على هامش الأيام🍁

سيدنا عمر بن الخطاب قال جملة جميلة جدًا قال "ما أبالي على أي حال أصبحت، على ما أحب أو على ما أكره، لأني لا أدري الخير فيما أحب أو فيما أكره "  وأنا شايف إن دي من أكتر الحاجات اللي الإنسان محتاج يفهمها، مش كل حاجة بتحصل على مزاجك تبقى خير ليك، ومش كل حاجة زعلتك أو كسرتك تبقى شر، يمكن الحاجة اللي كنت بتتمناها ومخدتهاش كانت هتأذيك، ويمكن الحاجة اللي زعلت بسببها كانت بداية طريق أحسن بكتير، فـ متستعجلش تحكم على اللي بيحصل، ومتزعلش  من حاجة راحت منك، يمكن الخير اللي مستنيه يكون مستخبي في الحاجة اللي أنت دلوقتي مش فاهمها!