لنا في الاصحاب حياة 🎀.
رفتن به کانال در Telegram
ما أحلاهم شالو معاي الهم بالجملة.. تاريخ انشاء القناة 2022 للتواصل او التعليق @Mrs_M12
نمایش بیشتر250
مشترکین
+124 ساعت
+47 روز
+330 روز
آرشیو پست ها
الحمد لله على التربية الصالحة، والأصل الطيب، والنفس السوية، وراحة الضمير، وعزة النفس، والرضا.. الحمد لله على حسن السمعة، وحسن الأهل، وستر الله 🤎
خدعوك فقالوا "فراغ عاطفي"
ليبرِّرُوا العلاقات غير الشرعية ،
بل هو "فراغ إيماني"..
فمن ذاق حب الله ارتوى.
من عقوبات المعصيه انو يُسلب
منك التوفيق، تسهر بدون فائده ، تنوم على إثم ، تصحى بعد طلوع الفجر، وبعد دا تستقبل يوم كئيب مليئ بالمشاكل هى كالأغلال على الاعناق ف احذر ..
اهتموا بــ التفاعل لــو سمحتوا نٱ م هــســتفـٱډ حاجه لم تُـتــفـٱعــلـوٱ غير ان شكل الـبـوسـت بيكون الـطـف م ٱكُـتـر ياريت تهتموا بــ التفاعل ي سُـكٱكر❤️❤️❤️❤️❤️❤️❤️❤️❤️❤️❤️❤️>.
التحيه لأي زول لقانا مابننفع معاهو وفصلها مننا بدون درامات وقوالات وكلام كتير .
الناس بقو مُرعبين شديد وبيتباهوا بحاجات غريبة!
في البتتباهى بالفشل الدراسي، والبيتباهى بقِلة ذوقُو، والبيتباهى بعدم تقديرو للناس، والبيتباهى بإنه مقضيها بنات طول اليوم، والبتتباهى بمُعاكسة الرجال ليها، والبيتباهى إنه عايش حياتو بلا هدف!
يا جماعة إنتوا مُدركين بتتباهوا بشنو ؟!
ما تزورو الناس فجأة .. ودا ما ليهو علاقة بالرزق أو الأكل والشراب والكرم .
الإستعداد النفسي والأسري للزيارة مهم شديد، ما ينفع تجي داخل فجأة والأم محننة في الصاله أو عندها ضيوف أو عندهم إمتحانات والشفع مضغوطين والبيت مبشتن أو عندهم زول مريض ومشغولين معاهو .
ما تستدعوا لي مسألة الرزق والكرم في أبجديات الذوق والتعامل الإنساني .. لو ماشي لزول استأذن و إتصل وخليه يرتب نفسه ، البيوت مأوى ومسكن لساكنيها .. وعندها حرمة وظروف.
ما تحرجوا الناس وتتنشنوا بيهم بالزيارات المُفاجئة، و أدوهم فرصة يحسنوا إستقبالكم وضيافتكم ويلبسوا ليكم كويس ويرتبوا ليكم بيوتهم ويكرموكم بدل تحسسوهم بالحرج ويقعدوا يتجاروا ويتبهدلوا في كباية عصير واحدة .. المكالمة والاستئذان خطوة بسيطة وغير مُكلفة بالنسبة ليك مقارنة بالتنشن دا .. الناس تراعي لبعضها وتيسّر .
ودا من سماحة الدين الإسلامي ♥️
شغلك اجتهادك اصرارك سعيك
دي هي الحاجات ال ح توصلك لي حلمك
و كل ما اشتغلت علي الحاجات دي اكتر كل ما كان جودة الوصول و الوصول زاتوا أسرع بأذن الله تعالى.
مبدائيا انت محتاج تعرف نفسك قبل اي حاجة عود نفسك انك م تنقص من قيمتها قصاد اي حاجة تانية عشان بالطريقة دي تكون قادر كيف تنجز بدون م تركز مع كلام الناس المابينتهي دا وركز ع م بينتهي دي كويس ..!!
" المقارنة هي أول أسباب التعاسة، أنت مميز بإنجازاتك الصغيرة ، أنت مميز بلا إنجازات حتى .."
من أشد العقوبات التي يعاقب الله بها الإنسان هي الغفلة، أن يتركه فلا تشغله صلاة ولا يجول في خاطره حلال أو حرام.. فيظن أن الأمر هزل لا جد فيه.. وأن آيات وأحاديث الوعيد غير موجهة له، ولا تلومه نفسه على ذنب يصر عليه، فهو يرى أنه في مأمن.. وهو على شفا حفرة من عذاب الله.
الانسان اللي ما عندو مرجعيه دينيه ما ساهل أبداً يأسس بيت او علاقات سويه نفسيًا..!
