Atlas Students

الي رسلي على بيوفيزيك بيورميار و لا دوزيام؟

هاذي ماشي خطة انقاذ لازملك معجزة 😂 مهم سيي تقرا ليكور الي يطيحو بزاف و خلاص سيرتو اناتو و فيزيو 🥲

Ssh بزاف ساهلة قريتها يومين قبل الاكزامان ديت فيها 16 ركزو على التاريخ زعما كل شعب واش كانوا يديرو و كل حقبة واش اكتاشفو فيها و ركزو على تاريخ الاناتومي كيفاه كانت ممنوعة و مبعد و لات عادي.... و آخر حاجة القوانين و الحقوق هاذو غير افهموهم مهمش حفظ ببغائي 💙

ثاني بيوفيزيك بزاف ساهلة في نهار تقدر تكملها و ريكز على التيبي و التيدي

ما نقدرش نضمنلك النقطة لان النتائج بيد ربي سبحانه مي عدد الكوسيام الكبير على الاناتو و الفيزيو سيي تركزي عليهم كثر مام في النهار كيما تقرا كور جديد كيما لازم تروكوشي القدم و تحل الكوسيام و الفيزيو اذا جاتك ثقيلة بزاف سيي تخدم ملخصات ب claude هذا ai تطلعه عادي و تمدله الكور و هو يلخصه لك 💙

اذا بديتي تقىاي دوكا غادي تكوني روطار في جميع الاحوال سيي تقراي من الملخصات و حلي الكوسيام بزاف و ليموديل الي فيهم لاشارج اقل كيما سيتو و ssh هوما الي سيي تلمدي فيهم النقاطي باه تبلعي و بالتوفيق 💙

كلما تروكوشي كثر تقبض كثر سما كل نهار اقراي كور جديد و روكوشي واحد قديم بالنسبة للبيوستات انا ما قريتهاش الله غالب اسوأ موديل بالنسبة ليا مي كاين صحبتي قرات من وحد الدرايف نتاع الجي و بزاااااف عاونها ذوك نحطه لكم 🌷

هاذو فيهم نتاع 2023 و 2024 تيارت

الي عنده يحطهم بليز 🌷

بما انو اللكزامان قربوا سواء للبروميار و لا الدوزيام غادي نخليلكم هذا NGL سقسو فيه واش بغيتو و الي قدرت عليها نعاونكم بيها 🌷 https://ngl.link/cherry76593

نروح نكمل مسلسل سوري 🚶‍♀️🚶‍♀️ خير والله فيه ريحة نعيم الجهل مسلسل تع زمن جميل

لهنا ومكاش😢😢

اه هدا اكزاما تع الجي وتصحيح تعه فوتوه ليوم لي مهتم بي يشوفه

هاذي كيفاش تضبطوا التعليمات تقدروا تقولوله باي لغة يشرحلكم و اسك يفصل بزاف و لا يختاصر ولا يزيد من عنده او يتقيد بواش في الكور نتاعكم و ما تشرحوش الكور كامل على ضرية من الاحسن بالبارتي باه ما ينقصلكمش كاش صوالح مهمين