ما عرّضنا مغاليق الضماير بيعة أول سوم
لها الله لا أستضاقت من غثا الوقت و غرابيله
لو إن أحيان تصعب وقفة الخاطر على الحلقوم
عسى ما فات من عمرٍ مضى فدوة مقابيله
و عسانا لا عطينا السر أحد ينساه ثاني يوم
ما هو ينساه لا من حبنا و إن عاف يطري له
خذتك الظروف اول و رديت لي ملهوف
وخذتك الظروف لـ سجنها مرةٍ أُخرى
و انا اسمي لا مر الناس فزوا معاه وقوف
و على الرغم منه تسوقني صوبك الذكرى
احبك بـ قلبٍ غير مدرك ولا له شوف
و احبك بـ عقلٍ واعي جروحك الكبرى
واحب اتمادى لين ما اخرج عن المألوف
و احب الجروح اللي من يديك ما تبرى
