بْرمش

وشبھت ھما کس اِنت کہ چہ اِے دوئیں چیزاں گوں یکے ءَ دزرسی ھست ئِے. یا کہ شریں کتاب یا کہ سنگت کتاب وانوکے بہ بیت۔ ✍۔ویکتور ھوگو #رجانک https://t.me/Balochistan_qandeel

آجوئی ءِ پوشاک ءَ آجوئی ءِ جنگ کنوکیں مردمانی سر ءَ ایراد گرگ یک کوھنیں پندلے، من چہ بلوچ راج، ھاس ھما ورنایاں گوں دزبندی کناں کہ اے گپ ءَ بہ زان اِت ءُ وتی توان ءَ زانتکاریں رنگے ءَ برجاہ بہ کن اِت، رسانکدر یک زوراکیں وسیلھے، دژمن ءِ دروگ ءِ دیم ءَ دارگ ءُ وتی پیگام ءَ دگنیا ءَ سر کنگ ءِ ھاتر ءَ ایشی ءَ کارمرز بہ کن اِت۔ ✍۔ڈاکٹر اللہ نزر بلوچ https://t.me/Balochistan_qandeel

مردماں ور اَنت مردم مرچاں رستر اَنت مردم ✍۔گنی ابدال https://t.me/Balochistan_qandeel

ھور ءِ چیر ءَ یا نوک ءِ چیر ءَ باں ھر دوئینانی یکیں مانا اِنت۔ https://t.me/Balochistan_qandeel

مئے درستانی گور ءَ یک انچیں کسّھے ھست کہ ما وتی دل ءِ تہ ءَ چہ کپن کنین ءُ کس ءَ نہ گُشیں۔ آ کسہ مئے درد، مئے وشیاں، مئے واباں، ءُ مئے بےسوبانی بھر اَنت۔ بلے ما اے گپ ءَ کس ءَ گوں پدّر نہ کنیں۔ برے برے ترس ءُ بیم کیت کہ کس سرپد نہ بیت ءُ برے برے اے جیڑہ ھست کہ بوت کنت ما پد ءَ چہ ایشی ءَ گوزگ ءَ بہ ایں. اے کسہ مئے ھستی ءِ بھر جوڑ بنت ءُ بے تواری ءَ مارا دروشم دے اَنت ءُ مئے اندر ءَ یک انچیں گھتریں دنیایے جوڑ کن انت کہ ما پہ وت ءَ داریں۔ ✍۔ڈاکٹر لاشاری #رجانک https://t.me/Balochistan_qandeel

اے دنیا تھ ءَ دو وڑیں مردم ھست اِنت چہ ھر دوئیناں دیرے بہ کنت۔ ✍۔آرتور شوپنهاور #رجانک https://t.me/Balochistan_qandeel

دل ءِ واھگ اِنت کہ درئیت شپ دہ ءُ چار ءِ ماہ پدی بہ بیت تو زران ءَ بیا ئے چو مھلب ءَ ھما روچ باریں کدی بہ بیت ماں ھیالاں وھدے تو ایوک بئے چو چراگ ءَ سرشپ ءِ روک بئے دل ءَ بل کہ بیت دل ءِ لیب جاہ دل ءَ بل کہ باز ردی بہ بیت کہ بہ سبز انت ترانگ ءِ روچ پُل، لدیں زرد ءِ باگیچہ ءَ امُل منی چم ءِ میتگ ءُ ملپداں تئی گمانی ھور ذردی بہ بیت وتی زھریانی زھینگ ءَ گوں زھیراں سنگتی لازم اِنت تری من بباں تری تو بہ بئے تری گنجیں چاردہ سدی بہ بیت دلوں زور جنت کہ چو کاسم ءَ من بگنداں اشرپی چانگ ءَ تب اوں میل کنت کہ چو پازل ءَ پہ تماشہ سیل ءُ ندی بہ بیت وتی دوستانی شگان ءُ گم وتی دُژمنانی بد ءُ ستم چشیں کازی یے کہ مبارؔک اِنت پد ءَ مشکل اِنت کہ ودی بہ بیت ✍۔مبارک کازی https://t.me/Balochistan_qandeel

اے درد اِنت کہ ترا بدل کنت۔

🎙۔وهاب آسکانی / سلاچ سمو ✍۔خالق ولی https://t.me/Balochistan_qandeel

جِند ءِ پجّار ءَ نه زان ئے تو اَلم ئے گپ ءَ کن ئے۔ https://t.me/Balochistan_qandeel

مے دود تاک ءُ کُرَان بیگواہ۔

نی شپ ءِ دو انت-میتگ ءِ ڈاکٹر واب بنت ءُ پدا ھور انت- آ گوں دِلگْرانی شت- نُنکّ ءِ چیولگّ ءُ چیہانٹ کم نہ بیت اَنت- ماھکان پدا اتک- اے رندی گْریوان اَت- "ڈاکٹرے نیارئے؟،، آئی ءَ بس ھمنچک گشت ءُ بِڑکگ ءَ لگّ ات- من توکل کت-پَرپٹ زُرت-ھور ءَ ریچان ءَ شتاں- میتگ ءِ اسپتال ءِ دو ڈاکٹر اتنت کہ چمیشاں یکے منی کْوھنیں سنگتے اَت ءُ اسکول ءِ زمانگ ءَ منی ھم سَبَک بیتگ ات-من وَ ھیر دَہ ءَ رند وانگ یلہ دات ءُ پت ءِ دوئیں دُکّاناں یکے زُرت ءُ نشتاں بن بلے آئی ءَ ونت ءُ ڈاکٹر بوت-من آ چہ واب ءَ پاد کت ءُ آؤرت-آئی ءَ دوا ءُ درمان کت-سنگتی ءِ چارگ ئےِ کت ءُ دَسمُزّ ئےِ ھم نہ زُرت ءُ گشت ئےِ کہ باندا سھب ءَ نُنکّ ءَ اسپتال ءَ بیار دانکہ آئی ءِ شَرّی ءَ علاج بہ بیت- ڈاکٹر ءِ رسینگ ءَ پد وھدے اتکاں تہ نُنکّ ءُ مات ھر دو واب اتنت-من شت ءُ دومی کوٹی ءَ وپتاں- سھب ءَ مَھلہ ماھکان ءَ من ءَ پادکت-من ءَ واب سرا ات- تْرند تْرند جست کُت- ھاں! نی چی یے؟ آئی ءَ گْریوان ءَ پسّو دات- ,, نُنکّ مُرتگ!،، " نُنکّ مُرتگ؟،، منی واب ءَ بال کت-من تَتّران ءَ دیم پہ گْوانزگ ءَ شتاں-گوں لرزکیں دستاں گوانزگ ءِ دیمدار لیٹینت ءُ بے ساھیں نُنکّ چارت- گش ئے آئی ءِ بے نوریں دیم گشگ ءَ ات.... ابّا! نی من بہہ نہ گْریوااں.... منی چماّں ارس شیپ گپت انت- ھم شپ ءَ من وابے دیتّ-گنداں کہ نُنکّ زندگ انت- من ءُ ماھکان نُنکّ ءِ دیما اوشتاتگیں-من نُنکّ ءَ گُشاں بیا-آ وتی چُپّیں پاد ءِ چنکی لنکُک ءَ سِندیت ءُ منی نیمگ ءَ چگل دنت... ءُ وت مات ءِ نیمگ ءَ رؤت! من چہ واب ءَ گُڑتاں-اینگو آنگو چارِت- ماھکان نِپادانی سرا نہ اَت... آ گْوانزگ ءِ دیما نشتگ ءُ گْریوگ ءَ اَت! من پاداتک ءُ آئی ءِ کرّا شتاں-آئی ءِ ارس پھک کت انت- تسلّا دات ءُ آورت ءُ واپینت- چیزے روچ ءَ رند دُکان ءِ کارے ءَ من کراچی ءَ شُتاں- دو سئے ھپتگ ھمانگر لگّت-وھدے پدا اتکاں تہ نُنکّ ءِ مِرگ ءَ ماھے نزیک اَت-سر زاھر ءَ ماھکان ءَ اولی نُنکّ ءِ بیرانی ءِ گَم وارتگ اَت ءُ ایدگرانی وڑا زند ءِ کاروان ءَ گون اَت-منا ھم اَنچو سما بوت گشئے ھر چیز سرجم انت- ھچ ءِ کمّی نہ انت- گش ئے نُنکّ ءِ ھاجت نہ بیتگ- گش ئے آئی ءِ جند بہہ نہ بیتگ! ھمے شپ ءَ وھدے من ءُ ماھکان یکجاہ بیتیں تہ اناگہ ءَ آ گشئے گُڑت-پاداتک ءُ نشت ءُ چاریں نیمگاں چارِت ئےِ-من ھیران بیتاں بلے گوں نرمی جُست کت- چہ گپّے، ماھکان؟ آئی ءَ اَرسیگیں چمّے جواب دات- منی گوشاں نُنکّ ءِ گْریوگانی توار اَتک۔ ✍۔ڈاکٹر ناگمان https://t.me/Balochistan_qandeel

( آزمانک,, نُنکّ،، ناگمان) من چہ دَریگ ءَ چمّشانک دات اَنت- انگت ءَ ھَور اَت- بے وانکیں ھَورےاَت-نہ گْوات، نہ گِروک، نہ گْرند... بس رچان اَت-من چہ دریگ ءَ چمّ کِنزینت اَنت ءُ وتی جَن ماھکان ءِ نیمگا چارِت کہ گْوانزگ ءِ نزیک ءَ جُلّ ءِ سرا نشتگ اَت ءُ نُنکّ ءَ میچینگ ءَ اَت- لوگ ءِ تھا، ڈَنّ ءَ ھر چیز پہ اَجام اَت، بے توار اَت ءُ من شِزار بیان اتاں- ھَور ءُ آپ مہ بیتیں من شُتگ اَتاں بازار ءَ وتی دُکان پچ کتگ اَت- گرماگی نیمروچاں چُشیں بے تواریں ھَور من ءَ دوست بیت بلے مرچی نزاناں چیا دل لوٹگ ءَ اَت کہ ھَور ءِ پَجّی ءَ اَنچیں تْرندیں گْواتے بہ کشّیت کہ تْرمپ چو تیر ءَ بہ بنت-گِروک اَنچو چِیلک بہ جنت کہ آزمان بہ دِریت- جمبر اَنچو بہ گْرندیت کہ گوش کَرّ بہ بنت- نُنکّ بہ گُڑیت ءُ گْریوگ ءَ شرو بہ کنت ءُ ماھکان پر آئی ءِ سھڑینگ ءَ زوراں نازینک بہ جنت- ھر نیمگ ءَ کوکّار بہ بیت- جگّا بہ بیت- مرچی سُھب ءَ ابّا ءَ فون کت- ترا سلام ئےِ کت- گشت ئےِ دیم ءِ آدینگ ءَ کایاں-،، ماھکان ءَ بے تواری پْروشت- من آئی ءِ نیمگ ءَ چارِت بلے ھچ نہ گشت- من ءَ وشّ تب ءُ مسکرا بازیں ناکو ءِ گپّے گِیر اَتک- وھدے سیر ءَ رند دو سئے ما ءِ تھا ماھکان ءِ لاپ پُرّ بوت گڑا ناکو ءَ گوں من مسکرا کُت: بچکّ! تو چُکّ ءِ تْراشگ ءَ زَبر ئے بلے اے چکّ کہ پیداگ بیت تئی جَن ءَ چہ تو بارت ءُ وتی مات کنت ءُ تئی دپ کوش ءَ بیت، ھُشک ءَ نندئے.... ءُ اگن اولی چکّ بہ بیت بچکّے گڑا پت ءِ نِہر ءَ چَٹ دَؤر دنت! ءُ مرچی کہ مئے بچکّو ءَ کم ءُ گیش دو ماہ بیگا ات من ءَ سما بوت کہ ناکو ءِ مسکرا داں ھدّے ءَ راست انت- ھما اِنت کہ چکّ پیدا بیتگ ماھکان منی ھیال ءَ نہ انت- ھر وھد گوں ھمائی ءَ گپّ جنت- کندیت گوں ھمائی ءَ- وپتگ گوں ھمائی ءَ- بس نان گوں من وارت- من پت ءَ را گشت نُنکّ ءِ واستا نِندگی گاڑی یے بیار گوں-،، ماھکان ءَ مِچوکیں نُنکّ ءِ نیمگ ءَ پہ مھر چاران ءَ گشت- پیش ءَ اے وڑیں مستیں موسماں چے چے نہ بوت..... بلے نی آ شھدیں گپّ ءُ مجلسانی جاگہ نُنکّ ءِ نندگی گاڑی ءَ گپتگ ات- من نُنکّ ءِ نیمگ ءَ چارت- آ اَنچو آرام ءَ شیر مچگا ات گشئے من ءَ سُوکلو دیگ ءَ انت کہ بچار! من چوں تئی نِہر دَؤر داتگ! نُنکّ ءَ چیا چو روک روک ءَ چارئے؟،، ماھکان ءَ پہ دابے گشت- تو اَنچو گپّ ءَ ئے گش ئے نُنکّ ایوک ءَ تئیگ انت ءُ من آئی ءِ دُزّگ ءَ اتکگاں-من بچکندت- تو وَ دُزّے ئے! اَنچو چارگ چارگ ءَ منی دل دُزّت ءُ بُرت! چُکّ ءِ بیگ ءَ پد اے اولی رَند اَت کہ آ گوں من وشّیں وشیں گپّ جنگ ءَ ات- من چہ تھت ءِ سرا پادا تکاں ءُ شتاں بُن ءَ آئی ءِ کش ءَ نشتاں- مرچی شیرکنیں گپّ جنگ ءَ ئے- دگہ نُنکّے لوٹ ئے زاناں؟،، من بچکندان ءَ آئی ءِ چماّنی تھا چارت- دِیرا!،، آئی ءَ لجّ بوت- من کندان ءَ گوں نُنکّ ءَ گشت- اَڑے او شیتان! اے ساری ءَ منی جَن انت- رَندا تئی مات انت- سرپد بئے؟ ھما انت کہ تو اتکگ ئے، اے مارا دپی جُستے ھم نہ کنت-شاباش! نی وتی چماّں بُوٹّ- من وتی جَن ءَ چُکّاں! من گوں نُنکّ ءَ ھُور آ گلائیش کت- نُنکّ وتی ءُ وتی مات ءِ سرا چرے,, اناگتیں اُرش،، ءَ دِلوارَگ بوت ءُ دپ ئےِ پکشّت- ماھکان ءَ گُشادی ءَ وتارا چہ من گیشّینت ءُ نُنکّ ءِ سُھڑینگ ءَ لگّت ءُ آئرا چُکگّ ءِ اِشکریں واھگ منی لُنٹانی سوچان بوت... من ءَ پدا ناکو ءِ گپّ گِیر اَتک! ھمے شپ ءَ کہ ھَور انگت گْواران اَت- نُنکّ ءِ بیگ ءَ پد اولی رندا من ءُ ماھکان یکجاہ بیتیں.... بلے ھمے وھد ءَ نُنکّ ءَ وسّرا وَت چِیوّلگّے جت-ماھکان مَنیگی نہ بوت-گشادی ءَ پاداتک ءُ گْوانزگ ءِ چَنڈینگ ءَ لگّت-چنڈینگ ءَ نُنکّ ءَ بس کت گڑا ماھکان ءَ میچینت- نُنکّ ءَ گْریوگ بس کت ءُ واب کپت بلے وھدے ما پدا یکجاہ بیتیں تہ نُنکّ پدا شُرو بوت ءُ اےرندی ناں چنڈینگ ءَ بس ئےِ کت ناں میچینگ ءَ -من نُرنڈگ ءَ لگّ اتاں- مات کُس! دگہ وھد ءَ ھچ نہ گشیت-بس ھمے ساھت ءَ دپ ءَ پچ کشّیت-آ شپی مردم کورے ءَ گٹّ بیتیں شرّ تر اَت! الله چو مگُش نُنکّ ءَ!،، ماھکان ءَ تورِت- ھو ناں....،، من جَؤڑان ءَ دومی کوٹی ءَ شت ءُ وپتاں- نی نُنکّ ءَ پنچ ملٹ ءَ گْریت ءُ پنچ ملٹ ءَ بے توار بوت-برے ماھکان ءِ نازینکانی توار اتک ءُ برے کُپگّانی-یک رندے آئی ءَ نُنکّ بڈّ ءَ کت ءُ منی کِرّا اتک- نُنکّ ءَ باریں چی انت- نزاناں چون بہ کناں؟! آئی ءِ لُنٹ لونجان اتنت- من تسلّا دات- ھچ مکن-اے اُمبر ءَ نُنکّانی کار گْریوگ انت ءُ بس- بلے پیش ءَ چو نہ گریتگ ئےِ-بلکیں وش نہ انت- ڈاکٹرے نیارئے؟ آئی ءَ بزّگ ءَ من ءَ چارت- من ٹیمب چارت ءُ گشت- https://t.me/Balochistan_qandeel

✍۔باسد شوھاز #رجانک https://t.me/Balochistan_qandeel

ما اے گپ ءَ بیسہ نہ کن ایں کہ ما زندگ بیگ ءِ هاترا چیزے بہ کن ایں، داں ما آئی ءِ واستا مِرگ ءَ ساجو نہ بہ ایں- ✍۔چگوارا #رجانک‌ https://t.me/Balochistan_qandeel

آ کہ جنگ کنت، سر ءَ گوں ھوناں رنگ کنت۔ جنگ دو سر دار اِیت۔ آ مرد کہ پہ جنگ ءَ لانک بند بنت۔ پہ وتی ھونانی ریچگ ءُ مرگ ءَ نہ ترس اَنت۔ #بتل https://t.me/Bramsh_baloch