شینـ🩵

بەیانيت باش، بارانەكەم! ئەمڕۆ وشك و لارەمل و دارسێوێكى بێ تاقەتم، ئەرێ نايەیت تۆزێ بەسەرما ببارى وەهم وەڕەسبوونەم ئاوبدەى؟! بەيانيت باش هەتاوەکەم!. ئەمڕۆ ڕۆحم سەرمایەتی و داربییەکى كزۆڵەم و هەڵئەلەرزم، ئەرێ نايەیت، لەو بەرەوە هەر بۆ ساتێ چاوەكانتم نيشانبدەى؟!. بەيانيت باش فەرهەنگەکەم!. ئەمڕۆ زمانم بەستراوه و خەيال دەرگای پێوەداوە و شێعريشم لەبیرچۆتەوە!. ئەرێ نايەيت، توخوا نايەيت، بۆ تەنياييم تۆزێ بدوێی، دەنگ و ڕەنگم بوروژێنى و، بەشكو منيش لاى خۆمەوه، وەك جوانيت و دەم ولێوو پێکەنينت، جارێكى دى، به قوڵەقوڵ هەڵقوڵێم و بۆ ساڵى نوێ و بۆ شێعرى نوێ وەك ساماڵى دەم و چاوت بكرێمەوە!.