👑بيتُكٍ مملكتُك مع أم البنين 👑

❌كونماري ماتفضلش بزاف تعلاق إلا للضرورة، تقولك لانو 10حوايج معلقين=40قطعة مطوية✔️ مالا تحب الطي اكثر ❌كونماري ماتحبش تتعداي على مساحات الآخرين وترتبي بسيف عليهم ولا ترمي بسيف عليهم ، وهادي ماشي حتى تقولهالنا ماري كوندو هادي حنا مسلمات لازم نلتازمو حدودنا ونحتارمو افراد اسرتنا ونوقرو الكبير ونحتارمو الصغير هي تقولك لي مايحبش يرتب ماتجبريهش وتقولك كاين ناس اصلا ميحبوش ترتيب هوما حرين هكدا مخدومين وتقولك اذا شفتي ناس بدات ترتب كل لي عليك هو تساعديهم وتمدحيهم فقط 👍 ومدت مثال هنا قالت كوني كالشمس 🟡 بمجرد تبان حرارتها تجبرك تنحي المعطف ( اللين في توجيه النصيحة) وماتكونيش كالرياح تضرب تضرب بالقوة والو ميطيرش المعطف ( الشدة في توجيه النصيحة )^^ اكتفي بهذا القدر إن شاء الله انتظرنني في المنشور الجاي 🌹 #يُتبع... 🌸شاركو المنشور لتعم الفائدة وتكبر صفحتنا إن شاء الله🌸 #بيتُكِ_مملكَتُكِ_مع_أم_البنين التلغرام: https://t.me/Baytouki16 الفايسبوك: https://www.facebook.com/share/1Ub6ii4iUM/

🌸السلام عليكم ورحمة الله وبركاته 🌸 #الطي_الياباني📦📦📦🪭 الجزء الأول اليابانيين معروفين بالترتيب الدقيق وعندهم بمثابة علم يُدرٌس فيه قواعد و خطوات واساسيات ...الخ ، عندهم تنوع كبير في طرق ترتيبهم للأشياء تلقايهم سروال يرتبوه بعدة طرق تلقاوهم على كل حال في الفيديوهات فليوتيوب (عموما يديروهم بالموسيقى اكتمن الصوت بارك الله فيكن) تحسوهم كأنهم يلعبو ويستمتعو بلعبة الترتيب اللهم بارك من بين الطرق طريقة ماري كوندو الغنية عن التعريف 📌من هي ماري كوندو او كونماري اليابانية ❓ هي استشارية ترتيب وتنظيم يابانية كانت تحب بزااااف الترتيب من صغرها لدرجة ولات مهووسة بيه وقريب شدها انهيار عصبي من بعد سالامات فطنت مع روحها ووولات عادية ، كي بدات تكبر شوية قرات كتاب اسمه فن التخلص من الاشياء عجبها وبدات تطبق فيه بدات تتخلص من حوايجها لي كل مرة ترتبهم وماتستعملهمش و بدات بترتيب غرفتها وبيتهم وامورهم حتى تشهرت وولات في برامج تلفزيونية و كتب و سفريات وتدرب في هذا المجال...الخ المهم لديها كتابين مشهورين بزاف الاول اسمه سحر الترتيب والثاني اسمه انشروا الفرح هذا الاخير رافقاتو بصور توضيحية هايل ( كملاحظة رغم انهم مفيدين جدا لكن فيهم اعتقادات فاسدة منافية لشريعتنا مثل شكر الاشياء والامتنان لهم وتوديعهم قبل ماترميهم ...الخ وهذا الشي اكيد نحن مسلمات منديروهش ومايجوزش والشكر لله وحده و الموفق من وفقه الله عز وجل فقط لذلك تمسكنا و تضرعنا و دعائنا واستغاثتنا كلها لله وحده لاشريك له ). قلنا كونماري اتشهرت بزاف بهاد الكتابين ولحقت باعت منهم اكثر من ثمانية ملايين نسخة (عاقبة لكتابي ^^ يارب ) هاد الكتابين حطت فيهم وش تعرف على الترتيب من قواعد...مبادئ...نصائح ..قصصها مع متدرباتها ...الخ. في منشور ليوم راح نقولكم كونماري وش ماتحبش⬇️ ❌ماتحبش الرمي بشوية يعني تحب ترمي الاشياء دفعة وحدة وفي مدة زمنية محددة ماتحبش تاع كل يوم ترمي شوية لالا هادي ماتخرجش عليها علاش❓خاطر تقولك مانجي نرمي الحاجة الثانية تكون لولى تخربت ومانجي نكمل نكون بالاك زدت شريت مالا على ضربة نتخلص من الاشياء ( التخلص رمي او صدقة للفقراء او بيع او تمدي للاقربون اذا موافقين) ❌كونماري ماتحبش ترتب بالموقع بمعنى ماتحبش ترتب غرفة ثم مطبخ ثم صالون لالا تحب ترتب بالفئة يعني ملابس تاع البيت كامل على ضربة...اواني البيت كامل على ضربة وهي ماشية في مدة زمنية محددة ❌ماتحبش صانعوا مواد التخزين علاش❓ خاطر تقولك هوما سباب الفوضى كل مايصنعولنا منظمات تخزين كل مانزيدو نخبو نخزنو ونحتافظو بأشيائنا، يمدولنا مجال انو نخزنو الحاجة عكس كون ماعندناش وين نخزنو تتفورصاي باش تمدي او ترمي او تبيعي ❌كونماري ماتحبش ترتبي وتخزني فنفس الوقت لالا علاش ❓ تقولك كي تتخلصي من كلش لتما باش تشوفي اماكن تخزين لخاطر مادامكي في عملية التخلص من الفوضى يعني اماكن التخزين مزالها معمرة ف مراحش تبانلك الا اذا فرغتي ضربة وحدة (وهنا اكيد ماهيش تقصد تخلي دنيا مڨلبة فلرض لالا هنا انا نقولكم كي تتخلصو من الفوضى عاودو رتبو سطحيا فقط وكي تكملو هاد الماراطون كيما تسميه هي ^^ لتما ابداو خزنو بالتخزين الصحيح لي ذكرت القواعد تاعو فكتابها ) ❌ماري كوندو في كتبها ماتوريلكش التنظيف العميق او روتينات صباحية ومسائية وليلية لالا ، هي توريلك الطرق الصحيحة لترتيب وتخزين كل جزء من اشيائنا ملابس .كتب واوراق.اواني.حقائب ...احذية ..الخ فقط ، ( انا أم البنين لي نوريلك كلش بإذن الله فدورتي تاع الملكة النشيطة إذن شاركي فيها ^^ 🚿) ❌كونماري تقولك الترتيب نشوفو نوعين ترتيب يومي وترتيب الحدث السنوي ( لي كنت نحكي عليه لفوق) تقولك وباش تنجحي فالترتيب اليومي لازم تكوني درتي ترتيب الحدث السنوي والا ماتنجحيش ❌كونماري ماتحبش تخبي الملابس الموسمية بعيدة تقولك نحط.كل الملابس تاع كل الفصول في خزانتي علاش❓ خاطر تقولك الان اصبح عندنا مدفئات ومكيفات وكامل نقدرو نلبسو امور خفاف فشتاء وامور ثقال فصيف لذلك نحتاجوهم ( وانا عندي راي اخر فهاد الامر لانو ماشي الناس كامل فبلادنا عايشين فالدفا او فالمكيفات او فالوسع فلازم نيسرو شوية على الناس ) ❌كونماري ماتحبش جملة خليها بالاك نسحقها( مام ام البنين ماتحبهاش وفي كثير من الاحيان تهورت وتخلصت من امور احتاجها ^^ بصح معليش عادي لمهم رتحت فليتساع والرؤية الواضحة ولم اندم لانو معظم الامور تلقايلها حل بإذن الله ✅) ، علاش ماتحبش كونماري هاد الجملة ؟ تقولك خاطر تلقاي تلقاي البدائل و تقولك ايضا إذا قلت كلمة يوما ما فيعني =للأبد ( يعني تبقاي فالفوضى ومراحش تتخلصي منها ابدا)

السلام عليكم🌸 كيفاش نغسلو لماعن ❓ 📍تعديل : الأواني المعدنية فقط اغسلوهم بسائل اواني او بالمنظفات الخاصة بيهم ماتمسوهمش لا بالخل ولا بالجافال باش تحافظو عليهم ✅ نبهتني اخت ربي يبارك فيها ف اعدت النشر 📌اول شي نبداو بالكيسان ثم صحون الفواكه ثم الملاعق والفراشط ثم صحون المقبلات و السلطة ثم صحون الاكل ثم القدور والمقالي 📌ثاني شي نشللوهم بالماء اولا تحت العين هذا شي لي نديرو أو (🧽تجيبي إسفنجة نقية ومبللة تنحي منهم كل البقايا جيدا للقمامة مباشرة ثم تشللي الاسفنجة فقط هادي طريقة جيدة تستحفظلك على الماء ونبعدو على التبذير ) 📌ثالث شي  نديرو رغيوة 🧼 سائل اواني و ماء دافي رايح للسخونية واذا متوفر قطرات خل ابيض للاواني الزجاجية ونحكو جيدا من البرا ولداخل والحواف جيدا بلافات تكون ذو جودة عالية 📌رابع شي تشلال انا نشلل تحت العين مباشرة لكن لي ماكانش الماء ديري باسينة نحي الرغوة بيها ثم فرغي وزيدي عمري اخرى ديريلها قطرات خل ابيض للاواني الزجاجية وليست المعدنية يساعدك في التخلص من الروائح و يلمممع ✔️ المهم شللي جيدا جيدا  ولو تضطري ديري باسينة ثالثة للقدور إكتفي بسائل الاواني  والمنظفات الخاصة بهم  وماء بارد عادي 🧽🧴 واذا عندك لاف فيسال روحي اضربيها ب قهيوة  واستمتعي ^^  ☕️ قولولي #لاف_فيسال ومن ماركة عندكم وعجبتكم شحال شريتوها وش هي سلبياتها وايجابياتها ❓ 🌸رزقنا الله وإياكن من فضله العظيم 🌸 التعليقات من نوع حتى لماعن توريلنا كيفاش نغسلوهم ؟ ألوغ ماشفتيش كي نوريلهم الطريقة الصحيحة كي يجبدو بلفروتوار ^^ شوفولي الصورة شحال شابة^^ حطيت المنتقبة بالذكاء الاصطناعي ^^ #بيتُكِ_مملكَتُكِ_مع_أم_البنين التلغرام: https://t.me/Baytouki16 الفايسبوك: https://www.facebook.com/share/1Ub6ii4iUM/

🌸السلام عليكم 🌸 تنظيف غرفة الأطفال الجزء الثاني  ⛺️🎡 #تحدي_البيت_النظيف_مع_أم_البنين قلنا نقسمو غرفة الأطفال او غرفة المعيشة لعدة اجزاء درنا الجزء الاول  واليوم الجزء الثاني ان شاء الله  ⬇️ عندي ملاحظة قبل مانبدا كاين لي راهم يقولولي المنشورات ماهيش تخرج فضلا طلعو المنشورات بجام وتعليق فضلا 🌸 اليوم نمسحو الاثاث والمرايا جيدا بدلو الفراشات والستائر وليتابي ثم سيقوها جيدا بلبالي ورغوة نعطروها هي والخزانة ونكونو كملناها وندخلو ان شاء الله غدا على الرواق ومدخل المنزل  🌸 بالنسبة لترتيب خزاناتهم ارجعو لمنشورات الطي الياباني ولا نعاود نديرلهم اعادة نشر ❓❓ #بيتُكِ_مملكَتُكِ_مع_أم_البنين التلغرام: https://t.me/Baytouki16 الفايسبوك: https://www.facebook.com/share/1Ub6ii4iUM/ مجموعة الدردشة على  التلغرام : https://t.me/+3wUGqqlm58EwNzg0

تعديل : للقدور إكتفي بسائل الاواني لانو خبروني انو الخل مش مليح للمعادن ✅

السلام عليكم🌸 كيفاش نغسلو لماعن ❓ 📌اول شي نبداو بالكيسان ثم صحون الفواكه ثم الملاعق والفراشط ثم صحون المقبلات و السلطة ثم صحون الاكل ثم القدور والمقالي 📌ثاني شي نشللوهم بالماء اولا تحت العين هذا شي لي نديرو أو (🧽تجيبي إسفنجة نقية ومبللة تنحي منهم كل البقايا جيدا للقمامة مباشرة ثم تشللي الاسفنجة فقط هادي طريقة جيدة تستحفظلك على الماء ونبعدو على التبذير ) 📌ثالث شي نديرو رغيوة 🧼 سائل اواني و ماء دافي رايح للسخونية واذا متوفر قطرات خل ابيض ونحكو جيدا من البرا ولداخل والحواف جيدا بلافات تكون ذو جودة عالية 📌رابع شي تشلال انا نشلل تحت العين مباشرة لكن لي ماكانش الماء ديري باسينة نحي الرغوة بيها ثم فرغي وزيدي عمري اخرى ديريلها قطرات خل ابيض يساعدك في التخلص من الروائح و يلمممع ✔️ المهم شللي جيدا جيدا للقدور تقدري تزيدي للرغوة بيكاربونات وقطرات خل باش تتخلصي من الدهون🧽🧴 واذا عندك لاف فيسال روحي اضربيها ب قهيوة واستمتعي ^^ ☕️ قولولي ومن ماركة عندكم وعجبتكم ؟ 🌸رزقنا الله وإياكن من فضله العظيم 🌸 شوفولي الصورة شحال شابة^^ حطيت المنتقبة بالذكاء الاصطناعي ^^ #بيتُكِ_مملكَتُكِ_مع_أم_البنين التلغرام: https://t.me/Baytouki16 الفايسبوك: https://www.facebook.com/share/1Ub6ii4iUM/

السلام عليكم ملكات 👑 يُسعدني أن أعلن لكنّ أن الدفعة الثامنة عشر ستكون يوم 30 أوت بإذن الله 🎉 وستكون هذه الدفعة آخر دفعة صيفية قبل الدخول المدرسي إن شاء الله ولأنها الدفعة الأخيرة لهذا الصيف، قررت أن تكون مختلفة ومميزة وضعت لها تخفيض بنسبة 20% 🎉 🌷 هذه فرصتك اجعلي ما تبقّى من هذا الصيف استثمارًا في نفسكِ وبيتك 🎁 تخفيض 20% ⏳ المقاعد محدودة والتسجيلات مفتوحة✅ تفاصيل الدورة على هذا الرابط⏬ https://t.me/Baytouki16/527 شهادات الدفعات السابقة⏬ https://t.me/Baytouki16/61?single 📩 للحجز والاستفسار، تواصلي معنا عبر الخاص⏬ @oum_elbanin

🌸السلام عليكم 🌸 #تحدي_البيت_النظيف_مع_أم_البنين غرفة الأطفال ⛺️🎡 نقسمو غرفة الأطفال او غرفة المعيشة لعدة اجزاء اليوم نديرو الجزء الاول ان شاء الله ⬇️ نرتبو العاب... كتب ..كرارريس ...ملابس...حقائب وكل مايخص الولاد ثم نكملو ونروحو لتنظيف  الجدران والنافذة جيدا او البالكون وتلمي الارضية فقط  ونريحو ان شاء الله 🌸 #يُتبع...

فضفضة 🌧 #الإنصاف_عزيز من حق أي شخص أن يقدّم نقدًا بنّاءً وأن يعبّر عن تجربته بكل صراحة لكن من الإنصاف أيضا أن نكون صادقين مع أنفسنا قبل أن نكون صريحين مع الآخرين وقبل أن ننتقص من جهدٍ بُذل من أجلنا. يا ترى… هل طبّقنا فعلًا؟ هل التزمنا فعلًا؟ وهل أعطينا ما قُدّم لنا فرصته الحقيقية قبل أن نحكم عليه؟ الأمور لا تُبنى على كلمة (حسيت ) فقط لأن ليس كل شعور دليلًا،وليس كل تعثّر سببه الآخر، وليس كل نتيجة لم تعجبنا تحتاج إلى شماعة نعلّق عليها السبب✅ أنا مسؤولة عن جودة ما أقدّمه عن الشرح والتوضيح والإجابة وبذل جهدي حتى تصل المعلومة بأفضل صورة ممكنة، لكن هناك مساحة لا أستطيع الدخول إليها نيابةً عن أحد وهي مساحة الالتزام والتطبيق وتحمل المسؤولية👍 صحيح من الجميل أن ننتقد ما لم يناسبنا لكن الأجمل أن نكون منصفين للجهد الذي بُذل من أجلنا فالتجربة لا تُقاس فقط بما شعرنا به وإنما بما طبّقناه والتزمنا به والنتيجة التي وصلنا إليها كل متدرّبة مسؤولة عن مقدار ما تلتزم به وتطبقه كما أنني مسؤولة عن جودة ما أقدمه. كلٌّ منا له مسؤوليته… والإنصاف أن يعرف كل شخص أين تبدأ مسؤوليته وأين تنتهي مسؤولية الآخر فالإنصاف عزيز 🌧

السلام عليكم 🌸 #تحدي_البيت_النظيف_مع_أم_البنين الصالون #الجزء_الثالث والأخير🪑🪟ليوم الاربعاء تبداو بالنافذة اذا عندك نافذة ابداي رغويها ونقيها جيدا ( فوضي هذه المهمة للزوج او الاخ او الوالد)كمليها وارجعي لصالونك بعدما غسلتو كلش ونقيتوه  في الأجزاء السابقة🪣🚿 ونشرتو للشمس وللهواء ليوم يكون نشف كلش بإذن الله ، تديرو مسحة للبلافون بمكنسة ونشاف تجوزو جيدا وتديرو رغيوة للأرضية بلبالي مليح وترجعو كل الامور لي نشفت لمكانها جيدا تعطرو بمعطر أقمشة الستائر وكل الأمور القماشية وتفرشو زربية جديدة لقديمة نفضيها مليح من الغبرة وديريها للغسيل ويتغلق صالونكم النظيف  🗝🔑🚪^^ 🔴اذا عندك بالكون ابداي بيه فرغيه من لخردة والامور الغير مستعملة  اتخلصي منها فرغيه سيقيه جيدا وادخلي للصالون كمليلو وش قتلك لفوق وبهذا نكون كملتلكم تجدي الصالون قسمتهولكم لثلاث ايام باش ماتتعبوش. #يُتبع.... #بيتُكِ_مملكَتُكِ_مع_أم_البنين التلغرام: https://t.me/Baytouki16 الفايسبوك: https://www.facebook.com/share/1Ub6ii4iUM/

السلام عليكم ملكات 👑 يُسعدني أن أعلن لكنّ أن الدفعة الثامنة عشر ستكون يوم 30 أوت بإذن الله 🎉 وستكون هذه الدفعة آخر دفعة صيفية قبل الدخول المدرسي إن شاء الله ولأنها الدفعة الأخيرة لهذا الصيف، قررت أن تكون مختلفة ومميزة وضعت لها تخفيض بنسبة 20% 🎉 🌷 هذه فرصتك اجعلي ما تبقّى من هذا الصيف استثمارًا في نفسكِ وبيتك 🎁 تخفيض 20% ⏳ المقاعد محدودة والتسجيلات مفتوحة✅ تفاصيل الدورة على هذا الرابط⏬ https://t.me/Baytouki16/527 شهادات الدفعات السابقة⏬ https://t.me/Baytouki16/61?single 📩 للحجز والاستفسار، تواصلي معنا عبر الخاص⏬ @oum_elbanin