🎓 رحلتي نحو البكالوريا | Journey to Success 🌷

#نصيحة@Bac_Journey17

#تحفيز@Bac_Journey17 هم ليسوا أفضل منك لكنهم يدرسون أفضل منك🥹❤️‍🔥🎓

بالنسبة لطلبة باك 2027 رح نقلكم ربي يوفقكم ان شاءالله ويكون معاكم توكلو على ربي دايما ماتفرطوش في صلاتكم وفي قرآنكم حاولو نظفو محيطكم من الاشخاص السلبية واقراو واجتهدوا عام ورح يفوت موفّقين ان شاءالله دمتم في رعاية الله وحفظه🫶🏻🌸

بالنسبة للضغط والخوف قبل الامتحان كنت نتقبلو بشكل عادي لانو علابالي انو هذا الامر طبيعي جدا وكنت دائما نذكر نفسي اني درت لي عليا واجتهدت هذا كان يزيد ثقتي بالله وبنفسي يعني كخلاصة التوتر امر عادي ومهما تكون قاري مليح رح تحس بيه ولكن بالنسبة للتوتر السلبي لي رح يخليك تنساي كلشي وماتعرفيش تحلي هذاك رح يكون اكبر عدو ليك حرفيا علاجال هكا لازم تحاولي دايما تكوني هادئة وتتوكلي على ربي وماتبالغيش في التوتر🥲 بالنسبة للكتب كتاب الاستاذ بورنان والاستاذ لعروق والاستاذة بوسعادي عن نفسي حفظت منهم الفيزياء كتب الاستاذ عبد اللطيف العلوم كتب الاستاذة كتفي لو عاد بي الزمن صراحة مانغير ولا شيء لانو هي رح تكون سنة مليئة بالتجارب والعقبات واي خطأ ارتكبتو هو لي فطني تسما عيشوا هذه السنة بلحظاتها وبتجاربها وتعلموا من اخطائكم

بالنسبة للخطأ اللي كنت نحاول نتجنبو هو اني مانحيطش بالدرس ومانفهموش مليح وننتقل مباشرة للدرس اللي بعدو هذا الشيء ساعدني بزاف في الفترة الاخيرة بيسك لقيت روحي فاهمة مليح الحمد لله بالنسبة للمواد العلمية نبداو اولا بالعلوم كنت نبدا نقرا الدرس في اليوتيوب عند اساتذة مختلفة باش نفهم الظاهرة مليح وكنت نستعين بchat gpt في هذه المادة بعد مانفهم الدرس مليح نجي نشرحو لروحي بالكراس والسيال على شكل ملخص ولكن مش منظم او في السبورة او اي شيء وندير مخططات ومبعد نبدا في حل التمارين لي هي اهم خطوة بداية كنت نحل التمرين كامل ومبعد بديت نكتب غير الحوايج المهمة مثال الاستنتاجات والربط والمخطط والفرضية اما التحليل كي تشوفو انفسكم تمكنتو منو مش لازم تبقاو تكتبوه وكي تجو تشوفو الحل تمعنو فيه ملييييييح وركزو على الكلمات المفتاحية واكتبو الافكار او الكلمات في قصاصات وعلقوها وانا عن نفسي كنت نخلي مرحلة الملخص في المنتصف يعني بعد ما نكون حليت كمية مليحة كن التمارين لكن مزلت ماكملتش نبدا في كتابة الملخص لي رح يكون منظم وفيه كامل الافكار والكلمات المهمة وفي نفس الوقت نكون نحل في باقي التمارين ونكتب الافكار في الملخصات وهذا الشيء هو اكثر شيء سهل عليا في مرحلة المراجعة النهائية بالنسبة للرياضيات احب مادة الى قلبي نشوفها بلي اسهل مادة علمية اعتمدت فيها على الاستاذة منار كنت نقرا عندها الدروس ونحل معاها التمارين يعني اعتمدت عليها والحمد لله وطبعا حليت وحدي ايضا باش نزيد نوسع افكاري اما الفيزياء كنت نقرا الدرس من عدة مصادر ونعاودو عند شحال من استاذ باش نثبتو مليح لانو الفيزياء تحتاج الدقققة بزاف وادق التفاصيل عي لي رح تقدري تفهمي بيها الدروس مليح يعني كنت نقرا الدرس شحال من مرة ومبعد باش نبدا في التمارين وبالمناسبة الملخصات اعتمدت عليها في كل المواد

بسم الله الرحمن الرحيم معاكم متحصلة على شهادة البكالوريا دورة جوان 2026 بمعدل 17,60 شعبة علوم تجريبية اولا الذي ساعدني في النجاح مانقدرش نحصرهولك في "سر" كيما قولتي بالعكس هو مجموعة من الاسرار والمبادىء اللي لازم تعملي بيها في عام البكالوريا اولها واهمها التوكل على الله والتوكل ميكونش ككلمة وفقط بالعكس هو يقين في القلب يعني تكوني متيقنة يقين كامل انو التوفيق رح يكون من عند الله و مش رح يكون بخدمتك فقط طبعا هذا الشيء مايمنعكش انك تتخذي بالاسباب وتجتهدي باش يوفقك ربي ثانيا لازم تتعلمي الصبر وعدم الاستسلام لانو اكيد اي انسان رح تكون عندو فترات يتحطم فيها ويفقد فيها الامل سواء مش يشوف في نتائج اجتهادو او ارهقو التفكير اوووو في هذه الفترة لازم يكون ايمانك قوي جدا وتتغلبي على جميع الافكار السلبية لي رح تحيط بيك واخيرا لازم تكوني منظمة ولكن هذاك التنظيم المثالي مستحيل تلحقيلو ربما فقط في البدايات لانو النفس بطبيعتها عشوائية وفوضوية اما ما اقصده بالتنظيم هو انك تحاولي ماتراكميش دروسك وماتدخليش للفصل الثاني مثلا الا ونتي مكملة دروس الفصل الاول على الاقل بالنسبة لتنظيم الوقت صراحة طوال العام الدراسي مادرت حتى برنامج لانو بطبيعتي ما نقدرش للبرنامج😅 الشيء لي كنت مركزة عليه هو to do lists كل يوم قبل مانبدا نقرا ندير قائمة المهام لي لازم نديرها وjamais كملتها كامل لاني كنت ندير مهام تعجيزية😅 اما بالنسبة تع نقرا الصباح ولا الليل ولاا هذي مش رح تقدري تعرفي روحك الا بعد ماتجربي وطبعا هو من الاحسن تنوضو مع الفجر تصلو تقراو وردكم وتبداو تقراو شوية ومبعد تروحو لليسي وتروحو تريحو ومبعد تزيدو تقراو وترقدو بكري اما في ايام العطلة شوفو على حساب الجو العائلي تاعكم انا عن نفسي كنت متأخرة في شهر افريل ولقيت انو الجو العائلي في الليل يكون اهدأ مالا بدلت روتيني عدت نبات نقرا للفجر نصليه ونرقد وننوض على 12ولا نتغدى ونبدا نقرا

نكملو في: سلسلة: أسرار المتفوقين /نصائح من أصحاب المعدلات العالية🥹🫶🏻🎓 #اليوم الثاني

مجرد فيديو للمرح فقط🌚😂