الجَلا

«يا جعل سمعتنا مثل كسرة العود لا صابها حرّ الجمر .. تظهر الطيب»

فيه مرحلة ما تتساوى فيها الأمور، ولا ودك من الأمر إلا السلامة والأثر الطيب بالنفوس «تهون الكوارث و الليالي تبي ترتاح مادام القدر خيره يجي من بطن شرّه و تصير المصايب في عيوني حجر مسباح عقب ماهي أكبر من طويق بـ مية مرة»

يا مل قلبٍ يسج وفيه دولاجه

الله يحيينا حياةٍ طيبه

‏«عساه صبحٍ فيه للفرح صيت وإقبال ‏وفيه من السَّعد ما يبهج الروح ويحييها»

‏طالبك يا الله حي و طالبك ميت ‏بـ دعوة قفّى من محبٍ في عصر جمعة

اللهم صلِّ وسلم وبارك على نبينا محمد

تأسرني كلمة «خِلّي»؛ أجد فيها وقعاً مختلفاً ومعنىً أسمى من كل مرادفات المحبة والمعزّة.. فالخِلّ يتخلل كيان المرء، حتى لا يترك متسعاً لما دونه. فطنت لأبيات لبن جدلان - طيّب الله ثراه - «تكفي مراسيلنا العجلات ياخلّي عن مخذ الأخبار ولا شوف الأزوالي قلبي وقلبك توصّل لك وترسل لي والله إنها أشدّ من موجات الإرسالي ردًا سلامي عليك ، وجن وقالوا لي إنك ترحّب ! وانا في خاطرك غالي»

«مادام قلبي لك شفوقٍ ميلاف وراك ياخـّلي قليل المروفه ؟ لا ، لا تعسر القلب في كل محراف واحذر يجي عقب المودّة حسوفه قلي عسى مابه على الخاطر خلاف عسى حبيبي ماقصر .. دون شوفه دوك الدّموع بحاجر العين وقَاف لا انت بماسحها ، ولا هي ذروفه علّقتها يامعـلّق القـلب باتلاف ولخاطرك ، راحت حياتي كلوفه لَى قيل حبّي لك به جنون وإسراف؟ قلت آه.. من يملك لقلبه نكوفه ؟! عزّ الله إنّي للمخاليق "عيّاف" إلا انت ! ياللي هَيَّمت بي طيوفه الله كريم يبدل الجـور بانصاف ويجبر فوادٍ موجعاته ظـروفه»

متى يَشتَفي مِنكَ الفؤادُ المُعذَّبُ؟

كنت ابيك تكون شي.. وصرت شيٍ ثاني ‏والخطا ماهو خطاك.. انا الخطا بعيونه ‏يوم اهيم بصوتك الفيروزي الرحباني ‏وآتخيل كل كلمة من فمك موزونه ‏خاب ظني .. ليت ظني فيك ماخلاني ‏ابني احلامي على حاجه ماهي مضمونه ‏وليت ماجاني من احساس الندم ماجاني ‏شيٍ يحطم صميم القلب قبل ركونه ‏الجفا اللي عقب لذة وصلك الإنساني ‏والسلام البارد اللي عقب طول المونه ‏اعتذر لك عن خطاب اسلوبي الوجداني ‏- الآدمي مهما حصل يبقى رهين ظنونه - - مزيد الوسمي

من علم الليل لا اقفى تنتهي سيره ‏مع كل صبحٍ بدا ، مع نوره البادي ‏يفتح على الكون عينٍ ماهي صغيره ‏ويضحك لاهب النسيم وغرهد الشادي ‏من يدرك ان القدر ماهو بـ تدبيره ‏مقضي ومكتوب بـ امر الباعث الهادي ‏يسعى لحلمه ، ويطلب ربه الخيره ‏واذا حصل خير له ، وان ما حصل عادي ‏_فارس العامري

صباح الخير صباح الخير يا طلّة الصبح السعيد

الإرتهان لأطلال الأيام الغابرة، استنزاف لحاضرٍ لا يملك الانتظار.. فمن استوطن أمسه، أضاع غده يقول ركان النعيم : «المقبله لو هي عقب عشر سنين اقرب من اللي فايته قبل ساعة»

تعبت من ممشى على غير مشهاي وتعبت من صبر على غير غايه طاحت عزومي لين قلت نواياي وابعدت من مبداي صوب النهايه ماغير اهوجس واضرب الراي بالراي واثر المغربل ما يخلصه رايه الوقت ذا هو هو بطبعه وانا اياي انا صدوق وذا الزمان الدعايه يالله ان تعاونني على كبر بلواي ويالله ان تقديني طريق الهدايه اشكي من الماضي وخوفي من الجاي ولي في ملمات الليالي درايه لو كنت اعرف دواي ماخفت من داي اخير من طب الطبيب الوقايه سبحان من يعرف مقاسيم دنياي في صفحة ما تنعرض للقرايه – بن فطيس

صبحكم الله على ما تتمنون

سرا الليل وش غير الحماسة وابو تمّام نديم الورق والحبر والقهوة السادة بصدري كلام وفي خيالي وصل واوهام لو اخير منهن دمعةٍ فوق سجادة أنا اكثر بشر تغريه الاحلام ، والاحلام يموت الفتى من دونها ما ادرك مراده يـ الايام .. وش باقي تخبين يـ الايام ؟ عسى باقيٍ من ديرة الوصل نشادة – بندر الدويش