ፍኖተ-አማራ ሚዲያ (Finote Amhara Media)

​ ​የአፋብን ጎንደር ጠቅላይ ግዛት በላይ ዘለቀ 3ኛ ዕዝ ከፍተኛ አመራሮች በምዕራብ ጎንደር ዞን ቋራ ወረዳ ከተለያዩ ቀበሌዎች ከተውጣጡ ነዋሪዎች ጋር ሰፊ ህዝባዊ ውይይት አደረጉ! ጥቅምት 24/ 2019 ዓ.ም ​ጥቅምት 23 ቀን 2019 ዓ.ም በምርት ደለጎ፣ ጉምዝ ውሃ፣ ማር ውሃ፣ በርሚል ጊዮርጊስ እና ማህዲድ ቀበሌዎች በተከናወነው በዚህ የውይይት መድረክ ላይ የዕዙ ከፍተኛ አመራሮች የተገኙ ሲሆን፤ወቅታዊ ማህበራዊና ፖለቲካዊ ሁነቶች ላይ ገምገማ ተደርጓል። ​በመድረኩ ላይ የዕዙ አመራሮች አርበኛ ደረጀ በላይ፣ ኮሎኔል አበራ አዛናው እና አርበኛ ብዙአየሁ ወንድምነው ተገኝተዋል። አመራሮቹ በአካባቢው የሚስተዋሉ ማህበራዊና ፖለቲካዊ ተግዳሮቶችን በመዳሰስ፣ ለአካባቢያዊ ችግሮች ፈጣን ምላሽ የሚሰጡ እና የትግሉን አውድ ከፍ ሊያደርጉ የሚችሉ ወሳኝ አቅጣጫዎችን አስቀምጠዋል። ​በውይይቱ ላይ የተሳተፉ የሃይማኖት አባቶች፣ የሀገር ሽማግሌዎች እና ወጣቶች በበኩላቸው፤ መድረኩ ወቅታዊና እጅግ አስፈላጊ መሆኑን ገልጸዋል። ስለሆነም የሚያጋጥሙትን ልዩ ልዩ ችግሮች በጋራ በመገምገም ዘላቂ መፍትሔዎችን ማስቀመጥ እና ትኩረቱን ህዝባዊ ትግሉ ላይ ማድረግ እንደሚገባ ተሳታፊዎቹ በአጽንኦት አንስተዋል። ህልውናችን በተባበረ ክንዳችን! ​አፋብን ጎንደር ጠቅላይ ግዛት በላይ ዘለቀ 3ኛ ዕዝ ሕዝብ ግንኙነት መምሪያ!

አፋብን  ቴወድሮስ 2ኛ ዕዝ የ102ኛ ኮር አፋብን ያወጣወን የስልጠና ጥሪ መሰረት በማድረግ ሰልጣኞችን መልምሎ ማሰልጠን ይፈልጋል።ስለሆነም ከዚህ በታች የተዘረዘረውን መስፈርት የሚያሟላ ማነኛውም አካል መመዝገብ የሚችል መሆኑን እናሳውቃለን።                  👉የመመዘኛ መስፈርት 1ኛ"አማራ የሆነ/ች 2ኛ"እድሜው/ዋ ከ18 _25የሆነ/ች 3ኛ"ከማነኛውም ደባል ሱስ ነፃ የሆነ/ች 4ኛ"በስልጠና ሂደት ውስጥ የሚገጥሙትን ችግሮች ተቋቁሞ የሚለውጥ/የምትለውጥ 5ኛ"ከሁሉም በፊት ከመከላከያ ከአድማ ብተና ከፖሊስ ውስጥ ያልነበረ/ች 6ኛ"ከስልጠና በኋላ ድርጅቱ በተሚመድበው በማነኛውም ቦታ ለመታገል ፍቃደኛ የሆነ/ች 7ኛ"የወንጀል ክስ የሌለበት/ባት 8ኛ"ቁመት፦ ለወንድ 1,65ሜትር በላይ ፣ለሴት 1,50ሜትር በላይ የሆነ/ች 9ኛ"ክብደት፦ለወንድ 50ኪ,ግ በላይ ፣ለሴት 45 ኪ.ግ በላይ የሆነ/ች 👉ከላይ የተዘረዘሩትን መስፈርት የሚያሟላ ማነኛውም አካል ከቀን 25/02/1019ዓ/ምእስከ 20/03/2019 ዓ/ም102 ኮር በሚያስተዳድራቸው ክ/ጦሮች በ11ኛ/በ22ኛ/በ33ኛክፍለጦር በሚንቀሳቀሱበት ቦታ ድረስ በመሄድ መመዝገብ የምትችሉ መሆኑን እናሳውቃለን። አዲስ ትውልድ፣አዲስ አስተሳሰብ፣አዲስ ተስፋ! የአፋብን ቴወድሮስ 2ኛ ዕዝ የ102ኛ ኮር ስልጠና መምርያ ሀላፊ።

ሰበር ዜና! ጀብደኛው ምኒልክ 1ኛ ዕዝ በምስራቅ ግንባር አንድ ከፍተኛ ወታደራዊ አመራር እና የፓሊስ አዛዥን ጨምሮ በርካታ የአገዛዙን ሰራዊት ደ*መሰሰ! በአምባሰል ወረዳ ውጫሌ ከተማ በተደረገው እልህ አስጨራሽ አውደ-ውጊያ ከተማዋን በመቆጣጠር በአካባቢው መሽጎ የነበረው የአገዛዙ ሰራዊት ሲደመሰስ፤ በርካታ ሃይሉን ከጥቅም ውጭ በማድረግ መበታተን ተችሏል። አምስት ቀናትን በፈጀው ከባድ ተጋድሎ አረመኔው አገዛዝ የአየር ሃይል አቅሙን ሙሉ በሙሉ የተጠቀመ ሲሆን ሚግ፣ ጀት፣ ድሮን እንዲሁም ሜካናይዝድ የምድር መሳሪያወችን በመጠቀም ለመከላከል የሞከረ ቢሆንም በአይበገረዎቹ የምኒልክ 1ኛ ዕዝ አናብስቶች እግረኛ ሰራዊቱ ከፍተኛ ኪሳራ ደርሶበታል። የጀብደኛው ምኒልክ 1ኛ ዕዝ 14ኛ ኮር፣ 13ኛ ኮርና የዕዙ ልዩ ዘመቻ የተውጣጡ ዉስን አሃዶች ዘመን አይሽሬ ተጋድሎ በደማቸው በመፃፍ ታላቅ ጀብድ ፈፅመዋል። የምኒልክ 1ኛ ዕዝ ከ102ኛ ኮር የተውጣጡ አሃዶች ከወልደያና መርሳ ወደ ውጫሌ በተንቀሳቀሰው የጠላት ሃይል ደፈጣ በመጣል ከባድ ምት አሳርፈውበታል። በዚህ የዉጫሌ አዉደ ዉጊያ ፦ ✔️ አንድ ማንነቱ ለጊዜዉ ያልታወቀ ወታደራዊ አመራር እና የፖሊስ አዛዥ የተደ*መሰሱ : ✔️ መቶ ሃያ ሶስት (123) የአገዛዙ ሰራዊት የተደ*መሰሰ ✔️ አንድ ዙ-23 ተቃጥሏል ✔️ መቶ ስልሳ (160) ቁስለኛ ሆኗል ✔️ ሰላሳ ሰባት (37) የአገዛዙ የሰራዊት አባል ተማርኳል ✔️ በርካታ የነፍሰወከፍና የቡድን መሳሪያዎች ተማርከዋል። በዚህ የተበሳጨው የጦር ወንጀለኛ አገዛዝ ሠራዊታችን የተቆጣጠራትን የዉጫሌ ከተማ በጀትና በድሮን በመደብደብ ንፁሃንን በግዴለሽነት እየጨፈጨፈ እና የመኖሪያ ቤቶችን በመድፍ እያቃጠለ በመሆኑ ለህዝቡ ሲባል ሠራዊታችን ከተማዋን ለሶስት ቀናት ተቆጣጥሮ ከቆየ በኋላ እንዲወጣ ተገዷል። ስለሆነም የህዝብ ልጅ የሆነው ፋኖ የአገዛዙን ሀይል ከከተማ ዉጪ ከምሽግ እንዲወጣ በማድረግና በመሳብ የአገዛዙን ሀይል በድጋሚ አይቀጡ ቅጣት እየተቀጣዉ ስለሚገኝ መላው የውጫሌና አካባቢው ማህበረሰብም አሁንም ራሱን ከዘረፈጁ እና አማራ ጠሉ ስርዓት ከሚፈፅመው ዘፈቀዳዊ የአየር ድብደባ እንዲጠብቅ እናሳስባለን። በተለይ አገዛዙ በጃሪ ቁጥር ሁለት ቱርክ መጠለያ ካንፕ ከተለያዩ የሃገሪቱ ክፍሎች በአማራነቱ በተሰደደው አማራ ላይ የድሮን ጭፍጨፋ ከአካሄደ በኋላ ደመላሾቹ የቁርጥ ቀን የአማራ ልጆች በአገዛዙ ሰራዊት ላይ ከፍተኛ ኪሳራ አድርሰውበታል። በአማራ ጠልነቱ የሚታወቀው አገዛዝ ንፁሃንን መጨፍጨፍ ያልተጠቁ ሲቪሊያኖችን በዘፈቀደ መጨፍጨፍ እንጅ ፊት ለፊት ከፋኖ ጋር መዋጋት እንደማይችል እና የመዋጋት ስነልቦና የሌለው አቅመቢስ እንደሆነ በውጊያው ተረጋግጧል። አውደ ውጊያው አሁንም እንደቀጠለ ነው! መዳረሻው ድልና ነፃነት የሆነው የአማራ ህዝብ የህልውና ተጋድሎ ተጠናክሮ ይቀጥላል። ህልውናችን በተባበረ ክንዳችን! አፋብን ምኒልክ 1ኛ ሚዲያና ኮሙኒኬሽን መምሪያ! ጥቅምት 24/2019 ዓ/ም

የአፋብን ጎንደር ጠቅላይ ግዛት በላይ ዘለቀ 3ኛ ዕዝ ሜጀር ጀኔራል ውባንተ አባተ ፩ኛ ኮር እና 206ኛ ሜጀር ጀኔራል ከፍያለው ደሴ ኮር የአንድ ጉባኤ ላይ የዕዙ ሰብሳቢ አርበኛ ዮሐንስ ንጉሱ ያስተላለፈው መልዕክት!

የ502ኛ ኮር 75ኛ እና 77ኛ ክፍለ ጦር በጋራ፡ የአገዛዙን ጦር ድባቅ በመምታት ድል ተቀዳጁ!!        ጥቅምት 24/2019 ዓ.ም መነሻውን ከሰላድንጋይ አድርጎ ወደ ሳሲት የተንቀሳቀሰውን የጠላት ኃይል፡ የአፋብን ሸዋ ጠቅላይ ግዛት አሳምነው 5ኛ ዕዝ 502ኛ ኮር 75ኛ ክፍለ ጦርና 77ኛ ክፍለ ጦር በጋራ በሰሩት ኦፕሬሽን በጠላት ላይ ድል መቀዳጀታቸውን የኮሩ ቃል አቀባይ አሳወቀ። ጠላት አለኝ ያለውን የመካናይዝድ እና የእግረኛ ጦር ከሠላድንጋይ ወደ ሳሲት ለማጥቃት ተንቀሳቅሶ ለሁለት ቀናት በቆየው እልህ አስጨራሽ ውጊያ፡ ከ502ኛ ኮር 75ኛ ክ/ጦር እና ከ77ኛ ክ/ጦር በተውጣጡ ውስን ሻለቆች፡ በስቦ መምታት ወታደራዊ ስልት ክፉኛ እዲመታ ተደርጓል። ሆኖም በጠላት ላይ እጅግ ከባድ ሰብዓዊና ቁሳዊ ኪሳራ መድረሱ ሲገለፅ፡ ቁጥራቸው በውል ያልታወቁ በርካታ የሠራዊት አባላቱ ሙትና ቁስለኛ መሆናቸው ታውቋል። መድፍ፣ Bm፣ ሞርተሮችን እና ድሮኖችን ጨምሮ ሳሲትን ለመያዝ ሲፍጨረጨር የዋለው አገዛዙ ጦር ክፉኛ በመመታቱ የሞቱበትን የሠራዊት አባላት ሳይቀብር፡ ሙትና ቁስለኞቹን በአንቡላሶች ጭኖ ወደ መጣበት ሠላድንጋይ ለመመለስ ተገዷል። በዚሕ ሽንፈት የተበሳጨው ጠላትለ በብስጭት ወደ አርሶአደር ማሳ መድፍ በመተኮስ ወደ ሠላድንጋይ ፈርጥጧል። በዚህ አውደ ውጊያ ድልና ሞራል የተቀዳጀው የወገን ኃይል፣ በሙሉ ቁመናው ወደ ፊት እየገሰገሰ ይገኛል። " ክብር ለትግሉ ሠማዕታት! " ህልውናችን በተባበረ ክንዳችን! አፋብን ሸዋ ጠቅላይ ግዛት አሳምነው 5ኛ ዕዝ ሕዝብ ግንኙነት መምሪያ!!

​በአፋብን ጎንደር ጠቅላይ ግዛት የላይ ዘለቀ 3ኛ ዕዝ ሜጀር ጀነራል ውባንተ አባተ ፩ኛ ኮር እና የ206ኛው ሜጀር ጀነራል ከፍያለው ደሴ ኮር ታሪካዊና ጥልቅ ፋይዳ ያለው የአንድነት ጉባኤ በታሪካዊው የገብርዬ ቅየ አካሂደዋል። ​ጥቅምት 23/2019 ዓ.ም ​በሁለቱ ኮሮች ግንኙነት የድርጅት አመራሮች፣ የዕዝ አመራሮች፣ አባት አርበኞች፣ የሃይማኖት አባቶች፣ የክፍለ ጦርና የሬጅመንት ሥራ አስፈጻሚዎች እና አባላት፣ እንዲሁም የሀገር ሽማግሌዎችን በአንድ ላይ ባሰባሰበው በዚህ የግንኙነት መድረክ ላይ ያለፉ ችግሮችን በማስተካከል በቀጣይ የጠላትን ኃይል ለመደምሰስ የሚያስችል ጠንካራ የትግል ስትራቴጂካዊ ውይይቶች ተደርገውበታል። ​በዚህ የግንኙነት ጉባኤ ላይ ተሳታፊዎቹ የነበሩ ችግሮችን በመቅረፍ፣ የትግል እንቅፋት የሆኑ ቀዳዳዎችን በመዝጋት፣ የጠላትን የብልጽግና አገዛዝ ለማፈራረስና ለማምበርከክ አንድነት አማራጭ የሌለው ብቸኛ ቁልፍ መሆኑን በአጽንኦት ተወያይተዋል። ​አገዛዙ አማራ በሚለው ማንነት እየመረጠ በሚፈጽመው ጭፍጨፋ እና በቀጠናዊም ሆነ በሌላ መጠሪያ ልዩነቶችን መፍጠር በሚሞክርበት በዚህ ወሳኝ ሰዓት፣ መለያየት ፈጽሞ እንደማይገባ ተሳታፊዎች በጥብቅ አሳስበዋል። ይልቁንም፣ ታጋዩ ኃይል በጠላት ላይ እኩል መረዳት እንዲኖረው አድርጎ መርሮ ለመታገል በአንድ የአማራነት መንፈስ መቆም ግዴታ መሆኑን በመረዳት፤ በሰከነና በአርቆ አሳቢነት ለአማራ ሕዝብ ክብር ሲባል አንድነትን መምረጥ ግዴታ መሆኑ ተሰምሮበታል። ​በመጨረሻም፣ ባለፉት ስምንት ዓመታት የአማራን ሕዝብ ማጥፋት እንደ መንግሥታዊ መርህ ይዞ የዘለቀውን የጥላቻ ሥርዓት በጋራ ለመመከት የሁለቱ ኮሮች መዋቅር ያለምንም ቅድመ ሁኔታ ችግሮችን በይቅር ባይነት በመተው በአብሮነት ለመሥራት ቃል ገብተዋል። ​አገዛዙ በዓለም አደባባይ በሥነ-ልቦና፣ በውጊያ፣ በፖለቲካ እና በሚዲያ ሁለንተናዊ ውድቀት ውስጥ እንደሚገኝ የጠቆሙት ተሳታፊዎቹ፤ የአማራን ሕልውና በዘላቂነት ለማረጋገጥ ታጋዩ አንዱ ለአንዱ ደራሽነቱን በተግባር የሚያሳይበት ወሳኝ ወቅት አሁን መሆኑን አረጋግጠዋል። ​ስለሆነም የዚህ የተቀደሰ አብሮነት እና የጋራ የግንኙነት ተሳታፊዎች ለአማራ ሕዝብ ሲሉ ሕይወታቸውን የሰጡ ጀግኖች አርበኞችንና የክብር ሰማዕታትን በማስታወስ ያስጀመሩትን ትግል ለማስቀጠል ያላቸውን ጽኑ አቋም እና አብሮነት አረጋግጠዋል። ​ህልውናችን በተባበረ ክንዳችን! ​አፋብን ጎንደር ጠቅላይ ግዛት በላይ ዘለቀ 3ኛ ዕዝ ሕዝብ ግንኙነት መምሪያ!

አፋብን ጎንደር ጠቅላይ ግዛት በላይ ዘለቀ 3ኛ ዕዝ ሜጀር ጀነራል ውባንተ አባተ 1ኛ ኮር ጣና ገላውዲዎስ ክፍለ ጦር ከአባት አርበኞች ጋር ውይይት አደረገ! ጥቅምት 23/2019 ዓ.ም ​አፋብን ጎንደር ጠቅላይ ግዛት በላይ ዘለቀ 3ኛ ዕዝ ሜጀር ጀነራል ውባንተ አባተ 1ኛ ኮር ጣና ገላውዲዎስ ክፍለ ጦር ህዝባዊ አስተዳደር፤ ከአፈረዋና ብርጌ ከሚገኙ ዘጠኝ ቀበሌዎች ከተወጣጡ የአባት አርበኞች ተወካዮች ጋር በወፍ አርግፍ ማዕከል ለተከታታይ ሁለት ቀናት ጥልቅ ውይይት አካሄደ። ​ በአሁኑ ወቅት በአማራ ሕዝብ ላይ ተደቅኖ ያለው የህልውና አደጋ ቀላል የማይባል በመሆኑ ትልቅ ውሳኔ የሚጠይቅ መሆኑን በሰፊው ተመላክቶ የጋራ ግንዛቤ የተፈጠረ ሲሆን፤ የተገኙት የአባት አርበኞች ሁኔታውን በጥልቀት በመገንዘብ ለአማራ ህዝብ የህልውና ደኅንነት ሲባል የትኛውንም ግዳጅ ያለ ማመንታት ሙሉ ዝግጁነት አረጋግጠዋል። ስለሆነም ህዝባችንን ከተደቀነበት አደጋ ለማውጣት ክፍለ ጦሩ ከአባት አርበኞች ጋር በቅንጅት እና በመናበብ መስራት ግዴታ መሆኑ ትኩረት ተሰጥቶበታል ። ህልውናችን በተባበረ ክንዳችን!​ አፋብን ጎንደር ጠቅላይ ግዛት በላይ ዘለቀ 3ኛ ዕዝ ሕዝብ ግንኙነት መምሪያ!

ቴዎድሮስ 2ኛ ዕዝ፣ ከሸዋ የመጡ ከፍተኛ የአፋብን አመራሮችን በደማቅ ሁኔታ ተቀበለ!! የሸዋ ወንድሞቻችን እንኳን ደኀና መጣችሁ!!! የድርጅታችን፤ የአማራ ፋኖ ብሔራዊ ንቅናቄ የፖሊት ቢሮና የስራ አስፈፃሚ አባላት የሆኑትን አርበኛ ካሳሁን፣ አርበኛ ዘበነ በላይነህንና የሉኡካን ቡድን አባላቱን ቴዎድሮስ 2ኛ ዕዝ በደማቅ ሁኔታ ተቀብሏል። እነኝህ የድርጅታችን ከፍተኛ አመራሮች አስቸጋሪውን መልክዓምድር አቆራርጠው ቴዎድሮስ 2ኛ ዕዝ በሚያስተዳደራቸው ቀጠናዎች ሲደርሱ ከማኀበረሰቡ፣ ከሰራዊታችንና ከዕዛችን መልካም ወንድማዊ አቀባበል ተደርጎላቸዋል። አመራሮቹ በቴዎድሮስ 2ኛ ዕዝ በተደረገላቸው መልካም ወንድማዊ አቀባበል እጅግ ደስተኞች እንደሆኑ ገልፀዋል። በቀጣይ የተሰጣቸውን ድርጅታዊ ተልዕኮ በተሳለጠ ሁኔታ ለመፈፀም በቴዎድሮስ 2ኛ ዕዝ የተደረገላቸው መልካም ወንድማዊ አቀባባል ተጨማሪ የሞራል ስንቅ እንደሆናቸው ገልፀዋል። ለድርጅታችን ከፍተኛ አመራሮች ከቴዎድሮስ 2ኛ ዕዝ፤ ህዝብ ግንኙነት መምሪያ "ፋኖ ግቡን እንዲመታ...!" የተሰኘ መጽሐፍ በስጦታ ተበርክቶላቸዋል። አፋብን፤ቴዎድሮስ 2ኛ ዕዝ፤ ህዝብ ግንኙነት መምሪያ!

ነፃ በወጡ ቀጠናዎች ሕዝባዊ ውይይቶች ቀጥለዋል አፋብን ሚኒልክ 1ኛ ዕዝ 15ኛ ኮር! ጥቅምት 23/2019 ዓ.ም ትግሉ የደረሰበትን ደረጃ በተመለከተ እና በወቅታዊ ጉዳዮች ዙሪያ ከወግድ ወረዳ ነዋሪዎች ጋር በዛሬው ዕለት ሰፊ ህዝባዊ ውይይት ተደርጓል። በአፋብን ምኒልክ 1ኛ ዕዝ 15ኛ ኮር ጊዜያዊ መንግስት አስተዳደር ስር የተዋቀሩ አመራሮች ጭምር በተገኙበት በዚህ ውይይቱ ላይ የደቡብ ወሎ ዞን ምክትል አስተዳዳሪ አርበኛ አማረ አያሌው ጠንከር ያለ መልዕክት አስተላልፏል። አርበኛው በመልዕክቱ ከዚህ ቀደም በአንድም ሆነ በሌላ መልኩ ከጠላት ጋር ሲሰሩ የነበሩና ፋኖ ወረዳውን መቆጣጠሩን ተከትሎ ሸሽተው ወደ ሌላ ከተማ የተሰደዱ ግለሰቦችን በተመለከተ ጥሪ ያስተላለፈ ሲሆን ለእስካሁኑ ጥፋታችሁ ይቅር ስላልናችሁ ወደ ቀያችሁ መጥታችሁ መደበኛ ህይወታችሁን ቀጥሉ ሲልም ተናግሯል። የወግድ ወረዳ አስተዳዳሪ አርበኛ ሙሉጌታ ሰማኝ በበኩሉ ለተሰብሳቢዎች በፋኖ ትግል መነሻ እና መዳረሻ ዙሪያ ማብራሪያ ሰጥቷል። በመጨረሻም ከተሰብሳቢዎች አስተያየት እና ጥያቄ በመቀበል ጠቅለል ያለ ማብራሪያ እና ምላሽ በአርበኛ አማረ አያሌው ተሰጥቶ መድረኩ ተጠናቋል። መዳረሻው ድልና ነፃነት የሆነው የአማራ ህዝብ የህልውና ተጋድሎ ተጠናክሮ ይቀጥላል! ህልውናችን በተባበረ ክንዳችን! አፋብን ምኒልክ 1ኛ ዕዝ 15ኛ ኮር ህዝብ ግንኙነት!