👑بيتُكٍ مملكتُك مع أم البنين 👑

السلام عليكم🌸 نكملو مع تحدي تنظيف المطبخ إن شاء الله درنا جزئين تلقاوهم فالمنشورات السابقة في الصفحة غدا إن شاء الله تحدي يوم الأحد #المطبخ_الجزء_الثالث 🚿 📌 تنظيف فرن المطبخ بعمق ولااووت إن وُجدت والطابونة 📌تنظيف بلارات التوابل 📌غسل ليتابي وريدو المطبخ #بيتُكِ_مملكَتُكِ_مع_أم_البنين التلغرام: https://t.me/Baytouki16 الفايسبوك: https://www.facebook.com/share/1Ub6ii4iUM/

السلام عليكم 🌸 🌸 إلى كل أختٍ شاركت في دورة الملكة النشيطة إن كنتِ قد وجدتِ في هذه الدورة علمًا نافعًا أو اكتسبتِ منها مهارات ساعدتك في تنظيم بيتك أو لمستِ أثرًا إيجابيًا في حياتكِ فأتشرف بأن تشاركيني شهادتكِ الصادقة. شهادتكِ ليست مجرد كلمات بل قد تكون سببًا في تشجيع أخت أخرى على البدء والاستفادة كما استفدتِ أنتِ🌸 لا أطلب مجاملة❌وإنما شهادة حق بكل صدق وأمانة، تعبّرين فيها عن تجربتكِ الحقيقية وما خرجتِ به من هذه الدورة. 📍 يمكنكِ مشاركة شهادتك في التعليقات عبر الرابط التالي على الفايسبوك ⏬ https://www.facebook.com/share/p/1BYMGAq7jB/ وبارك الله فيكن🌸 #أم_البنين

السلام عليكم 🌸 أسعد الله صباحكن 🌼 📷حين تبوح العدسة كاش نهار صوّرتي دارك بالتليفون ومن بعد رجعتي شفتي الصور وكأنك تشوفي فيها لأول مرة❓ ممكن غير صورة وحدة تبيّنلك حاجة ما انتبهتيلهاش من قبل أو كاش زاوية تحتاج شوية ترتيب أو طابلة عامرة بالحوايج أو حاجة خرجت من بلاصتها ونتي اعتدتيها  حتى والفتيها لكن هي فوضى ✅الصور ما تجاملش تورّي الواقع كيما هو لذلك يعتبر التصوير قبل/ بعد  وسيلة ذكية باش تشوفي دارك بنظرة جديدة وواقعية وتنظميها قبل ما تبداي ترتبي صوّري كل ركن ومن بعد اقعدي شوفي الصور في هدوووء دوّني الملاحظات وحددي واش لازم تبداي بيه وكي تكملي عاودي صوّري وقارني بين قبل وبعد راح تفرحي بالفرق اللي انجزتيه بيديك، وراح يعطيك دافع باش تحافظي على الترتيب بإذن الله ،وخلي هاذ العادة تولّي جزء من روتينك مثلا: صورة كل اسبوع  او كل شهر تقدر تنبّهك لبداية الفوضى قبل ما تكبر ان شاء الله 🌸 مع اعتقادي لعدم جواز صور ذوات الارواح طبعا 👍 #بيتُكِ_مملكَتُكِ_مع_أم_البنين التلغرام: https://t.me/Baytouki16 الفايسبوك: https://www.facebook.com/share/1Ub6ii4iUM/

#تحدي_البيت_النظيف يوم #السبت المطبخ الجزء الثاني2⃣ 📌تنظيف البالكون 📌تنظيف تحت الحوض جيدا 📌تنظيف سلة الخضر مع تنظيف وترتيب  مكان المؤونة لي مافهمتش وش رانا نديرو ادخلي للصفحة شوفي الأجزاء السابقة والتحقي ^^ مرحبا بكِ. #بيتُكِ_مملكَتُكِ_مع_أم_البنين التلغرام: https://t.me/Baytouki16 الفايسبوك: https://www.facebook.com/share/1Ub6ii4iUM/

#الدخول_المدرسي السلام عليكن ملكات مساء الأنوار 👑 كنت سبق وحطيت منشور ⬇️⬇️سألت فيه الأخوات عن تحضيرات الدخول المدرسي ومديتلهم الكلمة يشاركونا آرائهن و اليوم حبيت ندير ملخص مفيد  ⬇️ تقدرو تدخلو للرابط تستفادو من التعليقات https://t.me/Baytouki16/503 والآن : 🔴أول شي نحكيلكم على البيت بما انو صفحتي تهتم بكل ماهو ترتيب ..تنظيف ..تدابير منزلية البيت قبل الدخول المدرسي لازم يكون فارغ ونظيف كل حاجة شادة مكانها  ✅ بيت بدون فوضى بعد مانتخلصو من الفوضى يجي دور الترتيب والتنظيف نظفو الاماكن والمساحات لي فرغت ثم نرتبو الاشياء اي شي ماعندوش مكانه يُتخلص منه. 🔴النقطة الثانية ندخلو للمطبخ حاولي تنظمي جدول وجباتك و ترتبي ميزانيتك  نظمي جداولك بالكتابة ✍✍لانو راح يتبدل الفصل يتبدلو انواع الاكل وبالتالي تتغير الميزانية ومختلف الاطباق خططي لجداول الطبخ حسب مصروفك ، خططي لأكلات خفيفة صحية تمديها لإبنك كي يروح يقرى اللمجة ^^  باش يعلو تركيزه وتقدرو تشاركونا بأفكار في التعليقات على هذا الموضوع 🔴الامر الثالث كي ترتبو الدار تنظفوها ترتبو الوجبات ترتبو الميزانية هنا يجي وقت التخطيط تديرو قوائم للتخطيط والشراء  هنا راسك راح يكون متهني فارغ مليح ومورالك طالع يبانولك ليامات وقتاش تخرجي تشري القش الادوات وش راح تشري كيفاش تقسمي ميزانيتك ...الخ 🔴الامر الرابع موعد نوم الاطفال تبداو تخممو فيه وتوجدولهم هاداك الجو تاع يبداو يرقدو بكري ... نهاية العطلة...السهرات خلاصو...التلفاز والهاتف يطفى بكري...الاكل يكون واجد بعد صلاة المغرب تبداو تخدمو على هاد الأجواء بشوية ومن الان باش يبداو يوالفو ماشي كي تلحق الدراسة يحكمهم أرق 🔴الامر الخامس ديري برنامج تنظيف للمهام الاسبوعية واليومية والشهرية ومهام للصيانة تاع كامل السنة لانو البرنامج راح يتبدل قبل مايدخلو على 12 يكون تسياق تزرزيق كمل ولغدا وجد خلاص قبل مايدخلو على 4 لحليب واجد وعشاك واجد باش تتفرغي لدراستهم وروتينكم الليلي لذلك وجب التحضير لجداول او قوائم تنظملك طريقة التنظيف وشغل منزلك طيلة السنة  وهاد الأمر نديرو بالتفصيل في دورة الملكة النشيطة المهتمات راح تبدا في 09 اوت و التسجيلات راهي مفتوحة والعدد محدود  المهتمة تتواصل معي في الخاص على الصفحة🌸 ماتنسايش انو الطفل يتعلم بالقدوة اذا كبرو في أم منظمة في بيتها...منظمة في نفسها ..في افكارها ...في ميزانيتها راح يقتدو بيك بإذن الله والطفلة تكبر وتولي أم وتمشي بنظامك مع اولادها والطفل يكبر ويولي أب ويفيد اولاده وممكن حتى زوجته تتطبع عليه ويولو بنفس  نظامك كذلك ويكون في ميزان حسناتك يارب والعكس صحيح هادي نقطة مهمة فكرو فيها جيدا ✅ راكي تبني في أجيال 👍 🔴اجتهدي و طبقي للامور التي تطرح فبيتك البركة اقراي قران اذكري الله في بيتك كثيرا رطبي لسانك بذكر الله حصني بيتك واهلك اطلبي العلم الشرعي ، صدقوني يالبنات عن تجررربة سبحان الله نهار لي نتبع كاش دورة علمية مع المشايخ نولي منظمة سبحااااان الله والوقت كافيني لبزاف امور ونهار لي نلتى غير مع التوافه تلقاي ماكانش بركة في الوقت لذلك طلب العلم الشرعي له دور كبير سبحان الله في حياتنا ثم  يلزملك تخطيط ، تنظيم، بكووووور وما ادراك مالبكور قال رسول الله صل الله عليه وسلم ( بورك لأمتي في بكورها) كذلك نقصي تيليفونات ملي يخرجو يقراو ونتي شاداتو فوذنك 👍 ونقصي شوية الفيديوهات والجمايع بلا فايدة _ ماتقوليش مقدرتش ابداي فقط وبإذن الله ربي يشوف منك صدق النية والتوكل يوفقك بإذن الله ملاحظة : في فترة  الدخول المدرسي يكثر الضغط على الازواج يكونو عصبيين راكم تعرفو قلة الشي والله المستعان فحاولو تفوتو قدر المستطاع وتكونو صبورات في هذه الفترة ولكُن الاجر ان شاء الله🌹 🔴واخيرا أوصيكن بتقوى الله عز وجل في السر والعلن ، وكُنٌ مسؤولات عن نعمة الذرية الطيبة والبيت والعائلة 🌸 حفظ الله اولادنا جميعا واهلنا وأطال اعمارهم في طاعته ورزقكن الذرية الصالحة الطيبة وأنتن في خير وعافية 🌹 والسلام عليكم ورحمة الله وبركاته #بيتُكِ_مملكَتُكِ_مع_أم_البنين التلغرام: https://t.me/Baytouki16 الفايسبوك: https://www.facebook.com/share/1Ub6ii4iUM/

خلولي تعليقاتكن في هذه المجموعة ⏬ https://t.me/+3wUGqqlm58EwNzg0

🌸 السلام عليكم 🌸 #مساحة_مع_الملكات 👑 أسعد الله صباحكن🌼 بما أنو الدخول المدرسي قرررررررب وداروهولنا #06سبتمبر ان شاء الله ^^ فموضوع اليوم : هو #الدخول_المدرسي 📚 قولولي قبل مانقول انا ^^ هل من إقتراحات ... ..خطط....افكار موجدينها تخص الدخول المدرسي وتساعد الامهات من حيث ترتيب وتنظيف المنزل...من حيث ضبط الميزانية...جداول طبخ...الخ ولا راكي زادمة للمعركة بلا سلاح ^^ راح نخليلكم الكلمة تتبادلن الآراء في التعليقات وبعدها كالعادة مساءا نحطلكم ملخص على أهم أفكاري إن شاء الله 🌸 #بيتُكِ_مملكَتُكِ_مع_أم_البنين التلغرام: https://t.me/Baytouki16 الفايسبوك: https://www.facebook.com/share/1Ub6ii4iUM/

السلام عليكم 🌸 صباح الانوار #تحدي_البيت_النظيف الجمعة 🔴بما أنو المطبخ فيه بزاف أركان لازم تتنظف فقسمتو لأجزاء كل يوم نمدلكم توجيهات تاع جزء منه إن شاء الله جزء يوم الجمعة⬇️⬇️ 🔴غسل الجدران و النافذة جيدا✅ 🔴فرز وتنظيف الثلاجة بعمق وترتيبها ✅ 🔴مسح الارضية ( لفوق لفوق برك الارضية خاطر فالجزء الأخير نرغونوها مليح إن شاء الله ) ✅ 🧴نقترح عليكم بعض المواد والأدوات لي تساعدكم : _نقو الحيوط والنافذة والارضية بالبتراء الاخضر إذا متوفر ✅ _منظف الثلاجات مثلا. :L'orage مع منشفة ميكروفيبر متعددة الاسطح وفرشاة اسنان قديمة للأماكن الضيقة وكاين شيتات يتباعو صغااار للأماكن الضيقة تان يخرج يشعل وريحتو تهبل بلا مانحي ونرغوي ونزرزق الا اذا كان الامر يستلزم ذلك وتقدرو تعوضوه بخل ابيض للتنظيف مخفف ب ماء ماتستعملوش الجافال يصفر❌ ✅ _لافات ميدينات +مناشف ميكروفيبر متعددة الاسطح ✅ 📍بالتوفيق وبصحتكم نلتقي إن شاء الله مساءا 🚿🧼 #بيتُكِ_مملكَتُكِ_مع_أم_البنين التلغرام: https://t.me/Baytouki16 الفايسبوك: https://www.facebook.com/share/1Ub6ii4iUM/