𝑺𝒊𝒎𝒑𝒍𝒆 𝑪𝒐𝒓𝒏𝒆𝒓 || رُكن بسيط

رسالة من القصة:

مطلوب مننا نغض بصرنا، لأن ده بيأثر على القلب وعلى ميزان حسناتك، وممكن يوصلك لمرحلة وحشة (أتوقع مفهومة).. وبرضو بلاش تحط صور ممكن تفتن بنت أو تخليها تفضل تبص، لأنها هي كمان مطلوب منها غض البصر.

لبسك هتتحاسبي عليه، وولي أمرك هيتحاسب عليه.. شوفي إنتي بقى لبسك ده جاهزة تموتي عليه؟ ومطلوب منك غض البصر، مش معنى إنك بنت يبقى لأ! يعني تشوفي شاب حلو، ممثل، صورة شخص أو كدا.. نظرتك بحساب.

والكلام ليا قبل ما يكون ليكوا.. ربنا يرزقنا الهداية 🤍

✍🏻 مجرد نظرةة | 2

حمادة: ما هما لبسهم اللي بيبقى ملفت... غصب عننا بقى. شريف: أيوه... نعمل فيها إيه دي يا عبدالله؟ عبدالله: عايز أفهمكوا حاجة بس... أي ذنب محتاج مجهود ومجاهدة للنفس عشان الواحد يبعد عنه. حمادة: وده معناه إيه؟ عبدالله: يعني غض البصر محتاج مجاهدة... اللبس الملفت، والفيديوهات اللي بتطلع قدامك، دي كلها تحديات.... والمجاهدة إنك متبصش وتكمل طريقك. شريف: بس برضو... عبدالله: ما هو ده التحدي بقى... هتجاهد نفسك وتكسب، ولا هتسيبها للشيطان وتخسر؟ حمادة: معلش بقى... بس هما ذنبهم أكبر. عبدالله: بص يا حمادة... إحنا مش بنقارن مين ذنبه أعلى، لأن دي مش بتاعتنا... دي عند ربنا. بس طول ما هي كبنت لبسها مش شرعي، شعر باين بقى، أو إيد، أو لبس ضيق... إلخ، عليها ذنب كبير وهتتحاسب. شريف: أنا فهمت. حمادة: أيوه... يعني أنا ذنبي إيه بقى؟ عبدالله: ذنبك إنك سبت نفسك للشيطان وبصيت. ذنبك إنك عملت ذنب اسمه إطلاق البصر... اللي هو عكس غض البصر اللي مطلوب مننا. شريف: من الآخر يا حمادة... إنت هتتحاسب على بصتك، وهي هتتحاسب على لبسها... صح كده يا عبده؟ عبدالله: بالظبط... كل واحد هيشيل شيلته. حمادة: فهمت خلاص... يعني أنا هتحاسب على ذنب البص، وهي هتتحاسب على الفيديوهات أو اللبس وكده.

شريف: طب أنا عندي سؤال تاني بقى... بمناسبة الموضوع ده. حمادة: اسأل. شريف: ليه إحنا بس اللي علينا غض البصر كرجالة؟ حمادة: يا جدع أكيد لا... مش عارف، عبدالله يقولنا بقى.

﴿وَقُل لِّلْمُؤْمِنَاتِ يَغْضُضنَ مِنْ أَبْصَارِهِنَّ﴾

شريف: أيوه... دي معناها برضو إن عليهم ذنب صح؟ عبدالله: أيوه طبعًا... بس يمكن الناس بتتكلم عنه أكتر عند الرجالة، إنما هو موجود عند النساء برضو. حمادة: إيه ده... يعني اللي بيقعدوا يكرشوا على نص شباب الكوكب دول كده بياخدوا ذنوب؟ 🙂😂 شريف: ده أنا أعرف ناس بتكرش على نص ممثلين كوريا 🙂😂😂 عبدالله: أيوه... عليهم ذنب، واللي بتجاهر كمان وتقول "بحب اللاعب أو الممثل ده" أو كده... يبقى عليها ذنب تاني. شريف: تمام... وصلت أوي.

حمادة: طب يلا بقى احجزوا كمان ساعتين... عشان الساعتين خلصوا في الحوار ده 🙂😂 عبدالله: يلا عشان ملحقتش أدي شريف على وشه 😂 شريف : يلا بينااااا 🔪😂

ͲᎻᎬ ᎬΝᎠ

𝑾𝒓: 𝑬𝒃𝒓𝒂𝒉𝒊𝒎 𝑺𝒂𝒃𝒆𝒓