ما راحش تكون مخصصة لشعبة وحدة، راح نبقاو نجيبو محتوى وحاجات تفيد مختلف الشعب.

وبالنسبة للبث الصامت، راه يبقى مفتوح في غروب المناقشة للي تحب تقرا في جو هادئ مع البنات. أما الـPomodoro، راح نذكرو بالفئات اللي راهي مشاركة فيه ونشجعوهم يكملو، بلا ما نحولوها لضغط ومراقبة. وأهم حاجة: ما راحش نحسبوا شحال قعدنا نقراو، راح نحسبوا وش درنا. 🤓