𝔸𝕣𝕥𝕚𝕤𝕥𝕚𝕔 𝔸𝕟𝕥𝕙𝕠𝕝𝕠𝕘𝕪

ငါတို့ကတော့ ..ခပ်ရှင်းရှင်း ခပ်ကင်းကင်း ပဲ ဘယ်ကမ်း မှလည်း မကပ်ဘူး ဘာ ဘောင်မှလည်း မခတ်ဘူး ....ကိုယ် ဖောက်တဲ့ လမ်း ပဲ ပျောက်စရာ ဘာစောက်ကြောင်းရှိလည်း.. ငါတို့ က ယောက်ကျား စစ်တယ်။ အမဲလိုက်က.သီချင်း ကို အသံကုန် ဟစ်တယ်။ ဘယ်သူ့ ဂရုစိုက်ရမှာလည်း.... မိန်းမ တစ်ယောက် က ပြစ် သွားတာလောက် နဲ့ စာမဖွဲ့ ကဗျာမရေး နဲ့ ခေတ် က မကောင်း စနစ် က မကောင်း မင်းတို့ စောက်ကြောင်းတွေ ပုံကြီးချဲ့ ပြီ အော်ဟစ်မနေ နဲ့   အိပ်ရေးပျက်တယ်။ ခွေးဟောင် တိုင်း ထ မကြည့်နိုင်ဘူး ...ခတ္တာ...

ငါတို့ကတော့ ..ခပ်ရှင်းရှင်း ခပ်ကင်းကင်း ပဲ ဘယ်ကမ်း မှလည်း မကပ်ဘူး ဘာ ဘောင်မှလည်း မခတ်ဘူး ....ကိုယ် ဖောက်တဲ့ လမ်း ပဲ ပျောက်စရာ ဘာစောက်ကြောင်းရှိလည်း.. ငါတို့ က ယောက်ကျား စစ်တယ်။ အမဲလိုက်က.သီချင်း ကို အသံကုန် ဟစ်တယ်။ ဘယ်သူ့ ဂရုစိုက်ရမှာလည်း.... မိန်းမ တစ်ယောက် က ပြစ် သွားတာလောက် နဲ့ စာမဖွဲ့ ကဗျာမရေး နဲ့ ခေတ် က မကောင်း စနစ် က မကောင်း မင်းတို့ စောက်ကြောင်းတွေ ပုံကြီးချဲ့ ပြီ အော်ဟစ်မနေ နဲ့   အိပ်ရေးပျက်တယ်။ ခွေးဟောင် တိုင်း ထ မကြည့်နိုင်ဘူး ...ခတ္တာ...

"2လေး7" ဒါဟာ အကောင်းဆုံး တေးသွားတစ်ပုဒ် မဟုတ်ပါဘူး။ ဒါဟာ ဝါဒဆန့်ကျင်ရေးတွေ ထိုးသိပ်ထားတဲ့ အိတ်တစ်အိတ်လည်း မဟုတ်ဘူး။ ဒါဟာရေစီးကြောင်းထဲက လတ်လတ်ဆတ်ဆတ် ခုန်ထွက်လာတဲ့သွေးသံရဲရဲ မနက်ခင်းတစ်ခုပဲ။ 2023 ရဲ့ 8 လပိုင်း၊ အမည်နဲ့ နေရာတစ်ခုမှာ ကိုယ်တို့ မျက်လုံးချင်း ဆုံခဲ့ကြတယ်။ လွဲပစ်ခဲ့တဲ့ မျဉ်းဖြောင့်တွေဟာ အဲ့တုန်းကတော့ ရေစက်ကိုကျေးဇူးတင်ခဲ့ရတယ်။ဆယ်ကျော်သက် ရင်ဖုံးလေးဟာ စေတန် ကောင်းချီးပေးခဲ့တဲ့ အညင်သာဆုံး မီးတောက်ကလေးပဲ။ကိုယ့်ကိုယ်ကိုယ် တောက်လောင်စေခြင်းဖြင့် ပါရီမြို့လေး ပိုးဖလံ ကင်းပါစေ။ ကိုယ် ပထမဆုံး ရှာတွေ့ခဲ့တဲ့ရှစ်ခုမြောက် တိုက်ဟာမင်း မွေးနေ့က စတယ်လို့ ပြောတိုင်း "ရှင်ကတော့လေ" ဆိုပြီးအက်ကြောင်းထပ်နေတဲ့ ရယ်သံတွေနဲ့ငါတို့ လမ်းကြားထဲက အပင်တွေ ကြွေခဲ့ရတယ်။ ပထမရက် ဒုတိယအပတ် တတိယလ စတုတ္ထနှစ် ဒါတွေက ကြွေခဲ့တဲ့ အပင်စာရင်းတွေပဲ။မင်းလက်ကို စနမ်းခွင့် ရခဲ့တဲ့ ရက်တွေဟာဒီနှစ်တွေမှာ စုတ်ပြတ်သတ်နေခဲ့တာတော့ ချွင်းချက်ပေါ့ ခင်ရယ်။ ကိုယ်တို့ ဝေးသွားတဲ့ သုံးမိနစ်စာလေးနဲ့အရက်ဖိုး ချေခဲ့ရတော့ ပထမဆုံးတွေ များလွန်းတဲ့ နိုင်ငံတော်ဟာအသဲကွဲခဲ့ရတယ်။အရက်ဆိုင်မှာ မိုးလင်းခဲ့တဲ့ ရာစုနှစ်မြူတစ်ကောင်အတွက် အရာအားလုံးဟာ မင်းလက်ဖမိုးပေါ်က လက္ခဏာရဲ့ အဖိုးအခပဲ။ထွက်ခွာခွင့် မပါတဲ့ မှတ်တိုင်ဆိုတာတစ်နေရာရာမှာ ရပ်ကျန်ခဲ့တဲ့ စိတ်တွေကြောင့်လည်းဖြစ်နိုင်ပါတယ်။ "တော်တော် စောက်လုပ်ရှုပ်တဲ့ မိုးကွာ" SLAve တစ်ကောင်လိုမျိုး ငါ့ဂုတ်ပေါ်က ကြိမ်ဒဏ်တွေဟာ မင်းထားခဲ့တဲ့ အမှတ်တရတွေပဲ။ပြက္ခဒိန်ထဲက ရေစိုနေတဲ့ အောက်ဘက်ခြမ်းဟာဘယ်သူမှ မလိုချင်တဲ့ မိုနာလီဇာ။ လုဗ်ပြတိုက်ကိုမှရေစိုခံ မိတ်ကပ်တွေနဲ့ မျက်နှာသစ်ခဲ့ပုံများ။ တစ်ဘဝစာ အစွန်အဖျားထပ်မှာကိုယ့်လက်ကို ချိုးပြီးစောက်သုံးမကျခြင်းဘွဲ့ကိုထိုက်ထိုက်တန်တန် ကြိုးကွင်းစွပ်ခဲ့တဲ့ExTreMe Dimensions ထဲကိုမှမေ့ပျောက်ခြင်း ဖိတ်စာနဲ့ ငါ လက်ဆွဲယူခဲ့တဲ့ငွေ့ရည်ဖွဲ့ခြင်းမျိုးတွေဟာအချစ်ဟာ စစ်ဆိုတဲ့ AD26 ပန်းဦးလွှတ်ပွဲရဲ့ နောက်ဆုံးဗားရှင်းပဲ။ အပ်ဒိတ်မြှင့်လိုက်တိုင်းမေတ္တာပါဝင်မှုဟာအကြမ်းရည်လျော့ထားတဲ့ ပေါ့စိမ်ပေါ်မှာပဲ မူတည်တော့တယ်။ ခပ်ပိန်ပိန် ကတိတစ်ခုကိုမှ မင်းတို့က လိုအင်ဆန္ဒတွေ ဖြည့်ကြတာ။အခုကျခေတ်ဟာအချစ်ဓာတ် ချို့တဲ့ခဲ့တဲ့ကုန်စည်တွေနဲ့ပဲ စည်ကားနေတယ်။ ခရမ်းလွန်ရောင်ခြည်တွေအိပ်တန်းတက်တဲ့ ညလယ်မှာငါတို့ အတွေ့တရားဟာသုတ်ရည် ပတ်လည်ကာထားတဲ့၃၃ နှစ်အရွယ် ဗျိုင်းမကြီးပဲ။ မင်းတို့က Sexual Bull တွေနဲ့လူကြီးဖြစ်နေချိန် ငါတို့က Cigarettes Art တွေကိုကစားလို့ကောင်းတုန်း။ သေနေတဲ့ စာကြောင်းတွေကိုအုတ်ဂူတင်ပေးလိုက်။ဒါ ကဗျာစစ်စစ်။ သဒ္ဒါတရား ကင်းမဲ့တဲ့နေ့ခင်းတွေမှာအပြန်မသာတဲ့ အလာလမ်းကိုမှကိုယ့်ပိုက်ဆံနဲ့ကိုယ် လျှောက်နေရတုန်း။ သံသရာရဲ့ ဟိုးထောင့်တစ်နေရာမှာဘက်ကီဂျင်းတစ်ထည်ဟာအေးစက်မှုတွေနဲ့ ထုံကျဉ်နေခဲ့ပြီးဒါဗင်ချီရဲ့ လက်နှစ်ဖက်ကိုဖျက်.... မင်းခန္ဓာကိုယ်ကို ထုဆစ်ပေးခဲ့ခြင်းမျိုးတွေဟာစောက်ရူးတစ်ကောင်ရဲ့ ကိုးကွယ်မှုတွေပါ။ မြေထဲပင်လယ်ဟာအဲ့နေ့က ကမ်းစပ်နဲ့ ငြိမ်းချမ်းရေးယူပြီးလှိုင်းလွှင့်တွေနဲ့ အရေးအခင်း ထဖြစ်တယ်။ဒီရေအပေါ် ရာသီဥတုဟာရပ်ဆဲခြင်း မရှိခဲ့ဖူး။ အာဏာရှင်ပီပီငါတို့ဟာကိုယ့်ပန်းချီကားကိုယ်ထမ်းပြီးနေရှင်နယ်ခေတ်ထဲ ပြေးပုန်းခဲ့ရတယ်။ -ရိမ်း -နှစ်၄7

ငါ့ကို ခွက်အဖြစ်ကောက်မော့ကြတဲ့ လူတွေ ‎ငါ့ကို အရက်ပုလင်းလို ကောက်ငဲ့ကြတဲ လူတွေ ‎ငါ့စိတ်တွေ အိတ်သွန်ဖန်မှောက်ကုန်ခဲ့ပြီလေ ‎ငါ့သည်လည်း ဗလာဟင်းလင်းပြင်ကြီးဖြစ်လို့ ‎ငါ့လည်း ခွက်လဲမှောက် ပုလင်းလိုလည်း လဲခဲ့ပြီပေါ့ ‎ ‎#ခန့်ထည်

" မမ " ​"ကောင်လေး မင်း အရွယ်ရောက်ဖို့ လိုပါသေးတယ်" တဲ့ ။ ​အကြည့်တစ်ချက်ကြောင့် နှစ်တွေ အများကြီး ကွာခြားသွားတယ်ဆိုတာ မမ ယုံ ။ Gen Z ရဲ့ Trend တွေထဲ Flow မျှောနေချင်တဲ့ ကျွန်တော်က စည်းကမ်းတကျ လှပလွန်းတဲ့ မမရဲ့ အငြိမ် Vibe ထဲမှာတော့ အလူးအလဲပဲ ။ ခုလည်း မမ နောက်လည်း မမ ကျွန်တော့် ရဲ့ပူပူနွေးနွေး နှလုံးသားထဲ မှာ မမ ။ မမ က လွဲရင် နေမဝင်အင်ပါယာတောင် ကျွန်တော် မလိုချင်တဲ့ စာမျက်နှာတစ်ခုစာပါပဲ မမ ။ မမ နဲ့ပတ်သတ်ရင် ကျွန်တော်က အောင်ချိမ့်ပါ ကျွန်တော်က အော်ဖီးယပ်စ်ပါ ကျွန်တော်က ဟီးသ်ကလစ်ပါ မမ ။ အရွယ်ရောက်ခြင်းဆိုတာ ကိန်းဂဏန်းတွေ မဟုတ်ဘဲ စောင့်ရှောက်နိုင်စွမ်းရှိခြင်းပါ မမ ရဲ့ ။ ဒါ့ကြောင့်.. မမရဲ့ ပင်ပန်းမှုတွေအောက် ကျွန်တော်ကပဲ လူကြီးလုပ်ပြီး လုံခြုံတဲ့ရင်ခွင်တစ်ခု ဖြစ်ချင်တာမို့ မျက်စိစုံမှိတ် ကျွန်တော့်ကို ပြန်ချစ်လိုက်ပါ မမ။ မမရဲ့စုဆောင်းထားသမျှ မေတ္တာအငွေ့အသက်တွေ ကျွန်တော့်ကို ပြန်မျှလိုက်ပါ မမ ။ မမဆီပဲ တည့်မတ်နေမိတဲ့ ကျွန်တော့် ခြေလှမ်းတွေကို ကျေကျေနပ်နပ်နဲ့ သိမ်းပိုက်လိုက်ပါ ကျွန်တော့်ကို အပိုင်ယူလိုက်ပါ မမ ။ - နေရည်မင်းလွင်

တိမ်ခိုးတိမ်လွင်ကြားမှာ မျှော်လင့်ချက်တစ်ခုများ ဝင်တိုက်မိလေသလားလို ကိုယ့်ကိုကိုယ်မေးခွန်းပြန်ထုတ်ရတဲ့ အ ရသနေ့စွဲများ -ဆန်စေ့လုံး -“မိုးဦးဝဿန်ချီ”

ပြန်မဆုံ နိုင်ရင်တော့ အဝေးဆုံးပေါ့ ..... ..အချစ်ရယ် မင်း ကိုယ့်ကို မလိုချင် တာလည်း ကိုယ် မငြိုငြင်ဘူး။ မင်း ကိုယ့် ကြောင့် စိတ်အနောက်ရှက် ဖြစ်မှာကိုလည်း မလိုချင်ဘူး။ ဝေးရအုံးပေါ့ .. ဝေးနေ ကြရအုံးပေါ့ . . ချစ်ရယ်... ခတ္တာ...

မိန်းမလှလေးတွေ အကြင်နာကင်းခြင်းဟာ ငါတို့ လျှာပေါ်မှာ အရက်ကို ချိုစေခဲ့တယ် မဟုတ်လား ။ ▪️အောင်ခင်မြင့်

ငါတို့ဝေးသွားခဲ့ပြီလို့ တွေးမိတဲ့အခါတိုင်း နီးစပ်ခဲ့လို့လားဆိုတဲ့ မေးခွန်းတွေက ငါ့ကို ကျိုးကြေစေတယ် ငါပေးခွင့်မရတော့တဲ့ ချစ်ခြင်းမေတ္တာမျိုး မင်းအလိုရှိတဲ့သူဆီက ရပါစေ ။ -တာရာမင်းဝေ

" မာနတွေ ခဝါချ ရွာကျောင်းက ဆရာမ " မြို့ပြရဲ့အနံကြီးကွင်းကျယ်မှုတွေကို ကျောခိုင်း ဒီဇိုင်းအဆန်းတွေကို အေးအေးဆေးဆေး ခေါက်သိမ်းလို့ ခြေတစ်လှမ်းပြင်လိုက်တာနဲ့ ရွှံ့ဗွက်တွေကြား ကျွန်မဆိုတဲ့ ဆရာမကြီးရဲ့ အလှတရားကတော့ တောရွာလမ်းမှာ လင်းလို့ထင်းလို့ပါပဲ။ ​High heels တွေအစား အဖြူရောင် ဖိနပ်ပါး Make-up ဆိုင် မလိုဘူး ချွေးစက်ကလေးတွေ အလိုက်သင့်လေး ပွင့်ပေးနေတာများ နေ့တိုင်း Glow skin ပဲ ။ "ဆရာမ… မိုးရွာရင် ကျောင်းမိုးယိုတယ်" ဆိုတဲ့ သတင်းကောင်း ။ ရွယ်တူ သူငယ်ချင်းမတွေ ဆယ်ဖီဆွဲ ပုံလှလှလေးတွေ တင်နေချိန် ကျွန်မကတော့ ဗူးတွေ ခွက်တွေ နဲ့ မိုးရေခံလို့ ကောင်းတုန်း။ ဒီမှာ Gucci တို့ Chanel တို့ ဆိုတာ စကားလုံးသက်သက်ပဲ ။ နှပ်ချေးတွဲလောင်းနဲ့ ကလေးတွေရဲ့ အပြုံးကလွဲလို့ ကျန်တာ အပိုပဲပေါ့ရှင် ။ မြို့ကြီးပြကြီးမှာ ပန်းဆိုင်ကြီးတွေက စည်းထားတဲ့ ဟိုက်ဒရင်ဂျာ ပန်းစည်းကြီးတွေကို မြို့ကကောင်မလေးတွေ စနက်ပ်ရိုက် တင်နေချိန်မှာ ကျွန်မ စားပွဲပေါ်မှာတော့ ကျောင်းဆင်းချိန် သားသမီးတွေ သီပေးတဲ့ ခရေပန်းကုံး ကျွတ်ကျွတ်အိတ်နဲ့ သေချာထုပ်ပြီး ပေးလိုက်တဲ့ စံပယ်ဖြူဖြူလေးတွေနဲ့ ကန်စွန်းရိုးနီ တစ်ပွေ့တစ်ပိုက်စာ​တွေ စုံလို့ပေါ့ ။ ဒါတွေဟာ အဆင့်မြင့်လှပါတယ် ဆိုတဲ့ အချစ်သင်္ကေတ ပန်းစည်းကြီးတွေထက် ပိုပြီး မက်မောဖွယ် အဓိပ္ပာယ်ရှိနေတာပါပဲ။ Tiktok ပေါ်မှာ ကြည့်​လိုက်ရင် Fine Dining တွေ Luxury Vibe တွေ နဲ့ ။ ရွာကျောင်းကဆရာမရဲ့လက်တွေ့ဘဝမှာတော့ လယ်ပတူတွေကြားက ရလာတဲ့ ကွင်းငါး ရေ ချိုဆီပြန် ချဉ်စပ်ဟင်းတစ်ခွက် ရွာချက် ချက်လိုက်ရင်​ဖြင့် ​ Food Blogger တွေ လာကြည့်ပြီး သားရေယိုသွားလောက်မယ် ဒါ ကျွန်မရဲ့ ထိပ်တန်း Favorite ပဲ။ တစ်ခါတလေ လယ်ကွင်းထဲက ရလာတဲ့ အမွေးစုတ်ဖွား လယ်ကြွက်ကြီးတွေ ကို မသက်မညှာ ယူလာပေးရင် "အမလေး…" ဆိုပြီး ရင်တုန်ပန်းတုန် အော်ရတာ အမော။ ဒါပေမဲ့ ဘာပြောပြော… ကျောင်းသားမိခင်တွေက ဂျင်း၊ ကြက်သွန်၊ စပါးလင်နဲ့ မွှေးနေအောင် ကြွပ်ကြွပ်ကြော်ပေးတော့လည်း ကြောက်တာတွေ ဘယ်ပျောက်သွားမှန်းမသိ။ နတ်သုဒ္ဓါလို သုံးဆောင်လိုက်ရတာ ခေါင်းတောင် မဖော်နိုင်တော့ဘူး။ ​ရွာကျောင်းကျ ဆရာမလေးဆိုတော့ ရွာ ကာလသားတွေရဲ့ ပစ်မှတ်ပေါ့။ မနက်ဆို ကျောင်းရှေ့မှာ ဟိုလျှောက်သည်လျှောက် အယောင်ပြရတာက တစ်မျိုး ။ ခေါင်းပေါင်းလေးစောင်း ဘက်ဂျက်ဆိုင်ကယ်ကို အသံမြည်အောင် မောင်းပြရင်း စတိုင် ထုတ်ကြတာက တစ်ဖုံ ဒီဇိုင်း အစုံနဲ့ပါပဲ ။ ရွာထဲက ရှေ့မီနောက်မီ လူပျိုသိုးကြီးတွေ။ ဆရာမနဲ့မှ ကျွတ်ချင်တာတဲ့ ။ ကိုင်း.. မခက်ပေဘူးလား ။ ​မီးဖိုချောင်မှာ အိုးခွက် နည်းနည်း ။ အင်္ကျီဗီဒိုထဲမှာ အဝတ်အစား နည်းနည်း ။ အပိုဆာဒါး မရှိတဲ့ ဒီ ဘဝလေးမှာ ရွှံ့ဗွက်တွေကြားထဲက စတိုင်ကျကျ ပွင့်လန်းနေတဲ့ စိမ်းပြာရောင် ပန်းတစ်ပွင့်မို့ မာနတွေ ခဝါချ ပီတီတွေပဲ အရယူ မငြူစူနိုင် ကလေးဗိုလ် ကျွန်မ ရွာကျောင်းက ဆရာမ ပါပဲလေ ။ -နေရည်မင်းလွင်

🌙 𝓗𝓪𝓹𝓹𝔂 𝓑𝓲𝓻𝓽𝓱𝓭𝓪𝔂 🌙 July 30 တစ်ခါတလေတော့ ဘဝရဲ့အလှတရားက သေးငယ်တဲ့အရာလေးတွေမှာ ရှိနေတတ်တယ်… ☁️ မင်းရဲ့အပြုံးလေးတွေ၊ မင်းရဲ့ကြင်နာမှုလေးတွေ၊ မင်းရဲ့အချိန်လေးတွေက မင်းအတွက်ရော၊ မင်းနဲ့အတူရှိတဲ့သူတွေအတွက်ပါ တန်ဖိုးအရှိဆုံးပဲ… 🌷 ဒီမွေးနေ့ကစပြီး မင်းရဲ့ဘဝထဲကို အလင်းတွေနဲ့အပြုံးတွေ အများကြီးဝင်လာပါစေ… ✨ ငြိမ်းချမ်းပါစေ၊ ပျော်ရွှင်ပါစေ၊ ချစ်ခြင်းတရားတွေနဲ့ ပြည့်နေပါစေ… 💫 #soemoe #happybirthday #laboratory_of_feeling_poem 𝔸𝕣𝕥𝕚𝕤𝕥𝕚𝕔 𝔸𝕟𝕥𝕙𝕠𝕝𝕠𝕘𝕪

ဩဇာ စကြာဝဠာရဲ့ မသေချာခြင်းတွေကြား မင်းဟ တိကျတဲ့ ဒဿနတစ်ခု မင်းစကားသံမပါတဲ့ ခဏတိုင်းမှာ ငါ့ကမ္ဘာ့ဟာ ကာရန်တွေ ပျောက်ရှတယ် အချစ်ဆိုတာ မင်းရဲ့အလင်းစက်ဝန်းထဲမှာပဲ ငါ့အတ္တတွေ ငြိမ်းချမ်းသွားတာမျိုး ။ -ညိုပြာရီ

သံယောဇဉ်တွေ ချစ်ခြင်းမေတ္တာတွေဆိုတာ အတ္တဖက်လို့မရဘူးဆိုတာ သိစေချင်လိုက်တာ......II ငါကတော့ ဒါမျိုးမှာဖြစ်စေချင်တာ ကွ ဒါကတော့ ဒီလိုဖြစ်ရမှာ ကွ လုပ်လို့မရဘူး တဖက်လူရဲ့ အခြေအနေကိုလည်းကြည့်ရမယ် တဖက်လူရဲ့ စိတ်ဆန္ဒကိုလည်းမေးရအုံးမယ် လေ ...II သံယောဇဉ်တွေ ဘာကြောင့်ပျက်တောက်သွားရသလဲ....?သိလား ချစ်ခြင်းမေတ္တာတွေ ဘာကြောင့်ပျက်စီးရသလဲ...?သိလား အတ္တဖက်လို့ နောက်တနည်းပြောရရင် လိုချင်လောဘကြီးလို့.....II - သက်နောင် (စစ်ကိုင်း)

အသက်အရွယ်တခုသာရောက် လာတယ် ယနေ့ချိန်ထိ ကျွန်တော်ဟာ အချစ်နွံထဲမှာနစ်နေတုန်းဗျ အပြုံး အရယ်နဲ့ ခေါ်သံလေးကအစ ကြားယောင်မိနေတုန်း -ငွေ‌ဇင်ယော်

အသက်တမျှ ငါတို့ ပြန်မဆုံနိုင်တော့ရုံပါပဲ မင်းလဲ တခြားကမ္ဘာဆီ ထွက်မပြေးနိုင် ငါလဲ ဒီကမ္ဘာပေါ်ကနေ ခုန်မချနိုင်။ -ကေဇဝင်း

ဒီတခါဝေးပြီးဆိုရင် ငါတို့ဆက်မဆုံဖြစ်တော့ဘူး အိမ်မက်တွေက လက်တွေကျ မဆန်းပါဘူးယောက်ဖရာ။ ငါတို့ဟာ ပျိုထားတဲပန်းကို အလွယ်တကူ မခူးတက်ဘူး မတော်မဆလက်ထိလိုက်တဲ့ အခါလက်ဆိပ်တက်သွားမှာ စိုးလို့ပါ။ မေတ္တာတွေ ပေးနိုင်လို့ ငါဘက်မပါဘူးယောက်ဖ။ အသပြာရေးလောင်းမှ ပွင့်တဲ့ပန်မျိုးကွ။   -SATE TA

​" ခွာညိုတွေဟာ နွယ်ယှက်ပွင့်ဖြာနေတုန်းပဲ မောင် " ဆံပင်တွေ ပခုံးပေါ်အထိ ဖရိုဖရဲ ရှည်ကျလို့ နှုတ်ခမ်းမွေး မုတ်ဆိတ်မွေးတွေကြား မောင့်မျက်နှာလေးဟာ ညှင်းသိုးသိုး။ ​တစ်ချိန်က ကျွန်မ ပွတ်သပ်ပေးခဲ့ဖူးတဲ့ မောင့်ရဲ့ သပ်သပ်ရပ်ရပ် လှပမှုတွေ ဘယ်အရပ်မှာ ပျောက်ရှကျန်ခဲ့သလဲ။ ​မောင် ဂုဏ်ယူစွာ ရွေးချယ်ခဲ့တဲ့ ဟိုကလေးမကရော မောင့်ကို ဒီအတိုင်းပဲ လွှတ်ထားသလား။ Drinking time တွေဆို လျှော့သောက်ဖို့ သူ မတားဘူးလား... မောင်။ ​စပ်လွန်းတဲ့ ဟင်းခွက်တွေကို ကြည့်ပြီး မောင့် အစာအိမ်အတွက် ပူပန်ပေးတာမျိုး ။ နေပူထဲ မထွက်ခင် ဦးထုပ်ဆောင်းဖို့ အမောတကော မှာတာမျိုး ။ ညဉ့်နက်တဲ့အထိ ဖုန်းကြည့်ရင် မျက်လုံးတွေ ညောင်းမယ်ဆိုပြီး ဆူပူတာမျိုး။ အဝတ်အစား ခပ်ပါးပါးနဲ့ အပြင်ထွက်ရင် အေးလိမ့်မယ်ဆိုပြီး သတိပေးတာမျိုး ။ မောင် နေမကောင်းလို့ ဆေးသောက်ချိန်တန်ရင် မမေ့မလျော့ ဂရုစိုက်ပေးတတ်တာမျိုး ။ ​အဲဒီလို... အသေးအဖွဲလို့ ထင်ရတဲ့ ချစ်ခြင်း အပြည့် ဂရုစိုက်မှုတွေကိုရော မောင့်ရဲ့ ကလေးမဆီက မောင် ရဖူးရဲ့လား။ ​မောင့်ကို ကျွန်မ ဂရုစိုက်ခွင့် မရှိတော့ပေမဲ့ မောင် ချစ်ရတဲ့သူဆီကတော့ ဂရုစိုက်မှု အရိပ်အယောင်လေးတွေ မြင်ချင်ပါသေးတယ် ။ ဒါဟာ ဖြူစင်ရဲ့ မေတ္တာပါ မောင် ဒါဟာ အတ္တကင်းတဲ့ ရက်ရောမှုပါ မောင် ။ -နေရည်မင်းလွင်

ငါနားလည်ပါတယ် မဖြည့်နိုင်တဲ့ ပျော်ရွှင်ခြင်းတွေ မပေးနိုင်တဲ့ မျှော်လင့်ချက်တွေ ငှက်ကလေးရေ ထိုအသိုက်အမြုံမှာသာ ပျော်နေလိုက်ပါတော့။ -ဆန်စေ့လုံး

အမှတ်မရှိတဲ့အသည်းကိို ငါပြန်ကြည်ခဲ့တယ်။ ရစရာမရှိတဲ့ လှောင်အိမ်ဖျက် ခန်းလေးတစ်ခုပေါ့။ ​အချစ်ဆိုတာ ပေးဆပ်ဖို့ကံ ပါလာရင်ငါတို့တွေဟာ ဒဏ်ရာတွေနဲ့အမြဲတမ်း တွေဆုံမေးမြန်းခန်းတစ်ခုပေါ့။     -SATE TA