­­­­­­­­­­­­­­­­­­­­­­­­

مثل لحظة عفو وركضة مساجّين . ‏- تخيلو إحساس الشطر .

لانيب لا شاعر ولانيب خطّاط ‏ولانيب لا قيس ولا عنتر زمانه ‏انا عبدٍ عليه الأحزان تحتاط ‏صغيراً توه في زهرة عنفوانه .

أحياناً أكره أني بهذا القدر من الضمير الحي والأصالة فيما يخص العلاقات ، ودي أتردّى وأتعامل بالمثل ، ودي الجرح بالجرح والخطية بالخطيّة والأذى بمثله ، لكن يحصل شيّ يشبه : " إن جيت أرد الطعن قفّيت هارب " الجرح فيهم لكن الدم منّي .

من كثر ما يرحمه قلبي ويدعي له أقول منهو بصدري - جاب قلب أمّه ؟

‏نوبٍ أحبه غلا . . ونوبٍ حميّا

متى تصحي الدنيا متى يا زمان تفوق متى ترخي الغيمة هدبها على أكتافي؟ متى تكسر الخطوة مداها وأهد الطوق وأسوق الدروب لفجرها والقدم وافي أنا يا اللّيالي ما لبست النهار شقوق لو إن الرجاء جذعٍ على جال ميهافي أنا اللي رعى قيظ المسافة وفا وعقوق حضنت السّحابة والعطش بلل أطرافي

‏على كثر الأماني اللي سكنت صدري ورست فيها وراحت إلا إن " ودي أضحك ضحكة إللي حقّقت الأيام حلمه ، وودي اذرف دمعة التايب على العمر المولي .

ياقاضيَ الحاجات جئتُك راجيًا كم حاجةٍ أطوي عليها أضلعي أنتَ العليمُ بما طويتُ .. وكلما ناءت بهِ شفتاي .. نابت أدمعي جُدْ بالرضا فرضاكَ أعظم حاجةٍ هو منتهى أملي وغـايةُ مطمعي

‏حتى ولو توارت علي الأيام يومٍ ورا يوم ، وخذتني الدنيا في مناكبها ، والله ما غابت صوركم عن ناظر العين جعل الجنّة مرتعٍ لكم وموطان .

"إن ضويت الله يحييك يابرقٍ ضويت وإن سريت فـ عز واليك يابرقٍ سرى"

‏يارب ارزقنا ‏الفرحة اللي يوم تغشانا ‏نحتاج فترة طويلة لين نصدّقها

“ أنا يا رب خايف و أنت وحدك ناصر الخواف قبل ما تمسح دموع المخافه راحة كفوفه وقفت و لا معي إلا دعاي و دمعي الشفاف عسى تغفر ذنوبٍ ، دونها اليدين مكتوفه “

دثّريني ضايقٍ صدري وفي نفسي حسافه ‏وزمليني لو مانيب محمد وما انتي خديجه ‏اغفري لي زلةٍ زلّيتها وقت انحرافه ‏مثل مايغفر نهار الحج من يكرم حجيجه ‏وقولي لبحر الخليج اللي بكينا في ضفافه ‏يتحملنا ويدفن سالفتنا في خليجه ‏إستحيت من التردد وانكسرت من المسافه ‏كل يوم اروح واعوّد ولا احصل نتيجه

"لا تطيح بعين من شافك السد المنيع لو تكمل باقي الدرب تمشي وتعرج"

"والله اني ما التفت في ضيق بالي لا ذكرت انك على وجه البسيطة" بس اليوم التفت والتفت واجد لانك تحت الارض ما انت بفوقها وكني به يقول: "ان ما وصلتك لا تنشّد لا صدوق ولا صديق أسبل دموعك وادري ان الارض ماني فوقها"

‏محتاج دربٍ يأول شفّي وْمسعاي ‏وشعرٍ يواسي شعور الصمت والغربه ‏محتاج نورٍ يبشرني على رجواي ‏واعَرْف هذا السديم إن طال يا قربه ‏محتاج -فجر وسكينة- لين اعسّ اقصاي ‏محتاج شيٍء يرجّع روحي الطربه

يا أغلى متاع النفس من كل الحياة الزايله يا الجانب المشرق، ويا ملح الحياة وضيّها

ياوجه أمي إذا ضاعت دروبي عن دروبي وين ‏احصل وجهةٍ فيها الخضار من الحيا نامي ‏أنا وإن كنت أشوفك شكر؛ كيف استقبلك بـ أمين ‏وأقولك آيّةٍ تجلا ظنون البال واوهامي ‏لمحتك كنّك الحق المبين وكنت أنا التخمين ‏وكتبتك حلمٍ أكبر من قصيدي واعظم احلامي