N. Objectif Mention (BAC 2027)

اذا ها هو برنامج الاحرار لي هدرتلكم عليه لي ما قدرش يشوفو طبعا غدا انشاء الله نبعتلكم باقي الأشهر حتى جوان و انتم بدلوه على حساب الشعبة ديالكم متال هذا علوم تجريبة او يديرو بيه رياضيان و لاكن متال اللغات المواد الأساسية ديالكم مشي هادي نتوم بدلو على حساب موادكم الأساسية هادي المرحلة الأولى لي يكون فيها غير المواد الأساسية او انغليزية في الاخر طبعا النضاميين ما يقدروش يتقيدو بيه لانو يقراو في الليسي او كاين وحدات ما زال ما راكمش حتلحقوهم متال علوم تكونوا مازااال وا لحقتو وحدة رابعة لا في ليسي و لا في ليكور طبعا خودو نضرة على هد البرنامج في الأساس تاعو او يعني تقدرو تبعو البرنامج في الأشهر القادمة لانو نعرف انو كاين ملفصل التاني ما يولوش بروحو تسمي ؤقدرو يتبعو برنامج الاحرار من جانفي حتى جوان

https://drive.google.com/file/d/1l1qD2XqvscHSCDYsp7idO3Ne3DHsij5T/view?usp=drive_link مكتسبات فيزياء

# 🌿 وش لازم تحضرو من ضرك قبل ما نبداو العام؟ قبل ما نبداو البرنامج والجدية تاع القراية، كاين شوية حوايج أنصحكم تحضروهم من ضرك، باش كي يبدا العام تكونو واجدين وما تتخلطوش. 📚 أول حاجة: حضرو المصادر تاعكم. شوفو الكتب الخارجية لي راح تحتاجوها، خاصة كتب التمارين والتطبيقات، بصح ما تشروش كل كتاب تلقاوه قدامكم. اختارو مصادر مليحة ومناسبة لمستواكم، وما يكونش عندكم عشر كتب في نفس المادة وأنتم ما راكمش راح تكملو حتى واحد فيهم راني حاتتلكم متبت الكتب تاع النوابغ و أساتذة تاع كفاءة ممتازة لا قدرتو تشروهم و اذا لا راني لقيتهملكم PDFراني تبتتوا 👨‍🏫 ثاني حاجة: على الأساتذة لي تفهمو معاهم. ماشي لازم الأستاذ لي يفهم عليه صاحبك يفهم عليه نتا ثاني. شوفو الأستاذ لي طريقته تناسبكم، سواء في YouTube، Telegram، منصة، ولا حتى دروس خصوصية إذا كنتو محتاجين. ومن ضرك تقدروا تشوفو بعض الحصص وتعرفو: *هل نفهم معاه؟ هل طريقته تناسبني؟ هل يشرح مليح؟* باش كي يبدا العام ما تبقاوش كل مرة تبدلو الأستاذ وتضيعو الوقت. 💻 وكاين ثاني لي حابين يديرو دروس أونلاين ولا عبر Zoom، يقدرو من ضرك يشوفو المنصات والأساتذة ويختارو واش يناسبهم. راني حاطة كل شي في ما يخث الزوم و الأساتذة أيضا او حذاري لازم الان تلقاو أستاذ يناسبكم لانو من بعد تقعدو غير ضيعو في وقتكم و مستقبلكم و الباك⚠️ 📝 ثالث حاجة: حضرو الكراسات. تقدرو تشرو كراسات ، المهم يكون عندكم بلاصة منظمة تكتبو فيها المعلومات، الملاحظات، والبرامج. متال بلانر وتقدرو تحضرو ثاني feuilles blanches باش تكتبو فيهم البرامج وتعلقوهم فوق المكتب ولا في بلاصة تشوفوها كل يوم. 🖥️ رابع حاجة: حضرو بلاصة القراية. إذا تقدروا تديروها في الغرفة، حضرو مكتب، كرسي مريح، وإضاءة مليحة، وحاولو تخلو البلاصة مرتبة. وإذا ما عندكمش مكتب، ماشي مشكل، يكفي تلقاو بلاصة مريحة، حتى فوتاي مليح، وتخصصوها للقراية. وتقدرو تديرو شوية ديكور بسيط ولا posters فوق المكتب باش تخليو البلاصة مفرحة وتعطيكم شوية motivation كي تقعدو تقراو. 🤍 🤲🏻 خامس حاجة: ما تنساوش الجانب الروحي. ديرو حتى coin صغير للصلاة وقراءة القرآن، خاطر القراية ماشي كلش. وخاصة كي تبداو تحسو بالضغط والتعب، لازم تعرفو كيفاش ترجعو لربي وتاخدو وقت ترتاحو فيهلانو امر مهم هد العلام حيكون فترات ضغط بزاف لازم تفرغو ربي كلش تحسو بواحد الراحة و الطمءنينة او كيما نقوللكم اكترو الدعاء الخاصة بيكم النابع من القلب ، خاطر كاين أوقات راح تحسو بالضغط والملل، ومن المهم تلقاو حاجة تخرجو بيها شوية من جو القرايةمتال الرياضة مارسوا كاش هواية الطبخ او رسم او شي و انا ننصح الرياضة خاصة للاحرار لي يقعدو في الدار عادي قادر ديرو في الدار تبع كوتش يوتوب اذا ما تقدرش تروح الصالة 📖 ومن بعد نجيبو للمكتسبات القبلية. ماشي لازم من ضرك تراجعو كل المواد وكل البرنامج. مثلاً لي راهم علميين، يقدرو يراجعو غير الأساسيات في الرياضيات، العلوم والفيزياء، خاصة الحوايج لي يعرفو بلي ناقصين فيهم. وأنا ديجا حطيتلكم في القناة بعض الحوايج لي تقدروا تراجعوها. أما المترشحين الأحرار، ماشي لازم تراجعو كلش من جديد، خاصة إذا كنتو دوزتو الباك من قبل. شوفو غير واش ناقصكم وواش لازم تصلحوه قبل البداية. 🗓️ وبعدها كي يدخل سبتمبر، ما تستعجلوش مباشرة في البرنامج. خاصة المترشحين الأحرار، أنا ننصحكم تستغلو سبتمبر باش ترتبو رواحكم، تشوفو المصادر، تراجعو المكتسبات القبلية، وتدخلو في الجو شوية بشوية. وبالنسبة لتلاميذ الثانوي، مع بداية العام راكم راح تمشيو مع الليسي عادي، ومن بعد نبدأو ننظمو الخدمة أكثر. لانو علابالي كاين في دروس الدعم حيبداو في الوحدات الأولى في سبتمبر فقط نزيد نكرر ما تتحمسوش من الأول او تفرغ طاقتكم لانو حتفشلو في اهم الأشهر الا وهم الأشهر الأخير الأشهر اللي ناس كمبلي ما تقراش تغلق على روحها شهرين او تلاتة يلحقو يجيبوا 16 ولاكن بانضباط تسمى لا فشلت في هد الأشهر نتوا تعرفوا وش قادر يصرا⚠️ أما البداية الجدية والمنظمة للمترشحين الأحرار، أنا نفضل تكون من أكتوبر، باش ما تحرقوش طاقتكم من سبتمبر. أنا سبق وبعثتلكم واحد البرنامج في Instagram كانت عطاتو تلميذة على ما نظن، وما نعرفش بالضبط شكون لي دارته، والبرنامج مليح، بصح هي كانت بادية من سبتمبر. وأنا قلتلكم من قبل: ماشي لازم تتبعوه حرفيًا. كل واحد عندو ظروفو ووقتو ومستواه. كل حاجة عندها وقتها، وإن شاء الله من بعد نهدرولكم بالتفصيل على البرامج، المواد، كيفاش تنظموا العام، وكيفاش نخدمو خطوة بخطوة. 🤍🌿 يعني كي نبداو مليح مع الجلسات او نقراو كيف كيف او نكرر كاش سؤال ولا استفسار بعتولي في الرساءل المباشرة راني نجاوب و شكرا ربي يوفقكم و انشاء الله باك بامتياز❤️‍🔥

مصطلحات الإنجليزية الوحدة الاولى: 𝑬𝒕𝒉𝒊𝒄𝒔 𝒊𝒏 𝑩𝒖𝒔𝒊𝒏𝒆𝒔𝒔 #انجليزية @zaimdz https://t.me/bac_with_sa

رابط فيديو البذرة https://youtu.be/d0Nm5W_bzTg?si=f3LT3nUY_mvON2tZ

-اللهم لا ترد لي دعوة تمناها قلبي.

منهجية تاع أستاذ نور الدين هايلة او مفصلة لاكن ننصحكم تاني بمنهجية كتفي شريف في يوتوب الفيديو فيه تقريبا ساعة فقط مشي حاجة اكتبو في يوتوب منهجية علوم كتفي شريف او شوفو لي فيها قريب ساعة هاديك هي نعاود او نكرر المنهجية هي الصح في العلوم مكاش منهجية راحت العلوم او راح الباك للعلميين بدون منازع حداري دفعة 2027 🛑⚠️

https://www.instagram.com/p/DcT-YaiF48n/?utm_source=ig_web_copy_link&igsi=NTc4MTIwNjQ2YQ== عجبني بزاف هاد البرنامج للاحرار بزاف مليح كون تتقيدو فيه انا شخصيانشوف فيه بعض النقاءص و الأشياء لي ربما انا ما نشوفهمش هك او ما نقترحهمش هك و لاكن يقعد مليح في الأساس( كتبتلكم كل شهر وش لازم ديرو من سبتمبر لجوان )❤️‍🔥

سقستني زميلتكم على كتاب الجوهرة تاع الأستاذة خيرة فليتي PDF انا ما لقيتوش كامل يعني أجزاء على حساب كل وحدة و لاكن لقيت هذه المكتبة لي جمعتهم كامل على ما اضن لاكن اذا أي واحد فيكم عندو كتابها كامل PDF يبعتلي في الرساءل المباشرة تفيدو زميلتكم و شكرا ❤️‍🔥

سلام عليكم ❤️‍🔥 كيما راكم ملاحظين، المشتركين في القناة راهم يزيدو كل يوم، وهاد الشي فرحني بزاف، وإن شاء الله نبقاو نزيدو ونكبرو مع بعض. ولهاذا راني نعاود نبعت منسور تع الشعبة و انشاء الله تجاوبوا بش نشوف معامن حنخدم خلال هاد الفترة ما راحش نكون موجودة بزاف، لضروف عاءلية ومن بعد كي نرجع إن شاء الله نكملو عادي ونزيدو في المحتوى لي راح نشاركه معاكم. 🤍