بْرمش

مرگ زند ءِ مستریں تاوان نہ اِنت بلکیں درستاں چہ مستریں تاوان ایش اِنت کہ ما زندگیں بلے تہ ءَ چہ مرتگیں۔ https://t.me/Bramsh_baloch

واجہ شیر مھمد اسپندار نامداریں زیمر زانت(دونلی) چہ اے دنیا ءَ سپر کتگ دوا اِنت ارواھی آسودگ بہ بیت۔ 🖤 #دونلی https://t.me/Bramsh_baloch

تئی زھیر ءِ زھر تامیں شپ کدی آسر بہ بیت مئے نسیب ءِ بام مارا داں کدین ءَ سر بہ بیت جنگ ءِ جاہ ءَ نشتگیں ما پہ گُلیں بانداتے ءَ چہ ھمے جنگ ءِ توار ءَ لوٹیں دنیا کَر بہ بیت ما وتن آشک مرید ایں ھانی اِنت مئے گُلزمین ما نہ لوٹ ایں مئے دیار ءَ زالمیں چاکر بہ بیت آ چو موم ءَ آپ بوتگ راہ سراں رِتکگ منی دل وَ لوٹیت بس ھمے یکیں منی دلبر بہ بیت کِشتگوں درچکے گوں ھوناں پُشپداں پہ واھگے پہ بلوچ راج ءَ اے دائم بُر بہ کنت ءُ بر بہ بیت نوں جنین زھگاں وتی سُرکی ءُ پَن یَل داتگ اَنت بس ھمے ارمان ءِ داشتہ سوب مئے لشکر بہ بیت گوں دل ءِ جھلانکی ءَ مرگ ءَ وتی وش اتک کناں دژمن ءِ دیم ءَ اگاں دست ءَ منی ٹیگَر بہ بیت اے منی ارمان اِنت ھمراز ھر بلوچیں پُسگے چو کہ ملایں ملنگ ءَ وت وتی رھبر بہ بیت ✍۔ھمراز شکاری https://t.me/Bramsh_baloch

دُرگل تئی دیدار ءِ گِدارے ءَ آبد کُربان اَت تو بیاتکین ئے 💔

تو بیاتکین ئے ساه من ءَ مان اَت تو بیاتکین ئے گندئے چو جْوان اَت تو بیاتکین ئے منی دل ءَ ارمانے دگه نیست اَت یکّیں ارمان اَت تو بیاتکین ئے زندگاں نَے که من مِراں بے تو مَرگوں آسان اَت تو بیاتکین ئے دیدگاں دْروشم دیستگ اَت کوریں زرد ءِ اومان اَت تو بیاتکین ئے دُرگُل تئی دیدار ءِ گِدارے ءَ عابد کُربان اَت تو بیاتکین ئے ✍۔آبد آسکانی https://t.me/Bramsh_baloch

۔پنت ءُ سوجی داستان زالبولانی دیوانے ءَ، زالبولے واز ءَ اَت، واز کنوک ءَ دیم گوں نشتگیں زالبولاں کت ءُ درّائینت: وتی مرداں دومی سانگ ءِ موکل ءَ بدے اِت، تا ھُدا مہ کنت دگہ بدیں کارے مہ کن اَنت! ھمے گپ ءَ پد شھشنابیں جنینے پاد آتک ءُ آھستو واز کنوک ءِ گوش ءَ گشت ئِے: اللہ تئی رپتگیناں گلباگ ءَ به کنت، تو کہ اے گپ کت، منی کار ارزان کت؛ من نه زانتگ چتور ترا به گشاں... من تئی جود ءِ دومی زال آں! واز کنوک گوں اے گپانی اشکنگ ءَ، چَہ بازیں ابکّھی ءُ ھیرانی ءَ پد چَہ سُدّ ءُ سما ءَ شُت بے سما بوت ءُ تریپّگ ءَ کپت. گوں دیم ءِ آپ جنگ ءُ گوات گیچگ ءَ پد، بود ئِے کت. ھما جنین ءَ گوں ایشی ءَ گشت: «وھدے کسے ءَ جاگھے رس ایت تا مردماں په نیکیں کار ءَ سکین به دنت، اول باید وت وتی گشتگیں گپانی سر ءَ أمل به کنت. اگاں مردم وتی گپاں وت یکین نه کنت ءُ أمل نه کنت، گڑا شرتر اِنت کہ دگراں سر ءُ سوج مہ کنت.» پد ءَ بچکند ات ئِے ءُ گشت ئِے: «من ءَ وت ءَ جودے ھست؛ بس لوٹ اِت به زاناں تو ھمے گپاں که وت کن ئے ترا وتی گپانی سر ءَ یکین کنت ءُ ھمیشانی سر ءَ أمل کن ئے اگاں انا!» 😄 ✍۔ زپر بشیر #رجانک https://t.me/Bramsh_baloch

ما وتن آشک مرید ایں ھانی اِنت مئے گُلزمین ما نہ لوٹ ایں مئے دیار ءَ زالمیں چاکر بہ بیت ✍۔ھمراز شکاری https://t.me/Bramsh_baloch

زندگی چوناھا وشّی ءُ گم ءِ جاگہ اِنت برے وشی ءُ برے گم بلے پہ مئے واستا یک انچیں ویل ءُ یک انچیں دردناکیں چیزے کہ آ گُشگ نہ بیت ۔ من ءَ زندگی دو انچیں ویل ءُ درد ءَ پروش داتگ کہ من ھچبر نہ جیڑ اِتگ کہ من پد ءَ اے گماں گوں توکل زُرت کنان ءُ وت ءَ سمبال کرت کناں بلے پد ءَ ھمے درد ءُ رنج سُھب ءُ بیگاہ ھمک روچ نوک بوان بنت گُڑا من ءَ ھمے درد ءُ رنجانی گیشینگ ءَ چُشیں ھاٹیگ نیست بس من وتی دل مزن کرتگ ءُ ویل من ءَ ءُ منی دل ءَ مُھکم ءُ تمرد کنگ ءَ انت ءُ پہ من یک مزنیں توکلے بوگ ءَ انت منی دوا اِنت ھر کس ءَ درد ءُ رنجانی سبر ءُ اوپار کنگ ءُ زندگ بوگ ءِ توکل بہ رس اِیت۔ میزران بات اِت، بلوچ بات اِت❤️‍🩹 ✍۔نودان بلوچ https://t.me/Bramsh_baloch

گوں پلّیں ھانیاں اھد بستگ نہ منّیں دستوراں چاکرانی۔ https://t.me/Bramsh_baloch

تو 🌕 https://t.me/Bramsh_baloch

بلے مُرتان ءُ شتاں من بلے پہ جَزم گُشاں شھر ءِ دیوال ءِ سر ءَ گال منی پشت کپ انت کازی روچے من باں دنیا ءِ نگاھاں اندیم بلے راجدپتر ءَ اھوال منی پشت کپ انت ✍۔مبارک کازی https://t.me/Bramsh_baloch

پہ ترا سر گوستگ آں جان ءَ وتی ساه ءَ وتی بید ء تو کسے نہ لوٹ اِت ربّ ءِ درگاه ءَ وتی من  وتی  تهنائی ءِ  همراهی ءَ   دمبُرتگاں داں کدی تو دور  درپشین ئے تماشا ءَ وتی بلکنا  روچے گنوکیں دل دریگ ءَ دیم دنت دست بنداں کہ بدل کاں مکتب ءِ راه ءَ وتی من تئی دلبستگیں   بچکندگ ءِ لائک نیاں تو منی سُهب ءَ بہ دئے ءُ زور بیگاه ءَ وتی تو کہ زرّ ءِ  لالچ ءَ پہ  مکّهیں ماتی نہ ئے پاتیائے   بکش  الّم   مهر ءِ   ارواه ءَ  وتی مئے  تہ ءَ  باسد  دنیگہ  آدمیت  زندگ اِنت ما دنیگہ دوست داریں جند ءِ بدواه ءَ وتی ✍۔باسد ھوت https://t.me/Bramsh_baloch

کازی ءِ گپ ءَ مرچاں پھکاں مار اَنت ھنچوش زوراک اِنت مرچاں بنی آدم کہ وت وتی جند ءِ گردن ءَ سوار اَنت ✍۔معین توار https://t.me/Bramsh_baloch

تھنا چیزے کہ من زاناں اِیش اِنت کہ ھچ نہ زاناں۔ ✍سقراط #رجانک https://t.me/Bramsh_baloch

برے برے ما انچیں راھے سپر کن ایں کہ اود ءَ چَہ پاداں گیش دل دم بارت۔ https://t.me/Bramsh_baloch

بلے آ روچ دور نہ اِنت من میتگ ءَ ￴سپر کناں من سینگ ءَ ￴وتی تئی سینگ ءَ ￴جناں ودار بکن من برمؔش کناں ✍۔برمشؔ بلوچ https://t.me/Bramsh_baloch