Амирқул Пўлкан
Ir al canal en Telegram
Севги – қуёш, деди шоирлар, Севги – қўз ёш, деди шоирлар. Севги – ҳавас, деди шоирлар, Севги – қафас, деди шоирлар. Севги – ёлғон, деди шоирлар, Севги – бўлган деди, шоирлар. Амирқул Пўлкан
Mostrar más666
Suscriptores
-124 horas
-87 días
-2230 días
Carga de datos en curso...
Canales Similares
Sin datos
¿Algún problema? Por favor, actualice la página o contacte a nuestro gerente de soporte.
Nube de Etiquetas
Sin datos
¿Algún problema? Por favor, actualice la página o contacte a nuestro gerente de soporte.
Menciones Entrantes y Salientes
---
---
---
---
---
---
Atraer Suscriptores
octubre '26oct '26
octubre '260
en 0 canales
septiembre '26
+4
en 0 canales
Get PRO
agosto '260
en 0 canales
Get PRO
julio '26
+3
en 0 canales
Get PRO
junio '26
+2
en 0 canales
Get PRO
mayo '26
+5
en 0 canales
Get PRO
abril '26
+5
en 2 canales
Get PRO
marzo '26
+9
en 1 canales
Get PRO
febrero '26
+8
en 1 canales
Get PRO
enero '26
+9
en 2 canales
Get PRO
diciembre '25
+4
en 1 canales
Get PRO
noviembre '25
+5
en 0 canales
Get PRO
octubre '25
+6
en 1 canales
Get PRO
septiembre '25
+7
en 2 canales
Get PRO
agosto '25
+3
en 1 canales
Get PRO
julio '25
+2
en 1 canales
Get PRO
junio '25
+8
en 1 canales
Get PRO
mayo '25
+3
en 2 canales
Get PRO
abril '25
+86
en 10 canales
Get PRO
marzo '25
+2 902
en 17 canales
Get PRO
febrero '250
en 13 canales
Get PRO
enero '25
+5
en 188 canales
| Fecha | Crecimiento de Suscriptores | Menciones | Canales | |
| 08 octubre | 0 | |||
| 07 octubre | 0 | |||
| 06 octubre | 0 | |||
| 05 octubre | 0 | |||
| 04 octubre | 0 | |||
| 03 octubre | 0 | |||
| 02 octubre | 0 | |||
| 01 octubre | 0 |
Publicaciones del Canal
* * *
Жилғаларнинг суви бир бўлиб,
Гувиллайди тинимсиз дара.
Тоғ ўйлайди пастга термулиб,
“Мен буюкман сойлардан кўра!”
Тоғ сукутни мангуга асраб,
Эшитмайди шовқинни сира.
Сой ўйлайди чўққига қараб:
“Мен буюкман тоғлардан кўра!”
1968
Амирқул Пўлкан
Шеър ҳақида ўз фикрингизни ёзиб кетинг. Бу биз учун жудаям муҳим.
Telegram | Facebook |YouTube
| 2 | * * *
Кўзларим пирпираб,
Қовоғим учиб,
Ўйчан борар эдим ташлаб кўз қирим.
Сўнгги ўриндиқда бир-бирин қучиб,
Тинглаб борар эди улар бир-бирин.
Эшитиб бўлмасди улар сўзини,
Йигитча қалбидан ёниб сўйларди.
Қиз ҳам йигитга тикиб кўзини,
Балки ўйлар эди,
Балки куйларди...
Трамвай из билан имиллаб борар,
Гоҳида бекатда “уҳ” тортар хаста.
Кимлардир вагонга ҳовлиқиб кирар,
Кимдир тушиб кетар шалвираб аста.
Юрагим ақлимдан бир савол сўрар,
Хаёллар бошимни чулғаб олади.
Билмайман:
Йигитча қайгача борар?
Билмайман:
Қиз қайда тушиб қолади?!
Амирқул Пўлкан
Шеър ҳақида ўз фикрингизни ёзиб кетинг. Бу биз учун жудаям муҳим.
Telegram | Facebook |YouTube | 91 |
| 3 | * * *
Шамчироғим, ўчиб қолма, шамол-эй!
Тонг отмасдан ўчсанг қандай ёмон-эй!
Тун қўйнида қолдирма сен ҳеч кимни,
Нур кўрмаса, каминанг ҳам тамом-эй!
Шамчироғим, ўчиб қолма, шамол-эй!
Мен шамолни тўсай дейман, тинмас у,
Бир балодир, алдовга ҳам кўнмас у.
Ўзи ўтдир, ўзи сувдир омонсиз,
Лекин сенинг яллиғингдан ёнмас у,
Мен шамолни тўсай дейман, тинмас у.
Шамчироғим, ўчирмасман сени мен,
Бахт қушимсан, қочирмасдан сени мен.
Сен ўчгунча ўзим ўчгум шамолда,
Агар ўчсанг, кечирмасман сени мен,
Шамчироғим, ўчирмасман сени мен!..
1976
Амирқул Пўлкан
Шеър ҳақида ўз фикрингизни ёзиб кетинг. Бу биз учун жудаям муҳим.
Telegram | Facebook |YouTube | 90 |
| 4 | 2025 йил ўтказилган “Амирқул Пўлкан ижодидан” видеороликлар танлови ғолиблари рўйхати | 95 |
| 5 | Эсингизда бўлса, 2025 йил 29 январ куни соат 15:00да Ёзувчилар уюшмасида шоир Амирқул Пўлканнинг "Ижод Нашр" нашриётида чоп этилган "Сен ойдай узоқсан, малагим" китоби тақдимоти ва шоир ижоди бўйича ўтказилган танлов ғолибларини тақдирлаш маросими бўлиб ўтган эди. Ушбу тадбир сценарийсини ушбу каналга жойлаб қўйишни лозим топдик. | 88 |
| 6 | * * *
Чексиз уфқларни қучмоқ истайман,
Юлдузларга етса дейман оёғим.
Узоқ-узоқларга учмоқ истайман,
Қушлар парвозини кузатган чоғим.
Денгизлар қаърига шўнғигим келар,
Танимай қоламан ўзимни ўзим.
Бағрим ҳам ажиб бир қўшиққа тўлар,
Улкан кемаларга тушганда кўзим.
Гоҳида хирмонлар бўйнини кўриб,
Бир шошқин руҳимни чулғар ҳаяжон.
Бир нафас кўнглимга ихтиёр бериб,
От сурмоқ истайман далалар томон.
Боғларда ёр билан кезганим чоғи,
Қувончдан осмонга етганда бошим.
Биламан, бу бахтининг бордир адоғи,
Абадий эмасдир йигитлик ёшим.
Лекин мен уфқни қучмоқ истайман
Ва токи юрмайин дейман ўкиниб.
Ҳаётни қонганча ичмоқ истайман,
Ҳаётим, сув каби кетма тўкилиб!..
1972
Амирқул Пўлкан
Шеър ҳақида ўз фикрингизни ёзиб кетинг. Бу биз учун жудаям муҳим.
Telegram | Facebook |YouTube | 168 |
| 7 | * * *
Ногаҳонда элитса уйқу,
Гар ҳушимни чулғаса руё,
Зарб бермаса қалбимда ғулу,
Мен орзудан воз кечгум, Дунё!
Оғир йўлда ҳорисам, толсам,
Толе излаб борганим асно,
Бир гирдобда айланиб қолсам,
Асло мени қўллама, Дунё!
Мақсадимга етмаса қўлим,
Пок кўнгилни қилсам сим-сиёҳ,
Қаро бўлсин менинг бахт йўлим,
Ғазабингга дучорман, Дунё!
Ҳисларимни кўмса гар қиров,
Шамол каби изсиз кетсам ё,
Лоқайд дея атаса биров,
Мен ҳам сени тарк этгум, Дунё!
1973
Амирқул Пўлкан
Шеър ҳақида ўз фикрингизни ёзиб кетинг. Бу биз учун жудаям муҳим.
Telegram | Facebook |YouTube | 147 |
| 8 | ***
Эзгулик абадий куйланар,
Тиллардан тушмайди бир нафас.
Йиллар ғилдираги айланар,
Ҳаётим йилларга ҳамнафас.
Йиллар ғилдираги айланар,
Шошади умримни қисқартиб.
Ўйларим учмоққа шайланар,
Ўйларим юлдуздек бетартиб.
Йиллар ҳам тинмайди, тинмайман,
Тинимсиз оширар ёшимни.
Кўнмайман, ҳеч бунга кўнмайман,
Йилларга эгмайман бошимни!
1969
Амирқул Пўлкан | 153 |
| 9 |  Sin texto... | 159 |
| 10 | * * *
Юрагимда исёнкор орзу,
Шошиламан манзилга томон.
Ойлаб, йиллаб бетин юрдиму
Етолмадим, йўлдаман ҳамон.
...Кўксин очиб чорлади само,
Юлдузларга етурман албат.
Умримнинг ҳам чеки бор, аммо
Йўллар сўнгсиз, йўллар беадад.
1966
Шеър ҳақида ўз фикрингизни ёзиб кетинг. Бу биз учун жудаям муҳим.
Telegram | Facebook |YouTube | 151 |
| 11 | * * *
Паноҳим шу Қуёш ва шу Ер –
Иккиси бир кунда туғилган.
Иккиси мангудир, ёши тенг,
Бириси бирига йўғрилган.
Мен Қуёш ортидан қуваман,
Ёритар синиққан тарзимни.
Заминим, сени ҳам севаман,
Узмоқчи бўламан қаризимни.
Руҳимда турфа хил туйғу жам,
Тайёрман қарзимни бермоққа.
Гар сени бошимда кўтарсам,
Жой топа олмайман юрмоққа!
Заминим, кечиргил, мени сен,
Кўтаргум, лекин йўқ иложим.
Қуёшим, сен жуда буюксан,
Қучмоққа етмайди қулочим!..
1967
Амирқул Пўлкан
Шеър ҳақида ўз фикрингизни ёзиб кетинг. Бу биз учун жудаям муҳим.
Telegram | Facebook |YouTube | 119 |
| 12 | * * *
Билмадим балки умрим,
Сўқмоқдек қисқа бўлар...
Биламан, бу дунёда
Ҳеч нарса мангу қолмас!
Аммо ишқимиз яшар,
Шунга ишонгим келар...
Сени мендан ҳаёт ҳам,
Ўлим ҳам ажратолмас!..
1974
Амирқул Пўлкан
Шеър ҳақида ўз фикрингизни ёзиб кетинг. Бу биз учун жудаям муҳим.
Telegram | Facebook |YouTube | 332 |
| 13 | * * *
Осмонда бир бургут учиб юрибди,
Қанотин силкитар мағрур ва масрур.
Эҳ, унинг кўзлари ёниб турибди,
Оташ нигоҳида қатъий бир ғурур.
Боқаман, ҳожат йўқ шарҳ учун сўзга,
Кор қилмас кўнглимга ҳеч қандай ўгит.
Биламан, у мени имлайди кўзга,
Фақат юксакликни тан олур бургут.
Ердаги ҳаёт ҳам эмасдир тахир,
Юксаклик мени ҳам чорлар ҳар нафас.
Эй бургут, қанотим йўқ менинг ахир,
Менга ҳам учмоқлик буюк бир ҳавас!..
1973
Амирқул Пўлкан
Шеър ҳақида ўз фикрингизни ёзиб кетинг. Бу биз учун жудаям муҳим.
Telegram | Facebook |YouTube | 144 |
| 14 | * * *
Туғёнли денгизни эслайман,
Мен унда кўраман салобат.
Денгиздек бўлмоқни истайман,
Гоҳида қўмсайман ҳаловат.
Ўйларим оқади йироққа,
Тўлқиндек исёнга у шайдир.
Тутаман ўзимни сўроққа:
– Наҳотки, қалбимга ўхшайди?
Тунларни қуваман изма-из,
Уйғоқман, қочади уйқулар.
Кўксимда ҳокимдир тошқин ҳис,
Фикримни чулғайди туйғулар.
Қўним ҳам билмайди, тинмас ҳеч,
Туйғулар ишқ бўлиб порлайди.
Сукутга, оромга кўнмас ҳеч,
Тўлқиндек жўшмоққа ундайди.
1973
Амирқул Пўлкан
Шеър ҳақида ўз фикрингизни ёзиб кетинг. Бу биз учун жудаям муҳим.
Telegram | Facebook |YouTube | 161 |
| 15 | * * *
Ёғдуларга яқиндир одам,
Ёғдулардан узоқмас кўлка.
Беватанга зулматдир олам,
Юртлиларга – қуёшдир ўлка.
Боболарим меҳрини тўккан,
Мен кезган ер бағрида зиё...
Ўзбекистон – мен учун Ватан,
Ватанимдан бошланур дунё.
1969
Амирқул Пўлкан
Шеър ҳақида ўз фикрингизни ёзиб кетинг. Бу биз учун жудаям муҳим.
Telegram | Facebook |YouTube | 341 |
| 16 | ***
Аҳволимга, онам, йиғлама,
Боланг учун куйинма, отам.
Қариганда қалбим тиғлама
Қайғурмоқ ҳам ўзи бир мотам...
Қалам олдим қўлимга бу кун,
Юрагимни очаман узр...
Бошим узра булутранг тутун,
Бошим узра ўзгача ҳузур.
Тарк айламиш кўксимни илҳом,
Неча кундир юрагим пора.
Кўнглим каби беқунтдир оқшом,
Мен кўнглимга излайман чора.
Ташвишларни унутиб бутун,
Шу ўй билан танҳо қолганман.
Аламимни унутмоқ учун,
Бироз май ҳам ичиб олганман.
Ёзмоқдаман, қўлимда титроқ,
Юрагимни айлаб таржима.
Тинчлангани қўймайди бироқ
Ҳаяжонга ўхшаш бир нима
Ўша хаёл, ўша изтироб,
Хотирамни бир-бир титади.
Яна, яна истайман шароб,
Фикрларим эриб кетади.
Иродамга бўйсинмас ўйлар,
Калимага айланмас тилим.
Фақат бу дам қаламим сўйлар,
Фақат ўша билмайди тиним.
Куйлаганим – ёшлик ва баҳор,
Ютоққандек шеърга киради.
Кимларнидир эслайман ночор,
Нималардир ўйлантиради...
Аҳволимга, онам, йиғлама,
Боланг учун куйинма, отам.
Қариганда қалбни тиғлама,
Қайғурмоқ ҳам ўзи бир мотам.
1968
Амирқул Пўлкан
Шеър ҳақида ўз фикрингизни ёзиб кетинг. Бу биз учун жудаям муҳим.
Telegram | Facebook |YouTube | 131 |
| 17 | * * *
Хаёлларим қистов қилар, ўйларимнинг чеки йўқ,
Мен янгратиб чертажакман замонамнинг машқини.
Орзуларим сеҳрлидир, қанотига тегмас ўқ,
Киприкларни қовуштирмас туғёнларнинг тошқини.
Ахир ёшман, истакларим юрагимга сиғмайди,
Етти қават осмон узра сайр этаман пайдар-пай.
Қаердадир – ё алҳазар, кимдир ҳўнграб йиғлайди,
Қаердадир – шодлигидан кимдир ёниб ичар май.
Ахир ёшман, хаёлларим олиб қочар кўп йироқ,
Аммоки бор ҳақиқатлар тўлишади кўзимга.
Ҳақиқатни мен жон қадар севаману оҳ, бироқ
Кимдир сира қўшилмайди менинг тўғри сўзимга.
Ана, ўша разил одам, мудом боқиб илжаяр,
Қўлидаги бомбасини сиқиб қўяр гоҳида.
Мен биламан, у бировнинг кулбасига ўт қўяр,
Асло қулоқ тутмагай у ғарибларнинг оҳига.
Ана, биров Жазоирда қутирмоқда шу соат,
Ана, биров Афғонда симирмоқда қонни ҳам.
Аммо унинг қўлларида бўғилмайди саодат,
Унинг ожиз кафтларида чайқалмайди бу олам!..
Ана, биров яйдоқ чўлда экин экиб тинмайди,
У – асримнинг қаҳрамони, у қартаймас, у ёшдир.
У ҳаётки, башарият қуёши ҳеч сўнмайди,
У мангулик тонгларини ёритгувчи қуёшдир.
Шул сабабдан дунё унга умид билан қарайди,
Еру кўкка жило берар унинг меҳру сайқали.
Қутлуғ номин то сўнгги дам юракларда асрайди,
Юракларда қад кўтармиш у инсонинг ҳайкали.
1973
Амирқул Пўлкан
Шеър ҳақида ўз фикрингизни ёзиб кетинг. Бу биз учун жудаям муҳим.
Telegram | Facebook |YouTube | 127 |
| 18 |  * * *
Бошим узра юлдузлар ёнар,
Пойим узра муқаддас тупроқ.
Хаёлларим талоши сўнар,
Фикрим чулғар ўрнини бироқ.
Эҳтирос-ла боқаман ёниб,
Тўқилади осмондан шуъла...
Балки мен ҳам тонгда уйғониб,
Тўқирман бир гулгун ашула.
Ёғдуларга ташнаман ҳамон,
Юрагимда денгиз мавжи бор.
Нигоҳимдан қочолмас туман,
Ёвузлик ҳам бўлади ошкор.
Мен инсонман – ерга хўжайин,
Қўлимдадир қуёш тизгини.
Яшнатаман соатлар сайин,
Порлатаман уни ҳар куни.
Ер ва сени назмимга солгум,
Измимдадир бу кунги ҳаёт.
Кел, шеъримни бағримга олгин,
Кел, кўксимга киргил коинот...
1966
Амирқул Пўлкан
Шеър ҳақида ўз фикрингизни ёзиб кетинг. Бу биз учун жудаям муҳим.
Telegram | Facebook |YouTube | 171 |
| 19 | * * *
Толе ахтармадим, чирой ахтармадим,
Шуҳрат ахтармадим йўллардан.
Юлдуз ахтармадим ё ой ахтармадим,
Кезмадим самовий чўлларда...
Севги ахтармадим, сеҳр ахтармадим,
Ҳаммаси узвийдир қонимда.
Вафо ахтармадим, меҳр ахтармадим,
Ахтарганим менинг ёнимда...
1968
Амирқул Пўлкан
Шеър ҳақида ўз фикрингизни ёзиб кетинг. Бу биз учун жудаям муҳим.
Telegram | Facebook |YouTube | 190 |
| 20 | * * *
Сен мени афв этдинг, кўз нурим,
Яна солдинг қалбимга учқун.
Эвазига бердим бор умрим,
Кечирилган гуноҳим учун...
Букун ғамда ўзни ёқаман,
Ҳисларимга етмайди кучим.
Энди фақат азоб чекаман,
Кечирилган гуноҳим учун.
1968
Амирқул Пўлкан
Шеър ҳақида ўз фикрингизни ёзиб кетинг. Бу биз учун жудаям муҳим.
Telegram | Facebook |YouTube | 171 |
