🌿طوبى للغرباء🌿

🌿 نعمةٌ لا نشعر بها إلا إذا فقدناها مرات نقعدو كامل نخممو غير في واش ناقصنا، وننساو النعم لي ربي عطاهالنا. بصح تخيل برك... لو كان تنوض غدوة وتلقى نعمة وحدة راحت منك، وقتها راح تعرف قيمتها. الصحة، الوالدين، الأمن، السمع، البصر... هاذي كامل نعم عايشين بيها كل يوم حتى ولّينا ما نحسوش بيها. دائماً حاول توقف دقيقة، واحمد ربي على النعم لي عندك قبل ما تطلب نعم جديدة، لأن الشكر يزيد النعمة، أما الاعتياد ينسيك قيمتها. ﴿وَإِن تَعُدُّوا نِعْمَةَ اللَّهِ لَا تُحْصُوهَا﴾.

يلااا يا جماعة! 😆🌷 طلعولي التفاعل شوية، والله نفرح كي نشوفو طالع، ونحس بلي المحتوى راه يعجبكم وتعبي ما راحش هباء. 🤍✨ تفاعلكم هو أكثر حاجة تشجعني باش نجيبلكم أفكار ومواضيع أحسن كل مرة. 🌿💛

📢 يا جماعة، عندي خبر صغير. 😌🌷 من اليوم راح نبدل شوية جو القناة. بدل غير المنشورات العادية، راح يكون كاين مواضيع خفيفة، مواعظ بطريقة قريبة لينا، مواقف من حياتنا اليومية، أسئلة، وتفاعل أكثر. نحبو نتعلمو، بصح في نفس الوقت نستمتعو. 🤍 أول موضوع راح يكون: "علاش دايمًا نحسو السعادة في الحاجة لي ما عندناش؟" 👀

يا جماعة 🌷 قررت نبدل طريقة المحتوى شوية، ونخليه أخف، أمتع، وفيه تفاعل أكثر. 🤍 إن شاء الله التغيير يعجبكم، وما تنساوش تدعموني بتفاعلكم، لأنه هو اللي يحمسني نواصل. 🌿

تعرفو واش اكتشفت؟ :) بالصح سعادة الإنسان راهي مرتبطة بطريقة عيشتو ونمط حياتو. يمكن كامل نقولو: "إيه نعرفو هاذ الشي"، بصح كي تقعد تفكر فيها مليح تلقاها صح. مثلاً، أنا إذا واحد يقلي: "راك رايحة تسافري"، نفرح فرحة كبيرة. بصح كاين لي متعود يسافر، بالنسبة ليه حاجة عادية وما تفرحوش، خاطر يسعدو حوايج آخرين. ونفس الشي في العلاقات. كاين لي يشوف العلاقة المحرمة هي اللي راح تعطيه السعادة، ويجري وراها ويضيع راحتو ووقتو، وبعد مدة يكتشف بلي السعادة كانت مؤقتة وخلفتلو تعب وهم. بينما لي حفظ نفسو وصبر وخاف ربي، يلقى راحة في قلبو وبركة في حياتو، ويستنى الحلال لي فيه الخير. وحتى الأغنياء، بزاف منهم ما بقاش يفرحهم المال ولا الماديات، يفرحو أكثر بالراحة، بالصحة، بالعائلة، وبالناس لي يحبوهم. وفي الأخير، السعادة ماشي في الحاجة نفسها، السعادة تختلف من إنسان لإنسان، والحمد لله على كل نعمة ربي عطاهالنا. 🌷

📜 🕊️ دعاء: سُبْحَانَكَ اللَّهُمَّ وَبِحَمْدِكَ، أَشْهَدُ أَنْ لا إِلَهَ إِلا أَنْتَ، أَسْتَغْفِرُكَ وَأَتُوبُ إِلَيْكَ.

✨ انضموا إلى قناتنا لنبقى على تواصل دائم مع الخير والذكر.

📜 🕊️ دعاء: يَا مُقَلِّبَ الْقُلُوبِ ثَبِّتْ قَلْبِي عَلَى دِينِكَ.

إلى ڪل من يمر بظروف صعبة وأيامه مثقلة، ستُفرج بإذن الله عما قريب وستعود على وجهك تلك الإبتسامة التي يُحبها الجميع فڪل تأخيرة في حياتك هي لحڪمة بالغة يعلمها الله وحده سَلم أمرك له وثق به ولا تيأس وتَيقن أن الله سيعوضك خيرًا حتى تطيب نفسك.🤍