N. Objectif Mention (BAC 2027)

نصاءح بزاف مهمين قالتهم صفاء و أخطاء لازم تتجنبوهم قدر المستطاع بش تضمنوا الامتياز انا عن نفسي كنت حابة في كل شهر نحكيلكم على خطء معين يعني خطو بخطوة خاصة في الأشهر الأخيرة لاكن فضلت نهدر عليهم ضربة وحدة أولا و كل مرة نعاود نذكركم بيهم هك بش تكون بداية ممتازة اذا امبعد تلقاو رسالة صوتية نحكيلكم فيها على الغلطات ❤️‍🔥

الغلطات لي درتهم في عامي تاع الباك ✨ قبل مانبدا حانقولكم قراوه كومبلي ني هادرة بالدراجة مشي بالالمانية ولا بالفرونسي 🙃🤭 التأجيل 🙌🏻 كنت نأجل بزاف فالحفيظة حتى لي لحقت للسمانة التالية وانا ما حافظة ولا مصطلح ولا تاريخ ولا شيء اپار شوية فهامة لي نافيڨيتها من اليوتوب الشي لي خلاني ندي 12 فقط التهاون 🤌 وهنا نقصد التهاون في صحتك كي تكون حاجة ضاراتك داويها ممتهاونش بيها لانو مالقري متكونش توجعك بزاف مي كي يلحق وقت الصح وتستريسا ذاك الستراس راح ينوضلك ذاك الضر ويفشلك وهاد الشي بزاف صعيب وخاصة لي عنده ضرسة 🤏🏻 تساطرله مين ذاك غي نحيها من ضرك سينو دير فيك لعجب كيما صرالي انا 🥹🥺 الناس السلبية 😕 لي تلقاه داخلها غي لعب في لعب ميجبدلكش على قراية خلاص منيش نقولكم بعدوا عليهم كاع مي اجبد بيسك كي تولي تهدر معاهم تلقى روحك داخل في اكتئاب دوروا مع ناس ايجابيين كما راكم تزعقوا كيما راكم تقراو وهي رايحة 💞 اقرا فالسكات ✌🏻 متقعدش تهدر وتقول ني نقرا وني نحل تمارين وني ندير وووو فول غي للناس لي تتمنالك الخير 🥺 اما لي يقراو معاكم فالكلاصة مكانش لي غادي يعطيك الصح الا من رحم ربي 🌹 هكا احسن لي نوي بلونش 💔 سيو تبعدوا لماكسيمو عليهم بيسك الا فات فيك والفتهم حا يولولك ادماااان من الاحسن ترقد بكري وتنوض بكري تصلي الفجر وتبدا تقرا ومن الاحسن ثان تخلوا فترات راحة مشي ملي تنوضوا ونتوما قراية قراية قراية نوووووو 🙃 منبعد تقولوا كرهنا وصايي فشلنا ومنا ومنا 🤌 التيليفوووووووون ✌🏻 في عام تاع الباك غي شوف كيفاه تدير وتبعده عليك بيسك هو لي راح ياثر عليك امالا نتوما اثروا عليه خلوه غي للقراية وكي تكملوا بيه بعدوه عليكم كاع قيسوه ولا خليه في شمبرة خلاف على لي تقرا فيها 💙 وخطوكم من الڨسرة فليقروب تاع القراية هادوك ثان حايضيعوك تقول ندخل دقيقة تلقى روحك ساكن تم 🙃 كاش ما نزيد نتفكر ني نزيدلكم 🤭 راني مكثرة الغلطاااات ✨💔💔 ♡ㅤㅤ ❍ㅤ     ⎙ㅤㅤ   ⌲ ˡᶦᵏᵉ ᶜᵒᵐᵐᵉⁿᵗ ˢᵃᵛᵉ ˢʰᵃʳᵉ https://t.me/safaasafoa

سلام لبنات قاة بعتوهالي نشاركها معاكمدير محتوى ديني ❤️‍🔥https://youtube.com/@hadjoura_space?si=5IE0LSOMVEk6CTRw

حابة نقولكم حاجة من قلبي جميل 😭 شوفو دايمن احمدو ربي على كل حاجة عندكم صغيرة ولا كبيرة وما تشوفوش غيركم واش عندو وتبداو تقارنو رواحكم بيهم وتقولو «علاه حنا ما عندناش؟ علاه هما يخرجو ويدخلو وحنا لالا ؟علاه حياتهم هاك وحياتنا لالا؟ كل واحد وربي واش مكتبلو في حياتو وكل واحد عندو وقتو ونصيبو ورزقو الحاجة لي تشوفوها عند غيركم اليوم ما علبلكمش شحال تعب عليها وما تعرفوش واش مخبيلكم ربي في المستقبل ❤️ ومتتكبروش على نعمت ربي خاطر النعمة ماشي غير في دراهم وخرجات ولحوايج لي تبان لناس كاين نعمة كبيرة بزاف مانعيشوهاش كل يوم ومنتبهولهاش صحة راحة والأمان… الحمد لله على كل حاجة 🤍 وزيد كي تشوفو وحدة من صحابتكم نجحت ولا تحسنت أحوالها مور ما كانت ما عندهاش افرحولها من قلبكم ما تقولوش علاه هي وأنا لالا؟ قولو ربي يزيدها ويعطيها ما كثر وإن شاء الله ربي يرزقني أنا تاني ❤️ نجاح غيركم ما ينقصش منكم ورزق غيركم ما يعنيش بلي رزقكم نقص كل واحد عندو طريقو ووقتو تمنّاو الخير للناس وكونو فرحانين لفرحتهم وعاونو بعضاكم بدل ما تقارنو رواحكم ببعضاكم بسكو الإنسان لي يفرح لغيرو ربي يفرحو قلبو هو تاني😻 ودايمن حاولو طورو من رواحكم مشي باش تولّو كيما غيركم باش كل عام تلقاو رواحكم نسخة أحسن من عام لي فات ❤️ كونو ممتنين كونو طيبين افرحو لغيركم وتمنّاو الخير لناس وخلو ثقتكم بربي كبيرة وديرو كونفيوص في روحتيكم خاطر كل واحد فينا عندو قصة ورزق ووقت مكتوب عند ربي 🤍

🚨سلام لبنات هدي مشي هدرتي هذا كلام تلميذ اسمو خالد مد نصاءح كفاش انتقل من علامة 11الى قريب18في باك التاني او نفس النصاءح لي مديتهلكم الصيف مش باش تحفظ فيه الدروس وتكسر رأسك قبل ما تبدأ السنة! 🛑 أكبر غلطة يديروها طلاب الباك هي أنهم يبدأو يقراو برنامج العام الجديد في الصيف بلهفة، وفي نصف السنة تكمل طاقتهم ويكرهوا القراية قبل الأوقات الحاسمة. باش تبدأ صح وتدير أساس متين، وكمتحصل على معدل 17.50 ركزت على هادي ال 3 نقاط في فصل الصيف: 1️⃣ عالج الأساسيات فقط: ممنوع منعاً باتاً تحفظ الدروس، ولا تحل تمارين وتشوف مواضيع البكالوريا السابقة ❌. في الفترة هادي دوّن نقائصك في دفتر وركز غير على نقاط ضعفك في اللغات والرياضيات لي تحتاجهم طول السنة باه تنقص عليك ضغط المواد خاصة اللغات مش رح تلقالهم وقت كبير في منتصف السنة. خصص ساعة أو ساعتين في اليوم فقط في التوقيت لي يناسبك. 2️⃣ سقّم نومك ورتم قرايتك: النقطة لي أغلبيّة الناس مش رح ينبهوك ليها هي النوم؛ بالنسبة ليّا النوم كان عامل حاسم في تقدمي لأنه يضبط الهرمونات ويعطيك طاقة مستدامة وتركيز طوال اليوم. كي تفيق الصباح بكري في الهدوء وتبدأ نهارك بإنتاجية، رح تعدّي نهار كامل بتركيز عالي ودون تشتت (نهار واحد تقراه بتركيز = 10 أيام تقراهم بتشتت). 3️⃣ ارتاح بلا تأنيب ضمير: الصيف للراحة، ارتاح واستمتع (رياضة، تحواس، أكل صحي...) باش تدخل للعام الجديد بطاقة كاملة. ما تحقرش الراحة لأنها عامل أساسي في النجاح، ورح نحكي في الفيديوهات الجاية بالتفصيل على التحكم في الضغط والتخلص من الأفكار السلبية طوال السنة الدراسية.

تذكرو توكلو على الله و الله لن يضيع تعبكم انشاء الله فالله يريد لكم الخير في الوقت المناسب 🥺🤲🏻🌸

راني فتحت تعليقات مباشرة DIRECT نشوفهم غير انا و باذن الله نجاوبكم بكل مصداقية ما تتردوش تطرحو اسءلتكم ❤

اذا عندكم اسءلة نجاوبكم عليها ديرو ❤نفتحلكم التعليقات

تلقاو المكتسبات القبلية مثبت في الأعلى📌 و انشاء الله تستفادو و الى الملتقى مع مواضيع جديدة ❤️‍🔥😘Nouha | N • Objectif Mention