عبد الله القماطي

المخ و الأعصاب 10,070 و الطلب متزايد و خلي بالك ده تخصص منفصل عن النفسية التخصصات الجراحية فرص كويسة في الجراحة العامة و العظام و جراحة الحوادث فرص أقل في الأوعية الدموية و المسالك فرص أقل بكتير في العيون و الأنف و الأذن فرص نادرة في المخ و الأعصاب و القلب و الصدر و التجميل تخصصات فرصها ضيقة جدًا لطبيب جديد القلب و القسطرة و الأورام و الكلى و الأشعة و الباثولوجي و المعامل و على رأسهم كلهم الجلدية و القاعدة العامة اللي تمشي عليها لو التخصص ده صعب في كل بلاد الدنيا يبقى صعب في ألمانيا كمان مفيش استثناء و في 3 معلومات هتريحك من قلق كتير تقديرك في الكلية مالوش أي تأثير لا على قبولك و لا على اختيار تخصصك مفيش نظام ماتشينج انت بتقدّم على الوظيفة اللي انت عايزها للمستشفى مباشرة الأخصائي و حامل الدكتوراه و الزمالة بيعملوا نفس الخطوات بالظبط لأن دي طريقة الحصول على الترخيص أصلًا مش تقييم لمستواك ━━━━━━━━━━━━━━━ كام مقعد تخصص في السنة ؟ السؤال ده إجابته مش زي ما انت متخيل أول حاجة لازم تفهمها إن ألمانيا مفيهاش نظام مقاعد تخصص بالشكل اللي احنا عارفينه مفيش ماتش و مفيش عدد محدد بيتعلن كل سنة و مفيش جهة مركزية بتوزّع اللي بيحصل إنك بتتوظف كطبيب مقيم في مستشفى معتمد و رئيس القسم عنده تصريح تدريب — فايتر-بيلدونجس-بيفوجنِس — Weiterbildungsbefugnis بعدد سنين محدد و التدريب بيتحسب من يوم ما تتعيّن يعني كل وظيفة شاغرة هي في حد ذاتها مقعد تخصص و ده أكبر فرق بين ألمانيا و أمريكا طب نقدر نعرف حجم التدريب إزاي ؟ مكتب الإحصاء الاتحادي الألماني بينشر إحصائية سنوية للمستشفيات اسمها Grunddaten der Krankenhäuser و فيها جدول بيقسّم أطباء المستشفيات لاتنين اللي معاهم شهادة تخصص و اللي لسه من غير و دي الأرقام الرسمية إجمالي أطباء المستشفيات في ألمانيا 203,286 منهم معاهم شهادة تخصص خلاص 114,483 و منهم 88,803 من غير شهادة تخصص الرقم الأخير ده هو القاعدة التدريبية الحقيقية يعني دول الأطباء اللي قاعدين دلوقتي في الأقسام بيتدربوا فعلًا و علشان تحس بحجم الحركة أطباء المستشفيات في ألمانيا كانوا 109,072 سنة 1991 و بقوا 203,286 يعني قربوا يتضاعفوا في 30 سنة نحسب منها الرقم السنوي إزاي متوسط مدة التخصص هناك بين 5 و 6 سنين فلو قسمنا القاعدة على المدة دي يطلع إن اللي بيدخلوا التدريب سنويًا حوالي 15,000 إلى 18,000 طبيب و الرقم ده متسق تمامًا مع رقم اللي بيخلّصوا التخصص فعليًا و هو 15,378 في سنة 2024 يعني الخلاصة إن ألمانيا بتستوعب في التدريب حوالي 16 ألف طبيب جديد كل سنة بدون كوتة و بدون ماتش و بدون عدد معلن و للأمانة العلمية إحصائية المستشفيات دي بتاعة سنة 2021 و النقابة الاتحادية بتقول إن العدد سنة 2024 وصل 101,725 طبيب من غير تخصص شغالين في المستشفيات يعني القاعدة بتكبر مش بتصغر و لو عايز تعرف الأقسام الكبيرة اللي فيها وظايف كتير دي أعداد الأخصائيين الشغالين جوه المستشفيات التخدير 19,657 و هو أكبر قسم في المستشفيات الألمانية الباطنة العامة 14,134 و معاها فروعها القلب 4,896 و الجهاز الهضمي 2,245 و الأورام 1,465 و الصدر 1,248 العظام و الحوادث 10,552 الجراحة العامة 6,232 النسا و التوليد 6,127 الطب النفسي 5,598 المخ و الأعصاب 4,971 الأطفال 4,843 الأشعة 4,016 المسالك 2,858 بص على الأرقام دي كويس هي بتقولك فين الأقسام الكبيرة اللي بتوظف باستمرار و فين الأقسام الصغيرة اللي بتفتح وظيفة كل كام سنة ━━━━━━━━━━━━━━━ قانون جديد بيخلي طلب الأخصائيين إلزام مش رغبة في حاجة جديدة بدأت في ألمانيا لازم تعرفها لأنها هتشكّل سوق الشغل في السنين الجاية النظام الجديد بيقسّم الخدمات الطبية لحاجة اسمها مجموعات الخدمات — لايستونجس-جروبن — Leistungsgruppen و بيقول إن المستشفى مش مسموح لها تقدّم خدمة معينة إلا لو مثبتة إن عندها أخصائيين بأسماء تخصصات محددة بالنص في القانون يعني قبل كده كان المستشفى بتحب توظف أخصائي دلوقتي بقت ملزمة قانونًا توظفه و إلا الخدمة نفسها بتتشال منها و النقابة الاتحادية أصدرت في أبريل 2026 جدول رسمي بيحدد أي مسمى تخصص قديم أو مسمى من ولاية معينة يتحسب مكافئ لأي مسمى في اللائحة الجديدة علشان المستشفيات تعرف تثبت إنها مستوفية الشرط و علشان الأمانة الجدول ده خاص بالمسميات الألمانية القديمة و الجديدة بس و مالوش أي علاقة بالشهادات الأجنبية و مكتوب فيه صراحة إن استخدامه محصور في إثبات المتطلبات الوظيفية لمجموعات الخدمات بس اللي يهمنا منه إن الرسالة واضحة قيمة اللقب التخصصي في ألمانيا بقت أعلى من أي وقت و ده بيفسّر أرقام تحليل نقص العمالة اللي شفناها فوق ━━━━━━━━━━━━━━━ المستشفى اللي هتشتغل فيها مش مبسوطة ماديًا و ده يخصك معهد المستشفيات الألماني بينشر كل سنة استبيان تمثيلي على المستشفيات و دي نتايج آخر إصدارين

النقابة الاتحادية بتنشر رقم اسمه كثافة الأطباء — أرتست-ديشتِه — Arztdichte يعني كل طبيب شغال بيخدم كام مواطن و ده أدق مؤشر على فين اللي محتاجك فعلًا كل ما الرقم يكبر كل ما الاحتياج يزيد براندنبورج 237 ساكسونيا السفلى 226 ساكسونيا أنهالت 211 تورينجن 210 راينلاند بفالتس 204 و في الناحية التانية هامبورج 124 برلين 146 بريمن 156 الرسالة واضحة المدن الكبيرة اللي كل الناس بتحلم بيها هي أقل الأماكن احتياجًا و أكتر الأماكن ازدحامًا بالمتقدمين و الولايات الشرقية و الريفية هي اللي فاتحة دراعها و لو عايز تعرف التخصصات اللي فيها كتلة كبيرة و بالتالي وظايف كتير الباطنة 63,368 و طب الأسرة 45,373 و الجراحة 41,839 و التخدير 28,146 و النسا 19,736 و الأطفال 17,195 و النفسية 13,208 و الأشعة 10,139 و المخ و الأعصاب 10,070 ━━━━━━━━━━━━━━━ الرقم اللي هيغيّر فهمك للموضوع كله لغاية دلوقتي احنا بنقول إن ألمانيا محتاجة أطباء الجملة دي مش دقيقة و أنا هوريك ليه بالأرقام الرسمية وكالة العمل الاتحادية بتنشر كل سنة تحليل اسمه تحليل نقص العمالة — فاخ-كريفته-إنجباس-أناليزه — Fachkräfteengpassanalyse و بتقيس فيه حاجتين لكل مهنة الأولى مدة بقاء الوظيفة شاغرة — فاكانتس-تسايت — Vakanzzeit يعني الوظيفة بتفضل فاضية كام يوم لحد ما تلاقي حد و التانية عدد الباحثين عن عمل لكل 100 وظيفة معلنة و كل ما الرقم ده يصغر كل ما النقص يكون أشد و بناء على الاتنين بتصنّف المهنة إما مهنة عجز — إنجباس-بيروف — Engpassberuf أو تحت المراقبة و دي أرقام سنة 2025 المخ و الأعصاب و النفسية — 68 يوم — 1.4 باحث لكل 100 وظيفة — مهنة عجز أطباء تخصصات أخرى — 80 يوم — 1.5 — مهنة عجز الباطنة — 90 يوم — 3.3 — مهنة عجز التخدير — 107 يوم — 4.5 — مهنة عجز الأطفال — 84 يوم — 5.8 — مهنة عجز الجراحة — 93 يوم — 6.8 — مهنة عجز الجلدية و العيون و الأنف و الأذن — 142 يوم — 7.7 — تحت المراقبة طبيب من غير تخصص — 79 يوم — 9.5 — تحت المراقبة و علشان تقرا الأرقام دي صح متوسط كل المهن في ألمانيا هو 70 يوم و 4.5 باحث لكل 100 وظيفة بص على السطر الأخير كويس فئة الطبيب من غير تخصص يعني انت لما تنزل ألمانيا هي الفئة الوحيدة اللي فيها 9.5 باحث لكل 100 وظيفة يعني ضعف المتوسط الألماني و هي مش مصنّفة مهنة عجز و علشان تشوف الحكاية كاملة خد التطور بتاعها بالسنين 2019 مهنة عجز و النسبة 5.4 2020 مهنة عجز و النسبة 6.1 2021 مهنة عجز و النسبة 6.5 2022 مهنة عجز و النسبة 7.1 2023 نزلت لتحت المراقبة و النسبة 8.9 2024 تحت المراقبة و النسبة 10.1 2025 تحت المراقبة و النسبة 9.5 يعني بالبلدي كده مستوى الدخول اتزحم و اتزحم في نفس التوقيت اللي كانت فيه موجة الأطباء الأجانب بتوصل ذروتها و ده مش معناه إن الباب اتقفل أبدًا 79 يوم لسه فترة طويلة و لسه فيه وظايف معناه إن ألمانيا مش محتاجة أطباء هي محتاجة أخصائيين و انت داخل من الباب المزدحم علشان توصل للباب الفاضي و في تصحيح مهم لكلام بيتقال كتير في الجروبات الناس بتقول إن التخدير من أشد التخصصات نقصًا الأرقام بتقول إن ده نص الحقيقة التخدير عنده أطول مدة شغور تقريبًا 107 يوم يعني فعلًا صعب يملوا الوظيفة بس المنافسة فيه 4.5 يعني بالظبط متوسط ألمانيا مش أقل أشد نقص حقيقي بالأرقام هو النفسية و المخ و الأعصاب بفارق كبير عن الكل 1.4 باحث لكل 100 وظيفة و التخصص اللي أطول شغور على الإطلاق 142 يوم هو الجلدية و العيون و الأنف و الأذن و مع ذلك مش مصنّف مهنة عجز لأن عدد المتقدمين عليه كبير يعني الوظيفة بتفضل فاضية مش لأن محدش عايزها لكن لأن المستشفى بتختار براحتها ━━━━━━━━━━━━━━━ أنهي تخصص أدخل فيه ؟ اتكلم بالأرقام مش بالأمنيات القاعدة اللي محدش بيقولهالك بصراحة إن انت في أول سنتين مش بتختار التخصص انت بتختار الوظيفة اللي هتقبلك و بعد ما تقرا أرقام تحليل نقص العمالة اللي فوق تبقى فاهم ليه و بعد ما تاخد الترخيص الدائم — أبروباتسيون — Approbation و تستقر تقدر تنقل لتخصص تاني و سنينك اللي فاتت جزء منها ممكن يتحسب تخصصات الطلب فيها عالي و بابها مفتوح الباطنة و هي أكبر كتلة في ألمانيا 63,368 طبيب و هي كمان المدخل لكل التخصصات الفرعية زي القلب و الجهاز الهضمي و الغدد التخدير 28,146 طبيب و مطلوب في كل الولايات بس محتاج لغة قوية جدًا و ثقة في اتخاذ القرار طب الأسرة 45,373 طبيب و الدولة بتدعمه بقوانين خاصة و فيه 12,217 صاحب عيادة فيه على وشك المعاش يعني النقص ده مستمر لسنين الطب النفسي 13,208 طبيب و الطلب عليه ارتفع بشدة و محتاج لغة ممتازة لأن شغلك كله كلام طب المسنين و التأهيل و ده منطقي في بلد ربع سكانها فوق الـ 65 النسا و التوليد 19,736 و الطلب مستمر بس ضغط الشغل فيه عالي و ناس كتير بتسيبه الأطفال 17,195 و فيه نقص حاد خصوصًا في الأرياف

قاعدة البيانات دي داخلية و مش منشورة للناس مفيش لستة رسمية معلنة بأسماء الجامعات المصرية اللي بتعدّي بالورق و اللي لأ و اللي بيتقال في الجروبات عن جامعة فلانية سهلة و فلانية صعبة ده تجارب فردية مش وثيقة و التقرير الألماني نفسه كاتب إنه مش واضح لأي مدى المكاتب بتستخدم القاعدة دي أصلًا و إن فيه أطباء اشتكوا إن المكتب طلب تقييم فردي جديد لملفهم رغم إن زمايلهم من نفس الدفعة و نفس الجامعة اتعملهم تقييم قبلهم بشهور فلو حد قالك أنا عندي اللستة اللي فيها الجامعات المعتمدة اسأله يجيبها منين اللي تعمله عمليًا بدل ما تدوّر على لستة اسأل مكتب الترخيص في الولاية اللي هتقدّم فيها سؤال مكتوب و مباشر هل عندكم تقرير نموذجي سابق لخريجي جامعتي في سنة تخرجي و ابعت السؤال بالإيميل و احتفظ بالرد دوّر على زمايل من نفس جامعتك و نفس سنة تخرجك تقريبًا قدّموا قبلك و اسألهم راحوا لأنهي ولاية و طلع قرارهم إيه بالظبط ده أنفع لك ألف مرة من أي كلام عام و لما تختار الولاية اختارها على أساس إن فيها سوابق لجامعتك مش على أساس إن الجو فيها حلو ━━━━━━━━━━━━━━━ و دلوقتي بقى خد نفس عميق و اقرا الفقرة دي من غير ما تقف علشان توصل لأول يوم شغل في ألمانيا انت محتاج تخلص الامتياز و تستخرج شهادة التخرج و توثقها و تجيب بيان الدرجات و تجيب المحتوي العلمي بتاع الكلية للـ 6 سنين بالمواد و الساعات و تترجمه ترجمة معتمدة على حسابك و توثق كل ورقة فيه و تختار ولاية من 16 ولاية و انت لسه ما تعرفش عنها حاجة و تفتح ملفك فيها لأن كل ولاية مكتب مستقل و تبعت الملف و تستنى و تذاكر لغة لحد ما توصل مستوى B2 و تدخل امتحان اللغة الطبية — فاخ-شبراخ-بروفونج — Fachsprachprüfung و تستنى و يطلبوا منك ورق ناقص فتجيبه و تستنى و يقولولك تعالى اتنازل عن فحص الأوراق أسرعلك فتوافق و انت مش عارف إن ده مخالف و تستنى ميعاد امتحان ممكن يوصل 24 شهر في بعض الولايات و في النص ده كله تشتغل بتصريح مؤقت — بيروفس-إرلاوبنِس — Berufserlaubnis مدته سنتين بالكتير و مكتوب فيه إنك ما تلمسش مريض إلا و في حد واقف جنبك و مرتبك متفاوض عليه بحجة إن تصريحك مقيّد و بعد ده كله انت لسه ما بدأتش تخصص ━━━━━━━━━━━━━━━ طب امتى التخصص ؟ مش هتبدأ القانون الأوروبي بيقول إن الطبيب الأجنبي ما يقدرش يبدأ فترة التدريب التخصصي — فايتر-بيلدونج — Weiterbildung إلا لما اعتراف مؤهله يخلص خلاص كامل فأي سنة بتضيع في الورق دي سنة بتتشال من عمرك المهني مش من إجازتك الأطباء اللي بيروحوا لنقابة ماربورجر بوند بيسمّوا الفترة دي سنين مطروحة و التقرير كاتب المصطلح ده بالنص و في نقطة تانية لازم تعرفها من دلوقتي و أنا بقولهالك بصراحة التقرير الألماني ده نفسه كاتب في أول صفحة إنه مش هيتكلم عن الاعتراف بشهادة التخصص الأجنبية لأنها ملف تاني منفصل و أصعب يعني بالمصري لو حد عنده زمالة أو ماجستير أو حتى شهادة بريطانية و رايح ألمانيا يعتبرها ورقة تقوّي موقفه في التوظيف مش ورقة تدخّله بدرجة أخصائي على طول اللي بيحصل غالبًا إنك تدخل بدرجة الطبيب المقيم — أسيستنتس-أرتست — Assistenzarzt و يحسبولك جزء من سنين خبرتك — أنرِشنونج — Anrechnung حسب تقدير نقابة الولاية — إيرتسته-كامر — Ärztekammer اللي انت فيها و تكمّل الباقي و تدخل امتحان التخصص الألماني زيك زي أي خريج منهم ━━━━━━━━━━━━━━━ الامتحان نفسه عامل إزاي هو امتحان شفوي عملي مش اختياري من متعدد محوره الأساسي الباطنة و الجراحة و بيدخل معاهم أسئلة في طب الطوارئ و الفارماكولوجي الإكلينيكي و الأشعة و الحماية من الإشعاع و القوانين المنظمة لممارسة المهنة و ممكن المكتب يزوّد مادة إضافية لو لقى في تدريبك فرق واضح فيها و مستواه أقل من امتحان الدولة الألماني النهائي و ده مقصود و مكتوب في المذكرة التشريعية القانون بيقول لازم يجيبولك ميعاد في خلال 6 شهور الواقع إن في استطلاع عملته نقابة ماربورجر بوند في فبراير 2025 ردّت عليه 13 جهة 8 ولايات ملتزمة بالـ 6 شهور و 5 ولايات فوق كده بكتير و أطول انتظار اتسجّل كان 24 شهر و أخطر حاجة في الموضوع كله إن نسب النجاح بتختلف حسب المكان اللي هتمتحن فيه في جهة نسبة النجاح من أول مرة كانت 45% و في جهة تانية كانت 93% و في المحاولة التالتة في مكانين النسبة وصلت 100% و في مكانين تانيين وقفت عند 55% و 64% الحصيلة النهائية إن 88% من الناس بينجحوا في خلال 3 محاولات يعني اختيار الولاية مش تفصيلة إدارية دي واحدة من أهم القرارات اللي هتاخدها في الرحلة كلها و للعلم الامتحان بيديره في 10 ولايات نقابة أطباء الولاية نفسها و في الباقي بيديره مكتب الترخيص جوه مستشفيات تعليمية مختارة ━━━━━━━━━━━━━━━ خريطة الاحتياج علشان تعرف تختار

الورقة اللي هتوقّفك في ألمانيا مش شهادتك في تقرير ألماني رسمي صدر السنة دي فيه رسالة مكتوبة بخط طبيبة اتخرجت من دولة عربية و راحت هناك تدوّر على مستقبل بتقول إن بقالها سنة و نص مستنية الترخيص و 6 شهور مستنية حتى التصريح المؤقت و إنها ساكنة هناك من سنتين و نص و مش شغالة و إنها مش قادرة تفهم اللي بيحصل و إنها بتحاول تكلم المكتب المسؤول و مفيش حد بيرد الرسالة دي مش بوست على جروب و مش شكوى في تعليق دي مقتبسة حرفيًا جوه دراسة منشورة و اللي كاتبينها بيقولوا تحتها جملة واحدة دي مش حالة فردية و انا هحكيلك القصة من الآخر للآخر بالأرقام علشان تعرف انت داخل على إيه بالظبط قبل ما تدفع أول جنيه في ترجمة ورق ━━━━━━━━━━━━━━━ البلد دي محتاجاك فعلًا و مش بتجاملك ألمانيا فيها 437,162 طبيب شغال و 143,727 طبيب مسجّل مش بيمارس و بتخرّج 10,190 طبيب في السنة و الرقم ده كان 11,560 سنة 1993 يعني بعد 30 سنة نزل ما زادش و في المقابل عدد الأطباء الشغالين عندهم زاد 8,688 في سنة واحدة بس الفرق ده جاي منين ؟ من الخارج الأطباء الأجانب هناك كانوا 16,818 سنة 2007 بقوا 68,102 سنة 2024 يعني اتضاعفوا 4 مرات في 17 سنة و السنة اللي فاتت لوحدها زادوا 4,335 و الأهم من ده كله إن 43% من أصحاب العيادات هناك فوق الستين و في طب الأسرة تحديدًا فيه 12,217 طبيب أسرة صاحب عيادة على وشك المعاش يعني الاحتياج حقيقي و مش دعاية و مش كلام يوتيوبر بس الطريق للاحتياج ده معمول بطريقة تخلي الواحد يفكر 10 مرات ━━━━━━━━━━━━━━━ القانون عندهم بابين مش باب واحد في ألمانيا فيه قانون اسمه قانون الاعتراف بالمؤهلات الأجنبية — أنإركينونجس-جيزيتس — Anerkennungsgesetz طلع سنة 2012 و بيغطي حوالي 450 مهنة و من ساعتها بقى من حق أي طبيب خريج بره أوروبا إن ملفه يتفحص و جنسيتك مالهاش أي دخل بالموضوع القانون بيقول إن اللي بيقدّم بيتحط قدامه بابين بالترتيب الباب الأول هو فحص تكافؤ الدراسة بالورق — جلايشفيرتيجكايتس-بروفونج — Gleichwertigkeitsprüfung يقعدوا يقارنوا المحتوي العلمي بتاع الكلية بتاعتك بالمنهج الألماني سنة بسنة و مادة بمادة لو مفيش اختلافات جوهرية تاخد الترخيص الدائم — أبروباتسيون — Approbation من غير أي امتحان و لو فيه اختلافات يبصوا على خبرتك العملية و شهاداتك و لو الخبرة دي بتغطي الفرق تاخد الترخيص برضه الباب التاني هو امتحان المعرفة — كِنتنِس-بروفونج — Kenntnisprüfung و ده المفروض يبقى استثناء يعني ما يدخلوهوش غير الناس اللي ظهر إن في فرق حقيقي في تدريبهم و الخبرة ما غطتهوش ده اللي مكتوب في القانون و ده اللي أكدته 3 محاكم إدارية في أحكام سنة 2021 و 2023 و 2024 و قالت صراحة إن المكتب مالوش سلطة تقديرية في ترتيب البابين و إنه مينفعش يخيّرك بينهم طب اللي بيحصل على أرض الواقع إيه ━━━━━━━━━━━━━━━ الأرقام اللي بتقلب الدنيا سنة 2014 كان 52% من الأطباء بياخدوا الاعتراف من الباب الأول يعني بالورق سنة 2023 الرقم بقى 19% و اللي راحوا للامتحان بقوا حوالي 80% و اللي بيترفض نهائيًا نسبته 1% بس و ثابتة من 12 سنة ركّز في الرقم الأخير ده كويس نسبة الرفض 1% معناها إن المنظومة مش بتستبعد حد هي بس بتأجّله المشكلة مش في مستوى الخريجين و لا في جودة الكليات المشكلة إدارية بحتة المكتب المركزي المسؤول عن فحص الأوراق — جوتاختِن-شتيلِه فور جيزوندهايتس-بيروفِه — GfG لكل ألمانيا عنده 13 موظف و بس و القانون مديه 4 شهور يخلص فيهم كل ملف و في سبتمبر 2024 المكتب ده وقف استقبال طلبات جديدة خالص علشان يلحق يصفّي اللي عنده و في نفس الوقت أعداد المتقدمين من خارج أوروبا طلعت من 2,862 سنة 2012 لـ 6,369 سنة 2023 فالمكاتب لقيت نفسها مخنوقة فبدأت تعرض على الناس اقتراح لطيف جدًا سيب فحص الأوراق و ادخل الامتحان على طول علشان أسرعلك و الناس وافقت لأن حد قالهم إن الورق ممكن يستغرق سنتين و لأن ترجمة المحتوي العلمي بتاع الكلية غالية جدًا و على حسابك انت و الوزارة الاتحادية نفسها كانت محذّرة من ده من سنة 2015 و قالت حرفيًا إن ده للحالات الاستثنائية مش للقاعدة ━━━━━━━━━━━━━━━ طب في جامعات مصرية أسهل في المعادلة ؟ خد الإجابة بصراحة السؤال ده بيتسأل كتير و الإجابة عليه محتاجة أمانة القانون فيه حاجة اسمها الحالات المتماثلة — باراليل-فيلِه — Parallelfälle معناها إن لو حد اتخرج من نفس الجامعة و في فترة زمنية قريبة منك و اتعملّه تقييم كامل قبل كده فالمكتب المفروض ما يرجعش يعمل التقييم من الأول يستخدم التقرير النموذجي المحفوظ — موستر-جوتاختِن — Mustergutachten و يصدرلك قرار — بيشايد — Bescheid على أساسه و المكتب المركزي فعلًا بيحفظ نتايج كل التقييمات في قاعدة بيانات علشان الغرض ده يعني نظريًا كل جامعة مصرية عليها ملف مبني على خريجين قبلك بس و دي النقطة المهمة

"الموضوع بسيط يا عبدالله لما كنت نقرا في جامعة درنه كانت مش معترف بيها كلمت العميد ووكيل والشؤون العلمية ووضحت لهم انه الموضوع بسيط ، يبو حد بإيميل رسمي من الجامعة يخاطبهم بس والحمد لله تم الاعتراف بجامعة درنه. الفكرة ان الإداريين في جامعاتنا غالباً ناس كبيرة ف السن وما عندهم خلفية على استخدام الإيميل والمراسلات الرسمية هذه لذلك يحسبوا الموضوع صعب بينما هو العكس" خبرة زميلنا سراج في حث جامعته على الحصول على الاعتراف.

السلام عليكم بعض الدكاترة الدارسين في جامعات غير معترف بها من قبل ECFMG يسألوا عن الحلول الممكنة. في رأيي هناك كلان: 1- أنكم تجتمعوا كطلبة وتمشوا لإدارة الجامعة وتطلبوا منهم البدء في الإجراءات للحصول على الاعتراف (أعتقد هذا ما فعله الزملاء في جامعة الزنتان وقد تحصلوا الاعتراف بفضل الله) 2-لو سعيت في الأمر و الكلية مش مهتمة، حول إلى جامعة معتمدة. لأن ECFMG ياخدوا في الاعتبار الجامعة اللي صدرت منها شهادتك. (يا ريت تزيدوا تراسلوا ECFMG للتأكد من هذه المعلومة). وفق الله الجميع 🤲🤲

زميلي العزيز و المتفوق د محمد المرغني حيبدأ في كورس باطنة كلينيك. طبعا الدكتور المتواضع محمد أحد أوائل الباطنة على دفعته في السيمستر ما قبل اللي فات. الدكتور كان يعطي المايكرو قبل والكل يشهدله بحسن العطاء. نسأل الله التوفيق للجميع🤲🤲

 رابط القناة: https://t.me/Drexplain 👥 رابط القروب: https://t.me/+JIOUhzX0Rtc4M2Fk

السلام عليكم ورحمة الله وبركاته 🩺 طلبة مقابلة 3 و4 🟢في البداية، نتمنالكم بداية موفقة جميعا في مادة الباطنة، وإن شاء الله تكون بداية خير ونجاح، ويكون السيمستر خفيف عليكم يا رب 🔵حنكون معاكم في لايف يوم الاربعاء  الساعة 6، وحنحكي فيه بالتفصيل على طريقة دراسة الباطنة، وشن الحاجات اللي تهمكم وحتفرق معاكم هلبا في المادة، وكيف تختصروا على روحكم وقت ومجهود؛ لأنه فعلًا هني بالذات تتحقق مقولة: Study smart, not hard. 🧠🔥 🟤حنوضحلكم طريقة المذاكرة، وكيف ترتبوا قرايتكم، وشن تركزوا عليه، وكيف تتعاملوا مع المادة حسب شن هدفك منها؛ سواء تبي تفهمها صح، تبي تجيب درجة 🔥، تبي تتميز في الكلينك، أو تبي تبني أساس قوي في المادة. 🟡وكذلك حنوضحلكم فكرة الكلينك وكيف تقروه، وشن الطريقة الصح لدراسته، وشن الوقت الصح اللي تبدأ فيه ⚫وطبعًا حنحكولكم بالتفصيل على طريقة كورس الكلينك اللي حنعطيه، وشن حيكون فيه، وكيف حنمشي فيه، وشن حنركز عليه، وكل التفاصيل اللي تهمكم بعون الله 🔴ونبيكم تستغلوا اللايف وتسألوني على أي حاجة في بالكم، لأن حنجاوبكم على أسئلتكم ونوضحلكم أي حاجة مش واضحة، ونبي اللايف يكون فرصة إنك تعرف بالضبط كيف تبدأ الباطنة وكيف تمشي فيها بطريقة صح. 📅 الاربعاء ⏰ الساعة 6 مساءً 💯المحاضرة طبعًا حتتسجل وتقدروا ترجعوله بعدين، لكن نتمنى منكم تحضروا  اللايف، باش نقدر نتناقش معاكم ونرد على أسئلتكم في وقتها مستنيكم الاربعاء الساعة 6، وإن شاء الله تكون بداية موفقة ليكم جميعًا، وبداية  قوية ومميزة مع الباطنة يا رب

قبل أن تختار كلية الطب، لابد أن تعرف ما إذا كانت معترف بها من قبل هيئة ECFMG الامريكية التي تنظم الاعتراف بشهادات الطب. انشروه للذين يريدون دخول كليات الطب الآن لكي يكون عندهم وعي كافي قبل الاختيار.

فيديو قصير لابد يشوفه أي حد مقبل على اختيار كلية الطب التي سيدرس بها، ويتأكد هل هي معترف بها من قبل ECFMG أو لا. شاركوه مع الطلبة اللي حاليا بيبدوا في دراسة الطب عشان يختاروا صح 👌👌 بالتوفيق جميعا 🤲🤲

شيء لاحظته في التفريغة: تقدروا تشوفوا أن أكثر شي عليه طلب في السعودية هو التخصص الدقيق، هدا علاش دائما ننبهوا على النقطة هادي في القناة👍👍

شيء لاحظته في التفريغة: تقدروا تشوفوا أن أكثر شي عليه طلب في السعودية هو التخصص الدقيق، هدا علاش دائما ننبهوا على النقطة هادي في القناة👍👍

تفريغة كبيرة لمجموعة لقاءات حول طرق السفر في العالم

تفريغة كبيرة لمجموعة لقاءات حول طرق السفر في العالم

تعديل: القرار يبدوا مختصا فقط بقضايا التقديم على Green card وليس بقية التأشيرات مثل التي يحتاجها الطبيب للعمل في أمريكا ( H1B و J1 وغيرها)

تغييرات محتملة في طريق أمريكا 🇺🇸🇺🇸 قاضية في محكمة ولاية نيويورك الأمريكية تلغي قرار حظر السفر على 75 دولة، من ضمنها ليبيا وعدة دول عربية. طبعا مزال الرئيس الامريكي يقدر يقدم طعن في القرار عن طريق محكمة الاستئناف. ومش معروف بالزبط شن حتكون النتيجة النهائية. رابط الخبر https://www.nytimes.com/2026/08/21/us/politics/judge-trump-75-country-visa-ban.html