🐾✨𝓢𝓶𝓪𝓻𝓽 𝓦𝓪𝔂 3𝓐𝓼 🩶 ꜝ ꜞ

تذكير 📋 : كل ما تحسو نفسكم تعبتو او كرهتو من القراية ، اتفكرو بلي تعب " نوفمبر و ديسمبر " افضل من بكاء و حسرة " ماي "

اذا مازالكم تلقاو صعوبة في التمارين خصوصا المواد العلمية ، كسروا راسكم مع التمرين ، افضل ما يكسركم موضوع الاختبار . ما تديروش وهم لنفسكم بلي خلاص الوقت ، و تبقاو تهبطو في المورال لرواحكم✋🏻

✨اهم حاجة - عشوائيات - ✨ لا تنتظر البرنامج المثالي او الروتين المثالي او الحاجة المثالية باش تبدا تقرا ، ملازامش تكون الساعة 6:00 ، او قلمك المفضل ، او مكانك المفضل ، او الهدوء في البيت ،… حاول تتأقلم مع اي ظرف ممكن يصيبك ، ابدأ بالحاجة لي تقدر عليها ، و تبع البرنامج لي يساعدك و ماتقارنش نفسك ابدا مع التلميذ لي قرا و لي ماقراش ، و تبقى تعسّ فيهم . ركز على نفسك و اهدافك و كن اناني في هذه الحاجة خصوصا في الوقت لي رانا فيه 👀✋🏻 .

خامس نصيحة ⬇️ : المشاعر ، الاحاسيس ، السلبية ، التفكير الزائد و المبالغ فيه ، الوسواس ، المحيط السلبي ، العائلة السلبية ، تفكير انك ماتجيبش الباك .… هاذو كامل ديرلهم Skip ، مش استهزاءً بالعواطف تاعك ، و لكن التركيز في هده الفترة لا يكون عليهم ✨ التزم بأذكارك ، صلاتك ، قرآنك و دعائك ، و اهتم بصحتك الجسدية ، لما تكون سهران و يجيك انذار من الجسم تاعك باش تروح ترقد رد باااالك تتجاهلو . ( و قس على ذلك ) صحتك هي الصح في الفترة هذه بعدها قرايتك !

رابع نصيحة ⬇️: ركزو على المواد الادبية اذا ما صبتوش رواحكم متمكنين مليح مليح من المواد العلمية . بمعنى مثلا تلميذ مش عارف حاجة في الدوال ، و مش عارف حاجة في الفيزياء ، هل يبقى مكتوف الايدي ؟ اكيد لا ،، 🙅‍♂️ لازم يحاول يفرز روحه مع المواد الثانوية العربية والاسلامية و الاجتماعيات ماشي صعاب ، اي تلميذ متوسط او ضعيف يقدر يجيب فوق 15 فيهم ، بصح ماشي بالرقاد و اللعب و الاهمال ، و ترديد كلمة " الصح في الباك "

ثالث نصيحة ⬇️: اخطوكم من الدورات تاع ليلة الرعد، راح تتشتتو بزاف في هذه الدورات خصوصا التلاميذ لي عندهم نقائص بزاااف ، و بالتالي مش رح يستوعبو واش كاين في الدورة ، و مش رح يحتفظو بالمعلومات هذيك . سووو رح تكون تضييع للمال و الوقت و الجهد الدورات تفيد التلميذ الممتاز لي قاري جميع الدروس و الوحدات و حال عدد كافي من التمارين ، بصح اين هو هذا التلميذ ؟

ثاني نصيحة ⬇️ : للتلاميذ لي يتعرضو لضغط من قبل اولياءهم ، مثلا يحاسبوهم على كل نقطة جابوها في الفرض . افضل حاجة تديروها الان تفهموهم بالنقائص تاعكم ، و تقولولهم رانا روطار و هكذا ( اشرحولهن حالتكم المدرسية ، واش ماراكمش لا حقين في الدروس ) باش لما تجيبو علامة كارثية يكونو متفهمين الوضع تاعكم ، و مايبقاوش يضغطو عليكم ، هكذا باش تربحو نفسيتكم ، و ماتبقاوش عايشين في ضغط من قبلهم خصوصا بعد العطلة

اول نصيحة  ⬇️ : التركيز حاليا - في المواد العلمية - يكون على التطبيق و ليس اكتساب معلومات جديدة ، مهما كنت متأخر في المواد العلمية  ، حاولوا قدر المستطاع ماتخلوش نهاركم يفوت بدون حل تمرين او تمرينين في المواد العلمية .

مانقدرش مانمدلكمش نصائح و انتم في فترة حساسة مثل فترة الاختبارات ، و خصوصا كل ما نتفكر بلي كاين تلاميذ راهم اول واحد لي عائلاتهم لي رايحين يجوزو الباك 🥹 المهم ابقوا بالقرب و نتمنى تاخدو النصائح بعين الاعتبار ✨🫶🏻

و اتفكرو سواء عندكم التحفيز باش تقراو او لا ، يلزم عليكم تقراو ، و اذا ماعندكمش التحفيز انتظروه حتى لجوان او جويلية باش يرجع 🥲 حتّموا على رواحكم القراية في هذا الوقت و رح تفهمو قصدي في مارس و افريل أيا روحوا تقراو ربي يوفقكم 🤲🏻

✨ بالنسبة لمهام الأمسية كل واحد يقرا حسب المادة لي مش متقدم فيها ✨

نعاود نذكركم بهاذي ⬆️