باهۆز | bahoz

سەیرکە... .، پاش عەشق چەن تەماحەکانم گەورەبوون سەیرکە... .، بووم بە چ کیماگەرێک و خەون بە چ لابورێکەوە دەبینم! سەیرکە... سەیرکە، چ کافرێکم لێدەرچووە!!

قەسیدەی عەشق بەختیار عەلی

من نیەزانم ک کەێ مرم یا چ وەختێ یاگەر لە کوو ؟ یا کام کۊوە ؟ مانشت پەڕاو سەرکەش شاهوو لە چ پەلێ لە چ پاڵێ لە چ دەروەن و گڵاڵێ خوەم نیەزانم من نیەزانم ک کەێ مرم وەفرە واسە ئەورە ساێە یا بان زەۊ کەو یەخ ناێە یا ئاسمان بڵاچە دەێ جار وە جارێ واران وارێ یا نیەوارێ خوەم نیەزانم من نیەزانم ک کەێ مرم لە ساێ زڵف قەجەرپاچ پرچ کەێکوو یاگەر لە داوان وەنێ لە سەرئاسۆ یا لە پاێ زڵف عارفانەێ شەنێ ک لە سەماێ دەوریشانەێ وە بۆنیاد بەڕۊ خەنێ خوەم نیەزانم من نیەزانم ک کەێ مرم سروە شەنێ یاگەر شەمال کەلەوا تێ یاگەر سووەیل خەزەو جمێ یاگەر خەزان یاگەر سامەو خورماپەزان خوەم نیەزانم من نیەزانم ک کەێ مرم شەوەکیە نیمەرووە ئێوارەسە یا نیمەشەو چەوەگانم زڕناقە دەن یا هانە خەو خوەم نیەزانم من نیەزانم ک کەێ مرم لە خوەر گەرم تاوسان یاگەر خەزان ڕەنگ ڕەنگێ لەناو زیق و وەڵنگ باخێ یاگەر چەرداخ بێدەنگێ خوەم نیەزانم من نیەزانم ک کەێ مرم لە چ ساتێ لە چ ڕۆژێ لە چ مانگێ لە چ ساڵێ لە وەرماێ هڵم دەم کی لە قەوچی نەرم چ باڵێ خوەم نیەزانم من نیەزانم ک کەێ مرم وە باڵ بەسە لەپاێ دیوار یا سەر دار یاگەر وە شکەنجەو ئازار یا وە گولە لە پاێ سانێ یاگەر لە سۊک زندانێ خوەم نیەزانم من نیەزانم ک کەێ مرم لەپاێ دار بەرز تۊوێ ک دڵتەنگە بوودە سازێ تا لە باوش گەرم کەسێ بشکێ تەزێ بشکێ هازێ یا لەپاێ ڕیشێ ئەنجیرێ لە چەم چووڵ خوەرئاوا یاگەر لە ساێ پەڵک پیرێ پەڵک پۊتار دڵگیرێ ک وە تەنیاێ خوەێا گیرێ خوەم نیەزانم من نیەزانم ک کەێ مرم لە چ مڵک و سەرزەمینێ لە چ مەرام و ئایینێ مەوداێ ئەنترناسیۆناڵە یا لە بان مەرز و سنوور هێما قرمە هێما قاڵە خوەم نیەزانم من نیەزانم ک کەێ مرم لە سەردەم چارەنۊسەیل ڕەوانی ک هانە فکر وێرانی ک چیمەنەیل لە خەوفێان هرێس تیەرن وە ژنەیل خوەرهڵات هەڵەج هەڵەج مناڵەیل قیچ و عەڵەج ک ماڵێان بوودە چاێر ک کشتێان بوودە باێر خوەم نیەزانم !… |سه‌عید عباده‌تیان| @saeid_ebadateyan_banan