𝑺𝒊𝒎𝒑𝒍𝒆 𝑪𝒐𝒓𝒏𝒆𝒓 || رُكن بسيط

مجرد نظرةةة

حمادة: إيه يا رجالة، هنعمل إيه النهارده؟ شريف: نلعب بلايستيشن! حمادة: يلا بينااا... بس فيفا 🤚🏻 عبدالله: فيفا أو بيس... المهم نلعب 😂 شريف: هديكوا على عينكم زي كل مرة. 😏😂 عبدالله: يا عم اتنيل 😂😂 حمادة: كل مرة بتقول كده، وفي الآخر أنت اللي بتخسر. 😂 شريف: المرة دي غير بقى... تعالى بس. 😎 عبدالله: طب... أنا هسبقكم أحجز لنا ساعتين تلاتة. حمادة: يلا وأنا وشريف هنجيب آيس كريم وحاجة نشربها... وبعدين نحصلك. عبدالله: ماشي بس بسرعة. حمادة: ولااا يا شريف، بص هناك كده. شريف: فين؟ حمادة: البنات اللي هناك دول. شريف: مالهم؟ حمادة: شايف البنت اللي لابسة أزرق؟ حلوة أوي. شريف: اقعد يااض بص قدامك 😒😂 حمادة: براحة يا عم متزقش 😂 شريف: يلا يا عم انجز... الآيس كريم هيسيح. (دخلوا المكان عند عبدالله...) حمادة: السلام عليكم... يا رب يا ساتر 😂 شريف: إيه الدخلة دي يا ابني؟ 🙂😂 حمادة: معرفش... بس هو كده 😂 حمادة: إيه يا عبده، جبت فيفا زي ما قولتلك؟ 😁 عبدالله: أيوه يا عم... أي خدمة؟ 😂 حمادة: حبيب أخوووك. شريف: يلا بقااا... أنا اللي هلاعب عبده. حمادة: نعم؟ ليه يعني؟ شريف: عشان أنا مفتري يا جدع 😂 حمادة: ماشي ماشي... عشان إنت الكبير بس 🙄😂 عبدالله: يلا يا انجزواا اللي هيلعب هيخسر كدا كدا😂 شريف: تعالى يا عبده... وريني شطارتك 😏 حمادة: يلا يا عم خلصوا بسرعة... أنااا زهقت من قبل ما تبدأوا 😂 شريف: إنت مستعجل على إيه؟ إحنا لحقنا 🤨😂

حمادة: يا عم زهقت... هفتح التليفون أسكرول شوية، يارب تخلصوا النهارده 😒😂 حمادة: الحق يا شيفوو، أووووف 😉 شريف: مالك يااض؟ حمادة: تعالى بص كده... شريف: أوعاااا 😍😂 حمادة: جامدة أوي... عبدالله: مالكوا؟ في إيه يااض إنت وهو؟ حمادة: ولا حاجة يا عم... كمّل لعبك. عبدالله: لا، ورّوني كده. (يبص عبدالله على شاشة الموبايل...) عبدالله: إيه ده؟! حمادة: في إيه يا قاطع الأرزاق؟ 😂 شريف: يا عم ده فيديو عادي... يلا كمّل لعب. عبدالله: فيديو... وعادي؟! عبدالله: إنتوا بتهزروا... صح؟ حمادة: ملك تكبير المواضيع 🫵🏻 عبدالله: يا عم ماشي... تعالى أقولك أنا مكبّر الموضوع ليه.

شريف: يعم دي بصّة بس 🙂 عبدالله: بصوا... هي فعلًا بتبان حاجة سهلة وعادية، وده اللي بيخلينا نستهين بيها. حمادة: أومال يعني؟ عبدالله: المشكلة إن الواحد يبدأ بحاجة صغيرة... وبعدها قلبه يتعود عليها وهو مش واخد باله. شريف: يعني أنت شايف إن النظرة دي ذنب؟

عبدالله: أنا مش شايف... ده ربنا اللي قال:

﴿قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ۚ ذَٰلِكَ أَزْكَىٰ لَهُمْ﴾

يعني ربنا أمرنا بغض البصر... مش عشان يحرم علينا حاجة، لكن عشان يحفظ قلوبنا.

حمادة: بس يا عم دي مجرد نظرة. عبدالله: ما هي النظرة بتكون البداية... تبدأ بعينك، وبعدها تفضل في دماغك، وبعدها القلب يتعلق. شريف: دا الموضوع مش بسيط

عبدالله: بالظبط... عشان كده النبي ﷺ قال:

"العينان تزنيان وزناهما النظر."

حمادة: يعني عشان بصيت بس؟ عبدالله: لو جت أول نظرة من غير قصد فدي حاجة تانية... لكن المشكلة لما الواحد يقصد ويكرر النظر. حمادة: ما هما لبسهم اللي بيبقى ملفت... غصب عننا بقى. شريف: حصل والله يا ابني... عشان كده غض البصر علينا إحنا بس؟ 😔

عبدالله: .............

ودا اللي هنعرفه الجزء الجااي🤍

𝑾𝒓: 𝑬𝒃𝒓𝒂𝒉𝒊𝒎 𝑺𝒂𝒃𝒆𝒓

🔒 هذه همسة سرية للجميع يمكن للجميع روئيتها

👥 همسة سرية لأول 3 أشخاص يقدرون يشوفونها

تسلم يا حبيبي 🤍

اشطا

هروح اخلص الجزء الاول واجي بقا

اديك دماغي لو عايز

اصل التانيه محتاجه تفكييير مووت وانا تعبان مفييش دماغ

ان كان كدا اشطا

سر

🔒 هذه همسة سرية لاول شخص يقوم بروئيتها

👥 همسة سرية لأول 3 أشخاص يقدرون يشوفونها

ركن بسيط الاسم حلو جدا وهادي البروفايل كلهم احلى من بعض بس أكتر واحد عجبني بتاع حياتك دون دينك هزيمة تحفة اوووي اللهم بارك المحتوى اغلبه ديني فوق الممتاز بجد مش محتاج تقييم محتوى زي الاسم بالظبط

https://t.me/E2S1M11

لازم تكونوا هنا

♡゙♡゙♡゙