study with Dihia

بسم الله توكلت على الله و لا حول ولا قوة الا بالله بسم الله الذي لا يضر مع اسمه شيء في الأرض ولا في السماء وهو السميع العليم بسم الله علي نفسي بسم الله على اهلي باسم الله على مالي بسم الله على صحتي وعلى كل ما املك.... اللهم إن كان رزقي في السماء فأنزله، وإن كان في الأرض فأخرجه، وإن كان بعيدا فقربه، وان كان قريباً فيسره وإن كان قليلاً فكثره وإن كان كثيراً فبارك لي فيه وارزقني من حيث احتسب ومن حيث لآ احتسب يارب العالمين اللهم اللهم إن لك جنداً فسخر لي ما تحب وترضى اللهم امين 🤲

غبت عليكم يك حسيتو ديهيا تبدلت عليكم والله النفسية كانت تعباااانة لكن راح نولي معاكم ديهيا لي تعرفوها انطلاقا من الغد باذن الله

🧠📚 أسرار دراسة الفلسفة سلام عليكم تلاميذ شعبة علوم تجريبية ورياضيات نواصل مع بعض رحلة التعرف على مادة الفلسفة ومنهجيتها وطرق دراستها حتى تولي مادة مألوفة قبل ما نبدأو في دروس الفلسفة ومنهجياتها، اللي ران أسهر على برنامج نوعي يتوافق مع قدراتكم ووقتكم حبيت نقولكم حاجة صغيرة... أو حاجات صغيرة 🔹 إذا كنت من شعبة العلوم التجريبية أو الرياضيات، وكي تسمع كلمة «فلسفة» تحس بلي راح تدخل لمادة مختلفة تماما عن المواد اللي تعودت عليها... 🔹 وإذا كنت تشوف المصطلحات الفلسفية صعبة، وتقول: «كيفاش راح نحفظ الأطروحة؟ الحجة؟ الاستقصاء بالوضع؟ المقارنة؟» ما تقلقش... الفلسفة ماشي مادة غريبة عليكم، أنتم فقط مازلتم ما تعودتوش على لغتها. 📐 في الرياضيات، في البداية تتعلم X و Y، القوانين، المعادلات والبرهان... ومع الوقت تولي هاذ الرموز وطريقة التفكير عادية بالنسبة لك. 🔬 وفي العلوم، تتعود على الفرضية، التجربة، النتائج، الاستنتاج... 🧠 والفلسفة كذلك عندها لغتها وطريقتها: الأطروحة – نقيض الأطروحة – الحجة – النقد – التركيب – الاستقصاء بالوضع – الاستقصاء بالرفع – المقارنة – الجدلية... ومع الوقت، هاذ المصطلحات ما تبقاش كلمات صعبة، وإنما تولي أدوات تساعدك على بناء أفكارك. 📚 وهنا يجي السر الأول: الفلسفة ما تتقراش بالحفظ وحده. لازم تبني رصيد فلسفي من: ✔️ مواقف الفلاسفة ✔️ الحجج ✔️ الأمثلة ✔️ المفاهيم ✔️ الأقوال مثلا في اللغة والفكر، ما يكفيش تعرف عنوان الدرس؛ لازم تعرف ماذا قال برغسون؟ هيغل؟ ميرلوبونتي؟ وما حجج كل موقف. وفي الحرية والمسؤولية، لازم تفهم موقف أنصار الحرية وموقف الحتمية، وتعرف الحجج والأمثلة التي يعتمد عليها كل اتجاه. 📌 لذلك تذكروا هذه القاعدة: لكي تكتب سطرا جيدا، اقرأ جملا. لكي تكتب فقرة جيدة، اقرأ أفكارا وحججا. ولكي تكتب مقالة فلسفية جيدة، كوّن رصيدا من المواقف والحجج والأمثلة والمفاهيم. 🌱 خطوة بخطوة، راح تكتشفوا بلي الفلسفة ماشي مادة تخوف... بل هي طريقة تفكير ولغة جديدة لازم فقط نتعلموها ونتدربو عليها. 🧠📚 يتبع... #أستاذة_الفلسفة https://t.me/+3w7ZP-Uoy5o4YmE0

1 اكتوبر يبدا التسجيل تسجلو ندخلكم لقروب 15 اكتوبر نبدا نحط مهام يومية كل يوم نحط واش لازم تقراو و نحط مهام فيما يخص المكتسبات تان تتفرجوهم و تتمكنو منهم قبل 1نوفمبر و اكيد المكتسبات ندعمها بالحصص المسجلة تاعي لي درتها مع فوج الاول بعدها 1 نوفمبر نبداو الدراسة في الحصص المباشرة باذن الله

تسجيلات الفوج الجديد تبدا 1اكتوبر عدد المقاعد 50فقط

فوج نوفمبر الانطلاقة راح تكون 15 اكتوبر من 15 اكتوبر ل 1 نوفمبر نبعت مهام يومية راح يكون فيها فيديوهات و حصص مسجلة باش تراجعو المكتسبات 1 نوفمبر الانطلاقة تكون مباشرة مع الوحدات الأولى و البرنامج باذن الله

علابالي بزاف منكم لي خايف كي يبدا لنوفمبر إذا يكفيه وقت حبيت نقولكم هذا بدأ مع فوج نوفمبر و كان معدلو فالباك 17

حاليا بديت نوجد خطة دراسة للفوج الجديد كيما تعرفوني مانقدرش نفتح فوج بلا ما نخدملهم خطة تاع صح اي تضمن الامتياز باذن الله كملت البرنامج الاسبوع حمدلله و الان مزالي فقط البرنامج اليومي و نبدا نفتح التسجيلات

السلام عليكم ورحمة الله تعالى وبركاته تلاميذ السنة الثالثة ثانوي شعبة علوم بكل تخصصاتها ....حياكم الله جميعا جمعة طيبة مباركة للجميع🌷 معكم الاستاذة حنان أستاذة مادة الفلسفة في مدرسة خاصة بالجزائر العاصمة و طالبة في السنة السادسة دكتوراه في تخصص الفلسفة الغربية الحديثة والمعاصرة ...وقريبا سنحصل على الدكتوراه بحول الله ...فيما يخص خبرتي فقد درست سنوات عديدة دروس فردية وجماعية ٫ وقبل ذلك فشعبتي كانت علوم تجريبية في مرحلة الثانوية إلا أنني اخترت الفلسفة عن حب وقناعة و الحمد لله تمكنت من التميز فيها ... نعود لمادة الفلسفة الذي هدفي من خلال تدرسيها هو أن أحطم أسطورة أن علامة ممتازة في الفلسفة تعني حفظ عشرات المقالات...هدفي أن أصحح الفكرة المغلوطة أن مادة الفلسفة مواضيعها بعيدة عن الواقع ...هدفي أن أغير نظرة التلميذ إلى هذه المادة ... انه لمن الظلم أن نحصر مادة الفلسفة في كتابة مقالات دون أن نستفيد منها في حياتنا اليومية فهي تغذي العقل وتعلمه أن لا يقبل الخيارات في حياته تعسفا...تعلمك أصل العلوم فالرياضيات و الفيزياء والعلوم كانوا يوما تخصصات تحت مضلة الفلسفة...كما يمكنك فهم الثورات العلمية التي حدثت في هذه المواد حتى تفهمها جيدا...لكن أن أن تفضل قراءتها صماء هكذا أرقام فحسب  لا أقول أنك لا تنجح فيها لكن لن تذهب بعيدة في الدراسات العليا ... بعد أن عرفنا أن الفلسفة ليست الحفظ و علينا أن نواجه خوفنا  وأن نبدأ دراستها باكرا دعوني الآن أطرح فكرة مهمة جدا: «هل أنتم متأكدون أنكم لا تفكرون فلسفيا؟» •إذا قلت لك: «كل إنسان حر في اختياراته»، هل توافق مباشرة؟ وإذا قلت لك: «الإنسان مسؤول عن أفعاله»، هل توافق؟ وإذا قلت لك: «العلم قادر يوما ما يفسر كل شيء»، هل توافق؟ غالبا راح تلقاو اختلافات بينكم وهنا نقلكم إذن أنتم بدأتم الفلسفة قبل أن تعرفوا أنكم بدأتموها. •الفلسفة ما تبداش لما الأستاذ يكتب عنوان الدرس على السبورة ؛الفلسفة تبدأ في اللحظة اللي ما تكتفيش فيها بأن تسمع فكرة، وإنما تسأل: لماذا؟ وهل دائما؟ وما الدليل؟ وماذا لو كان العكس؟ •دعوني الآن أقارن الآن مقارنة بسيطة بين العلوم والفلسفة في كيفية الدراسة وليس من ناحية أخرى ✓في العلوم: ما نقبلوش نتيجة بلا دليل. ✓في الفلسفة: ما نقبلوش فكرة بلا حجة. ✓في العلوم: نحلل المعطيات. ✓في الفلسفة: نحلل السؤال والمشكلة. ✓في العلوم: نختبر الفرضية. ✓في الفلسفة: نناقش الموقف ونختبر قوته وحدوده. لهذا أنا ما نحبش نقولكم إنكم «علميين ولازم تتعلموا الفلسفة» بل أقول أنتم أصلا تملكون جزءا من الأدوات التي تحتاجها الفلسفة. المطلوب فقط أن تتعلموا كيف تستعملوها في سؤال فلسفي. سؤال آخر: «هل الإنسان حر؟» ممنوع تقولولي نعم أو لا فقط أريد من كل واحد أن يعطيني سببا واحدا. واحد يقول: نعم لأنه يختار. آخر: لا لأنه يتأثر بالمجتمع. آخر: لأنه يخضع للقوانين. آخر: لأنه يستطيع مقاومة الظروف. الرأي ← السبب ← الدليل ← الاعتراض شوفوا واش درنا الآن ما حفظنا حتى فيلسوف، ما قريناش مقالة، وما استعملنا حتى مصطلح معقد لكننا بدأنا نبني تفكيرا فلسفيا. ورسالتي التي أريد أن أوصلها لك أيها التلميذ أن لهدف من هذه السنة ليس أن تحفظوا لي ما أقول هدفي أن أصل بكم إلى مرحلة تعطوني فيها جوابا لم أطلبه منكم حرفيا، لكن يكون جوابا صحيحا لأنكم فهمتم كيف تفكرون. وأختم كلامي بسؤال أيضا: إذا كانت الفلسفة هي أن تتعلم كيف تسأل، وكيف تبرر جوابك، وكيف تناقش الفكرة التي أمامك... فهل ما زلت ترى أنها مادة بعيدة عنك؟ ومن اليوم باذن الله، لن أحاول أن أجعلكم تحفظون الفلسفة... سأحاول أن أجعلكم تفهمون كيف تُبنى... وكلامي كله كنت أحاول من ورائه أن أجر عقولكم لجو الفلسفة ونوعية أسئلتها التي تختلف جذريا عما تعودتهم عليه في العلوم و الفيزياء والرياضيات بالتوفيق لكن جميعا في كل المواد #أستاذة_الفلسفة

أطفالي سلام بزاف منكم ماقدروش يبداو معايا في الفوج الاول و أنا أعذركم كل واحد و ضروفه لذلك قررت ندير فوج خاص جديد (مزال مانبداش التسجيلات) الفوج هذا راح يكون مخصص الويكاند والثلاثاء مساء يعني الجمعة حصتين حصة علوم حصة فيزياء السبت حصتين حصة رياضيات حصة فيزياء الثلاثاء مساء حصتين حصة علوم حصة رياضيات و بهذا نخليلكم الاحد و الاثنين و الاربعاء و الخميس تقراو فيهم وحدكم للللكن اكيد بمرافقتي حاليا مزال مابديت التسجيلات حتى وين نخدم برنامج شامل نمشي فيه معاكم و لي نقدر باذن الله نضمن نكملو البرنامج في نهاية مارس باذن الله حصص الثلاثاء فيهم ساعة و نص و حصص الويكاند فيهم ساعتين و نص يعني الفيزياء 5 ساعات في الاسبوع الرياضيات و العلوم 4 ساعات في الاسبوع من بعد كي تتقدمو فيزياء نقلب مهم حاليا راني مع البرنامج كي نوجدو و نكمل نفتح التسجيلات الانطلاقة يوم 1 نوفمبر باذن الله مرحبا بيكم السعر نفس سعر الفوج الاول

اعرف حاجة مهما كان الأستاذ لي يقريك حتى و يكون افضل استاذ في الكون إذا نتا مابذلتش مجهود مستحيل ثم مستحيل تدي نقطة مليحة

كملنا الشهر الاول فيزياء و كملتها بزعاف الحق مانحبش تلاميذ مايحاولوش في التمارين و واش نطلب منكم إذا طلبت منكم حل علاقات و إرسالها لي باش نصححها اعرف اني حابتلك الخير اغلب الاساتذة مايصححوش لكن اني نسعى باش نتا تنجح لكن انك تستنا مني فقط و نتا ماتبذلش مجهود هنا إذا مستواك ماتطور ماتلومنيش لوم نفسك كاين تلاميذ دخلو مستواهم 0 حرفيا لكن كانت لهم إرادة كبيييرة في شهر واحد وليت نحس مستواهم ممتاز من إجاباتهم محاولاتهم و مشاركاتهم فالحصة هذوك راهم يتعبو صح على تطوير انفسهم لوخرين الحق زعفت منكم راح يبدا الشهر الثاني و ان شاء الله تبدلو من نفسكم

الفوج الاول ما شاء الله فيزياء قريب نكملو دروس الوحدة الأولى و نبداو تمارين و رياضيات بدينا في تمارين الدوال العددية و العلوم قريب نبداو سلسلة الوحدة الأولى هل حابين نفتح فوج جديد لي مزال مابدأت كامل؟ الفوج الثاني يكون لي متوسطين و يبدا 1نوفمبر

نبداو نحكيو على المواد الاساسية لانو اغلبكم عندو مشكل معاهم 👌🏻 #الجزء_الثاني : مادة الرياضيات 🔢 #الـريـاضـيـات 🔢 : ← فهم الاساسيات : كيفاه نفهم الاساسيات ؟ نشوف شرح الدرس و نحل بامثلة تطبيقية، نعطيكم مثال .. مثلا فالاشتقاقية .. نفهم مليح كيفاه نشتق كل حاجة و من بعد نحل امثلا نجيب عبارات دوال و نشتقهم معليش اغلطو مرة و زوج و عشرة بصح كونو متأكدين من كل غلطة راكم تعلمتو حاجةو ماتنتاقلوش لعنصر قبل ماتتمكنو من لي قبل ✅ لكن قبل ما تلحقو الدوال و الاشتقاقية لازم تكونو متمكنين من الاساس(التحليل معادلات من الدرجة الثانية و الثالثة دراسة إشارة معادلة. مبدأ الاختزال. النشر و التبسيط. توحيد المقامات. حساب الجدور …) من ثم تبداو اساسيات الدوال العددية ← التدريب الجزئي : ابداو تحلو تمارين صغار فيهم اسئلة بسيطة مثلا قريتو نهايات حلو تمارين على النهايات مثلا قريتو قابلية اشتقاق حلو تمارين حول قابلية الاشتقاق دراسة تغيرات دالة (نهايات-مشتقة-اشارة-المشتقة-جدول التغيرات) ! ماشي تقرا الدرس و تروح طول تحل دالة من الالف الى الياء و مبعد تقول جاتني صعيبة 😒 ابداو بالامو البسيطة و بالتدريج من بعد بالشوي بالشوي روحو للدوال الشاملة حتى تولو تقدرو تحلو دوال من النهايات حتى المناقشة البيانية ✅ ← التدريب الشامل : خلاص من التدريب الجزئي راح تتمكنو من الاساسيات يعني من الاسئلة لي تتكرر ديما فالدوال، من بعد ابداو حلو دوال شاملة مثلا دوال الباكالوريات السابقة .. كل ماتلقاو فكرة راح تتعلموها و لكن راح تلاحظو بلي كاين اسئلة تتعاود مرارا و تكرار ✅ ← عدم الخوف من الخطأ : كي تلقاو روحكم حليتو حاجة تافهة بالغالط هذا ماشي معناه بلي ماراكم حاكمين والو لا ! هذا معناه ماراكمش مركزين برك ماعندكم علاه تتخلعو و ربما مزال مامشاتش يدكم و راح تلاحظوا انو القانون تحلوه صح لكن كي تلحق للتبسيط خطا هذا معناها راك فاهم الدرس لكن مزال موالفتش تحل + كي توصلو لسؤال ماتعرفوش خلاص تحلوه ! عادي ! ممكن الفكرة مافاتتش عليكم من قبل اعتابروها فرصة تعرفتو فيها على نوع جديد من الأفكار والاسئلة ✅ ← البكالوريات السابقة : حلو الباكالوريات السابقة ضرك تلاحظو بلي كل عام نفس الدالة و نفس الاسئلة غير الارقام يتبدلو ماكان حتى فكرة جديدة و خى اذا كاين فكرة جديدة تلقاوها في اخر التمرين وعليها ربع نقطة بسمى ماتأثرش المهم تكونو تعرفو تدرسو الدالة ✅ والله العظيم اسهل مادة هي الرياضيات قانون و طبق فقط اعرف تكمل نفس الاسئلة بنفس طريقة الاجابة الفرق الوحيد هو عبارة الدالة او المتتالية او غيرها فقط يعني والله لي يركز و يحط راسو والله تجيه ساهلة او نتوما برك

آن الأوان أن نتصالح مع الفلسفة... خاصة تلاميذ العلوم بكل تخصصاتها نعرف بلي بزاف منكم كي يسمع كلمة «فلسفة» يقول صعبة، طويلة، لازم نحفظ بزاف، وأنا علمي وش دخلني فيها؟ لكن خليني نقولك حاجة بسيطة تقبل الشيء هو نصف الطريق لمواجهته. ما تهربش من الفلسفة قرب منها وحاول تفهمها ....تخيل الفلسفة مثل كرة زرقاء ضخمة وأنت واقف داخلها... كل شيء حولك أزرق فتشعر أنها عالم كبير ومعقد وما تعرفش منين تبدأ.....لكن كي تبعد عنها شوية.... وتبدأ تشوفها من الخارج... تكتشف أنها مجرد كرة. وهكذا هي الفلسفة بالضبط....ما نقراوهاش ككتلة واحدة كبيرة ومخيفة...نفتتوها إلى أفكار، مواقف، حجج، أمثلة، وإشكالات... ثم نفهم كل جزء وحده، وبعدها نرجع نجمع الصورة كاملة حتى المنهجية ماشي حاجة تولد بهاإذا كان عقلك اليوم يقدر ينتج سطرا واحدا فقط، ماشي مشكل....بالتدريب، السطر يصبح فقرة والفقرة تصبح حجة والحجة تصبح مقالا منظما.... مثل لاعب رفع الأثقال... ما يبدأش بأوزان ثقيلة.... يبدأ بوزن بسيط، يتدرب، يزيد تدريجيا، وفي يوم من الأيام يرفع أوزانا كان يظنها مستحيلة. الفلسفة كذلك ما نطلبش منك تحفظ عشرات المقالات نطلب منك تتعلم كيفاش تفكر، كيفاش تبني فكرة، وكيفاش تكتبها بطريقة صحيحة. وصدقني، كي تفهم الطريقة، الفلسفة ما تبقاش مادة تخاف منها... تولي مادة تعرف كيف تتعامل معها. لهذا، إذا كنت تلميذ علوم ومازلت تقول: «أنا ما نفهمش الفلسفة»... ما تحكمش عليها قبل ما تعطي لنفسك فرصة تفهمها بالطريقة الصحيحة. ومن هنا نبدأ مع بعض خطوة بخطوة: فهم الدرس → فهم المواقف → تعلم المنهجية → التدريب على الكتابة → التطبيق على مواضيع البكالوريا. الفلسفة ماشي للحافظين فقط... الفلسفة للّي يعرف كيفاش يتعلمها إذا حاب تبدأ صح، مرحبا بك في دروس الفلسفة. 🤍 https://t.me/+3w7ZP-Uoy5o4YmE0

غدا باذن الله موعد الدخول المدرسي فاللهم افتح أبواب حكمتك على أولادنا وانشر عليهم رحمتك وامننبالحفظ والفهم سبحانك اللهم لا علم لهم إلا ما علمتهم انك انت العليم الحكيم و الان راح نبدا نقدم بعض النصائح لطلبة البكالوريا و #كيفية_التعامل_مع_كل_مادة #الجزء_الاول : مادا علوم الطبيعة و الحياة 🧬 #الـعـلـوم 🧬 : ترتكز على ثلاث اساسيات الفهم الحفظ و المنهجية ← الفهم قبل الحفظ : أول حاجة لازم ديروها هي انكم تفهمو فهم جيد للدروس ! خير استاذ لي تفهم عليه و يساعدك حط قدامك ورقة بيضاء و سيالة او قلم رصاص و دون ما فهمته لانو افضل ملخص هو لي تكتبو من الفهم • الاستماع بتركيز : اسمعو مليح الاستاذ واش راهو يهدر، واش هوما الكلمات لي راهو يركز عليهم #الكلمات_المفتاحية_لي_ينقصولك_عليها_كان_ماتكتبهمش واش هي التعاريف لي قدمها خلال الشرح تحتاجهم بزاف في #مقدمات_النص_العلمي. ✅ • كتابة ملاحظات : عاودو الفيديو مرة اخرى بصح المرة هادي الكلمات لي يركز عليهم او يكررهم اكتبوهم قدامكم، الشروحات لي حسيتيوهم مهمة اكتبوهم قدامكم. ✅ • ترتيب الملاحظات : هنا بكل بساطة جيب كراسك المخصص للتلخيص او ورقة و حاول تكتب النقاط لي رفدتهم من الدرس بطريقة منظمة. (احسن طريقة شفتها لحد الان هي الخرائط الذهنية او التلخيص بالمخططات ماتديش الوقت و تفرزك). ✅ • التكرار : كي تخلصو الفيديو و تخلصو الدرس تاعكم، جيبو ورقة جانبية اكتبو فيها أهم العناوين مثلا الترجمة ؟ اكتب قدامك اهم العناوين فيها: مفهومها، عناصرها، مراحلها دون اي تفاصيل اكتبو هادوك الثلث كلمات فقط ! اغلق الكراس اغلق الفيديو و عاود لروحك اشرح لروحك واش كنت تسمع ! اذا قدرت تعاود لروحك بشكل طبيعي بلا ماتحصل في كاش حاجة و تحس بلي كل كلمة نطفتها راك مستوعبها خلاص راك فهمت ! انتقل للخطوة الثانية. ✅ ← التدرب : هنا واش ديرو ؟ شوفو أستاذ يحل تمارين بالمنهجية الصحيحة حط الفيديو قدامك و كراسك و اتفرج بتركيز شوف الاستاذ كيفاه راهو يتعامل مع الاسئلة، واش هوما الكلمات لي ديما يتكررو فالحل، كيفاه يتعامل مع الوثيقة .. الخ. تمرين زوج ثلاثة حتى تحس بلي خلاص راك استوعبت المنهجية و فهمت كيفاه لازم تتعامل مع تمارين الوحدة ! هنا خلاص ابدا تحل تمارينك وحدك. ✅ أتعلم ر شوف الأستاذ كيفاه راه يقرأ السند لانو #فهم_السند=فهم_التمرين ← المراجعة المستمرة : ماشي كي تخلصو وحدة ترميوها وراكم ! ياو عندك باك بين فترة و فترة ارجع للملخص تاعك اقراه راجعو مليح ولا حل تمرين على هاد الوحدة باه تتفكرها و فقط. ✅ مثلا خلال الاسبوع تقدم في الوحدات و يوم الجمعة ارجع للوحدات لي قبل كامل هادو نقاط ممكن تفيدكم اكيد لكل واحد طريقته الخاصة في الدراسة ماهوش قران لازم يطبق بالعكس لي عندو طريقة احسن او لي عندو طريقة اخرى تساعدو يتقيد بيها المهم اتفكرو بلي لازم تفوتو على 3 خطوات : الفهم، التدرب و المراجعة اما الطريقة كل واحد حر 🧡🍂 الجزء الثاني مخصص ل#الرياضيات #ديهيا

مبارك لابن عمي الميدالية الذهبية المرتبة الأولى في أفريقيا في جوجيتسو

فاللغة الإنجليزية ! اذا كنتو ماتعرفوش التصريف (la conjugaison) دروس للقواعد كامل ماراحش تحلوهم بشكل صحيح و مستحيل تديو النقطة الكاملة على اسئلة القواعد فالباكالوريا 🙂👌🏻 صحا ماجيتش نخلعكم جبتلكم الحل معايا 😌 كاين فاليوتوب وحد القناة اسمها English with lucy .. راهي مدايرة فيديو اسمو All tenses in English : the complete course راهي تهدر غيؤ باللغة الانجليزية و لكن ماتخمموش راهي مدايرة الترجمة باللغة العربية يكفي انكم تفعلو الترجمة فقط 👌🏻😌 الفيديو فيه 3 ساعات خصص نصف ساعة من يومك شوف نصف ياعة فقط من الفيديو ! في اسبوع تكملوه و وراها طووول ابداو فالقواعد و راح تشوفو الفرق فالمستوى تاعكم 😌❤️ هادا هو رابط الفيديو على منصة يوتوب ❤️ https://youtu.be/IaslvsYxFVU?si=ke_MWmG9hEMdwBVN

علابالكم واش هو اسوء شعور يقدر يصادفكم يوم الباكالوريا ؟ 🙂 هو انكم كي تقراو الموضوع تاع المادة لي كنتو تكرهوها و تتماطلو باش تقراوها و تتهربو منها تلقاوه ساهل ساهل ساهل جداا ! هو انكم فالسمانة تاع الباك كل يوم تلقاو بلي المواضيع جد سهلة و فالمتناول ممكن يكون مادة وحدة فقط شوي صعيبة و في اغلب الاحوال ماشي صعيبة و انما تحتاج تركيز برك ! علابالكم ؟ الندامة كون جات تسبق اقسم بالله واحد مايغلط ! على هذي بديتلكم العام بهذا المنشور باش تحسو بندامة من الآن و تقراو كن الان ماتسناش تحب المادة مراحش تتزوج بيها و إنما أقراها و خلاص خصصلها وقت و برنامج ✅ راني نشجع فيكم دوك باش نبداو دوك كي يلحق الباك الندامة ماعندها ما تقضيلك 🙂 كون جيتو تعرفو كمية تفاهة الباك و سهولته والله ماتتمسخرو ! 🙂 نوض تقرا ماتبقاش تشوف معايا هكذاك 🙄نوض

سلام عليكم ورحمة الله وبركاته في منشوري السابق خاطبت تلميذ سنة ثالثة ثانوي شعبة علوم بكل تخصصاتها ما زالني نخاطب في نفس الفئة لكن هذي المرة راح نخاطب خوف التلميذ فقط ونخليه يجاوبني على سؤال وجيه هل بديت تقرى الفلسفة الآن وضمنت استعدادك للبكالوريا ؟ولا قلت هي مادة غير مهمة خلي للأشهر الأخيرة؟ ولا نحيتها من برنامجك وركزت فقط على المواد العلمية ولكن عقلك الباطن راه متخوف منها وخايف تهبطلك المعدل من الامتياز للجيد ؟؟ - الفلسفة ماشي مادة اللي تقراها في شهر ولا فصل ولا أيام فقط قبل شهادة البكالوريا! إلى كل تلميذ في السنة الثالثة ثانوي شعبة علوم واش راك تستنى باش تبدا الفلسفة؟ تستنى حتى يدخل شهر معين؟ ولا حتى يقرب الباك؟ ولا حتى تلقى روحك وسط عشرات المقالات وما تعرفش منين تبدا؟ إذا كنت تقول: أنا علمي، والفلسفة ما نفهمهاش أو الفلسفة تحتاج حفظ بزاف، خليني نقولك حاجة: أنت ماكش مطالب تحفظ الفلسفة قبل ما تفهمها الفلسفة ماشي مجموعة مقالات تكدسها في ذاكرتك وتسترجعها يوم الامتحان.....هي مادة تحتاج إلى أنك تفهم السؤال، وتسطر تحت الكلمات المفتاحية تاعو تعرف المشكل المطروح، تميز بين المواقف، وتتعلم كيفاش تبني حجة وتدافع على فكرتك......وهذا الشيء ما يتعلمش في ليلة واحدة. تقدر تكون ممتاز في الرياضيات والفيزياء، وتلقى روحك في البداية محتار أمام سؤال فلسفي....وهذا أمر عادي، لأنك راح تتعلم طريقة جديدة في التفكير والكتابة. لكن مع التدريب، راح تكتشف أن الفلسفة ماشي بعيدة على المهارات اللي تستعملها كل يوم في المواد العلمية: 🔹 تحليل المعطيات. 🔹 الربط بين الأفكار. 🔹 البحث عن الأسباب والنتائج. 🔹 الاستنتاج. 🔹 مناقشة الحلول والآراء. علاش ننصحك ما تستناش حتى تتراكم عليك الدروس؟ لأن البداية المبكرة تعطيك فرصة باش: ✔️ تتعرف على طبيعة المادة دون ضغط. ✔️ تفهم المصطلحات والأفكار الأساسية بالتدريج. ✔️ تتعلم المنهجية خطوة بخطوة. ✔️ تجرب تكتب مقالة وتكتشف أخطاءك قبل فوات الوقت. ✔️ تراجع دروسك العلمية والأدبية دون ما تخلي الفلسفة تتراكم عليك. الهدف ماشي أنك تقرا الفلسفة من الآن ساعات طويلة، وإنما أنك تدخل للثانوية وأنت فاهم واش راح تواجه. أنا كنت تلميذة علوم تجريبية، وبعد البكالوريا اخترت الفلسفة في الجامعة، وتميزت فيها طوال مساري الجامعي واليوم، وأنا أستاذة فلسفة وطالبة دكتوراه، نحب نعاون التلميذ العلمي يكتشف أن التفوق في الفلسفة ممكن، بشرط الفهم والتدريب. ما راح نوعدك بعلامة مضمونة حتى توعدني بالانطلاق المبكر والتدرب المستمر وأنا نقدر نوفرلك تكوينا منظما يساعدك تبني مستواك خطوة بخطوة. الفلسفة ماشي مادة تخاف منها... هي مادة تتعلم كيفاش تفهمها. 📌 ترقبوا انطلاق فوج العلوم التجريبية قريبا وإذا كنت حاب تبدأ تحضر من الآن، خليك قريب، راح نشارك معاكم نصائح وتوجيهات تساعدكم تدخلوا المادة بثقة واستعداد بالتوفيق للجميع 🤍 #أستاذة_الفلسفة