­­­­­­­­­­­­­­­­­­­­­­­­

أحتاج غيم وخلوة شعور و وجيه ‏مع قلب تبهرني براءة وضوحه ‏مليت اتوّه قلبي العذب واتيه ‏وأكسر بخوفي وانكساري طموحه ‏كل ما احس الوقت جرحي يباريه ‏رش الوله بالدمع فوقه ملوحه ‏أنا بقايا خاطرٍ مات باقيه ‏من كثر ماجامل على حساب روحه ‏ ‏كريم قلبي كن حاتم بناخيه ‏شريان نبضه لجل ضيفه يفوحه ‏ ‏دايم ترى اللي ثقل حزنه يبكيه ‏تضحّك السالين خفة مزوحه ‏ضحكي مابين الناس واجد مواريه ‏وفوق المخده يرسم الدمع لوحه ‏لو ماتت الهقوة بموت المشاريه ‏ما ظنتي يشكي بنادم جروحه ‏ولو ما تبين ضعف صدري حكاويه ‏لابوح كل اللي تمنيت ابوحه .

حياتي بعد فرقاه صارت بدون أهداف هذي جرتي تسبق دموعي على قبّره

ماشكينا لاخلاف ولا مذله ترسل رصاصه ونرسلك قذيفه إنطلق ياسرب تحت رعاية الله خل ضرباتك على راس الهديفه شب لين تشيل رأسه من محله اشعل البارود لين يروح جيفه    الجبل لازم على رأسه نهله خلها مثل اللهب قاع وحتيفه أمنين وفي ديارنا نحمد اللّٰه ماتزعزعنا هل الاريا الضعيفه السعودي ما يخاف الا من اللّٰه والسعودية مناسبها عفيفه

‏عن مناكيف الهموم و مراويح الصبر ‏كل يوم اودّع الهم و اجلس و احتريه ‏اثرّ لي نفسٍ جموحه و لي صدرٍ ضجر ‏وجد حالي وجد من صكت الدنيا عليه ‏اتوزع بين الافكار و يجـفّ الحبر ‏صرت مثل المال لامن تولاه السفيه ‏لا عرفت ارضى بـ واقع ولا ازعل من قدر ‏مشكله لا صدت النفس عن ما تشتهيه .

‏يارب وأنت اللي تقول لكل شيّ كن فيكون ‏قلّ للتراب اللي احتضنهم لايوجّعهم حصاه .

فاقده فقد الأراضي للسّحاب الّلي مصبّه ‏يحيي الجرد القواحل لين ما تجري المساقي ‏أدري إن الميّت المؤمن منعّم عند ربّه ‏وأدري إن ما باقي غير الله المعبود باقي ‏بس أنا من الفقد مثل الّلي غدا في وسط غبّه ‏إنطفى نجم ونزف جرحٍ عطيب وجف ساقي ‏أذكره وأشتاق وأبكي وأحتضن قبره وأحبّه ‏والله إن ما أعظم منه ياكود فقده وإشتياقي

كلن يشوف انه سليم الاعتقاد وان الله الهادي وهو المهتدي  البخل في عين البخيلين اقتصاد والضعف حكمة في عيون الاجودي  واسهل عمل للفاشلين الانتقاد كلن يسب اهل الردى حتى الردي  حتى الجبان يصير طارق بن زياد اذا جلس على البساط الاحمدي

تهب ريح " الشمال " وتطرق أبوابي ‏وأفتح لها القلب .. قبل أفتح لها شرفة ‏ويطيح عذب المطر .. ويبلّل ثيابي ‏ويمرّ كل البيوت .. وغرفةٍ .. غرفة ‏يسأل عن اللي غلاه أغلى من أحبابي ‏علّ المقادير تجمعني معه صدفة» ‏

—عبدالله السرحاني

رعى الله كل يومٍ مرّنا ما قبل ذاك الحين على ذمّة صفى الأيام والأحلام وردية يوم إنك تستحي لا تذكر إن عمرك وصل عشرين وأنا ما طاب لي إلاّ ما ورى العشرين بشوية ياحلو أحلامنا ومراهقتنا والبلا بعدين كشفنا ضحكة أول حلمنا ودموع تاليّه

"علّموا زاهي القلايد والغوايش ‏كلمةٍ ماقلتها بالخش والدّس ‏اضحكي ترضى على الصبح الدرايش ‏وينضج التفّاح والورد يتكدّس ‏جعل تفداك العيون اللّي ترايش ‏ياعيون اللّي نبرقعها على الدّس ‏مات كلّ اللي بصدري كان عايش ‏وعاد صوتك باقي ووجهك مقدّس".

كيف امسي الليل ؟ وعيونك معازيبي ‏والليل منثور بين الجيد والغرّه ‏يمسّكني الحسن هذا من تلابيبي ‏يا غرّة من شعاع الشمس ،، مسمّره ‏ خلك معي يا سبب وجدي وتغريبي ‏الشوق قتّال وايام الهجر مّره ‏ جيتك مُبعثر وابيك تعيد ترتيبي ‏ودي احس بدفاء ضمّتْك لو مرّه مشكلتك ! تحبّني وتحّب تعذيبي ‏في كل قفر بحنايا الصدر لك جرّه ‏لو ما شعر قلبك !! بلهفة مكاتيبي ‏ليه اشقي القلب في نجواك واضرّه ؟ ‏في روحي امطرت يا قبلة تراحيبي ‏كل الغصون اليباس اليوم مخضّره ‏موتّني هيام خل الناس تدريبي ‏واحذر تغيب وتموّتني من الحرّه

عرفت ان اللقا أرض ومدارات الفراق افلاك تدور ايامنا حول التجارب ، والقدر .. أجدا وعرفت ان الزهر مغري ولكن به كثير اشواك يبي له من يعرف انه مع اوقات الفجر يندى وعرفت ان العمر مهما يطوّل ما ينول رضاك عجول الوقت لا انهى رحلة سنينه قبل تبدا وعرفت ان دمعة الغيمه تصب الروح في دنياك كذا طبع العتب صاخب واذا ملّ الصخب يهدا وعرفت انّ الطموح دروع لا صار المدى فتّاك اذا استسلمت لـ العثره ترا المقبل عليك اردا وبعد عثرات ودروس وسنين و تجربه وادراك عرفت ان اكبر كنوز الحياة الفانيه مبدا

‏يا جميله شرعي باب الغرام وشوفي اللي ‏خانه التعبير معك وعيت الدمعة تخونه ‏لو اروح بعيد وين اروح ؟ ولا كيف اخلي ؟ ‏وجهك اللي من حلاته مت فيه ومت دونه ‏ذي محاجر عينك اللي لا تصوم ولا تصلي ‏يا كثر ماكنت احن الها وهي ماهي حنونة ‏حاذفً عمري عليك وتارك العالم يولي ‏الشجاع اخر من تشوف الضعافة في عيونه ‏منعمي قلبي معاك ويوم اجيلك جيت كلي ‏ماعلى قلبي ملام ولا على قلبي مهونة ‏تعبر طيوفك واغني بعد غيبه شفت خلي ‏ليت خلي ما يخليني على وجهي بدونه ‏ماخذه كل الجمال العالمي قبل المحلي ‏والمكان اللي تجينه كل خلق الله يجونه ‏دثريني من غلاك وسكري باب التغلي ‏واسمحي لي كان بادلت النعومة بالخشونة ‏في هواك اعذر من طبق سياسة ميكافلي ‏واشترا اللي ما يبون شرايته ولا يبونه ‏يا رفيقة دربي ف حالي وترحالي وحلي ‏قلبي اخر قلب يكسر قلبك الغض ويخونه